ᱞᱟᱜᱽᱬᱮ ᱥᱮᱨᱮᱧ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱞᱮᱜᱽ ᱨᱮᱱᱟᱜ ᱚᱦᱬᱮ ᱜᱮ ᱞᱟᱜᱽᱬᱮᱢᱚᱱᱮ ᱨᱮ ᱥᱮ~ ᱠᱟᱛᱮ ᱥᱮᱛᱮᱧᱚᱜ ᱜᱮ ᱥᱮᱨᱮᱧᱥᱮᱨᱮᱧ ᱫᱚ ᱨᱟᱥᱟ ᱟᱱᱟ ᱥᱮᱨᱮᱧ ᱫᱚ ᱜᱟᱵᱮ ᱟᱱᱟ ᱾ ᱥᱮᱨᱮᱧ ᱨᱮ ᱡᱤᱣᱤ ᱢᱮᱱᱟᱜ-ᱟ , ᱥᱮᱨᱮᱧ ᱨᱮ ᱫᱟᱲᱮ ᱢᱮᱱᱟᱜ-ᱟ ᱾ ᱥᱮᱨᱮᱧ ᱫᱚ ᱢᱟᱱᱛᱟᱨ ᱠᱟᱱᱟ ᱫᱚ ᱡᱷᱟᱹᱨᱱᱤ ᱠᱟᱱᱟ ᱾

ᱦᱟᱹᱴᱤᱧ-᱑[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱚᱛᱮᱛ ᱫᱷᱟᱹᱨᱛᱤ ᱪᱮᱛᱟᱱᱨᱮ, ᱥᱤᱧᱚᱛ ᱫᱤᱥᱚᱢ ᱛᱟᱞᱟᱨᱮ, ᱟᱵᱚ ᱢᱮᱱᱟᱜ ᱵᱚᱱᱟ ᱵᱚᱭᱦᱟ, ᱟᱹᱰᱤ ᱥᱟᱸᱜᱮ ᱜᱮ ᱾ ᱫᱩᱞᱟᱹᱲ ᱵᱟᱹᱱᱩᱜ ᱫᱷᱚᱨᱚᱢᱨᱮ, ᱜᱚᱨᱚᱡᱽ ᱵᱟᱹᱱᱩᱜ ᱡᱟᱹᱛᱤᱨᱮ, ᱠᱩᱲᱤ ᱠᱚᱲᱟ ᱩᱭᱦᱟᱹᱨ ᱵᱟᱹᱱᱩᱜ, ᱡᱟᱹᱛᱤ ᱫᱷᱚᱨᱚᱢᱨᱮ ᱾
  • ᱛᱟᱞᱟ ᱥᱤᱛᱩᱝᱨᱮ ᱦᱟᱥᱟᱧ ᱞᱟᱞᱟ ᱠᱟᱱ, ᱚᱲᱟᱜ ᱨᱮ ᱮᱨᱟ ᱦᱚᱯᱚᱱ ᱨᱮᱸᱜᱮᱡ ᱡᱟᱞᱟᱨᱮ ᱾ ᱚᱛ ᱞᱚ~ᱞᱚ ᱠᱟᱱᱟ ᱥᱮᱨᱢᱟ ᱥᱤᱛᱩᱝ ᱠᱟᱱ, ᱨᱤ~ᱢᱤ~ᱤᱞ ᱜᱚᱫᱽᱢᱮ ᱪᱟᱸᱫᱚ ᱩ~ᱢᱩᱞ ᱠᱟᱹᱧ ᱢᱮ ᱾
