ᱜᱭᱟᱱᱩ ᱨᱟᱬᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱜᱭᱟᱬᱩ ᱨᱟᱬᱟ
Gyanu Rana.jpg
ᱜᱭᱟᱬᱩ ᱨᱟᱬᱟ
ᱵᱤᱵᱚᱨᱚᱱ
ᱡᱟᱱᱟᱢ ᱚᱠᱴᱚᱵᱚᱨ ᱓, ᱑᱙᱔᱙ (1949-10-03) (᱗᱐ ᱥᱮᱨᱢᱟ)
Thamel, Kathmandu
ᱡᱮᱱᱨᱮᱥ Modern, Folk
ᱚᱠᱩᱯᱮᱥᱚᱱ Singer
ᱵᱟᱡᱽᱱᱟ Nepali, Western

ᱜᱭᱟᱱᱩ ᱨᱟᱬᱟ (Nepali: ज्ञानु राणा,ᱡᱟᱱᱟᱢ ᱓ ᱚᱠᱴᱳᱵᱚᱨ , ᱑᱙᱔᱙) ᱫᱚ ᱱᱮᱯᱟᱞ ᱨᱤᱱᱤᱡ ᱧᱩᱛᱩᱢᱟᱱ ᱱᱟᱦᱟᱜ ᱯᱚᱯ ᱥᱮᱨᱮᱧᱤᱭᱟᱹ, ᱦᱚᱲ ᱥᱮᱨᱮᱧᱤᱭᱟᱹ, ᱟᱨ ᱨᱤᱭᱚᱞᱤᱴ ᱥᱳ ᱢᱮᱞᱟᱝᱠᱤ ᱡᱚᱡ ᱠᱟᱱᱟᱭ ᱾ ᱟᱡ " ᱥᱤᱨᱤ ᱢᱟ ᱥᱤᱨᱤ" "ᱢᱟᱱᱪᱮ ᱠᱳ ᱢᱟᱭᱟ ᱭᱚᱦᱟ" ᱮᱢᱟᱱ ᱥᱮᱨᱮᱧ ᱱᱮᱯᱟᱞ ᱨᱤᱱᱤᱡ ᱧᱩᱛᱩᱢᱟᱱ ᱥᱮᱨᱮᱧᱤᱭᱟᱹ ᱱᱟᱨᱟᱭᱚᱬ ᱜᱳᱯᱟᱞ ᱥᱟᱞᱟᱜ ᱮ ᱥᱥᱮᱨᱮᱧ ᱟᱠᱟᱫᱼᱟ [᱑]

ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱭᱟᱱᱩ ᱨᱟᱬᱟ ᱟᱡ ᱵᱟᱵᱟ ᱧᱩᱛᱩᱢ ᱫᱚ ᱡᱚᱱ ᱠᱚᱵᱤ ᱠᱮᱥᱚᱨᱤ ᱫᱷᱚᱨᱚᱢ ᱨᱟᱡᱽ ᱛᱦᱟᱯᱟ ᱟᱨ ᱟᱭᱳ ᱧᱩᱛᱩᱢ ᱫᱚ ᱥᱟᱵᱤᱛᱨᱤ ᱛᱷᱟᱯᱟ ᱾ ᱟᱡ ᱪᱮᱛᱟᱱ ᱛᱟᱱᱟᱞᱟ ᱑᱙᱗᱐ ᱥᱟᱞ ᱨᱮ ᱛᱨᱤᱵᱷᱩᱵᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮ ᱯᱟᱥ ᱠᱮᱫᱟ ᱾ ᱑᱙᱗᱗ ᱨᱮ ᱥᱤᱧᱚᱛ ᱨᱮᱱᱟᱜ ᱵᱟᱨᱳᱫᱟ ᱨᱮ ᱢᱮᱱᱟᱜ ᱮᱢ ᱮᱥ ᱭᱩᱱᱤᱵᱷᱚᱨᱥᱤᱴᱤ ᱨᱮᱱᱟᱜ ᱢᱭᱩᱡᱤᱠ ᱠᱚᱞᱮᱡ ᱠᱷᱚᱱ ᱥᱮᱨᱮᱧ ᱮ ᱪᱮᱫ ᱮᱱᱟ, ᱚᱱᱟ ᱛᱟᱭᱚᱢ ᱑᱙᱘᱒ ᱨᱮ ᱥᱤᱧᱚᱛ ᱨᱮᱱᱟᱜ ᱟᱞᱞᱦᱟᱵᱟᱫᱽ ᱨᱮ ᱢᱮᱱᱟᱜ ᱯᱨᱚᱭᱟᱜ ᱥᱚᱝᱜᱤᱛ ᱥᱚᱢᱤᱛᱤ ᱚᱯᱷ ᱟᱞᱞᱷᱟᱵᱟᱫᱽ ᱠᱷᱚᱱ ᱥᱤᱱᱤᱭᱚᱨ ᱞᱮᱵᱮᱞ ᱰᱤᱯᱞᱳᱢᱟ ᱯᱩᱭᱞᱩ ᱰᱤᱵᱷᱤᱡᱚᱱ ᱛᱮ ᱯᱟᱥ ᱠᱮᱫ ᱟᱭ ᱾

ᱜᱷᱟᱨᱚᱸᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱬᱟ ᱑᱙᱗᱐ ᱨᱮ ᱤᱱᱡᱤᱱᱤᱚᱨ ᱯᱨᱚᱠᱟᱥ ᱡᱚᱱ ᱨᱟᱬᱟ ᱥᱟᱞᱟᱜ ᱮ ᱵᱟᱯᱞᱟ ᱮᱱᱟ , ᱟᱡ ᱨᱤᱱ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾ ᱢᱤᱫᱴᱟᱹᱝ ᱟᱜ ᱧᱩᱴᱩᱢ ᱫᱚ ᱵᱤᱠᱟᱥ ᱡᱚᱱ ᱨᱟᱬᱟ ᱟᱨ ᱢᱤᱫᱴᱟᱹᱝ ᱟᱜ ᱧᱩᱛᱩᱢ ᱫᱚ ᱵᱤᱱᱚᱭ ᱡᱚᱱ ᱨᱟᱬᱟ ᱾ ᱵᱟᱱᱟᱨ ᱠᱚᱲᱟ ᱜᱤᱫᱽᱨᱟᱹ ᱠᱤᱱ ᱵᱟᱯᱞᱟ ᱟᱠᱟᱱᱟ ᱾ ᱨᱟᱬᱟᱭᱤᱡ ᱵᱟᱨᱭᱟ ᱜᱚᱲᱚᱢ ᱜᱤᱫᱽᱨᱟᱹ ᱦᱚᱸ ᱢᱮᱱᱟᱜ ᱠᱤᱱᱟ ᱵᱤᱱᱟᱭᱚᱠ ᱟᱨ ᱵᱤᱥᱟᱨᱚᱫ ᱾ ᱟᱫᱚ ᱪᱟᱹᱠᱨᱤ ᱠᱷᱚᱱ ᱡᱤᱨᱟᱹᱣ ᱚᱠᱛᱚ ᱨᱮ ᱩᱱᱠᱩ ᱜᱤᱫᱨᱟᱹ ᱥᱟᱶ ᱱᱟᱥᱮ ᱥᱮᱨᱮᱧ ᱟᱨ ᱱᱟᱥᱮ ᱫᱷᱚᱨᱚᱢ ᱠᱟᱹᱢᱤ ᱨᱮ ᱠᱷᱟᱱᱰᱟᱣ ᱮᱫᱟᱭ ᱾

ᱠᱟᱹᱢᱤᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱬᱟ ᱜᱤᱫᱨᱟᱹ ᱠᱷᱚᱱ ᱜᱮ ᱟᱡᱽ ᱵᱟᱵᱟ ᱞᱮᱠᱟ ᱱᱮᱯᱟᱞ ᱨᱮᱰᱤᱭᱳ ᱨᱮᱱᱟᱜ ᱟᱭᱢᱟ ᱥᱮᱨᱮᱧ ᱠᱟᱹᱢᱤ ᱦᱚᱨᱟ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱞᱮᱠᱟ ᱟᱡ ᱦᱚᱸ ᱦᱚᱲ ᱥᱮᱨᱮᱧ ᱨᱮ ᱯᱟᱹᱨᱩᱠᱷᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱚᱱᱟ ᱥᱟᱶ ᱟᱡ ᱱᱟᱦᱟᱜ ᱯᱚᱯ ᱥᱮᱨᱮᱧ ᱠᱚ ᱦᱚᱸᱭ ᱥᱮᱨᱮᱧ ᱞᱮᱫᱼᱟ ᱾ ᱱᱤᱛ ᱫᱷᱟᱹᱵᱤᱡ ᱛᱮ ᱟᱡ ᱒᱐᱐᱐ ᱠᱷᱚᱱ ᱵᱟᱹᱲᱛᱤ ᱱᱮᱯᱟᱞᱤ, ᱦᱤᱱᱫᱤ, ᱩᱨᱫᱩ ᱥᱟᱶ ᱵᱷᱳᱡᱯᱩᱨᱤ, ᱢᱮᱭᱛᱷᱤᱞᱤ, ᱱᱮᱯᱟᱞᱤ ᱛᱮ ᱥᱮᱨᱮᱧ ᱮ ᱨᱮᱠᱚᱨᱰ ᱟᱠᱟᱫ ᱛᱟᱭᱟ ᱾ ᱚᱱᱟ ᱥᱮᱨᱮᱧ ᱠᱚ ᱢᱩᱫᱽ ᱨᱮ ᱱᱟᱦᱟᱜ ᱡᱩᱜ ᱥᱮᱨᱮᱧ , ᱥᱟᱥᱛᱨᱤᱭᱚ ᱥᱮᱨᱮᱧ, ᱦᱚᱲ ᱥᱮᱨᱮᱧ, ᱵᱷᱚᱡᱚᱱ ᱟᱨ ᱜᱚᱡᱚᱞ ᱢᱮᱥᱟ ᱢᱮᱱᱟᱜᱼᱟ ᱾ ᱪᱟᱞᱟᱣ ᱮᱱ ᱔᱐ ᱥᱮᱨᱢᱟ ᱨᱮ ᱟᱡᱟᱜ ᱟᱭᱢᱟ ᱥᱮᱨᱮᱧ ᱠᱟᱹᱢᱤ ᱦᱚᱨᱟ ᱱᱮᱯᱟᱞ ᱨᱮᱱᱟᱜ ᱨᱮᱰᱤᱭᱳ , ᱮᱯᱷ ᱮᱢ ᱟᱨ ᱴᱤ. ᱵᱦᱤᱹ ᱨᱮ ᱥᱚᱫᱚᱨᱜ ᱟᱠᱟᱱ ᱛᱟᱦᱮᱸᱫ ᱾ ᱟᱡ ᱜᱮᱞ ᱜᱚᱴᱟᱝ ᱱᱮᱯᱟᱞᱤ ᱯᱷᱤᱞᱤᱢ ᱨᱮᱦᱚᱸᱭ ᱥᱮᱨᱮᱧ ᱟᱠᱟᱫᱟᱭ ᱾ ᱑᱙᱗᱐ ᱠᱷᱚᱱ ᱒᱐᱐ ᱫᱷᱟᱹᱵᱤᱡ ᱟᱡ ᱥᱚᱨᱠᱟᱨ-ᱟᱜ, ᱨᱚᱭᱟᱞ ᱱᱮᱯᱟᱞ ᱮᱠᱟᱰᱮᱢᱤ ᱨᱮ ᱥᱮᱨᱮᱧ ᱵᱟᱰᱚᱦᱤ ᱨᱮᱠᱟᱛᱮ ᱥᱮᱞᱮᱫ ᱠᱟᱛᱮ ᱟᱥᱤᱥᱴᱟᱱᱴ ᱰᱟᱭᱨᱮᱠᱴᱚᱨ ᱜᱮᱡᱮᱴᱮᱰ ᱞᱮᱠᱟᱛᱮ ᱪᱟᱹᱠᱨᱤ ᱠᱷᱚᱱ ᱮ ᱡᱤᱨᱟᱹᱣ ᱟᱠᱟᱱᱟ ᱾ ᱟᱡ ᱟᱡᱟᱜ ᱠᱟᱹᱢᱤ ᱵᱷᱩᱨ ᱨᱮ ᱵᱟᱝᱞᱟᱫᱮᱥ ᱨᱮᱱᱟᱜ ᱥᱟᱨᱠ ᱥᱚᱢᱤᱛ, ᱥᱤᱧᱚᱛ ᱪᱟᱭᱱᱟ, ᱵᱷᱩᱴᱟᱱ, ᱵᱟᱝᱞᱟᱰᱮᱥ, ᱛᱦᱟᱭᱞᱮᱱᱰ, ᱥᱤᱝᱜᱟᱯᱚᱨ, ᱭᱩ.ᱮᱥ.ᱮᱥ.ᱟᱨ, ᱥᱟᱣᱛᱷ ᱠᱳᱨᱤᱭᱟ ᱡᱟᱯᱟᱱ ᱮᱢᱟᱱ ᱠᱚᱨᱮᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱠᱚᱱᱥᱮᱨᱴ ᱨᱮ ᱟᱡᱟᱜ ᱦᱩᱱᱟᱹᱨ ᱮ ᱥᱚᱫᱚᱨ ᱟᱠᱟᱫᱼᱟ ᱾ ᱟᱡ ᱱᱮᱯᱟᱞᱤ ᱥᱟᱶ ᱦᱤᱱᱫᱤ ᱤᱝᱞᱤᱥ, ᱵᱮᱸᱜᱚᱞᱤ ᱨᱚᱲ ᱫᱟᱲᱮᱭᱟᱜᱼᱟᱭ ᱾

ᱥᱤᱨᱯᱷᱟᱹ ᱟᱨ ᱢᱟᱹᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱖᱕ ᱵᱤᱠᱨᱚᱢ ᱥᱚᱢᱵᱚᱛ ᱠᱷᱚᱱ ᱟᱡ ᱢᱟᱱ ᱞᱮᱠᱟᱛᱮ ᱥᱤᱞᱟ ᱯᱨᱚᱛᱤᱥᱴᱷᱟᱱ ᱨᱤᱱᱤᱡ ᱨᱟᱹᱥᱤᱭᱟᱹ ᱢᱮᱱᱟᱭᱟ ᱾ ᱒᱐᱔᱖ ᱵᱤᱠᱨᱚᱢ ᱥᱚᱢᱵᱚᱛ ᱠᱷᱚᱱ ᱜᱩᱨᱟᱥ ᱥᱟᱱᱥᱠᱨᱤᱛᱤᱠ ᱯᱚᱨᱤᱵᱟᱨ ᱟᱨ ᱒᱐᱕᱓ ᱵᱤᱠᱨᱚᱢ ᱥᱚᱢᱵᱚᱴ ᱠᱷᱚᱱ ᱱᱟᱨᱟᱭᱚᱬ ᱥᱚᱝᱜᱤᱛ ᱯᱨᱚᱛᱤᱥᱴᱷᱟᱱ ᱨᱤᱱᱤᱡ ᱨᱟᱹᱥᱤᱭᱟᱹ ᱢᱮᱱᱟᱭᱟ ᱾ ᱟᱡ ᱧᱟᱢ ᱟᱠᱟᱫ ᱛᱤᱱᱟᱹᱜ ᱜᱟᱱ ᱮᱴᱟᱜ ᱢᱟᱹᱱ ᱠᱚ ᱫᱚ ᱦᱩᱭᱩᱜ ᱠᱟᱱᱟ :

  • ᱱᱮᱯᱟᱞ ᱥᱚᱨᱠᱟᱨ-ᱟ ᱯᱨᱟᱵᱚᱞ ᱜᱚᱨᱠᱦᱟ ᱰᱚᱠᱦᱤᱬ ᱵᱟᱦᱩᱺ ᱔
  • ᱤᱱᱫᱤᱨᱟ ᱨᱟᱡᱭᱚ ᱞᱚᱠᱥᱢᱤ ᱯᱩᱨᱚᱥᱠᱟᱨ
  • ᱨᱟᱥᱴᱨᱤᱭᱚ ᱯᱨᱚᱛᱤᱵᱷᱟ ᱯᱩᱨᱚᱥᱠᱟᱨ
  • ᱪᱤᱱᱟ ᱞᱚᱛᱟ ᱯᱩᱨᱚᱥᱠᱟᱨ
  • ᱱᱚᱛᱤ ᱠᱟᱡᱤ ᱯᱩᱨᱚᱥᱠᱟᱨ
  • ᱫᱷᱚᱨᱢᱚᱨᱟᱡᱽ ᱥᱟᱵᱤᱛᱨᱤ ᱛᱷᱟᱯᱟ ᱞᱳᱠ ᱥᱟᱦᱤᱛᱭᱚ ᱯᱩᱨᱚᱥᱠᱟᱨ
  • ᱫᱤᱨᱜᱦᱚ ᱥᱮᱵᱟ ᱯᱚᱫᱚᱠ (ᱨᱳᱭᱟᱞ ᱱᱮᱯᱟᱞ ᱮᱠᱟᱰᱮᱢᱤ)
  • ᱨᱟᱡᱭᱚᱵᱷᱤᱥᱮᱠ ᱯᱚᱫᱚᱠ

ᱥᱟᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "I AM NOT SATISFIED WITH THE SONGS OF THIS GENERATION; GYANU RANA". 3gsmusic.com. 3gsound Inc. Archived from the original on 8 ᱡᱩᱱ 2014. Retrieved 9 ᱡᱩᱱ 2014.  Unknown parameter |url-status= ignored (help)