ᱞᱤᱥᱟ ᱰᱮᱞ ᱡᱤᱭᱳᱠᱳᱱᱰᱳ
| Lisa del Giocondo | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Lisa Gherardini June 15, 1479 Via Maggio, Republic of Florence |
| ᱜᱩᱨ | July 15, 1542 (aged 63) Convent of Saint Orsola, Duchy of Florence |
| ᱧᱩᱢᱱᱟᱢ | Subject of Mona Lisa |
| ᱡᱤᱭᱚᱱ ᱥᱚᱦᱮᱫ | Francesco di Bartolomeo di Zanobi del Giocondo |
| ᱦᱚᱯᱚᱱ | 5 |
| ᱟᱯᱟᱛ ᱮᱸᱜᱟᱛ | Antonmaria di Noldo Gherardini Lucrezia del Caccia |
ᱞᱤᱥᱟ ᱰᱮᱞ ᱡᱤᱭᱳᱠᱳᱱᱰᱳ ᱟᱨᱵᱟᱝ ᱞᱤᱥᱟ ᱜᱷᱮᱨᱟᱨᱰᱤᱱᱤ (ᱡᱩᱱ ᱑᱕, ᱑᱔᱗᱙ – ᱡᱩᱞᱟᱭ ᱑᱕, ᱑᱕᱔᱒) ᱫᱚ ᱤᱴᱟᱞᱤᱭᱟᱱ ᱧᱩᱢᱟᱱ ᱠᱤᱥᱟ.ᱬ ᱠᱩᱲᱤ ᱦᱚᱯᱚᱱ ᱠᱟᱱ ᱛᱟᱦᱮᱸᱱ ᱾ ᱡᱟᱦᱟᱸᱭ ᱫᱚ ᱯᱷᱞᱳᱨᱮᱱᱥ (Florence) ᱟᱨ ᱴᱩᱥᱠᱟᱱᱤ (Tuscany) ᱨᱮᱭᱟᱜ ᱜᱷᱮᱨᱟᱨᱰᱤᱱᱤ ᱜᱷᱟᱨᱚᱸᱡᱽ ᱨᱤᱱᱤᱡ ᱢᱤᱫ ᱥᱚᱦᱮᱫ ᱠᱟᱱ ᱛᱟᱦᱮᱸᱫ ᱾ ᱟᱡᱟᱜ ᱧᱩᱢ ᱫᱚ ᱟᱡ ᱡᱟᱶᱟᱭ ᱢᱳᱱᱟ ᱞᱤᱥᱟ ᱫᱚᱦᱚ ᱞᱮᱫ ᱛᱟᱭᱟ ᱟᱨ ᱞᱤᱭᱳᱱᱟᱨᱰᱳ ᱫᱟ ᱵᱷᱤᱱᱪᱤ (Leonardo da Vinci) ᱱᱩᱭᱟᱜ ᱥᱤᱱᱟ.ᱢ ᱪᱤᱛᱟ.ᱨ ᱤᱴᱟᱞᱤ ᱯᱩᱱᱚᱨᱡᱟᱜᱚᱨᱚᱬ (Renaissance) ᱚᱠᱛᱮ ᱛᱮᱭᱟᱨ ᱞᱮᱫ-ᱟᱭ ᱾ ᱟ.ᱰᱤ ᱠᱚᱢᱜᱮ ᱞᱤᱥᱟ ᱦᱟᱜ ᱡᱤᱭᱚᱱ ᱵᱟᱨᱮᱛᱮ ᱵᱟᱰᱟᱭ ᱟᱠᱟᱱᱟ ᱾ ᱟᱡ ᱫᱚ ᱯᱷᱞᱳᱨᱮᱱᱥ (Florence) ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱢᱤᱫ ᱞᱩᱜᱽᱲᱤ ᱵᱮᱯᱟᱨᱤᱭᱟ. ᱥᱟᱶᱮ ᱵᱟᱯᱞᱟ ᱞᱮᱱᱟ,ᱡᱟᱦᱟᱸᱭ ᱫᱚ ᱛᱟᱭᱚᱢᱛᱮ ᱚᱱᱰᱮᱱ ᱞᱳᱠᱟᱞ ᱚᱯᱷᱤᱥᱳᱨ ᱵᱮᱱᱟᱣ ᱞᱮᱱᱟᱭ ᱾ ᱟᱡ ᱨᱤᱱ ᱫᱚ ᱢᱚᱬᱮ ᱜᱚᱴᱟᱝ ᱜᱤᱫᱟ.