  • ᱜᱮᱞ ᱵᱟᱨ ᱥᱮᱨᱢᱟ ᱯᱟᱹᱪᱨᱤ ᱦᱚᱲᱢᱚᱢ ᱡᱚᱛᱚᱱ ᱫᱚᱦᱚ ᱞᱮᱫ, ᱤᱫᱤ ᱢᱮᱭᱟᱧ ᱢᱮᱱᱛᱮ ᱜᱟᱛᱮ ᱫᱚᱦᱚ ᱢᱮᱭᱟᱹᱧ ᱢᱮᱱᱛᱮ, ᱪᱤᱨᱩ ᱪᱟᱹᱧᱪᱤᱨ ᱜᱟᱛᱮ ᱢᱟᱸᱭᱟᱸ ᱫᱚᱢ ᱨᱟᱪᱟᱜ ᱛᱚᱯᱟᱜ ᱠᱮᱫ ᱾ ᱦᱟᱯᱮᱢ ᱵᱩᱡᱷᱟᱣ ᱟᱨᱮ ᱜᱟᱛᱮ ᱛᱟᱭᱚᱢᱮᱢ ᱩᱭᱦᱟᱹᱨᱟ, ᱛᱷᱟᱹᱨᱤ ᱫᱟᱠᱟᱨᱮ ᱨᱩᱯᱮᱢ ᱧᱮᱞᱛᱤᱧ ᱢᱮᱫ ᱫᱟᱜ ᱟᱞᱚᱨᱮᱢ ᱡᱚᱨᱚᱭ ᱾
  • ᱠᱚᱧᱮ ᱰᱟᱹ~ᱨ ᱨᱮ ᱵᱟᱦᱟ ᱫᱚ, ᱮᱛᱚᱢ ᱰᱟᱹ~ᱨ ᱨᱮ ᱤᱧ ᱫᱚ, ᱵᱟᱦᱟ ᱞᱮᱱᱟᱢ ᱟᱢ ᱫᱚ ᱵᱟᱦᱟ, ᱤᱧᱟᱜ ᱢᱚᱱᱮ ᱵᱟᱹᱲᱤᱡ ᱾ ᱛᱟᱦᱮᱸ ᱞᱮ~ᱱᱤᱧ ᱥᱩᱠ ᱡᱤᱣᱤ, ᱥᱮᱫᱟᱭ ᱞᱮᱠᱟ ᱱᱟᱢ ᱫᱚ, ᱞᱚᱠᱟ ᱜᱚᱥᱚ ᱠᱮᱢᱟᱹᱧ ᱵᱟᱦᱟ, ᱤᱧᱟᱜ ᱠᱚᱞᱮ ᱨᱮ ᱾
  • ᱪᱟᱸᱫᱚᱭ ᱨᱟᱠᱟᱵ ᱵᱟᱨᱟᱝ ᱵᱟᱨᱟᱝ, ᱥᱟᱹᱜᱤᱧ ᱥᱮᱨᱢᱟ ᱠᱷᱚᱱᱟᱜ, ᱟᱢ ᱛᱟᱸᱜᱤ ᱨᱮᱜᱮ ᱜᱟᱛᱮ, ᱢᱮᱢᱟᱹᱧ ᱧᱩᱛᱟᱹᱛ ᱨᱮ ᱾ ᱧᱮᱯᱮᱞ ᱛᱮᱢᱟ ᱥᱮᱨᱢᱟ ᱥᱟᱹᱜᱤᱧ, ᱨᱚᱯᱚᱲ ᱛᱮᱢᱟ ᱤᱨᱟᱹᱞ ᱵᱩᱨᱩ ᱯᱟᱨᱚᱢ, ᱪᱤᱴᱷᱤ ᱛᱮᱞᱟᱝ ᱨᱚᱯᱚᱲ ᱜᱟᱛᱮ, ᱚᱞᱤᱧ ᱵᱟᱰᱟᱭ ᱦᱩᱱᱟᱹᱝ ᱾
  • ᱮᱛᱚᱢ ᱰᱟᱹᱨ ᱨᱮ ᱤᱧ ᱫᱚ, ᱡᱟᱹᱱᱩᱢ ᱫᱷᱩᱸᱫᱽ ᱨᱮ ᱵᱟᱦᱟ ᱫᱚ, ᱵᱟᱦᱟ ᱭᱮᱱᱟᱢ ᱟᱢ ᱫᱚ ᱵᱟᱦᱟ, ᱤᱧᱟᱜ ᱢᱚᱱᱮ ᱵᱟᱹᱲᱤᱡ ᱾ ᱛᱟᱦᱮᱸ ᱞᱮᱱᱤᱧ ᱥᱮᱫᱟᱭ ᱞᱮᱠᱟ, ᱥᱩ~ᱠ ᱡᱤᱣᱤ ᱤᱧ ᱫᱚ, ᱞᱚᱠᱟ ᱜᱚᱥᱚ ᱠᱮᱢᱟᱹᱧ ᱵᱟᱦᱟ, ᱤᱧᱟᱜ ᱠᱚᱞᱮ ᱨᱮ ᱾
