ᱞᱚᱱᱰᱚᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱞᱚᱱᱰᱚᱱ ᱱᱟᱜᱟᱨ

ᱞᱚᱱᱰᱚᱱ ᱫᱚ ᱤᱝᱞᱚᱸᱰ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱣᱟ ᱫᱚ ᱤᱝᱞᱚᱸᱰ ᱟᱨ ᱡᱩᱢᱤᱜᱽ ᱯᱚᱱᱚᱛ (US) ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱛᱷᱮᱢᱥ ᱜᱟᱰᱟ ᱫᱚ ᱱᱚᱣᱟ ᱱᱟᱜᱟᱨ ᱥᱮᱫ ᱛᱮ ᱞᱤᱸᱡᱤᱱ ᱠᱟᱱᱟ ᱾
ᱞᱚᱰᱚᱱ ᱫᱚ ᱯᱟᱪᱮ ᱤᱣᱨᱩᱯ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱥᱟᱶᱛᱮ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱟᱹᱣᱰᱤ ᱛᱷᱟᱱ ᱠᱟᱱᱟ ᱾ [1][2][3]
ᱞᱚᱱᱰᱚᱱ ᱫᱚ ᱒᱐᱐᱐ ᱥᱮᱨᱢᱟ ᱜᱟᱱ ᱢᱟᱨᱮᱭᱟ ᱾ ᱱᱚᱣᱟ ᱫᱚ ᱨᱚᱢᱟᱱ ᱠᱚ ᱮᱛᱚᱦᱚᱵ ᱠᱚ ᱯᱟᱱᱛᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱠᱩ ᱫᱚ ᱞᱚᱱᱰᱤᱭᱚᱢ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱜ ᱾ ᱞᱚᱱᱰᱚᱱ ᱫᱚ ᱥᱠᱚᱴᱤᱥ ᱡᱮᱞᱤᱠ ᱛᱮ ᱞᱩᱱᱟᱭᱤᱱ ᱦᱚᱸ ᱢᱮᱛᱟᱜ-ᱟ ᱾ [4] ᱣᱮᱞᱥ ᱯᱟᱹᱨᱥᱤ ᱛᱮ ᱫᱚ ᱞᱩᱰᱮᱱ ᱟᱨ ᱟᱭᱨᱤᱥ ᱯᱟᱹᱨᱥᱤ ᱛᱮ ᱫᱚ ᱞᱚᱱᱰᱮᱱ ᱠᱚ ᱢᱮᱛᱟᱜ ᱠᱟᱱᱟ ᱾
ᱟᱹᱰᱤ ᱥᱮᱫᱟᱭ ᱫᱚ, ᱞᱚᱱᱰᱚᱱ ᱫᱚ ᱢᱤᱫ ᱦᱩᱰᱤᱧ ᱱᱟᱜᱟᱨ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮᱱ ᱠᱚ ᱦᱚᱲ ᱫᱚ ᱡᱚᱛᱚ ᱨᱚᱢᱟᱱᱤᱭᱟᱱ ᱠᱚ ᱛᱮᱭᱟᱨ ᱞᱮᱫ ᱠᱟᱸᱛ ᱵᱷᱤᱛᱟᱹᱨ ᱨᱮᱜᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱴᱚᱴᱷᱟ ᱫᱚ ᱱᱤᱛᱚᱜ ᱦᱚᱸ ᱞᱚᱱᱰᱚᱱ ᱨᱮᱱᱟᱜ ᱱᱟᱜᱟᱨ ᱜᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱣᱟ ᱱᱟᱜᱟᱨ ᱛᱟᱞᱟ ᱨᱮ ᱟᱭᱢᱟ ᱟᱹᱛᱩ ᱢᱮᱱᱟᱜ-ᱟ ᱾ ᱵᱟᱹᱭ ᱵᱟᱹᱭ ᱛᱮ ᱟᱭᱢᱟ ᱦᱚᱲ ᱱᱚᱸᱰᱮ ᱦᱮᱡ ᱠᱟᱛᱮ ᱠᱚ ᱵᱟᱥᱟ ᱤᱫᱤᱭᱮᱱᱟ, ᱚᱱᱠᱟᱛᱮ ᱱᱚᱣᱟ ᱟᱹᱛᱩ ᱠᱚᱫᱚ ᱢᱮᱥᱟᱭᱮᱱ ᱛᱮ ᱢᱟᱨᱟᱝ ᱱᱟᱜᱟᱞ ᱵᱮᱨᱮᱫ ᱮᱱᱟ ᱾