ᱨᱠᱚ ᱛᱟᱦᱮᱸᱭᱟ ᱟᱨ ᱢᱤᱰᱤᱞ-ᱠᱞᱟᱥ ᱠᱷᱚᱱ ᱱᱟᱥᱮ ᱪᱮᱛᱟᱱ ᱡᱤᱭᱚᱱᱠᱚ ᱠᱷᱟᱱᱰᱟᱣᱮᱫ ᱛᱟᱦᱮᱸᱫ ᱾ ᱞᱤᱥᱟ ᱦᱟᱜ ᱥᱟᱭ ᱥᱮᱨᱢᱟ ᱜᱩᱨ ᱛᱟᱭᱚᱢ ᱟᱡᱟᱜ ᱥᱤᱱᱟ.ᱢ ᱪᱤᱛᱟ.ᱨ (ᱢᱳᱱᱟ ᱞᱤᱥᱟ) ᱫᱩᱱᱤᱭᱟ. ᱨᱮᱭᱟᱜ ᱡᱮᱛᱮ ᱠᱷᱚᱱ ᱯᱷᱮᱢᱚᱥ ᱯᱮᱱᱴᱤᱝ ᱦᱩᱭ ᱞᱮᱱᱟ ᱟᱨ ᱚᱱᱟ ᱫᱚ ᱡᱩᱫᱟ. ᱡᱤᱭᱚᱱᱮ ᱧᱟᱢ ᱠᱮᱫᱟ ᱾[᱑] ᱠᱷᱚᱸᱫᱽᱨᱚᱸᱫᱤᱭᱟᱠᱚ ᱦᱚᱛᱮᱛᱮ ᱱᱚᱣᱟ ᱫᱚ ᱡᱮᱜᱮᱛ ᱨᱮᱭᱟᱜ ᱦᱩ.ᱱᱟ.ᱨ ᱞᱟ.ᱜᱤᱫ ᱢᱤᱫ ᱟᱭᱠᱚᱱ ᱛᱮᱭᱟᱨᱮᱱᱟ ᱟᱨ ᱵᱮᱯᱟᱨ ᱨᱮᱭᱟᱜ ᱦᱚᱸ ᱢᱤᱫ ᱡᱤᱱᱤᱥ ᱦᱩᱭᱮᱱᱟ ᱾ ᱒᱐᱐᱕ ᱥᱟᱞᱨᱮ ᱵᱟᱰᱟᱭᱮᱱᱟ ᱡᱮ, ᱞᱤᱥᱟ ᱜᱮ ᱢᱳᱱᱟ ᱞᱤᱥᱟ ᱨᱮᱭᱟᱜ ᱢᱚᱰᱮᱞ ᱫᱚᱭ ᱛᱟᱦᱮᱸ ᱠᱟᱱᱟ ᱾
ᱟᱬᱜᱟᱛ ᱡᱤᱭᱚᱱ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱤᱥᱟ ᱛᱮᱠᱚᱣᱟᱜ ᱫᱚ ᱯᱷᱞᱳᱨᱮᱱᱥ,ᱤᱴᱟᱞᱤ ᱱᱟᱜᱟᱨ ᱨᱮ ᱟᱨᱤᱥᱴᱚᱠᱨᱟᱴᱤᱠ (aristocratic) ᱠᱷᱩᱴ ᱨᱤᱱ,ᱢᱟᱨᱮ ᱜᱷᱟᱨᱚᱸᱡᱽ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱾ ᱤᱠᱷᱟ.ᱱ ᱚᱠᱛᱚ ᱨᱮᱭᱟᱜ ᱱᱟᱜᱟᱢᱨᱮ ᱚᱱᱟ ᱚᱨᱥᱚᱝ ᱠᱚᱫᱚ ᱢᱩᱪᱟ.ᱫ ᱟᱠᱟᱱᱟ ᱾ ᱟᱠᱚ ᱫᱚ ᱢᱤᱰᱤᱞ-ᱠᱞᱟᱥ ᱦᱚᱲ ᱠᱟᱱ ᱛᱟᱦᱮᱸᱱ ᱠᱚ ᱟᱨ ᱭᱩᱨᱳᱯ ᱨᱮᱭᱟᱜ ᱢᱟᱨᱟᱝ ᱱᱟᱜᱟᱨ ᱨᱮ ᱪᱟᱥ ᱠᱤᱨᱥᱤ ᱠᱟᱛᱮᱱ ᱠᱚ ᱟ.ᱥᱩᱞᱚᱜ ᱠᱟᱱ ᱛᱟᱦᱮᱸᱱ ᱾ ᱯᱞᱳᱨᱮᱱᱥ ᱱᱟᱜᱟᱨ ᱨᱤᱱ ᱦᱚᱲ ᱠᱚᱣᱟᱜ ᱩᱱ ᱚᱠᱛᱚ ᱠᱟ.ᱣᱰᱤ-ᱟ.ᱨᱤ ᱨᱮ ᱟ.ᱰᱤᱜᱮ ᱯᱷᱚᱨᱚᱠ ᱛᱟᱦᱮᱸ ᱠᱟᱱ ᱛᱟᱠᱚᱣᱟ ᱾