  • ᱮ ᱜᱟᱛᱮ ᱢᱟᱨᱮ ᱜᱟᱛᱮ,ᱠᱩᱞᱤ ᱜᱮᱞᱟᱧ ᱢᱮᱨᱮ ᱜᱟᱛᱮᱧ, ᱨᱚᱲ ᱟᱥᱮ ᱵᱟᱝ ᱟ ᱾ ᱞᱮᱸᱜᱟᱛᱤᱨᱮ ᱯᱟᱣᱨᱟᱹ ᱵᱩᱛᱩᱞ, ᱡᱚᱡᱚᱢ ᱛᱤᱨᱮ ᱡᱤᱞ ᱪᱟᱠᱷᱱᱟ, ᱠᱩᱞᱤ ᱜᱮᱞᱟᱧ ᱢᱮᱨᱚ ᱜᱟᱛᱮ, ᱡᱚᱢ ᱟᱥᱮ ᱵᱟᱝ ᱟ ᱾
  • ᱠᱩᱞ ᱠᱚᱪᱟ ᱵᱤᱨ ᱫᱚᱭᱚ, ᱥᱟᱦᱟᱱ ᱵᱟᱝ ᱧᱟᱢᱚᱫ ᱫᱚᱭᱳ, ᱥᱟᱠᱟᱢ ᱵᱟᱝ ᱧᱟᱢᱚᱜ ᱾ ᱟᱹᱜᱩᱭ ᱞᱟᱝ ᱦᱟᱹᱨᱠᱤᱬ, ᱡᱮᱨᱮᱫᱽ ᱞᱟᱝ ᱵᱟᱹᱛᱤ ᱥᱟᱨᱟᱣᱱᱟ ᱵᱤᱨ ᱫᱚᱥᱟᱝ, ᱫᱟᱬᱟ ᱛᱟᱨᱟᱭ ᱾
  • ᱡᱟᱱᱟᱢ ᱟᱹᱛᱩ ᱡᱟᱱᱟᱢ ᱫᱤᱥᱚᱢ, ᱨᱟᱹᱥᱠᱟᱹ ᱞᱟᱞᱮ ᱪᱟᱯᱮ, ᱡᱟᱱᱟᱢ ᱟᱭᱳ ᱵᱟᱵᱟ ᱠᱚᱞᱮ, ᱫᱩᱞᱟᱹᱲ ᱞᱟᱞᱮ ᱪᱟᱯᱮ ᱾ ᱦᱚᱭ ᱥᱤᱛᱩᱝ ᱨᱟᱵᱟᱝ ᱡᱟᱹᱯᱩᱫ, ᱨᱮᱸᱜᱮᱡ ᱛᱮᱛᱟᱝ ᱡᱟᱞᱟ, ᱛᱚᱣᱟ ᱫᱟᱨᱮ ᱜᱚᱢᱦᱮᱲ ᱩᱢᱩᱞ, ᱛᱟᱦᱮᱱ ᱨᱤᱞᱟᱹ ᱢᱟᱞᱟ ᱾
  • ᱨᱟᱹᱜᱷᱩ ᱢᱩᱨᱢᱩ ᱦᱚᱨᱮ ᱩᱫᱩᱜᱽ, ᱫᱟ~ᱬᱟᱝᱜᱮ ᱧᱮᱞᱚᱜ, ᱫᱟ~ᱬᱟᱝᱜᱮ ᱧᱮᱞᱚᱜ ᱫᱟᱹᱭᱱᱟ, ᱵᱚ~ᱛᱚᱨᱜᱮ ᱵᱩᱡᱷᱟᱣᱜ ᱾ ᱫᱟᱬᱟᱝ ᱯᱟᱨᱚᱢ ᱞᱮᱠᱷᱟᱱ, ᱵᱟᱦᱟ ᱵᱟᱜᱟᱱ ᱧᱟᱢᱚᱜ, ᱵᱟᱦᱟ ᱵᱟᱜᱟᱱ ᱠᱷᱚᱱ ᱫᱟᱹ~ᱭᱱᱟ, ᱨᱩ~ᱣᱟᱹᱲ ᱜᱮ ᱵᱟᱝ ᱥᱟᱱᱟ ᱾