ᱞᱚᱱᱰᱚᱱ ᱫᱚ ᱡᱮᱜᱮᱛ ᱨᱮ ᱟᱹᱰᱤ ᱞᱟᱹᱠᱛᱤ.ᱟᱱ ᱱᱟᱜᱟᱨ ᱠᱟᱱᱟ ᱵᱮᱯᱟᱨ, ᱠᱟᱹᱣᱰᱤᱠᱟᱹᱨ ᱟᱨ ᱨᱟᱡᱽᱟᱹᱨᱤ ᱞᱟᱹᱜᱤᱫ ᱾ ᱱᱚᱣᱟ ᱫᱚ ᱟᱨᱦᱚᱸ ᱞᱟᱨᱪᱟᱨ, ᱢᱮᱰᱤᱭᱟ, ᱨᱟᱹᱥᱠᱟᱹ-ᱨᱚᱢᱚᱡᱽ, ᱦᱚᱨᱚᱜ-ᱵᱟᱺᱫᱮ ᱟᱨ ᱱᱟᱱᱟ-ᱦᱩᱱᱟᱹᱨ ᱜᱮ ᱟᱹᱰᱤ ᱧᱩᱛᱩᱢᱟᱱᱟ ᱾

ᱦᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱱᱰᱚᱱ ᱨᱤᱱ ᱦᱚᱲ ᱠᱚᱣᱟᱜ ᱮᱞ ᱫᱚ ᱘.᱖᱓ ᱢᱤᱞᱤᱭᱚᱱ ᱾ [5] ᱞᱚᱱᱰᱚᱱ ᱨᱮ ᱛᱟᱦᱮᱸᱱᱠᱟᱱ ᱵᱟᱹᱲᱛᱤ ᱦᱚᱲ ᱜᱮ ᱵᱨᱤᱴᱤᱥ ᱠᱟᱱᱟ ᱠᱚ ᱾ ᱱᱚᱸᱰᱮ ᱟᱨᱦᱚ ᱟᱭᱢᱟ ᱦᱚᱲ ᱮᱴᱟᱜ ᱫᱤᱥᱚᱢ ᱠᱚᱨᱮ ᱠᱷᱚᱱ ᱦᱮᱡ ᱠᱟᱛᱮ ᱠᱚ ᱛᱟᱦᱮᱸ ᱟᱠᱟᱱᱟ ᱾ ᱱᱩᱠᱩ ᱫᱚ ᱟᱭᱢᱟ ᱵᱷᱮᱯᱮᱫ ᱯᱟᱹᱨᱥᱤ ᱠᱚ ᱨᱚᱲ ᱥᱟᱶᱛᱮ ᱫᱷᱚᱨᱚᱢ ᱟᱨ ᱞᱟᱠᱪᱟᱨ ᱦᱚᱸ ᱛᱟᱠᱚ ᱵᱷᱮᱯᱮᱫ ᱜᱮᱭᱟ ᱾ ᱟᱭᱢᱟ ᱦᱚᱲ ᱢᱮᱱᱟᱜ ᱠᱚᱣᱟ ᱡᱟᱦᱟᱸᱭ ᱠᱚ ᱫᱚ ᱮᱴᱟᱜ ᱫᱤᱥᱚᱢ ᱠᱷᱚᱱ ᱦᱮᱡ ᱠᱟᱛᱮ ᱱᱚᱸᱰᱮ ᱵᱮᱯᱟᱨ ᱞᱟᱹᱜᱤᱫ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱟᱭᱢᱟ ᱦᱚᱲ ᱧᱮᱞᱡᱚᱝ ᱞᱟᱹᱜᱤᱫ ᱞᱚᱱᱰᱚᱱ ᱫᱟᱬᱟᱱ ᱠᱚ ᱪᱟᱞᱟᱜ ᱜᱮᱭᱟ ᱾ ᱱᱩᱠᱩ ᱫᱚ ᱞᱚᱱᱰᱚᱱ ᱨᱮᱱᱟᱜ ᱧᱩᱛᱩᱢᱟᱱ ᱴᱷᱟᱶᱠᱚ ᱠᱚ ᱧᱮᱞᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱚᱢᱟᱱᱥ ᱠᱚ ᱢᱤᱫ ᱱᱟᱜᱟᱨ ᱠᱚ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱛᱷᱮᱢᱥ ᱜᱟᱰᱟ ᱥᱩᱨ ᱨᱮ, ᱚᱱᱟ ᱫᱚ AD ᱔᱓ ᱚᱠᱛᱚ ᱨᱮ, ᱩᱱ ᱫᱚ ᱞᱚᱱᱰᱤᱭᱚᱢ ᱢᱮᱱᱛᱮ ᱴᱷᱟᱶ ᱠᱚ ᱧᱩᱢ ᱞᱮᱫ-ᱟ ᱾ ᱞᱚᱱᱰᱤᱭᱚᱢ ᱟᱹᱲᱟᱹ ᱫᱚ ᱥᱮᱞᱴᱤᱠ ᱯᱟᱹᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ ᱾ AD ᱖᱑ ᱚᱠᱛᱚ ᱨᱮ ᱱᱚᱣᱟ ᱱᱟᱜᱟᱨ ᱫᱚ ᱠᱚ ᱟᱠᱨᱚᱢᱚᱬ ᱠᱮᱫ-ᱟ ᱟᱨ ᱜᱚᱴᱟ ᱫᱷᱟᱥᱟᱣ ᱪᱟᱵᱟ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱨᱚᱢᱟᱱᱠᱚ ᱜᱮ ᱟᱨᱫᱚᱲᱦᱟ ᱞᱚᱱᱰᱚᱱ ᱠᱚ ᱵᱮᱨᱮᱫ ᱠᱮᱫ-ᱟ ᱟᱨ ᱞᱚᱱᱰᱚᱱ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱ ᱵᱮᱯᱟᱨ ᱱᱟᱜᱟᱨ ᱵᱮᱱᱟᱣᱮᱱᱟ ᱾ ᱨᱚᱢᱟᱱ ᱠᱚ ᱦᱨᱤᱴᱮᱱ ᱠᱚ ᱵᱟᱹᱜᱤ ᱠᱮᱫ ᱛᱟᱭᱚᱢ, ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱟᱹᱰᱤ ᱫᱤᱱ ᱦᱟᱹᱵᱤᱡ ᱱᱚᱣᱟ ᱱᱟᱜᱟᱨ ᱨᱮ ᱠᱚ ᱛᱟᱦᱮᱸᱭᱮᱱᱟ ᱾ ᱪᱮᱫᱟᱜ ᱥᱮ ᱟᱝᱜᱽᱞᱚ-ᱥᱟᱠᱥᱚᱱ ᱦᱚᱲ ᱫᱚ ᱱᱟᱜᱟᱨ ᱛᱟᱞᱟᱨᱮ ᱫᱚ ᱵᱟᱝ ᱛᱟᱦᱮᱸ ᱥᱟᱱᱟ ᱠᱚ ᱛᱟᱦᱮᱸᱫ ᱾ ᱙ ᱥᱟᱭ ᱥᱮᱨᱢᱟ ᱥᱮᱫ ᱛᱮ ᱫᱚ ᱟᱭᱢᱟ ᱦᱚᱲ ᱠᱚ ᱛᱟᱦᱮᱸ ᱤᱫᱤᱭᱮᱱᱟ, ᱚᱱᱨᱟᱛᱮ ᱤᱝᱞᱚᱸᱰ ᱨᱮᱱᱟᱜ ᱢᱟᱨᱟᱝ ᱱᱟᱜᱟᱨ ᱵᱮᱱᱟᱣᱮᱱᱟ ᱾ ᱢᱮᱱᱠᱷᱟᱱ ᱑᱒ ᱥᱟᱭ ᱥᱮᱨᱢᱟ ᱫᱷᱟᱹᱵᱤᱡ ᱫᱚ ᱱᱚᱣᱟ ᱨᱟᱡᱽᱜᱟᱞ ᱞᱮᱠᱟᱛᱮ ᱫᱚ ᱵᱟᱭ ᱛᱟᱦᱮᱸ ᱠᱟᱱᱟ ᱾ ᱨᱮᱞᱦᱚᱨ ᱠᱚ ᱵᱮᱱᱟᱣᱮᱱ ᱛᱟᱭᱚᱢ ᱞᱚᱱᱰᱚᱱ ᱱᱟᱜᱟᱨ ᱫᱚ ᱥᱮᱬᱟᱭᱮᱱᱟ ᱾

ᱚᱛ ᱪᱤᱱᱦᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱞᱤᱱᱤᱭᱚᱢ ᱰᱚᱢᱤ ᱛᱷᱮᱢᱥ ᱜᱟᱰᱟ ᱠᱷᱚᱱ

A panorama of modern London, taken from the Golden Gallery of Saint Paul’s Cathedral

ᱞᱚᱱᱰᱚᱱ ᱟᱱᱟᱜᱚᱱᱟ ᱥᱩᱵᱤᱫᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱚᱱᱰᱚᱱ ᱱᱟᱜᱟᱨ ᱨᱮ ᱫᱚ ᱟᱱᱟᱜᱚᱱᱟ (transportation) ᱨᱮᱱᱟᱜ ᱟᱭᱢᱟ ᱥᱩᱵᱤᱫᱷᱟ ᱢᱮᱱᱟᱜ-ᱟ, ᱡᱮᱢᱚᱱ ᱨᱮᱞ ᱜᱟᱹᱰᱤ, ᱢᱮᱴᱨᱚ ᱨᱮᱞ ᱥᱟᱶᱛᱮ ᱢᱚᱬᱮ ᱜᱚᱴᱟᱝ ᱩᱰᱟᱹᱱ ᱰᱟᱹᱦᱤ (Airport) ᱢᱮᱱᱟᱜ-ᱟ ᱾
