ᱞᱩᱭᱤᱥ ᱟᱨᱢᱥᱴᱨᱚᱝ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱞᱩᱭᱤᱥ ᱟᱨᱢᱥᱴᱨᱚᱝ
ᱞᱩᱭᱤᱥ ᱟᱨᱢᱥᱴᱨᱚᱝ

ᱞᱩᱭᱤᱥ ᱰᱟᱱᱤᱭᱮᱞ ᱟᱨᱢᱥᱴᱨᱚᱝ (᱔ ᱚᱜᱚᱥᱴ ᱑᱙᱐᱑ᱼ ᱖ ᱡᱩᱞᱟᱭ ᱑᱙᱗᱑), ᱟᱜ ᱦᱚᱦᱚ ᱧᱩᱛᱩᱢ ᱛᱟᱭ ᱫᱚ ᱥᱟᱪᱢᱳ ᱥᱟᱪ,ᱟᱨ ᱞᱩᱭᱤᱥ ᱫᱚ ᱢᱤᱫ ᱟᱢᱮᱨᱤᱠᱟᱱ ᱨᱩᱥᱤᱠᱟ ᱵᱟᱰᱚᱦᱤ ᱛᱟᱦᱮᱸ ᱠᱟᱱᱟᱭ ᱾ ᱮᱱᱮᱡ ᱥᱮᱨᱮᱧ ᱨᱩᱻ ᱯᱷᱤᱞᱤᱢ ᱯᱟᱨᱴ ᱨᱮ ᱟᱡᱟᱜ ᱧᱩᱛᱩᱢᱟᱱ ᱢᱩᱴᱷᱟᱹᱱ ᱮ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱑᱙᱒᱐ ᱠᱷᱚᱱ ᱑᱙᱖᱐ ᱫᱷᱟᱹᱵᱤᱡ ᱢᱚᱬᱮ ᱜᱮᱞᱟᱝ ᱫᱷᱟᱹᱵᱤᱡ ᱛᱟᱦᱮᱸ ᱞᱮᱱᱟ ᱾ ᱑᱙᱑᱗ ᱥᱟᱞ ᱨᱮ ᱟᱡ ᱨᱤᱫᱤᱢ ᱮᱱᱰ ᱵᱞᱩᱡ ᱦᱚᱞ ᱚᱯᱷ ᱯᱷᱮᱢ ᱨᱮ ᱠᱚ ᱥᱮᱞᱮᱫ ᱞᱮᱫᱮᱭᱟ ᱾ ᱟᱨᱢᱥᱴᱨᱚᱝ ᱫᱚ ᱱᱤᱭᱩ ᱚᱨᱞᱮᱱᱥ ᱨᱮ ᱡᱟᱱᱟᱢ ᱟᱨ ᱦᱟᱨᱟᱵᱳᱨᱳ ᱞᱮᱱᱟᱭ ᱾ ᱑᱙᱒᱐ ᱛᱮ ᱢᱤᱫ ᱴᱷᱟᱹᱣᱠᱟᱹ ᱢᱟᱫᱚᱲᱤᱭᱟᱹ ᱟᱨ ᱠᱚᱨᱱᱮᱴ ᱯᱞᱮᱭᱟᱨ ᱞᱮᱠᱟ ᱠᱚ ᱵᱟᱰᱟᱭ ᱠᱮᱫᱮᱭᱟ ᱾ ᱑᱙᱒᱒ ᱨᱮ ᱟᱡ ᱟᱡᱤᱡ ᱡᱚᱴᱟᱣ 'ᱡᱚ ᱠᱤᱸᱜ ᱳᱞᱤᱵᱷᱚᱨ' ᱠᱨᱮᱳᱞ ᱡᱟᱜ ᱵᱭᱟᱱᱰ ᱛᱮ ᱯᱟᱸᱡᱟ ᱤᱫᱤ ᱠᱮᱫᱮᱭᱟᱭ ᱾ ᱩᱭᱤᱱᱰ ᱥᱤᱴᱤ ᱨᱮ ᱡᱟᱜ ᱮᱴᱟᱜ ᱨᱩᱥᱤᱠᱟ ᱵᱟᱰᱚᱦᱤ ᱠᱚ ᱥᱟᱞᱟᱜ ᱮ ᱡᱚᱴᱟᱣ ᱮᱱᱟ, ᱟᱡᱨᱤᱱ ᱢᱟᱨᱮ ᱡᱚᱴᱟᱣ ᱵᱤᱠᱥ ᱵᱤᱰᱨᱵᱮᱠᱮ ᱟᱨ ᱦᱳᱣᱟᱜᱤ ᱠᱟᱬᱟᱭᱠᱮᱞ ᱟᱨ ᱞᱤᱞ ᱦᱟᱨᱰᱤᱱ ᱥᱟᱞᱟᱜ ᱮ ᱡᱚᱴᱟᱣ ᱮᱱᱟ ᱾ ᱟᱡ ᱠᱚᱴᱤᱸ ᱠᱚᱱᱴᱮᱥᱴ ᱥᱮ ᱧᱩᱛᱩᱢ ᱮ ᱟᱨᱡᱟᱣ ᱠᱮᱫᱼᱟ ᱟᱨ ᱯᱷᱞᱮᱪᱚᱨ ᱟᱱᱰᱮᱨᱥᱚᱱᱼᱟᱜ ᱵᱭᱟᱱᱰ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱱᱤᱭᱩ ᱭᱳᱨᱠ ᱮ ᱥᱮᱱ ᱮᱱᱟ ᱾
