ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱵᱽᱞᱚᱠ
ᱜᱳᱯᱚᱵᱚᱱᱫᱷᱩ ᱱᱚᱜᱚᱨ(ଗୋପବନ୍ଧୁ ନଗର/Gopabandhunagar): ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱵᱽᱞᱚᱠ ᱾[᱑] ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱵᱽᱞᱚᱠ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱵᱟᱨᱤᱯᱚᱫᱟ ᱠᱷᱚᱱ ᱕᱑ ᱠᱤᱞᱚᱢᱤᱴᱚᱨ ᱠᱚᱧᱮ ᱨᱮ ᱢᱮᱱᱟᱜᱼᱟ ᱾ ᱵᱟᱨᱤᱯᱚᱫᱟ ᱠᱷᱚᱱ ᱑᱘ ᱱᱚᱢᱵᱚᱨ ᱡᱟᱹᱛᱤᱭᱟᱹᱨᱤ ᱰᱟᱦᱟᱨᱛᱮ ᱓᱒ ᱠᱤᱞᱚᱢᱤᱴᱚᱨ ᱡᱳᱜᱚᱲ ᱫᱷᱟᱹᱵᱤᱡ ᱥᱮᱴᱮᱨ ᱟᱛᱮ ᱚᱱᱰᱮ ᱠᱷᱚᱱ ᱡᱚᱡᱚᱢ ᱯᱟᱦᱟᱴᱟ ᱑᱙ ᱠᱤᱞᱚᱢᱤᱴᱚᱨ ᱥᱚᱡᱷᱮ ᱪᱟᱞᱟᱣ ᱞᱮᱱ ᱠᱷᱟᱱ ᱜᱳᱯᱚᱵᱚᱱᱫᱦᱩ ᱱᱚᱜᱚᱨ ᱧᱟᱢᱚᱜᱼᱟ ᱾ ᱚᱱᱟ ᱵᱟᱫ ᱵᱚᱭᱥᱤᱸᱜᱟ ᱠᱷᱚᱱ ᱦᱚᱸ ᱡᱚᱡᱚᱢ ᱯᱟᱦᱴᱟ ᱥᱚᱡᱷᱮ ᱪᱟᱞᱟᱣ ᱞᱮᱱ ᱠᱷᱟᱱ ᱡᱚᱜᱚᱲᱼᱜᱳᱯᱚᱵᱚᱱᱫᱷᱩᱱᱚᱝᱚᱨ ᱰᱟᱦᱟᱨ ᱧᱟᱢᱚᱜᱼᱟ ᱾ ᱴᱨᱮᱱ ᱛᱮ ᱥᱚᱡᱷᱮ ᱥᱮᱴᱮᱨᱚᱜ ᱨᱮᱱᱟᱜ ᱰᱟᱦᱟᱨ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱛᱮ ᱥᱩᱨ ᱥᱴᱮᱥᱚᱱ ᱫᱚ ᱡᱳᱜᱳᱲ ᱠᱟᱱᱟ ᱡᱟᱦᱟᱸ ᱫᱚ ᱵᱟᱞᱮᱥᱚᱨ ᱟᱨ ᱵᱟᱨᱤᱯᱚᱫᱟ ᱛᱟᱞᱟ ᱨᱮ ᱢᱮᱱᱟᱜᱼᱟ ᱟᱨ ᱵᱟᱞᱮᱥᱚᱨ ᱠᱷᱚᱱ ᱵᱟᱹᱨᱤᱯᱚᱫᱟ ᱦᱟᱹᱡᱩᱜ ᱡᱚᱦᱚᱜ ᱨᱩᱯᱥᱟᱹ ᱛᱟᱭᱚᱢ ᱧᱟᱢᱚᱜᱼᱟ ᱾ ᱚᱱᱰᱮᱠᱷᱚᱱ ᱴᱨᱮᱱ ᱛᱮ ᱟᱬᱜᱚ ᱟᱛᱮᱫ ᱵᱚᱥ ᱛᱮ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱪᱟᱞᱟᱜ ᱞᱟᱹᱜᱤᱫ ᱵᱷᱮᱜᱟᱨ ᱵᱚᱥ ᱥᱟᱵᱽ ᱦᱩᱭᱩᱜᱼᱟ ᱾
ᱥᱤᱢᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱵᱽᱞᱚᱠ ᱨᱮᱱᱟᱜ ᱥᱤᱢᱟᱹ ᱟᱭᱛᱟᱱ ᱫᱚ ᱒᱒᱒ᱹ᱒᱓ km² ᱠᱟᱱᱟ ᱾ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱵᱽᱞᱚᱠ ᱨᱮᱱᱟᱜ ᱥᱟᱢᱟᱝ ᱨᱮ ᱵᱚᱰᱚᱥᱟᱦᱤ ᱟᱨ ᱜᱳᱯᱚᱵᱚᱱᱫᱷᱩᱱᱚᱜᱚᱨ ᱵᱽᱞᱚᱠ ᱢᱮᱱᱟᱜᱼᱟ, ᱮᱛᱚᱢ ᱨᱮ ᱵᱚᱰᱚᱥᱟᱦᱤ ᱟᱨ ᱥᱟᱢᱟᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱵᱽᱞᱚᱠ ᱢᱮᱱᱟᱜᱼᱟ, ᱯᱟᱪᱮᱨᱮ ᱥᱟᱢᱟᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱟᱨ ᱩᱫᱚᱲᱟ ᱵᱽᱞᱚᱠ ᱢᱮᱱᱟᱜᱼᱟ ᱟᱨ ᱠᱚᱸᱡᱮ ᱨᱮ ᱜᱳᱯᱚᱵᱚᱱᱫᱷᱩᱱᱚᱜᱚᱨ ᱟᱨ ᱩᱫᱚᱲᱟ ᱵᱽᱞᱚᱠ ᱢᱮᱱᱟᱜᱼᱟ ᱾
ᱞᱮᱠᱷᱟᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱨᱮᱱᱟᱜ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱵᱽᱞᱚᱠ ᱨᱮ ᱑᱓᱒ ᱜᱚᱴᱟᱝ ᱟᱹᱛᱩ ᱟᱨ ᱑᱔ ᱜᱚᱴᱟᱝ ᱜᱨᱟᱢᱯᱚᱸᱪᱟᱭᱚᱛ ᱢᱮᱱᱟᱜᱼᱟ ᱾ ᱵᱽᱞᱚᱠ ᱨᱮ ᱑᱗,᱕᱕᱐ ᱚᱲᱟᱜ ᱢᱮᱱᱟᱜᱼᱟ ᱾ ᱱᱚᱣᱟ ᱵᱽᱞᱚᱠ ᱨᱮ ᱗᱔,᱑᱕᱕ ᱦᱚᱲ ᱢᱮᱱᱟᱜ ᱠᱚᱣᱟ ᱚᱱᱟ ᱢᱩᱫ ᱨᱮ ᱠᱚᱲᱟ ᱠᱚ ᱦᱩᱭᱩᱜ ᱠᱟᱱᱟ ᱓᱖,᱔᱖᱖ ᱟᱨ ᱠᱩᱲᱤ ᱠᱚ ᱦᱩᱭᱩᱜ ᱠᱟᱱᱟ ᱓᱗,᱖᱘᱙᱾ ᱱᱚᱰᱮ ᱨᱮᱱ ᱡᱚᱛᱚ ᱵᱟᱹᱥᱤᱸᱫᱟ ᱟᱹᱛᱩ ᱨᱤᱱ ᱠᱟᱱᱟ ᱠᱚ ᱾
ᱟᱹᱢᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱨᱮᱱᱟᱜ ᱵᱽᱞᱚᱠ ᱫᱚ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱟᱨ ᱛᱚᱦᱚᱥᱤᱞ ᱫᱚ ᱵᱟᱨ ᱰᱟᱸᱜᱩᱣᱟ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱨᱮ ᱢᱮᱱᱟᱜᱼᱟ ᱾ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱛᱚᱦᱚᱥᱤᱞ ᱨᱮ ᱗ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜᱼᱟ ᱡᱮᱢᱚᱱ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ, ᱰᱩᱠᱨᱟ, ᱵᱟᱥᱤᱯᱤᱴᱷᱟ, ᱵᱷᱳᱲᱟᱜᱚᱰᱤᱭᱟ, ᱵᱚᱰᱚᱯᱚᱛᱷᱚᱨᱚ,ᱵᱚᱰᱚᱯᱷᱮᱬᱤ, ᱟᱨ ᱵᱤ ᱥᱤ ᱵᱩᱨ ᱾ ᱵᱽᱞᱚᱠ ᱨᱮ ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱨᱮᱜᱮ ᱢᱤᱫᱴᱟᱝ ᱛᱷᱟᱱᱟ ᱢᱮᱱᱟᱜᱼᱟ ᱾[᱒] ᱜᱳᱯᱚᱵᱚᱱᱫᱷᱩ ᱱᱚᱜᱚᱨ ᱨᱮᱱᱟᱜ ᱰᱩᱠᱩᱨᱟ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱷᱟᱱᱟ ᱢᱮᱱᱟᱜᱼᱟ ᱾[᱓] ᱚᱱᱟ ᱥᱟᱶ ᱢᱟᱸᱠᱚᱰᱽᱠᱮᱸᱫᱟ, ᱠᱩᱥᱚᱞᱫᱟ,ᱨᱟᱬᱤᱵᱚᱸᱫᱷ,ᱥᱟᱸᱭᱠᱩᱲᱟ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜᱼᱟ ᱾ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱠᱚᱨᱯᱳᱨᱮᱥᱚᱱ ᱵᱮᱸᱠ, ᱠᱟᱱᱟᱨᱟ ᱵᱮᱸᱠ, ᱭᱩᱠᱳ ᱵᱮᱸᱠ, ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ,ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱮᱢᱟᱱ ᱵᱮᱸᱠ ᱠᱚᱦᱚᱸ ᱱᱚᱣᱟ ᱵᱞᱚᱠ ᱨᱮ ᱢᱮᱱᱟᱜᱼᱟ ᱾