ᱵᱷᱤᱠᱴᱚᱨᱤᱭᱟᱱ ᱟᱭᱢᱟ ᱨᱮᱞ ᱜᱟᱹᱰᱤ ᱥᱩᱵᱤᱫᱷᱟᱭ ᱵᱮᱱᱟᱣ ᱠᱮᱫ-ᱟ ᱑᱘᱕᱐ ᱠᱷᱚᱱ ᱑᱙᱐᱐ ᱥᱟᱞᱮ ᱵᱷᱤᱛᱤᱨ ᱨᱮ ᱾ ᱚᱱᱟ ᱨᱮᱱᱟᱜ ᱢᱩᱬ ᱥᱴᱮᱥᱚᱱ ᱫᱚ ᱞᱚᱱᱰᱚᱱ ᱨᱮᱜᱮ ᱟᱨ ᱦᱚᱨ ᱫᱚ ᱢᱟᱨᱟᱝ ᱵᱨᱤᱴᱮᱱ ᱥᱟᱶ ᱠᱷᱚᱸᱡᱟ ᱦᱟᱠᱟᱱᱟ ᱾ ᱚᱸᱰᱮ ᱢᱚᱬᱮ ᱜᱚᱴᱟᱝ ᱢᱟᱨᱟᱝ ᱠᱚᱢᱯᱟᱹᱱᱤ ᱛᱟᱦᱮᱸ ᱠᱟᱱᱟ, ᱤᱠᱷᱟᱹᱱ ᱱᱮᱛᱟᱨ ᱫᱚ ᱩᱱᱠᱩ ᱡᱟᱹᱛᱤᱭᱟᱹᱨ ᱨᱮᱞ ᱱᱮᱴᱣᱟᱨᱠ ᱮᱱᱟ ᱾
ᱚᱸᱰᱮ ᱢᱚᱬᱮ ᱜᱚᱴᱟᱝ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜ-ᱟ, ᱚᱱᱟ ᱢᱩᱸᱫ ᱠᱷᱚᱱ ᱢᱤᱫᱴᱟᱝ ᱫᱚ ᱱᱟᱜᱟᱨ ᱛᱟᱞᱟ ᱨᱮ ᱢᱮᱱᱟᱜ-ᱟ (ᱞᱚᱱᱰᱚᱱ ᱱᱟᱜᱟᱨ ᱩᱰᱟᱹᱱ ᱰᱟᱹᱦᱤ) ᱾ ᱱᱚᱸᱰᱮ ᱵᱨᱤᱝᱜᱷᱚᱢ ᱠᱮᱱᱟᱞ ᱢᱮᱱᱟᱜ-ᱟ, ᱱᱚᱣᱟ ᱛᱮᱦᱚᱸ ᱟᱱᱟᱜᱚᱱᱟ ᱦᱩᱭᱩᱜ ᱠᱟᱱᱟ ᱾ ᱵᱟᱹᱲᱛᱤ ᱵᱮᱵᱷᱟᱨᱚᱜ ᱠᱟᱱ ᱩᱰᱟᱹᱱ ᱰᱟᱹᱦᱤ ᱫᱚ ᱜᱩᱭᱩᱜ ᱠᱟᱱᱟ ᱦᱮᱛᱷᱨᱚ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱢᱮᱱᱠᱷᱟᱱ ᱱᱚᱣᱟ ᱫᱚ ᱱᱟᱜᱟᱨ ᱠᱷᱚᱱ ᱱᱟᱥᱮ ᱥᱟᱦᱟ ᱨᱮ ᱢᱮᱱᱟᱜ-ᱟ ᱾
ᱢᱮᱴᱨᱚ ᱟᱨᱟᱵᱟᱝ ᱞᱚᱱᱰᱚᱱ ᱟᱱᱰᱟᱨᱜᱨᱟᱣᱩᱸᱰ ᱫᱚ ᱤᱞᱮᱨᱴᱨᱤ ᱴᱨᱮᱱ ᱫᱟᱹᱲ ᱨᱮᱱᱟᱜ ᱵᱮᱵᱚᱥᱛᱟ ᱠᱟᱱᱟ, ᱡᱟᱦᱟᱸ ᱫᱚ ᱞᱚᱱᱰᱚᱱ ᱨᱮᱜᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱚᱛᱵᱷᱤᱛᱤᱨ ᱨᱮᱞᱦᱚᱨ ᱠᱟᱱᱟ ᱾ ᱱᱮᱣᱟ ᱫᱚ ᱑᱘᱖᱓ ᱥᱟᱞᱮ ᱠᱷᱟᱱ ᱫᱟᱹᱲ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱢᱮᱴᱨᱚᱯᱚᱞᱤᱴᱤᱭᱟᱱ ᱨᱮᱞ ᱞᱮᱠᱟᱛᱮ ᱾ ᱱᱚᱣᱟ ᱛᱟᱚᱢ ᱟᱭᱢᱟ ᱱᱟᱜᱟᱨ ᱨᱮ ᱱᱚᱣᱟ ᱥᱤᱥᱴᱚᱢ ᱠᱚ ᱱᱚᱠᱚᱞ ᱤᱫᱤ ᱠᱮᱫ-ᱟ, ᱫᱟᱹᱭᱠᱟᱹ ᱞᱮᱠᱟᱛᱮ ᱱᱤᱣ ᱭᱚᱨᱠ ᱟᱨ ᱢᱟᱰᱨᱤᱰ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite web|url=http://www.zyen.com/GFCI/GFCI%209.pdf |title=Global Financial Centres 9 |publisher=Z/Yen|year=2011
  2. Cite news|url=https://www.forbes.com/2008/07/15/economic-growth-gdp-biz-cx_jz_0715powercities.html |title="World's most economically powerful cities". |work=Forbes |date=15 July 2008 |accessdate=3 October 2010| archiveurl = https://www.webcitation.org/5yo0LhcwS | archivedate = 19 May 2011| deadurl=no
  3. cite web|url=http://www.mastercard.com/us/company/en/insights/pdfs/2008/MCWW_WCoC-Report_2008.pdf%7Ctitle=Worldwide Centres of Commerce Index 2008|publisher=Mastercard
  4. cite web|title=London in Scottish Gaelic|url=http://glosbe.com/en/gd/London%7Cwork=Glosbe Dictionary website|accessdate=15 April 2014
  5. cite web|url=https://files.datapress.com/london/dataset/population-change-1939-2015/historical%20population%201939-2015.pdf%7Ctitle=Population Growth in London, 1939–2015|date=January 2015|work=London Datastore|publisher=Greater London Authority|page=2|accessdate=16 September 2015