ᱞᱤᱭᱚᱱᱮᱞ ᱢᱮᱥᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
2018
ᱞᱤᱭᱚᱱᱮᱞ ᱢᱮᱥᱤ

ᱞᱤᱭᱚᱱᱮᱞ ᱢᱮᱥᱤ ᱫᱚ ᱟᱨᱡᱮᱱᱴᱤᱱᱟ ᱨᱤᱱᱤᱡ ᱩᱫᱟᱹᱢ ᱪᱤᱸᱰᱩ ᱠᱷᱮᱞᱚᱸᱰᱤᱭᱟᱹᱭ ᱠᱟᱱᱟᱭ ᱾ ᱩᱱᱤᱫᱚ ᱟᱨᱡᱮᱱᱴᱤᱱᱟ ᱡᱟᱹᱛᱤᱭᱟᱹᱨᱤ ᱪᱤᱸᱰᱩ ᱫᱚᱞ ᱟᱨ ᱥᱯᱮᱱᱤᱥ ᱞᱟ ᱞᱤᱜᱟ ᱫᱚᱞ ᱵᱟᱨᱥᱤᱞᱚᱱᱟ ᱠᱷᱚᱱᱮ ᱮᱱᱮᱡᱼᱟ ᱾ ᱟᱹᱰᱤ ᱜᱟᱱ ᱦᱚᱲ ᱜᱮ ᱢᱮᱥᱤ ᱫᱚ ᱡᱮᱜᱮᱛ ᱨᱤᱱᱤᱡ ᱢᱤᱫ ᱵᱷᱟᱹᱜᱤ ᱠᱷᱮᱞᱚᱸᱰᱤᱭᱟᱹ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ ᱾ ᱩᱱᱤ ᱫᱚ ᱡᱮᱜᱮᱛ ᱨᱤᱱᱤᱡ ᱢᱤᱫ ᱠᱷᱮᱞᱚᱸᱰᱤᱟᱭᱟᱹ ᱡᱟᱦᱟᱸᱭ ᱫᱚ ᱵᱟᱞᱟᱱ ᱰᱤ ᱚᱨ ᱥᱤᱨᱯᱷᱟᱹ ᱧᱟᱢ ᱟᱠᱟᱫ ᱟᱭ ᱾ ᱩᱱᱤ ᱫᱚ ᱯᱮᱭᱟ ᱤᱣᱨᱚᱯᱤᱭᱟᱱ ᱥᱚᱱᱟ ᱵᱩᱴ ᱮ ᱧᱟᱢ ᱟᱠᱟᱫᱼᱟ ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱥᱤ ᱒᱔ ᱡᱩᱱ ᱑᱙᱘᱗ ᱥᱟᱞᱮᱨᱮ ᱨᱳᱥᱚᱨᱤᱭᱚ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱥᱮ ᱱᱤᱣᱭᱮᱞ ᱚᱞᱰ ᱵᱚᱭᱮᱡᱽ ᱨᱮ ᱖ ᱥᱟᱞ ᱩᱢᱮᱨ ᱨᱮ ᱥᱮᱞᱮᱫ ᱞᱮᱱ ᱛᱟᱦᱮᱸᱫ ᱾ ᱚᱸᱰᱮ ᱩᱱᱤ ᱖ ᱥᱮᱨᱢᱟ ᱵᱷᱤᱛᱤᱨ ᱨᱮ ᱜᱮ ᱕᱐᱐ ᱠᱷᱚᱱ ᱵᱟᱹᱲᱛᱤ ᱜᱮ ᱜᱚᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱑᱐ ᱥᱮᱨᱢᱟ ᱵᱚᱭᱚᱥ ᱨᱮ ᱜᱨᱚᱛᱷ ᱦᱚᱨᱢᱚᱱ ᱚᱵᱷᱟᱵᱽ ᱨᱮ ᱧᱩᱨ ᱞᱮᱱ ᱛᱟᱦᱮᱸᱫ ᱾ ᱱᱤᱣᱭᱮᱞ ᱚᱞᱰ ᱵᱚᱭᱮᱡᱽ ᱢᱮᱥᱤᱭᱟᱜ ᱟᱡᱟᱨ ᱵᱮᱥ ᱞᱟᱹᱜᱤᱫ ᱜᱚᱲᱚᱭ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱨᱤᱵᱷᱚᱨ ᱯᱞᱮᱴ ᱢᱮᱥᱤ ᱠᱮ ᱟᱡᱟᱜ ᱫᱚᱞ ᱨᱮ ᱥᱮᱞᱮᱫ ᱞᱟᱹᱜᱤᱫ ᱮ ᱨᱤᱠᱟᱹ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱟᱡᱟᱜ ᱟᱡᱟᱨ ᱵᱮᱥ ᱫᱚ ᱵᱟᱭ ᱜᱚᱲᱚ ᱫᱟᱲᱮᱭᱟᱫ ᱫᱮ ᱛᱟᱦᱮᱸᱫ, ᱪᱮᱫᱟᱜ ᱥᱮ ᱩᱱ ᱚᱠᱛᱚ ᱟᱡ ᱟᱹᱰᱤ ᱡᱩᱨ ᱠᱟᱣᱰᱤ ᱨᱮᱱᱟᱜᱼᱮ ᱟᱱᱟᱴ ᱞᱮᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱜᱨᱚᱛᱷ ᱦᱚᱨᱢᱚᱱ ᱟᱡᱟᱨ ᱵᱩᱜᱤᱭᱮᱱ ᱛᱟᱭᱚᱢ ᱵᱟᱨᱥᱮᱞᱚᱱᱟ ᱨᱤᱱᱤᱡ ᱠᱷᱮᱞᱚᱸᱰᱤᱭᱟᱹ ᱞᱮᱠᱟᱛᱮ ᱛᱟᱦᱮᱸᱭᱮᱱᱟᱭ ᱾

ᱜᱷᱟᱨᱚᱡ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱥᱤ ᱭᱤᱡ ᱜᱷᱟᱨᱚᱡᱽ ᱥᱚᱦᱮᱫ ᱡᱤᱣᱤ ᱡᱩᱨᱤ ᱫᱚ ᱟᱱᱴᱚᱱᱤᱞᱟ ᱨᱚᱠᱩᱡᱚ ᱧᱩᱛᱩᱢ ᱟᱭᱟ ᱟᱨ ᱟᱹᱠᱤᱱ ᱨᱤᱱ ᱫᱚ ᱯᱮᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱾ ᱩᱱᱠᱩᱣᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱛᱷᱤᱭᱟᱜᱚ ᱢᱮᱥᱤ, ᱢᱟᱴᱮᱭᱚ ᱢᱮᱥᱤ ᱟᱨ ᱠᱟᱭᱨᱚ ᱢᱮᱥᱤ ᱾ ᱛᱷᱤᱭᱟᱜᱚ ᱫᱚ ᱒ ᱱᱚᱵᱷᱮᱢᱵᱚᱨ ᱒᱐᱑᱒ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ, ᱢᱟᱴᱤᱭᱚ ᱫᱚ ᱑᱑ ᱥᱮᱯᱴᱮᱢᱵᱚᱨ ᱒᱐᱑᱕ ᱨᱮ ᱟᱨ ᱠᱟᱭᱨᱚ ᱫᱚ ᱑᱐ ᱢᱟᱨᱪ ᱒᱐᱑᱘ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱢᱮᱥᱤ ᱟᱨ ᱟᱱᱴᱚᱱᱮᱞᱟ ᱫᱚ ᱡᱩᱱ ᱒᱐᱑᱗ ᱨᱮ ᱠᱤᱱ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾[᱑]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Cite news|url=https://ftw.usatoday.com/2017/07/lionel-messi-wedding-childhood-sweetheart-antonela-roccuzzo-argentina-barcelona%7Ctitle=Lionel[permanent dead link] Messi married his childhood sweetheart, and the photos are stunning|date=2017-07-01|work=For The Win|access-date=2018-03-30|language=en-US