ᱞᱳᱦᱤᱛ ᱦᱚᱱᱚᱛ
| ᱞᱳᱦᱤᱛ ᱦᱚᱱᱚᱛ | |
|---|---|
| ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ | |
.svg) ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱦᱚᱱᱚᱛ ᱞᱳᱦᱤᱛ ᱨᱮᱭᱟᱜ ᱞᱳᱠᱮᱥᱳᱱ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱚᱨᱩᱬᱟᱪᱚᱞ ᱯᱨᱚᱫᱮᱥ |
| ᱠᱷᱚᱸᱰ | East |
| ᱢᱩᱠᱷᱤᱭᱟᱹᱥᱟᱲᱟ | ᱛᱮᱡᱩ |
| ᱛᱚᱦᱥᱤᱞ | ᱓ |
| ᱥᱚᱨᱠᱟᱨ | |
| • ᱦᱚᱱᱚᱛ ᱠᱚᱞᱮᱠᱴᱚᱨ | ᱤᱨ ᱯᱨᱤᱱᱥ ᱫᱷᱟᱣᱚᱱ, IAS |
| • ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱑ |
| • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ | ᱑ |
| ᱮᱨᱤᱭᱟ | |
| • Total | 2402 ᱠᱤᱢᱤ২ (927 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2011) |
| • Total | ᱑᱔᱕,᱕᱓᱘[᱑] (᱒,᱐᱑᱑) |
| ᱦᱚᱲ ᱮᱞᱮᱞ | |
| • ᱥᱤᱠᱷᱱᱟᱹᱛ | 69.9%[᱑] |
| • ᱡᱟᱱᱟᱝ ᱡᱟᱹᱱᱤ | 901[᱑] |
| IST (ᱭᱩᱴᱤᱥᱤ+05:30) | |
| ᱢᱩᱬᱩᱛ ᱢᱟᱨᱟᱝ ᱥᱚᱲᱚᱠ | nh-13 |
| ᱣᱮᱵᱽᱥᱟᱭᱤᱴ | lohit |
ᱞᱳᱦᱤᱛ ᱦᱚᱱᱚᱛ ᱫᱚ ᱥᱤᱧᱚᱛ ᱨᱮ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟᱹᱥᱟᱲᱟ ᱫᱚ ᱛᱮᱡᱩ ᱠᱟᱱᱟ ᱾ ᱦᱚᱱᱚᱛ ᱨᱮᱭᱟᱜ ᱧᱩᱛᱩᱢ ᱫᱚ ᱞᱳᱦᱤᱛ ᱱᱟᱹᱭ ᱪᱮᱛᱟᱱ ᱨᱮ ᱫᱚᱦᱚ ᱟᱠᱟᱱᱟ ᱾[᱒][᱓][᱔]
ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮ ᱢᱮᱱᱟᱜ ᱞᱳᱦᱤᱛ ᱟᱹᱰᱤ ᱜᱮ ᱪᱚᱨᱚᱠ ᱴᱚᱴᱷᱟ ᱠᱟᱱᱟ ᱾ ᱱᱚᱰᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱹᱭ ᱞᱳᱦᱤᱛ ᱨᱮᱭᱟᱜ ᱧᱩᱛᱩᱢ ᱞᱮᱠᱟᱛᱮ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱪᱷᱟᱹᱴᱭᱟᱹᱨ ᱟᱠᱟᱱᱟ ᱾ ᱫᱷᱚᱨᱚᱢ ᱯᱩᱛᱷᱤ ᱨᱮ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱞᱳᱦᱤᱛᱭᱚ ᱢᱮᱱᱛᱮ ᱥᱚᱫᱚᱨ ᱟᱠᱟᱱᱟ ᱾ ᱱᱚᱣᱟ ᱴᱚᱴᱷᱟ ᱥᱟᱶ ᱟᱹᱰᱤᱜᱟᱱ ᱫᱷᱚᱨᱚᱢ ᱨᱮᱭᱟᱜ ᱠᱟᱛᱷᱟ ᱟᱨ ᱱᱟᱜᱟᱢ ᱨᱮᱭᱟᱜ ᱠᱟᱛᱷᱟ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱭᱟᱜ ᱪᱚᱨᱚᱠ ᱪᱮᱦᱨᱟ ᱨᱩᱯ ᱨᱚᱝ ᱨᱮ ᱢᱩᱦᱤᱛ ᱠᱟᱛᱮ ᱟᱹᱰᱤ ᱜᱟᱱ ᱥᱟᱸᱜᱷᱟᱨᱤᱭᱟᱹ ᱱᱚᱰᱮ ᱠᱚ ᱦᱟᱹᱡᱩᱜᱼᱟ ᱾ ᱱᱚᱰᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱵᱚᱨᱚᱯᱷ ᱛᱮ ᱯᱚᱴᱚᱢ ᱟᱠᱟᱱ ᱪᱟᱴᱟᱱ, ᱵᱤᱨ ᱟᱨ ᱱᱟᱹᱭ ᱨᱮᱭᱟᱜ ᱟᱹᱰᱤ ᱜᱟᱱ ᱱᱟᱯᱟᱭ ᱪᱚᱨᱚᱠ ᱨᱩᱯ ᱨᱚᱝ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ ᱱᱚᱰᱮᱱᱟᱜ ᱴᱚᱞᱟ ᱦᱚᱸ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱱᱚᱣᱟ ᱟᱹᱛᱩᱨᱮ ᱫᱟᱬᱟᱱ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ ᱾ ᱱᱚᱰᱮᱱᱟᱜ ᱟᱹᱰᱤ ᱟᱹᱛᱩ ᱨᱮᱜᱮ ᱟᱹᱫᱤᱵᱟᱹᱥᱤ ᱠᱚ ᱛᱟᱦᱮᱸᱱ ᱠᱟᱱᱟ ᱾ ᱥᱮᱨᱢᱟ ᱡᱟᱠ ᱱᱚᱰᱮ ᱫᱚ ᱟᱹᱡᱤ ᱜᱟᱱ ᱯᱟᱨᱟᱵᱽ ᱯᱩᱱᱟᱹᱭ ᱠᱚ ᱢᱟᱱᱟᱣᱟ ᱾ ᱱᱚᱣᱟ ᱯᱟᱨᱟᱵᱽ ᱯᱩᱱᱟᱹᱭ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱞᱟᱹᱭ ᱞᱟᱠᱪᱟᱨ ᱥᱚᱨᱮᱥ ᱨᱩᱯ ᱨᱚᱝ ᱠᱚ ᱧᱮᱞ ᱫᱟᱲᱮᱭᱟᱜᱼᱟ ᱾ ᱟᱹᱛᱩ ᱨᱮ ᱫᱟᱬᱟ ᱠᱮᱫ ᱛᱟᱭᱚᱢ ᱵᱤᱨ ᱨᱮ ᱫᱟᱬᱟᱱ ᱨᱮᱭᱟᱜ ᱛᱟᱠ ᱦᱚᱸ ᱢᱮᱱᱟᱜᱼᱟ ᱾