  • ᱚᱛᱟ ᱛᱟᱵᱮᱨ ᱠᱷᱚᱱ ᱜᱮ, ᱡᱟᱱᱟᱢ ᱨᱚᱲ ᱫᱚ ᱪᱮᱫ ᱢᱟᱭ, ᱜᱟᱹᱭ ᱠᱟᱰᱟ ᱜᱩᱯᱤ ᱠᱷᱚᱱ ᱜᱮ, ᱚᱞ ᱯᱟᱲᱦᱟᱣ ᱪᱮᱫ ᱢᱟᱭ ᱾ ᱡᱩᱣᱟᱱ ᱚᱠᱛᱚ ᱨᱮ~ᱜᱮ~, ᱫᱷᱚᱱ ᱫᱚ ᱟᱨᱡᱟᱣ ᱢᱮ, ᱦᱟᱲᱟᱢ ᱚᱠᱛᱚ ᱨᱮᱫᱚ ᱟᱢᱫᱚ, ᱫᱷᱚᱨᱚᱢ ᱟᱨᱡᱟᱣ ᱢᱮ ᱾

ᱦᱟᱹᱴᱤᱧ-᱒[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱠᱩᱞᱦᱤ ᱠᱩᱞᱦᱤ ᱛᱤᱧ ᱪᱟᱞᱟᱜ ᱨᱮᱢᱟ, ᱟᱯᱮ ᱪᱷᱟᱴᱠᱟ ᱧᱟᱢᱚᱜ, ᱚᱲᱟᱜ ᱠᱷᱚᱱᱮᱢ ᱚᱰᱚᱠᱚᱜ ᱨᱮᱥᱮᱫ ᱦᱮᱲᱮᱢ ᱥᱤᱵᱤᱞᱮᱢ ᱨᱚᱯᱚᱲ ᱾ ᱟᱹᱛᱩ ᱫᱤᱥᱚᱢᱤᱧ ᱫᱟᱬᱟᱱ ᱨᱮᱢᱟ ᱵᱚᱭᱦᱟ ᱢᱤᱥᱤ ᱠᱚ ᱧᱟᱢᱚᱜ, ᱥᱟᱱᱛᱟᱲᱤ ᱛᱮᱯᱮ ᱨᱚᱲ ᱨᱮᱥᱮᱫ ᱵᱩᱜᱤ ᱵᱟᱹᱲᱤᱡ ᱮᱢ ᱨᱚᱯᱚᱲ ᱾
  • ᱡᱟᱹᱱᱩᱢ ᱵᱩᱴᱟᱹ ᱟᱠᱷᱲᱟ ᱨᱮ, ᱛᱚᱠᱚᱭ ᱛᱩᱢᱫᱟᱜ ᱛᱚᱠᱚᱭ ᱴᱟᱢᱟᱠ, ᱛᱚᱠᱚᱭ ᱨᱮᱜᱽᱲᱟᱭ ᱨᱩᱭ ᱾ ᱡᱟᱹᱱᱩᱢ ᱵᱩᱴᱟᱹ ᱟᱠᱷᱲᱟ ᱨᱮ, ᱜᱟᱛᱮᱧ ᱛᱩᱢᱫᱟᱜ ᱜᱟᱛᱮᱧ ᱴᱟᱢᱟᱠ, ᱜᱟᱛᱮᱧ ᱨᱮᱜᱽᱲᱟᱭ ᱨᱩᱭ ᱾
