ᱞᱤ ᱥᱤᱭᱮᱱ ᱞᱩᱝ
ᱞᱤ ᱥᱤᱭᱮᱱ ᱞᱩᱝ (ᱤᱝᱨᱟᱹᱡᱤᱺ Lee Hsien Loong; ᱵᱟᱝᱞᱟᱺ লি সিয়েন লুং, ᱡᱟᱱᱟᱢᱺ ᱑᱐ ᱯᱷᱮᱵᱽᱨᱩᱣᱟᱨᱤ, ᱑᱙᱕᱒) ᱫᱚ ᱥᱤᱝᱜᱟᱯᱩᱨ ᱨᱮᱱ ᱢᱤᱫᱴᱮᱱ ᱜᱟᱹᱠᱷᱩᱲ ᱨᱟᱡᱟᱨᱤᱭᱟᱹ ᱠᱟᱱᱟᱭ, ᱩᱱᱤ ᱫᱚ ᱥᱤᱝᱜᱟᱯᱩᱨ ᱨᱮᱱ ᱛᱮᱥᱟᱨ ᱟᱨ ᱱᱟᱦᱟᱜ ᱢᱟᱨᱟᱝ ᱢᱚᱱᱛᱨᱤ ᱠᱟᱱᱟᱭ| ᱩᱱᱤ ᱫᱚ ᱯᱤᱯᱚᱞᱥ ᱮᱠᱥᱚᱱ ᱯᱟᱨᱴᱤ (PAP) ᱨᱮ ᱥᱩᱯᱨᱤᱢᱚ ᱠᱟᱱᱟᱭ ᱟᱨ ᱟᱝ ᱢᱚ ᱠᱤᱭᱚ ᱡᱤᱹᱟᱨᱹᱥᱤᱹ ᱠᱷᱚᱱ ᱥᱟᱝᱥᱚᱫᱽ ᱞᱮᱠᱟ ᱛᱮᱭᱮ ᱵᱟᱪᱷᱟᱣ ᱚᱪᱚ ᱟᱠᱟᱱᱟ| ᱩᱱᱤ ᱫᱚ ᱑᱙᱙᱐ ᱥᱮᱨᱢᱟ ᱠᱷᱚᱱ ᱒᱐᱐᱔ ᱥᱮᱨᱢᱟ ᱦᱟᱹᱵᱤᱡ ᱩᱱ ᱚᱠᱛᱮ ᱨᱮᱱ ᱢᱟᱨᱟᱝ ᱢᱚᱱᱛᱨᱤ ᱜᱚᱦ ᱪᱚᱠ ᱴᱚᱝᱜᱽ ᱥᱟᱶ ᱡᱚᱜᱚ ᱢᱟᱨᱟᱝ ᱢᱚᱱᱛᱨᱤᱭᱮ ᱛᱟᱦᱮᱸᱠᱟᱱᱟ ᱟᱨ ᱒᱐᱐᱑ ᱥᱮᱨᱢᱟ ᱠᱷᱚᱱ ᱒᱐᱐᱗ ᱥᱮᱨᱢᱟ ᱦᱟᱹᱵᱤᱡ ᱠᱟᱹᱣᱰᱤ ᱢᱚᱱᱛᱨᱤ ᱞᱮᱠᱟ ᱛᱮᱭᱮ ᱠᱟᱹᱢᱤ ᱟᱠᱟᱫᱟ|
ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱞᱤ ᱥᱤᱭᱮᱱ ᱞᱩᱝ ᱫᱚ ᱑᱐ ᱯᱷᱮᱵᱽᱨᱩᱣᱟᱨᱤ ᱑᱙᱕᱒ ᱢᱟᱹᱦᱤᱛ ᱦᱤᱞᱚᱜ ᱥᱤᱝᱜᱟᱯᱩᱨ ᱨᱮᱭᱟᱜ ᱠᱮᱹᱮᱠᱮᱹ ᱢᱟᱭᱡᱤᱣ ᱟᱨ ᱜᱤᱫᱽᱨᱟᱹ ᱦᱟᱥᱯᱟᱛᱟᱞ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱞᱤ ᱠᱩᱣᱟᱱ ᱭᱩ ᱛᱟᱦᱮᱸᱠᱟᱱ ᱛᱟᱭᱟ ᱟᱨ ᱮᱝᱜᱟᱛ ᱛᱮ ᱠᱣᱟ ᱡᱽᱭᱚᱠ ᱞᱩ ᱪᱤ ᱛᱟᱦᱮᱸ ᱠᱟᱱ ᱛᱟᱭᱟ| ᱩᱱᱤ ᱟᱡ ᱵᱟᱵᱟ ᱞᱤ ᱠᱩᱣᱟᱝ ᱭᱩ ᱫᱚ ᱥᱤᱝᱜᱟᱯᱩᱨ ᱨᱮᱱ ᱯᱟᱹᱦᱤᱞ ᱢᱟᱨᱟᱝ ᱢᱚᱱᱛᱨᱤᱭᱮ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱟᱠᱚ ᱵᱚᱭᱦᱟ ᱢᱩᱫᱽ ᱨᱮ ᱡᱚᱛᱚ ᱠᱦᱚᱱ ᱢᱟᱨᱟᱝ ᱩᱛᱟᱹᱨᱤᱡ-ᱮ ᱛᱟᱦᱮᱸᱠᱟᱱᱟ| ᱩᱱ ᱚᱠᱛᱮ ᱫᱚ ᱚᱱᱟ ᱫᱤᱥᱚᱢ ᱛᱟᱦᱸᱦᱟᱸ ᱥᱤᱝᱜᱟᱯᱩᱨ ᱫᱚ ᱵᱽᱨᱤᱴᱮᱱ ᱛᱟᱵᱮ ᱨᱮ ᱛᱟᱦᱮᱸᱠᱟᱱᱟ| ᱩᱱᱤ ᱨᱮᱱ ᱜᱚᱲᱚᱢ ᱵᱩᱰᱤ, ᱪᱩᱣᱟ ᱡᱤᱢ ᱱᱤᱭᱚ ᱫᱚ ᱦᱟᱠᱠᱟ ᱱᱭᱚᱱᱭᱟ ᱛᱷᱚᱠ ᱨᱮᱱ ᱦᱚᱲᱮ ᱛᱟᱦᱮᱸᱠᱟᱱᱟ ᱟᱨ ᱩᱱᱤᱱ ᱨᱮᱱ ᱦᱟᱯᱲᱟᱢ ᱠᱚ ᱫᱚ ᱪᱟᱭᱱᱟ ᱨᱮᱭᱟᱜ ᱛᱚᱝᱟᱝ ᱟᱨ ᱥᱟᱱᱛᱟᱣ ᱦᱚᱱᱚᱛ ᱨᱮᱱ ᱦᱚᱲ ᱠᱚ ᱛᱟᱦᱮᱸᱠᱟᱱᱟ| ᱞᱤ ᱠᱩᱣᱟᱝ ᱭᱮᱣ ᱟᱜ ᱡᱤᱭᱚᱱ ᱠᱟᱛᱷᱟ ᱞᱮᱠᱟ ᱛᱮ, ᱞᱤ ᱫᱚ ᱢᱚᱬᱮ ᱥᱮᱨᱢᱟ ᱩᱢᱮᱨ ᱨᱮ ᱡᱟᱣᱤ ᱞᱤᱯᱤᱭᱮ ᱪᱮᱫ ᱞᱮᱫᱟ ᱟᱨ ᱩᱱᱤ ᱫᱚ ᱡᱟᱣᱜᱮ ᱥᱤᱝᱜᱟᱯᱩᱨ ᱥᱟᱛᱷᱟᱢ ᱨᱮ ᱢᱚᱱᱮ ᱛᱟᱦᱮᱸᱠᱟᱱ ᱛᱟᱭᱟ, ᱟᱡ ᱵᱟᱵᱟ ᱥᱚᱝᱜᱮ ᱨᱮᱞᱤ ᱰᱟᱹᱱᱰᱤ ᱨᱮᱭᱟᱜ ᱫᱟᱲᱟᱱ ᱠᱟᱱ ᱛᱟᱦᱮᱸᱠᱟᱱᱟ|
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱞᱮ ᱫᱚ ᱟᱡᱟᱜ ᱯᱟᱹᱦᱤᱞ ᱥᱮᱪᱮᱫ ᱱᱟᱝᱭᱟᱝ ᱨᱮᱭᱟᱜ ᱦᱟᱢᱮᱴ ᱞᱮᱫᱟ ᱟᱨ ᱛᱟᱞᱱᱟ ᱥᱮᱪᱮᱫ ᱫᱚ ᱠᱮᱛᱷᱚᱞᱤᱠ ᱦᱟᱭ ᱥᱠᱩᱞ ᱨᱮᱭᱮ ᱯᱟᱲᱦᱟᱣ ᱞᱮᱫᱟ, ᱚᱱᱰᱮ ᱩᱱᱤ ᱫᱚ ᱥᱠᱩᱞ ᱵᱮᱱᱰ ᱨᱮ ᱯᱮᱬᱯᱬᱮᱫ-ᱮ ᱚᱨᱚᱝ-ᱮᱫ ᱛᱟᱦᱮᱸᱠᱟᱱᱟ, ᱱᱮᱥᱚᱱᱟᱞ ᱡᱚᱱᱤᱭᱚᱨ ᱡᱚᱞᱮᱡᱽ ᱪᱟᱞᱟᱜ ᱢᱟᱲᱟᱝ ᱦᱟᱹᱵᱤᱡ| ᱑᱙᱗᱑ ᱥᱮᱨᱢᱟ ᱨᱮ ᱩᱱᱤ ᱫᱚ ᱯᱨᱮᱥᱤᱰᱮᱱᱴ ᱥᱠᱩᱞᱟᱨᱥᱤᱯᱮ ᱧᱟᱢ ᱞᱮᱫᱟ ᱟᱨ ᱠᱮᱢᱵᱽᱨᱤᱡᱽ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱭᱟᱜ ᱛᱨᱤᱱᱤᱛᱤ ᱠᱚᱞᱮᱡᱽ ᱨᱮ ᱮᱞᱮᱠᱷᱟ ᱠᱷᱚᱱᱫᱽᱨᱚᱝ ᱵᱟᱵᱚᱛ ᱛᱮ ᱯᱟᱵᱽᱞᱤᱠ ᱥᱟᱨᱵᱷᱤᱥ ᱠᱚᱢᱤᱥᱚᱱ ᱦᱚᱛᱮ ᱛᱮ ᱥᱤᱝᱜᱟᱯᱩᱨ ᱟᱨᱢᱰ ᱯᱷᱚᱨᱥᱮᱥ ᱥᱠᱩᱞᱟᱨᱥᱤᱯ ᱦᱚᱸᱭ ᱦᱟᱢᱮᱴ ᱞᱮᱫᱟ| ᱩᱱᱤ ᱫᱚ ᱑᱙᱗᱓ ᱥᱮᱨᱢᱟ ᱨᱮ ᱢᱟᱨᱟᱝ ᱛᱚᱨᱠᱚᱭᱤᱡ-ᱮ ᱛᱟᱦᱮᱸᱠᱟᱱᱟ ᱟᱨ ᱑᱙᱗᱔ ᱥᱮᱨᱢᱟ ᱨᱮ ᱫᱚ ᱮᱞᱮᱠᱷᱟ ᱨᱮᱭᱮ ᱜᱽᱨᱩᱡᱩᱣᱮᱴ ᱮᱱᱟ|
ᱢᱟᱨᱟᱝ ᱢᱚᱱᱛᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱒ ᱟᱜᱚᱥᱴ ᱒᱐᱐᱔ ᱢᱟᱹᱦᱤᱛ ᱦᱤᱞᱚᱜ ᱞᱤ ᱥᱤᱭᱮᱱ ᱞᱚᱝ ᱫᱚ ᱢᱟᱨᱮ ᱢᱟᱨᱟᱝ ᱢᱚᱱᱛᱨᱤ ᱜᱚᱦ ᱛᱟᱭᱚᱢ ᱥᱤᱝᱜᱟᱯᱩᱮ ᱨᱮᱱ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟ ᱛᱮ ᱫᱟᱭᱤᱠ ᱵᱷᱟᱨᱮ ᱜᱚᱜ ᱠᱮᱫᱟ| ᱱᱤᱭᱟᱹ ᱫᱟᱹᱭᱤᱠ ᱵᱦᱟᱨ ᱦᱚᱨᱟ ᱫᱚ ᱵᱟᱪᱷᱱᱟᱣ ᱢᱟᱲᱟᱝ ᱨᱮ ᱦᱩᱭ ᱞᱮᱱᱟ, ᱟᱨ ᱱᱚᱣᱟ ᱞᱟᱜᱤᱫ ᱫᱚ ᱡᱟᱦᱟᱱ ᱵᱷᱟᱪᱷᱱᱟᱣ ᱨᱮᱭᱟᱜ ᱡᱟᱹᱨᱩᱲ ᱫᱚ ᱵᱟᱝ ᱯᱟᱲᱟᱣ ᱞᱮᱱᱟ| ᱞᱤ ᱟᱡ ᱵᱟᱵᱟ ᱫᱚ ᱢᱚᱱᱛᱨᱤ ᱨᱮ ᱥᱚᱥᱚᱞᱦᱟ ᱞᱮᱠᱟ ᱛᱮ ᱢᱤᱫᱴᱮᱱᱢ ᱱᱟᱣᱟ ᱦᱩᱰᱟᱹᱭ ᱥᱤᱨᱡᱟᱹᱣ ᱚᱴᱚ ᱞᱮᱫᱟ, ᱡᱟᱛᱮ ᱡᱤᱨᱟᱹᱣ ᱛᱟᱭᱚᱢ ᱦᱚᱸ ᱠᱟᱹᱢᱤ ᱨᱮᱠᱚ ᱛᱟᱦᱮᱱ, ᱟᱨ ᱱᱟᱦᱟᱜ ᱜᱚᱦ ᱫᱚ ᱞᱤᱭᱟᱜ ᱢᱚᱱᱛᱨᱤ ᱯᱚᱨᱤᱥᱚᱫᱽ ᱨᱮ ᱥᱚᱥᱚᱞᱦᱟᱭᱤᱡ ᱞᱮᱠᱟ ᱛᱮ ᱢᱮᱱᱟᱭᱟ|