ᱞᱚᱝᱰᱤᱝ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱞᱚᱝᱰᱤᱝ ᱦᱚᱱᱚᱛ (ᱟᱥᱟᱢᱤᱥᱺ লংডিং জিলা; ᱤᱝᱨᱟᱹᱡᱤᱺLongding district, Pron:/lɒŋˈdɪŋ/) ᱫᱚ ᱠᱚᱸᱭᱮᱸ-ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱚᱨᱩᱱᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫᱴᱮᱱ ᱦᱚᱱᱚᱛ ᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱫᱚ ᱢᱟᱨᱮ ᱴᱤᱨᱟᱯ ᱦᱚᱱᱚᱛ ᱨᱮᱭᱟᱜ ᱮᱛᱚᱢ-ᱯᱟᱪᱷᱮ ᱱᱟᱠᱷᱟ ᱨᱮᱭᱟᱜ ᱟᱫᱚᱢ ᱦᱤᱸᱥ ᱜᱮᱫ ᱵᱮᱜᱟᱨ ᱠᱟᱛᱮ ᱠᱚ ᱵᱟᱱᱫᱷᱟᱣ ᱞᱮᱫᱟ|

ᱚᱛᱱᱚᱜ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱝᱰᱤᱝ ᱦᱚᱱᱚᱛ ᱫᱚ ᱮᱛᱚᱢ ᱟᱨ ᱥᱟᱢᱟᱝ-ᱮᱛᱚᱢ ᱱᱟᱠᱷᱟ ᱛᱮ ᱢᱟᱭᱟᱱᱢᱟᱨ ᱫᱤᱥᱚᱢ ᱨᱮᱭᱟᱜ ᱥᱤᱢᱟᱹᱱᱟ ᱨᱮ ᱡᱟᱯᱟᱜ ᱟᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱨᱮᱭᱟᱜ ᱠᱚᱸᱭᱮᱸ ᱱᱟᱠᱷᱟ ᱨᱮ ᱟᱥᱟᱢ, ᱯᱟᱪᱷᱮ ᱱᱟᱠᱷᱟ ᱨᱮ ᱱᱟᱰᱟᱞᱮᱱᱰ ᱟᱨ ᱠᱚᱸᱭᱮᱸ-ᱥᱟᱢᱟᱝ ᱱᱟᱠᱷᱟ ᱨᱮ ᱴᱤᱨᱟᱯ ᱦᱚᱱᱚᱛ ᱢᱮᱱᱟᱜ ᱟᱠᱟᱫᱟ| ᱞᱚᱝᱰᱤᱝ ᱦᱚᱱᱚᱛ ᱫᱚ ᱞᱮᱠᱷᱟ ᱜᱩᱴ ᱑᱒᱐᱐ ᱪᱟᱹᱣᱠᱟᱹ ᱠᱤᱞᱚᱢᱤᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ| ᱱᱤᱭᱟᱹ ᱦᱚᱱᱚᱛ ᱨᱮᱭᱟᱜ ᱚᱱᱢᱟᱱ ᱩᱨᱜᱩᱢ ᱫᱚ ᱦᱩᱭᱩᱜ ᱠᱟᱱᱟ ᱑᱕ ᱰᱤᱜᱽᱨᱤ ᱠᱷᱚᱱ ᱓᱐ ᱰᱤᱜᱽᱨᱤ ᱥᱮᱞᱥᱤᱭᱟᱥ ᱵᱷᱤᱛᱨᱤ ᱨᱮ|

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱟᱹ ᱦᱚᱱᱚᱛ ᱨᱮ ᱱᱟᱜᱟᱢ ᱞᱮᱠᱟ ᱛᱮ ᱫᱚ ᱣᱟᱝᱪᱚ ᱡᱟᱹᱛ ᱨᱮᱱ ᱦᱚᱲ ᱠᱚᱠᱚ ᱜᱤᱨᱟᱹᱵᱟᱥ ᱦᱮᱡ ᱟᱠᱟᱱᱟ[᱑]| ᱒᱐᱐᱙ ᱥᱮᱨᱢᱟ ᱨᱮᱭᱟᱜ ᱗ ᱟᱜᱚᱥᱴ ᱢᱟᱹᱦᱤᱛ ᱦᱤᱞᱚᱜ ᱱᱤᱭᱟᱹ ᱦᱚᱱᱚᱛ ᱫᱚ ᱟᱠᱷᱲᱟ ᱛᱟᱞᱟ ᱛᱮ ᱩᱪᱷᱟᱹᱱ ᱥᱟᱹᱨᱤ ᱞᱮᱱᱟ| ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱒᱖ ᱥᱮᱯᱴᱮᱢᱵᱚᱨ ᱢᱟᱹᱦᱤᱛ ᱦᱤᱞᱚᱜ ᱱᱤᱭᱟᱹ ᱦᱚᱱᱚᱛ ᱫᱚ ᱵᱟᱱᱫᱷᱟᱣ ᱦᱩᱭ ᱞᱮᱱᱟ| ᱟᱨ ᱒᱐᱑᱒ ᱥᱮᱨᱢᱟ ᱨᱮᱭᱟᱜ ᱑᱙ ᱢᱟᱨᱪ ᱨᱮ ᱱᱟᱵᱟᱢ ᱴᱩᱠᱤ ᱱᱚᱣᱟ ᱦᱚᱱᱚᱛᱮ ᱩᱰᱷᱟᱹᱣ ᱥᱟᱹᱨᱤ ᱞᱮᱫᱟ[᱒]|

ᱥᱟᱜ-ᱥᱚᱱ ᱦᱟᱹᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱝᱰᱤᱝ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱛᱩᱨᱩᱭ ᱜᱚᱴᱟᱝ ᱥᱟᱨᱠᱮᱞ ᱢᱮᱱᱟᱜ ᱟᱠᱟᱫᱟ- ᱞᱚᱝᱰᱤᱝ (Longding), ᱠᱟᱱᱩᱵᱟᱨᱤ (Kanubari), ᱯᱚᱥᱟᱣ (Pongchau), ᱣᱟᱠᱠᱟ (Wakka), ᱯᱩᱢᱟᱣ (Pumao) ᱟᱨ ᱞᱟᱣᱱᱩ (Lawnu)। ᱱᱤᱭᱟᱹ ᱥᱟᱨᱠᱮᱞ ᱨᱮ ᱢᱟᱱᱟᱜ ᱟᱹᱛᱩ ᱠᱚ ᱫᱚ ᱦᱩᱭᱩᱜ ᱠᱟᱱᱟ- Longphong, Nianu, Niausa, Senua, Senua Noksa, Zedua, Nginu, Mintong, Chanu, Longchan, Chubam, Russa ᱟᱨ Rangluwa|

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱝᱰᱤᱝ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱕᱖,᱙᱕᱓ ᱡᱚᱱᱟ[᱓]| ᱱᱤᱭᱟᱹ ᱦᱚᱱᱚᱛ ᱨᱮᱱ ᱥᱟᱝᱜᱮ ᱜᱤᱨᱟᱹᱵᱟᱹᱥᱤ ᱦᱚᱲ ᱫᱚ ᱠᱚ ᱦᱩᱭᱩᱜ ᱵᱠᱟᱱᱟ ᱣᱟᱝᱪᱚ (Wancho) ᱟᱹᱫᱤᱵᱟᱟᱹᱥᱤ| ᱩᱱᱠᱩᱣᱟᱜ ᱞᱟᱭ-ᱞᱟᱠᱪᱟᱨ ᱫᱚ ᱱᱟᱜᱟ ᱠᱚᱣᱟᱜ ᱛᱩᱞᱩᱡ ᱢᱤᱫ ᱢᱤᱫ ᱜᱮᱭᱟ| ᱩᱱᱠᱩ ᱫᱚ ᱡᱩᱢ ᱪᱟᱥ ᱠᱟᱛᱮ ᱪᱟᱥ ᱠᱚ ᱟᱨᱡᱟᱣᱟ| ᱟᱫᱚᱢ ᱦᱚᱲ ᱠᱚ ᱫᱚ ᱠᱨᱤᱥᱴᱟᱱ ᱫᱷᱚᱨᱚᱢ ᱦᱟᱛᱟᱣ ᱠᱮᱫ ᱨᱮᱦᱚᱸ, ᱢᱟᱲᱟᱝ ᱞᱮᱠᱟ ᱜᱮ ᱟᱭᱢᱟ Animism ᱠᱚ ᱯᱟᱧᱡᱟᱭᱮᱫᱟ| ᱯᱚᱱᱚᱛ ᱨᱮ ᱢᱮᱱᱟᱜ ᱠᱚ ᱮᱴᱟᱜ ᱡᱟᱹᱛᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱱᱚᱠᱴᱮ (Nocte), ᱠᱚᱱᱤᱭᱟᱠᱠ (Konyak) ᱮᱢᱟᱱ ᱫᱚ ᱱᱟᱜᱟ ᱨᱮᱱ ᱢᱤᱫ ᱜᱟᱛᱟᱠ ᱡᱟᱹᱛ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Arunachal Pradesh gets its 17th district". timesofindia. Retrieved 5 ᱱᱚᱵᱷᱮᱢᱵᱚᱨ 2012. 
  2. "Longding becomes 17th Arunachal district". timesofindia. Retrieved 5 ᱱᱚᱵᱷᱮᱢᱵᱚᱨ 2012. 
  3. "Brief Introduction to Longding District" (PDF). longding.nic.in.