  • ᱟᱞᱮ ᱪᱷᱟᱴᱠᱟ ᱡᱚᱡᱚ ᱫᱟᱨᱮ, ᱡᱚᱫᱚ ᱠᱟᱹᱲᱵᱩᱝ ᱜᱮᱭᱟ ᱡᱤᱨᱟᱹ ᱰᱟᱹᱨ, ᱥᱤᱵᱤᱞ ᱵᱷᱮᱜᱟᱨ ᱜᱮ ᱾ ᱠᱚᱭ ᱛᱮᱦᱚᱸ ᱵᱟᱞᱮ ᱮᱢᱚᱜ, ᱠᱤᱨᱤᱧ ᱛᱮᱦᱚᱸ ᱵᱟᱞᱮ ᱮᱢᱚᱜ, ᱟᱡ ᱠᱩᱥᱤ ᱛᱮ ᱧᱩᱨᱩᱜ ᱡᱤᱨᱟᱹ ᱰᱟᱹᱨ, ᱥᱤᱵᱤᱞ ᱵᱷᱮᱜᱟᱨ ᱜᱮ ᱾
  • ᱛᱟᱞᱟ ᱠᱩᱞᱦᱤ ᱟᱠᱷᱲᱟ ᱨᱮ ᱡᱚᱲ ᱥᱟᱨᱡᱚᱢ ᱫᱟᱨᱮ ᱫᱚ - ᱡᱚᱲ ᱥᱟᱨᱡᱚᱢ ᱫᱟᱨᱮ ᱰᱚᱜᱽ ᱫᱚ ᱜᱚᱥᱚ ᱟᱬᱜᱚ ᱭᱮᱱ ᱾ ᱫᱟᱜᱽ ᱢᱮᱥᱮ ᱥᱤᱧ ᱪᱟᱸᱫᱚ ᱡᱟᱹᱲᱤ ᱢᱮᱥᱮ ᱧᱤᱫᱟᱹ ᱪᱟᱸᱫᱚ, ᱡᱚᱲ ᱥᱟᱨᱡᱚᱢ ᱫᱟᱨᱮ ᱰᱚᱜᱽ ᱫᱚ ᱡᱤᱭᱟᱹᱲ ᱨᱩᱣᱟᱲ ᱢᱮ ᱾
  • ᱡᱷᱤᱠᱟᱹ >

ᱛᱟᱦᱟᱸ ᱨᱮᱛᱟ ᱱᱟᱱᱟ ᱛᱟᱨᱱᱟ, ᱛᱟᱦᱟᱸ ᱨᱮᱛᱟ ᱱᱟᱱᱟ ᱦᱳ, ᱛᱟᱦᱟᱸ ᱨᱮᱛᱟ ᱱᱟᱱᱟ ᱡᱮ ᱾ ᱥᱤᱧᱮ ᱥᱟᱱᱟᱢ ᱪᱟᱸᱫᱚ ᱵᱚᱝᱜᱟ ᱢᱚᱬᱮ ᱵᱩᱨᱩ ᱢᱚᱬᱮ ᱵᱚᱝᱜᱟ, ᱡᱮᱜᱮ ᱡᱚᱛᱚ ᱡᱚᱦᱟᱨ ᱦᱟᱯᱲᱟᱢ ᱠᱚ ᱡᱚᱦᱟᱨ ᱾ ᱟᱹᱛᱩ ᱥᱟᱱᱟᱢ ᱢᱟᱺᱡᱷᱤ ᱵᱟᱵᱟ ᱡᱚᱦᱟᱨ ᱯᱟᱨᱟᱱᱤᱠ ᱵᱟᱵᱟ , ᱡᱚᱜᱽ ᱢᱟᱺᱡᱷᱤ ᱡᱚᱜᱽ ᱯᱟᱨᱟᱱᱤᱠ ᱡᱚᱦᱟᱨ ᱜᱚᱰᱮᱛ ᱵᱟᱵᱟ ᱾

  • ᱦᱤᱨᱞᱟᱹ ᱢᱟᱨᱟᱝ ᱵᱳᱨᱳ ᱦᱤᱨᱞᱟᱹ, ᱡᱟᱭ ᱡᱤᱱ ᱡᱟᱦᱮᱨ ᱟᱹᱭᱳ, ᱛᱷᱩᱢ ᱟᱹᱧ ᱯᱮ ᱢᱚᱬᱮ ᱠᱚ ᱛᱩᱨᱩᱭ ᱠᱚ, ᱥᱟᱶᱨᱮ ᱦᱟᱯᱲᱟᱢ ᱠᱚ ᱾ ᱦᱤᱨᱞᱟᱹ ᱟᱭᱳ ᱵᱟᱵᱟ ᱦᱤᱨᱞᱟᱹ, ᱫᱩᱞᱟᱹᱲ ᱫᱷᱚᱢᱚᱠ ᱵᱚᱠᱚ ᱵᱚᱭᱦᱟ, ᱫᱤᱞ ᱫᱟᱲᱮ ᱟᱹᱛᱩ ᱴᱚᱞᱟᱨᱤᱱ ᱯᱮᱲᱟ ᱯᱟᱹᱦᱬᱟᱹ ᱠᱚ ᱾