ᱟᱨᱢᱥᱴᱨᱚᱝ ᱟᱡᱟᱜ ᱥᱴᱮᱡ ᱨᱮ ᱧᱮᱞ ᱦᱚᱪᱚ ᱴᱨᱚᱢᱯᱴ ᱨᱩ ᱟᱨ ᱟᱡᱟᱜ ᱱᱟᱯᱟᱭ ᱟᱲᱟᱝ ᱠᱷᱟᱹᱛᱤᱨ ᱟᱹᱰᱤ ᱜᱮ ᱢᱟᱹᱱ ᱟᱨ ᱧᱩᱛᱩᱢ ᱮ ᱟᱨᱡᱟᱣ ᱞᱮᱫᱼᱟᱭ ᱾ ᱑᱙᱖᱐ ᱛᱮ ᱟᱡᱟᱜ ᱚᱨᱥᱚᱝ ᱡᱟᱜ ᱠᱷᱚᱱ ᱵᱟᱦᱨᱮ ᱨᱮᱦᱚᱸ ᱯᱟᱥᱱᱟᱣ ᱮᱱᱟ ᱾ ᱡᱚᱠᱷᱚᱱ ᱟᱢᱮᱨᱤᱠᱟ ᱨᱮ ᱦᱮᱱᱫᱮ ᱮᱥᱮᱞ ᱨᱮᱱᱟᱜ ᱵᱷᱮᱫᱽ ᱵᱷᱟᱵᱽ ᱟᱹᱰᱤ ᱜᱮ ᱵᱟᱹᱲᱛᱤ ᱜᱮ ᱛᱟᱦᱮᱸ ᱠᱟᱱᱟ ᱟᱨᱢᱥᱴᱨᱚᱝ ᱫᱚ ᱯᱩᱭᱞᱩ ᱧᱩᱛᱩᱢᱟᱱ ᱟᱯᱷᱨᱤᱠᱟᱱᱼᱟᱢᱮᱨᱤᱠᱟᱱ ᱨᱚᱢᱚᱡᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱟᱜ ᱦᱟᱨᱛᱟ ᱨᱚᱝ ᱫᱚ ᱟᱡᱟᱜ ᱨᱩᱻ ᱥᱮᱨᱮᱧ ᱛᱟᱭᱚᱢ ᱫᱚ ᱫᱳᱥᱟᱨ ᱥᱟᱛᱟᱢ ᱞᱮᱠᱟ ᱛᱮ ᱪᱟᱨᱪᱟ ᱦᱩᱭ ᱞᱮᱱᱟ ᱾

ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱢᱥᱴᱨᱚᱝ ᱢᱮᱱᱵᱟᱲᱟᱭᱟᱭ ᱟᱡ ᱫᱚ ᱔ ᱡᱩᱞᱟᱭ ᱑᱙᱐᱐ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱑᱙᱗᱑ ᱨᱮ ᱵᱚᱝᱜᱟ ᱮᱱ ᱨᱮ ᱦᱚᱸ ᱟᱡᱟᱜ ᱴᱷᱟᱹᱣᱠᱟ ᱡᱟᱱᱟᱢ ᱢᱟᱦᱟᱸ ᱫᱚ ᱔ ᱚᱜᱚᱥᱴ ᱑᱙᱐᱑ ᱠᱟᱱᱟ ᱢᱮᱱᱛᱮᱫ ᱴᱟᱰ ᱡᱳᱱᱥ ᱢᱤᱫ ᱵᱟᱯᱴᱤᱥᱢᱟᱞ ᱨᱮᱠᱚᱨᱰ ᱯᱟᱱᱛᱮ ᱠᱟᱛᱮᱫ ᱮ ᱞᱟᱹᱭ ᱥᱚᱫᱚᱨ ᱠᱮᱫᱼᱟᱭ ᱾ ᱢᱭᱟᱨᱤ ᱟᱞᱵᱚᱨᱴ ᱟᱨ ᱩᱞᱤᱭᱚᱢ ᱟᱨᱢᱥᱴᱨᱚᱝ ᱟᱜ ᱠᱚᱞᱮ ᱨᱮ ᱟᱡ ᱔ ᱚᱜᱚᱥᱴ ᱑᱙᱐᱑ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱞᱤᱭᱚᱢ ᱟᱨᱢᱥᱴᱨᱚᱝ ᱟᱹᱰᱤ ᱠᱷᱟᱴᱚ ᱫᱤᱱ ᱨᱮ ᱜᱮ ᱜᱷᱟᱨᱚᱸᱡ ᱮ ᱵᱟᱹᱜᱤ ᱟᱫᱼᱟ ᱾ ᱞᱩᱭᱤᱥ ᱢᱚᱬᱮ ᱥᱮᱨᱢᱟ ᱫᱷᱟᱹᱵᱤᱡ ᱟᱡ ᱜᱚᱲᱚᱢ ᱟᱭᱳᱭ ᱦᱟᱨᱟ ᱞᱮᱫᱮᱭᱟ ᱚᱱᱟ ᱛᱟᱭᱚᱢ ᱞᱩᱭᱤᱥ ᱫᱚ ᱟᱡ ᱟᱭᱚ ᱴᱷᱮᱱ ᱮ ᱨᱩᱣᱟᱹᱲ ᱮᱱᱟ ᱾ ᱞᱩᱭᱤᱥ ᱟᱡᱟᱜ ᱡᱩᱣᱟᱹᱱ ᱚᱠᱛᱚ ᱟᱹᱰᱤ ᱨᱮᱸᱜᱮᱡ ᱨᱮ ᱠᱷᱟᱸᱰᱟᱣ ᱞᱮᱫ ᱛᱟᱦᱮᱸᱫ ᱾