ᱟᱡ ᱵᱟᱵᱟ ᱦᱟᱜ ᱧᱩᱛᱩᱢ ᱫᱚ ᱟᱱᱴᱳᱱᱢᱟᱨᱤᱭᱟ ᱰᱤ ᱱᱳᱞᱫᱮ ᱜᱷᱮᱨᱟᱨᱰᱤᱱᱤ (Antonmaria di Noldo Gherardini) ᱯᱟ.ᱦᱤᱞ ᱫᱚ ᱯᱳᱜᱽᱜᱤᱭᱳ (Poggio) ᱨᱮᱭᱟᱜ ᱥᱟᱱ ᱫᱳᱛᱟᱱᱟ (San Donato) ᱨᱮᱠᱚ ᱛᱟᱦᱮᱸ ᱠᱟᱱᱟ ᱟᱨ ᱮᱱᱮᱜᱮ ᱟᱡ ᱵᱟᱵᱟ ᱫᱚ ᱯᱞᱳᱨᱮᱱᱥ ᱛᱮᱭ ᱩᱪᱟ.ᱲ ᱦᱮᱡ ᱞᱮᱱᱟ ᱾ ᱟᱱᱴᱳᱱᱢᱟᱨᱤᱭᱟ/ᱜᱷᱮᱨᱟᱨᱰᱤᱱᱤ ᱨᱤᱱ ᱫᱚ ᱵᱟᱨᱭᱟ ᱮᱨᱟᱠᱤᱱ ᱜᱩᱨ ᱞᱮᱱ ᱛᱟᱭᱟ ᱾ ᱢᱤᱫ ᱫᱚ ᱞᱤᱥᱟ ᱰᱤ ᱜᱤᱭᱳᱵᱷᱟᱱᱱᱤ ᱯᱷᱤᱞᱤᱯᱳ ᱫᱮ ᱠᱟᱨᱰᱩᱠᱠᱤ(Lisa di Giovanni Filippo de' Carducci),ᱡᱟᱦᱟᱸᱭ ᱫᱚ ᱑᱔᱖᱕ ᱥᱟᱞᱨᱮ ᱵᱟᱯᱞᱟ ᱞᱮᱫᱮᱭᱟ ᱾ ᱫᱚᱥᱟᱨᱤᱡ ᱫᱚ ᱠᱟᱴᱮᱨᱤᱱᱟ ᱰᱤ ᱢᱟᱨᱤᱭᱳᱴᱴᱳ ᱨᱩᱞᱞᱟᱭ (Caterina di Mariotto Rucellai),ᱱᱩᱭ ᱫᱚ ᱑᱔᱗᱓ ᱥᱟᱞᱨᱮ ᱵᱟᱯᱞᱟ ᱞᱮᱫᱮᱭᱟ ᱾ ᱵᱟᱱᱟᱨᱜᱮ ᱜᱤᱫᱟ.ᱨ ᱡᱟᱱᱟᱢ ᱚᱠᱛᱚ ᱨᱮᱠᱤᱱ ᱜᱩᱨ ᱞᱮᱱᱟ ᱾ ᱞᱤᱥᱟ ᱟᱡ ᱟᱭᱚ ᱫᱚ ᱞᱩᱠᱨᱮᱡᱤᱭᱟ ᱰᱮᱞ ᱠᱟᱠᱥᱤᱭᱟ (Lucrezia del Caccia),ᱡᱟᱦᱟᱸᱭ ᱫᱚ ᱯᱤᱭᱮᱨᱟ ᱥᱯᱤᱱᱮᱞᱞᱤ (Piera Spinelli) ᱭᱤᱡ ᱦᱚᱯᱚᱱ ᱮᱨᱟ ᱟᱨᱵᱟᱝ ᱜᱷᱮᱨᱟᱨᱰᱤᱱᱤ ᱭᱤᱡ ᱛᱮᱥᱟᱨ ᱵᱟ.ᱦᱩ ᱾
ᱵᱟᱯᱞᱟ ᱟᱨ ᱛᱟᱭᱚᱢ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱤᱥᱟ ᱫᱚ ᱢᱟᱨᱪ ᱕, ᱑᱔᱙᱕ ᱥᱟᱞᱨᱮ,ᱟᱡᱟᱜ ᱑᱕ ᱵᱚᱪᱷᱚᱨ ᱮᱢᱮᱨ ᱨᱮ ᱯᱨᱟᱱᱥᱮᱥᱠᱳ ᱰᱤ ᱵᱟᱨᱛᱳᱞᱳᱢᱮᱣᱳ ᱰᱤ ᱡᱟᱱᱳᱵᱤ ᱰᱮᱞ ᱡᱤᱭᱳᱠᱳᱱᱰᱳ (Francesco di Bartolomeo di Zanobi del Giocondo) ᱥᱟᱶᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱱ ᱟᱨ ᱡᱤᱭᱳᱠᱳᱱᱰᱳ ᱭᱤᱡ ᱛᱮᱥᱟᱨ ᱮᱨᱟ ᱦᱩᱭᱮᱱᱟᱭ ᱾