ᱞᱟᱝᱛᱤᱛᱤ ᱠᱤᱥᱠᱩ
| ᱞᱟᱝᱛᱤᱛᱤ ᱠᱤᱥᱠᱩ Lantiti Kisku | |
|---|---|
 ᱟᱡ ᱵᱟᱵᱟ ᱥᱟᱶᱛᱮ ᱞᱟᱝᱛᱤᱛᱤ ᱠᱤᱥᱠᱩ, ᱵᱟᱝᱞᱟᱫᱮᱥ ᱨᱮ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱖ ᱱᱚᱵᱷᱮᱢᱵᱚᱨ ᱒᱐᱐᱔ ᱵᱚᱦᱚᱨᱚᱢᱯᱩᱨ, ᱢᱩᱨᱥᱤᱫᱟᱵᱟᱫᱽ, ᱯᱟᱹᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ | ᱥᱮᱨᱮᱧ ᱵᱟᱰᱚᱦᱤ |
| ᱥᱤᱨᱯᱷᱟᱹ | ᱯᱷᱟᱹᱜᱩᱱ ᱥᱤᱨᱯᱟᱹ - ᱒᱐᱑᱙
ᱱᱟᱨᱤ ᱥᱚᱠᱛᱤ ᱤᱭᱠᱚᱱ ᱟᱪᱤᱵᱟᱨ ᱥᱤᱨᱯᱷᱟᱹ - ᱒᱐᱒᱔ |
ᱞᱟᱝᱛᱤᱛᱤ ᱠᱤᱥᱠᱩ (ᱡᱟᱱᱟᱢ: ᱖ ᱱᱚᱵᱷᱮᱢᱵᱚᱨ ᱒᱐᱐᱔) ᱫᱚ ᱥᱤᱧᱚᱛ ᱨᱮᱱ ᱢᱤᱫᱴᱟᱹᱝ ᱥᱟᱱᱛᱟᱲᱤ ᱥᱮᱨᱮᱧ ᱵᱟᱰᱚᱦᱤᱭᱟᱹ ᱠᱟᱱᱟᱭ ᱾ ᱠᱤᱥᱠᱩ ᱫᱚ ᱒᱐᱑᱙ ᱥᱮᱨᱢᱟ ᱨᱮ ᱯᱷᱟᱹᱜᱩᱱ ᱢᱟᱹᱱ ᱥᱚᱢᱢᱟᱱ ᱟᱨ ᱒᱐᱒᱔ ᱥᱮᱨᱢᱟ ᱨᱮ ᱫᱟᱫᱟ ᱥᱟᱦᱮᱵᱽ ᱯᱷᱟᱞᱠᱮ ᱟᱭᱠᱚᱱ ᱥᱤᱨᱯᱷᱟ. ᱯᱷᱤᱞᱢ ᱯᱟᱦᱴᱟ ᱠᱷᱚᱱ ᱱᱟᱨᱤ ᱥᱚᱠᱛᱤ ᱤᱭᱠᱚᱱ ᱟᱪᱤᱵᱟᱨ ᱥᱤᱨᱯᱷᱟᱹ ᱧᱟᱢ ᱟᱠᱟᱫᱟ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱯᱟᱹᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱢᱩᱨᱥᱤᱫᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱵᱚᱦᱚᱨᱚᱢᱯᱩᱨ ᱨᱮ ᱱᱩᱭ ᱫᱚᱭ ᱡᱟᱱᱟᱢ ᱟᱠᱟᱱᱟ ᱾ ᱟᱡ ᱵᱟᱵᱟ ᱫᱤᱞᱤᱯ ᱠᱤᱥᱠᱩ ᱟᱨ ᱜᱚᱜᱚ ᱢᱚᱫᱷᱩᱢᱤᱛᱟ ᱢᱟᱺᱨᱰᱤ ᱛᱤᱠᱤᱱ ᱦᱚᱸ ᱠᱤᱱ ᱥᱮᱨᱮᱧ ᱵᱟᱰᱚᱦᱤ ᱥᱟᱶ ᱚᱱᱚᱞᱤᱭᱟᱹ ᱟᱨ ᱥᱟᱶᱛᱟ ᱨᱮᱱᱟᱜ ᱞᱟᱹᱭ ᱞᱟᱠᱪᱟᱨ ᱪᱟᱨᱪᱟ, ᱵᱟᱝᱪᱟᱣ ᱠᱟᱹᱢᱤ ᱨᱮ ᱪᱷᱩᱴᱟᱹᱣ ᱢᱮᱱᱟᱜ ᱠᱤᱱᱟ ᱾ ᱟᱡ ᱵᱟᱵᱟ ᱫᱚ ᱛᱟᱱᱟᱞᱟ ᱤᱛᱩᱱ ᱟᱥᱲᱟ ᱨᱮᱱ ᱵᱟᱝᱞᱟ ᱥᱟᱛᱟᱢ ᱨᱮᱱ ᱢᱟᱪᱮᱫ ᱦᱚᱸ ᱠᱟᱱᱟᱭ ᱾ ᱞᱟᱝᱛᱤᱛᱤ ᱨᱮᱱ ᱠᱟᱹᱴᱤᱡ ᱵᱚᱭᱦᱟ ᱱᱩᱢᱮᱞ ᱠᱤᱥᱠᱩ ᱫᱚ ᱱᱤᱛ ᱨᱮᱜᱮ ᱠᱟᱨᱟᱴᱮ ᱨᱮ ᱟᱹᱰᱤ ᱵᱷᱟᱹᱜᱤ ᱧᱩᱛᱩᱢ ᱮᱫᱼᱟ ᱾
ᱞᱟᱝᱛᱤᱛᱤ ᱠᱤᱥᱠᱩ ᱡᱟᱱᱟᱢ ᱛᱟᱭᱚᱢ ᱜᱮ ᱟᱡ ᱱᱟᱱᱟ ᱟᱨ ᱠᱩᱢᱟᱹᱝ ᱛᱟᱹᱠᱤᱱᱟᱜ ᱚᱲᱟᱜ ᱨᱮᱜᱮ ᱒ ᱥᱮᱨᱢᱟᱭ ᱛᱟᱦᱮᱸᱣᱠᱟᱱᱟ ᱾ ᱤᱱᱟᱹ ᱛᱟᱭᱚᱢ ᱒᱐᱐᱖ ᱥᱮᱨᱢᱟ ᱥᱮᱡ ᱟᱡ ᱵᱟᱵᱟ ᱟᱜ ᱠᱟᱹᱢᱤ ᱠᱷᱟᱹᱛᱤᱨ ᱮᱛᱚᱢ ᱫᱤᱱᱟᱹᱡᱽᱯᱩᱨ ᱨᱮᱱᱟᱜ ᱪᱚᱠ ᱵᱷᱚᱵᱟᱱᱤᱯᱩᱨ ᱨᱮᱠᱚ ᱦᱮᱡ ᱮᱱᱟ ᱾ ᱚᱸᱰᱮ ᱜᱮ ᱠᱟᱞᱤᱭᱟᱜᱚᱸᱡᱽ ᱯᱨᱚᱱᱚᱵᱟᱱᱚᱱᱫᱚ ᱤᱥᱠᱩᱞ ᱨᱮ ᱠᱩ ᱵᱷᱳᱨᱛᱤ ᱠᱮᱫᱮᱭᱟ ᱾ ᱤᱱᱟᱹ ᱛᱟᱭᱚᱢ ᱠᱟᱞᱤᱭᱟᱜᱚᱸᱡᱽ ᱢᱤᱞᱚᱱᱢᱚᱭᱤ ᱵᱟᱞᱤᱠᱟ ᱩᱪᱪᱚ ᱵᱤᱨᱫᱟᱹᱜᱟᱲ ᱨᱮ ᱢᱚᱬᱮ ᱠᱞᱟᱥ ᱨᱮ ᱠᱚ ᱵᱷᱳᱨᱛᱤ ᱠᱮᱫᱮᱭᱟ ᱾
ᱠᱟᱹᱴᱤᱡ ᱠᱷᱚᱱ ᱜᱮ ᱞᱟᱝᱛᱤᱛᱤ ᱫᱚ ᱚᱞᱚᱜ ᱯᱟᱲᱦᱟᱣ, ᱮᱱᱮᱡ-ᱥᱮᱨᱮᱧ, ᱪᱤᱛᱟᱹᱨ ᱵᱮᱱᱟᱣ ᱟᱨ ᱠᱟᱨᱟᱴᱮ ᱵᱮᱥ ᱛᱮᱭ ᱥᱮᱬᱟ ᱠᱮᱫᱼᱟ ᱾
ᱥᱮᱨᱮᱧ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱮᱨᱮᱧ ᱵᱟᱰᱚᱦᱤ ᱞᱮᱠᱟᱛᱮ ᱠᱟᱹᱴᱤᱡ ᱠᱷᱚᱱ ᱜᱮ ᱧᱩᱛᱩᱢ ᱠᱚ ᱯᱟᱥᱱᱟᱣ ᱫᱷᱩᱨᱟᱹᱣᱮᱱ ᱛᱟᱭᱟ ᱾ ᱤᱣᱴᱤᱣᱵᱽ ᱪᱮᱱᱮᱞ ᱫᱟᱨᱟᱭᱛᱮ ᱱᱮᱛᱚᱜ ᱞᱟᱝᱛᱤᱛᱤ ᱥᱮᱨᱮᱧ ᱫᱷᱟᱹᱨᱛᱤ ᱨᱮᱱ ᱡᱚᱛᱚ ᱥᱟᱱᱛᱟᱲ ᱴᱷᱮᱱ ᱯᱟᱥᱱᱟᱣ ᱟᱠᱟᱱᱟ ᱾ ᱩᱱᱟᱹᱜ ᱦᱩᱰᱤᱧ ᱚᱠᱛᱚᱨᱮᱜᱮ ᱞᱟᱝᱛᱤᱛᱤ ᱟᱜ ᱞᱤᱴᱷᱩᱨ ᱟᱲᱟᱝ ᱛᱮ ᱥᱟᱱᱛᱟᱲ ᱦᱚᱯᱚᱱᱟᱜ ᱡᱟᱹᱛ, ᱯᱟᱹᱨᱥᱤ, ᱟᱹᱨᱤᱪᱟᱹᱞᱤ ᱨᱩᱠᱷᱤᱭᱟᱹ ᱨᱮᱱᱟᱜ ᱥᱮᱨᱮᱧ ᱡᱚᱛᱚ ᱥᱟᱱᱛᱟᱲ ᱦᱚᱯᱚᱱᱟᱜ ᱢᱚᱱ ᱨᱮᱜᱮ ᱵᱟᱥᱟᱣ ᱟᱠᱟᱱᱟ ᱾
ᱥᱮᱨᱮᱧ ᱠᱷᱟᱹᱛᱤᱨ ᱛᱮᱜᱮ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱡᱟᱜᱟ ᱦᱚᱸ ᱱᱤᱛ ᱨᱮᱜᱮᱭ ᱫᱟᱬᱟ ᱯᱩᱨᱟᱹᱣ ᱟᱠᱟᱫᱼᱟ ᱾ ᱤᱱᱟᱹ ᱵᱟᱫᱽ ᱠᱟᱛᱮ ᱦᱚᱸ ᱵᱟᱝᱞᱟᱫᱮᱥ ᱨᱮ ᱵᱟᱦᱟ ᱯᱚᱨᱚᱵᱽ ᱟᱠᱷᱲᱟ ᱨᱮ ᱦᱚᱸᱭ ᱥᱮᱨᱮᱧ ᱟᱠᱟᱫᱼᱟ ᱾
ᱥᱤᱨᱯᱷᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱟᱝᱛᱤᱛᱤ ᱠᱤᱥᱠᱩ ᱥᱮᱨᱮᱧ ᱠᱷᱟᱹᱛᱤᱨ ᱜᱮ ᱟᱭᱢᱟ ᱚᱱᱩᱥᱴᱷᱟᱱ ᱠᱚᱨᱮ ᱠᱚ ᱱᱮᱶᱛᱟ ᱟᱠᱟᱫᱮᱭᱟ ᱟᱨ ᱱᱟᱱᱟ ᱦᱩᱱᱟᱹᱨ ᱢᱟᱹᱱ ᱦᱚᱸ ᱠᱚ ᱪᱟᱞ ᱟᱠᱟᱣᱫᱮᱭᱟ ᱾
- ᱒᱐᱑᱙ ᱥᱮᱨᱢᱟ ᱨᱮ ᱯᱷᱟᱹᱜᱩᱱ ᱢᱟᱹᱱ ᱥᱚᱢᱢᱟᱱ
- ᱒᱐᱒᱔ ᱥᱮᱨᱢᱟ ᱨᱮ ᱱᱟᱨᱤ ᱥᱚᱠᱛᱤ ᱟᱭᱠᱚᱱ ᱟᱪᱤᱵᱟᱨ ᱥᱤᱨᱯᱷᱟᱹ ᱒᱐᱒᱔[᱑]
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ "दिल्ली में सम्मानित हुई संथाली सिंगर लांतिति किस्कू - Dharwak Khobor" (in ᱦᱤᱱᱫᱤ). 2024-08-26. Retrieved 2024-08-26.[permanent dead link]