  • ᱵᱤᱨ ᱵᱟᱸᱫᱽ ᱯᱩᱠᱷᱩᱨᱤ, ᱜᱤᱫᱤ ᱥᱟᱸᱭ ᱥᱟᱸᱭ ᱫᱟᱫᱟ ᱠᱟᱹᱦᱩ ᱢᱟᱸᱰᱮᱨᱟᱭ, ᱟᱢ ᱞᱮᱠᱟᱱ ᱡᱩᱣᱟᱱ ᱠᱚᱲᱟᱭ ᱵᱚᱸᱜᱟ ᱭᱮᱱᱟ ᱫᱚ ᱫᱟᱫᱟ, ᱜᱤᱫᱤ ᱥᱟᱸᱭ ᱥᱟᱸᱭ ᱫᱟᱫᱟ ᱠᱟᱹᱦᱩ ᱢᱟᱰᱮᱨᱟᱭ ᱾
  • ᱮᱱᱟᱝ ᱫᱟᱫᱟᱢ ᱢᱮᱛᱟᱫᱤᱧᱟ, ᱫᱷᱩᱱᱟᱹᱝ ᱵᱩᱰᱤ ᱞᱟ~ᱜᱽᱬᱮ ᱵᱚ ᱮᱱᱮᱡ ᱾ ᱮᱱᱮᱡ ᱥᱚᱢᱚᱭ ᱯᱟᱨᱚᱢᱮᱱ, ᱵᱟᱹᱜᱤᱱ ᱥᱚᱱᱚᱭ ᱥᱮᱴᱮᱨᱮᱱ, ᱵᱟᱞᱮ ᱥᱟᱨᱡᱚᱢ ᱰᱚᱜᱽ ᱞᱮᱠᱟ, ᱢᱚᱱᱮ ᱫᱚ ᱨᱚᱪᱚᱫ ᱮᱱ ᱾

ᱦᱟᱹᱴᱤᱧ-᱓[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱴᱩᱦᱩᱨ ᱞᱟᱜᱽᱬᱮ >

ᱫᱷᱩ~ᱫᱷᱩᱲᱤ ᱦᱚᱲᱢᱚ ᱜᱤᱛᱤᱞ ᱞᱮᱴᱮᱵ ᱞᱮᱴᱮᱵ, ᱫᱷᱩ~ᱫᱷᱩᱲᱤ ᱰᱟᱦᱟᱨ ᱫᱷᱩᱲᱤ ᱫᱩᱲᱩᱭ ᱫᱩᱲᱩᱭ, ᱫᱷᱩ~ᱫᱷᱩᱲᱤ ᱜᱤᱛᱤᱞ ᱮᱞᱟᱝ ᱨᱮ ᱾ ᱫᱷᱩ~ᱫᱷᱩᱲᱤ ᱚᱞᱚᱝ ᱴᱩᱝᱠᱤ ᱫᱤᱯᱤᱞ ᱠᱟᱛᱮ, ᱫᱷᱩ~ᱫᱷᱩᱲᱤ ᱤᱪᱟᱹᱜ ᱦᱟᱭᱟᱨ ᱜᱚᱜ ᱠᱟᱛᱮ, ᱫᱷᱩ~ᱫᱷᱩᱲᱤ ᱨᱟᱱ ᱞᱟᱝ ᱞᱟᱭ, ᱫᱷᱩ~ ᱫᱷᱩᱲᱤ ᱜᱤᱛᱤᱞ ᱮᱞᱟᱝ ᱨᱮ ᱾