ᱢᱩᱦᱤᱛᱟᱱ ᱴᱚᱴᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱚᱨᱥᱩᱨᱟᱢ ᱠᱩᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱚᱨᱥᱩᱨᱟᱢ ᱠᱩᱸᱰ ᱫᱚ ᱯᱨᱚᱵᱷᱩ ᱠᱩᱴᱷᱟᱨ ᱧᱩᱛᱩᱢ ᱛᱮᱦᱚᱸ ᱩᱯᱨᱩᱢ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱞᱳᱦᱤᱛ ᱨᱮᱭᱟᱜ ᱩᱛᱚᱨᱼᱯᱩᱨᱩᱵᱽ ᱱᱟᱠᱷᱟᱨᱮ ᱒᱔ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱠᱩᱸᱰ ᱥᱟᱶ ᱫᱚ ᱯᱚᱨᱥᱩᱨᱟᱢ ᱟᱜ ᱠᱟᱛᱷᱟ ᱡᱩᱲᱟᱹᱭ ᱠᱟᱛᱮ ᱢᱮᱱᱟᱜᱼᱟ ᱾ ᱢᱤᱫ ᱫᱷᱟᱣ ᱨᱤᱥᱤ ᱡᱚᱢᱟᱫᱚᱜᱽᱱᱤᱭᱤᱡ ᱮᱨᱟ ᱨᱮᱬᱩᱠᱟ ᱨᱤᱥᱤᱨᱟᱡᱽ ᱛᱩᱯᱩᱱ ᱞᱟᱹᱜᱤᱫ ᱫᱟᱜ ᱟᱹᱜᱩᱭ ᱥᱮᱱ ᱮᱱᱟ ᱾ ᱪᱮᱫ ᱮᱛᱮᱫ ᱠᱷᱟᱹᱛᱤᱨ ᱪᱚᱝ ᱩᱱᱤ ᱫᱚ ᱫᱟᱜ ᱟᱹᱜᱩ ᱠᱷᱚᱱ ᱮ ᱵᱤᱞᱚᱢ ᱮᱱᱟ ᱩᱱ ᱡᱚᱦᱚᱜ ᱨᱤᱥᱤᱨᱟᱡᱽ ᱫᱚ ᱯᱚᱨᱥᱩᱨᱟᱢ ᱟᱡ ᱟᱭᱳ ᱜᱚᱡ ᱮ ᱨᱮᱭᱟᱜ ᱮ ᱢᱮᱛᱟ ᱟᱫᱮᱭᱟ ᱾ ᱵᱟᱵᱟᱦᱟᱜ ᱵᱷᱮᱡᱟ ᱢᱟᱱᱟᱣ ᱠᱟᱛᱮ ᱯᱚᱨᱥᱩᱨᱟᱢ ᱫᱚ ᱟᱡ ᱟᱭᱳᱭ ᱜᱚᱡ ᱠᱮᱫᱮᱭᱟ ᱾ ᱩᱱ ᱡᱚᱦᱚᱜ ᱯᱚᱨᱥᱩᱨᱟᱢ ᱫᱚ ᱟᱡ ᱟᱭᱳ ᱜᱚᱡ ᱟᱠᱟᱫᱮ ᱯᱟᱯ ᱠᱷᱚᱱ ᱨᱟᱲᱟ ᱫᱩᱜᱚᱜ ᱞᱟᱹᱜᱤᱫ ᱱᱚᱣᱟ ᱠᱩᱸᱰ ᱨᱮᱭ ᱛᱩᱯᱩ ᱞᱮᱱ ᱛᱟᱦᱮᱸᱱ ᱾ ᱩᱱ ᱠᱷᱚᱱ ᱱᱚᱣᱟ ᱠᱩᱸᱰ ᱫᱚ ᱥᱩᱨ ᱥᱩᱯᱩᱨ ᱦᱚᱲ ᱥᱚᱱᱚᱛ ᱢᱮᱱᱛᱮ ᱠᱚ ᱢᱟᱱᱟᱣ ᱠᱮᱫᱼᱟ ᱾
ᱵᱩᱫᱽᱫᱷᱚ ᱵᱤᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱞᱳᱦᱤᱛ ᱨᱮᱫᱚ ᱟᱹᱰᱤᱜᱟᱱ ᱵᱩᱫᱽᱫᱷᱚ ᱵᱤᱦᱟᱨ ᱢᱮᱱᱟᱜᱼᱟ ᱾ ᱥᱩᱨ ᱥᱩᱯᱩᱨ ᱦᱚᱲ ᱫᱚ ᱚᱱᱟ ᱪᱳᱸᱜᱽ ᱧᱩᱛᱩᱢ ᱛᱮᱠᱚ ᱦᱚᱦᱚᱭᱟ ᱾ ᱱᱚᱣᱟ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱟᱨ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ ᱾ ᱱᱚᱰᱮ ᱫᱚ ᱢᱤᱫ ᱱᱟᱹᱭ ᱦᱚᱸ ᱞᱤᱸᱜᱤᱱ ᱠᱟᱱᱟ ᱾ ᱱᱚᱣᱟ ᱱᱟᱹᱭ ᱨᱮᱫᱚ ᱢᱤᱫ ᱰᱷᱤᱯ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱨᱮᱭᱟᱜ ᱧᱩᱛᱩᱢ ᱫᱚ ᱪᱳᱸᱜᱽᱠᱷᱟᱢ ᱠᱟᱱᱟ ᱾ ᱰᱷᱤᱯ ᱨᱮ ᱢᱤᱫ ᱡᱮᱜᱮᱛ ᱥᱟᱹᱱᱛᱤ ᱵᱚᱣᱫᱷ ᱢᱩᱫᱽᱨᱤ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱨᱮᱫᱚ ᱵᱚᱣᱫᱷ ᱟᱜ ᱢᱩᱴᱷᱟᱹᱱ ᱛᱷᱟᱯᱚᱱ ᱟᱠᱟᱱᱟ ᱾ ᱱᱚᱰᱮ ᱫᱚ ᱥᱩᱨ ᱥᱩᱯᱩᱨ ᱨᱤᱱ ᱵᱚᱥᱠᱚᱫᱤᱭᱟᱹ ᱟᱨ ᱥᱟᱸᱜᱷᱟᱨᱤᱭᱟᱹ ᱠᱚ ᱡᱳᱜᱟᱭᱟ ᱠᱚ ᱾
ᱰᱚᱸᱜᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱤᱧᱚᱛ ᱨᱮᱭᱟᱜ ᱯᱩᱨᱩᱵᱽ ᱱᱟᱠᱷᱟ ᱨᱮ ᱢᱮᱱᱟᱜ ᱰᱚᱸᱜᱽ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱥᱤᱧᱚᱛ ᱨᱮᱭᱟᱜ ᱥᱤᱧ ᱪᱟᱸᱫᱚᱣᱟᱨ ᱛᱟᱨᱟᱥ ᱫᱚ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱱᱚᱣᱟ ᱟᱹᱛᱩ ᱨᱮ ᱧᱩᱨᱩᱜᱼᱟ ᱾ ᱱᱚᱣᱟ ᱫᱚ ᱛᱮᱡᱩ ᱠᱷᱚᱱ ᱒᱐᱐ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱵᱮᱞᱚᱸᱜᱽ ᱥᱚᱨᱠᱤᱞ ᱨᱮ ᱢᱮᱱᱟᱜᱼᱟ ᱾ ᱱᱚᱰᱮᱱᱟᱜ ᱥᱚᱲᱚᱠ ᱦᱚᱨ ᱫᱚ ᱟᱹᱰᱤ ᱜᱮ ᱱᱟᱯᱟᱭᱟ ᱟᱨ ᱱᱚᱣᱟ ᱫᱚ ᱯᱩᱨᱟᱹ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱜᱚᱴᱟᱯᱟᱲᱟ ᱠᱷᱚᱱ ᱵᱷᱟᱹᱜᱤ ᱞᱮᱠᱟ ᱡᱤᱲᱟᱹᱭ ᱠᱟᱛᱮ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ ᱑.᱒ "District Census 2011". Census2011.co.in.
- ↑ "Arunachal Pradesh: Past and Present," H. G. Joshi, Mittal Publications, 2005, ISBN 9788183240000
- ↑ "Paths of Development in Arunachal Pradesh," Ravi S. Singh, Northern Book Centre, 2005, ISBN 9788172111830
- ↑ "Documents on North-East India: Arunachal Pradesh, Volume 2 of Documents on North-East India: An Exhaustive Survey, Suresh K. Sharma (editor), Mittal Publications, 2006, ISBN 9788183240888