ᱦᱟᱹᱴᱤᱧ-᱔[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱛᱟᱞᱟ ᱠᱩᱞᱦᱤ ᱟᱠᱷᱲᱟ ᱨᱮ, ᱛᱚᱠᱚᱭ ᱛᱩᱢᱫᱟᱜ ᱛᱚᱠᱚᱭ ᱴᱟᱢᱟᱠ ᱛᱚᱠᱚᱭ ᱨᱮᱜᱽᱲᱟᱭ ᱨᱩᱭ ᱾ ᱛᱟᱞᱟ ᱠᱩᱞᱦᱤ ᱟᱠᱷᱲᱟ ᱨᱮ ᱜᱟᱛᱮᱧ ᱛᱩᱢᱫᱟᱜ ᱜᱟᱛᱮᱧ ᱴᱟᱢᱟᱠ ᱜᱟᱛᱮᱧ ᱨᱮᱜᱽᱲᱟᱭ ᱨᱩᱭ ᱾
  • ᱦᱚᱨᱛᱤᱧ ᱪᱟᱞᱟᱜ ᱵᱤᱨᱛᱤᱧ ᱪᱟᱞᱟᱜ, ᱪᱮᱫ ᱱᱟᱺᱬᱤᱛᱤᱧ ᱛᱚᱞ ᱟᱠᱟᱱ, ᱟᱹᱛᱩ ᱜᱤᱧ ᱩᱭᱦᱟᱹᱨᱟ ᱾ ᱵᱟᱝᱫᱚ ᱥᱚᱱᱮᱨ ᱥᱤᱠᱲᱤ ᱵᱟᱝᱫᱚ ᱵᱟᱸᱫᱚ ᱱᱟᱺᱬᱤ, ᱜᱟᱛᱮ ᱢᱟᱸᱭᱟᱸ ᱛᱤᱧ ᱛᱚᱞ ᱟᱠᱟᱱ ᱟᱹᱛᱩ ᱜᱤᱧ ᱩᱭᱦᱟᱹᱨᱟ ᱾
  • ᱜᱤᱛᱤᱞ ᱵᱩᱨᱩ ᱨᱮ ᱵᱟᱱᱟᱢ ᱥᱟᱰᱮ, ᱥᱩᱲᱟᱹ ᱱᱟᱹᱭ ᱨᱮ ᱛᱟᱨᱠᱚᱜ, ᱥᱩᱲᱟᱹ ᱱᱟᱹᱭᱨᱮ ᱛᱟᱨᱠᱚᱜ ᱡᱤᱨᱟᱹᱰᱟᱹᱨ ᱨᱚᱛᱚᱱ ᱢᱚᱱᱮᱨᱮ ᱾ ᱚᱱᱟ ᱟᱛᱮᱱ ᱛᱮᱜᱮ ᱚᱱᱟ ᱟᱸᱡᱚᱢ ᱛᱮᱜᱮ, ᱦᱮᱨᱢᱮᱫ ᱫᱤᱯᱤᱞ ᱯᱮᱨᱮᱡ ᱴᱷᱤᱞᱤ ᱛᱩᱞᱟᱹᱧ ᱫᱚᱦᱚᱭᱟᱹᱧ ᱾
  • ᱥᱮᱫᱟᱭ ᱛᱟᱸᱦᱮ ᱠᱟᱱ ᱥᱚᱛᱚ ᱛᱟᱦᱮᱸ ᱠᱟᱱ, ᱵᱤᱨ ᱵᱩᱨᱩ ᱫᱟᱨᱮ ᱛᱟᱦᱮᱸ ᱠᱟᱱ, ᱦᱤᱥᱤᱫ ᱦᱚᱭᱛᱮ ᱥᱮᱨᱢᱟ ᱡᱟᱹᱲᱤ ᱛᱮ, ᱫᱤᱱᱜᱮ ᱥᱟᱶᱟᱭ ᱞᱮᱫ ᱾ ᱱᱟᱦᱟᱜ ᱱᱚᱝᱠᱟ ᱡᱩᱜᱽ ᱫᱚ ᱵᱚᱫᱚᱞᱮᱱ, ᱵᱤᱨ ᱵᱩᱨᱩ ᱫᱟᱨᱮ ᱦᱚᱸ ᱩᱡᱟᱹᱲᱮᱱ, ᱥᱮᱨᱢᱟ ᱥᱤᱛᱩᱝ ᱛᱮ ᱞᱚᱞᱚ ᱦᱚᱭ ᱛᱮ, ᱫᱤᱱᱜᱮ ᱟᱠᱟᱞᱮᱫ ᱾
  • ᱚ~ᱲᱟᱜ ᱵᱚ ᱵᱮᱱᱟᱣᱟ ᱞᱟᱲ ᱛᱮ ᱵᱚ ᱛᱚᱞᱟ, ᱵᱟᱵᱮᱨ ᱛᱮ ᱵᱚ ᱛᱚᱞᱟ, ᱠᱷᱮᱨᱣᱟᱲ ᱡᱟᱹᱛᱤ ᱫᱚ ᱵᱚᱭᱦᱟ, ᱪᱮᱫ ᱛᱮᱵᱚ ᱛᱚᱞᱟ ᱾ ᱛᱟᱞᱮ ᱫᱟᱨᱮ ᱠᱷᱤᱡᱩᱨ ᱫᱟᱨᱮ, ᱫᱷᱟᱨᱮ ᱨᱮᱜᱮ ᱢᱟᱸᱡᱟᱱ, ᱡᱚᱛᱚ ᱫᱟᱨᱮ ᱫᱚ ᱵᱚᱭᱦᱟ, ᱛᱟᱞᱟ ᱨᱮᱜᱮ ᱢᱟᱸᱡᱟᱱ, ᱠᱷᱮᱨᱣᱟᱲ ᱡᱟᱹᱛᱤ ᱫᱚ ᱵᱚᱭᱦᱟ, ᱠᱟᱛᱷᱟ ᱨᱮᱜᱮ ᱢᱟᱸᱡᱟ ᱾
  • ᱡᱷᱟᱵᱟᱨᱟᱹᱞᱤ ᱜᱩᱞᱟᱹᱪᱤ ᱰᱟᱹᱨ, ᱵᱟᱦᱟ ᱢᱚᱦᱮᱸ ᱵᱷᱩᱴᱩᱜ ᱜᱮ, ᱨᱟᱸᱥᱤ ᱱᱟᱜᱟᱨ ᱨᱩᱥᱤᱠᱟᱦᱚ, ᱰᱟᱹᱨ ᱟᱞᱚᱢ ᱨᱟᱹᱯᱩᱫᱽ ᱾ ᱫᱟᱨᱮ ᱞᱤᱪᱟᱹᱲ ᱜᱮᱭᱟ, ᱵᱟᱦᱟ ᱢᱚᱦᱮ ᱜᱮᱭᱟ, ᱨᱟᱹᱥᱤ ᱱᱟᱜᱟᱨ ᱨᱩᱥᱤᱠᱟᱦᱚ, ᱫᱟᱨᱮ ᱜᱚᱥᱚᱜᱼᱟ ᱾
  • ᱵᱤᱫᱩ ᱵᱟᱱᱟᱢ ᱠᱷᱚᱱᱟᱜ ᱚᱞ ᱪᱤᱠᱤ ᱫᱚ ᱚᱯᱷᱮᱞᱮᱱ, ᱪᱟᱸᱫᱟᱱ ᱥᱮᱨᱮᱧ ᱨᱟᱦᱟ ᱠᱷᱚᱱᱟᱜ ᱨᱟᱹᱲ ᱫᱚ ᱨᱟᱶᱟᱣ ᱮᱱ ᱾ ᱠᱟᱹᱯᱤ ᱵᱩᱨᱩ ᱨᱮ ᱛᱟᱠᱮᱨᱮᱱ ᱫᱷᱤᱨᱤ ᱫᱟᱨᱮ ᱨᱮ ᱪᱤᱛᱟᱹᱨᱮᱱ, ᱨᱟᱹᱜᱷᱩ ᱢᱩᱨᱢᱩ ᱢᱚᱱᱮ ᱢᱮᱫ ᱨᱮ ᱚᱞ ᱪᱤᱠᱤ ᱫᱚ ᱵᱩᱥᱟᱹᱲᱮᱱ ᱾