ᱟᱞᱯᱷᱨᱮᱰ ᱱᱚᱵᱮᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱟᱞᱯᱷᱨᱮᱰ ᱱᱚᱵᱮᱞ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱟᱞᱯᱷᱨᱮᱰ ᱵᱚᱨᱱᱦᱟᱰ ᱱᱚᱵᱮᱞ
᱒᱑ ᱚᱠᱴᱚᱵᱚᱨ ᱑᱘᱓᱓(1833-10-21)
ᱥᱴᱚᱠᱦᱚᱢ, ᱥᱩᱭᱰᱮᱱ
ᱜᱩᱨ᱑᱐ ᱰᱤᱥᱮᱢᱵᱚᱨ ᱑᱘᱙᱖ (᱖᱓ ᱵᱚᱭᱚᱥ)
ᱥᱟᱱᱚᱨᱮᱢᱚ,ᱤᱴᱟᱞᱤ
ᱵᱟᱭ  ᱴᱷᱟᱶᱥᱴᱚᱠᱼᱦᱚᱢ
59°21′24.52″N 18°1′9.43″E / 59.3568111°N 18.0192861°E / 59.3568111; 18.0192861
ᱠᱟᱹᱢᱤᱥᱟᱬᱮᱥᱤᱭᱟᱹ, ᱤᱧᱡᱤᱱᱤᱭᱟᱹᱨ
ᱧᱩᱢᱱᱟᱢᱰᱤᱱᱟᱢᱟᱭᱤᱴ ᱥᱤᱨᱤᱡᱤᱭᱟᱹ, ᱱᱚᱵᱮᱞ ᱥᱤᱨᱯᱷᱟᱹ
ᱥᱩᱦᱤ

ᱟᱞᱯᱷᱨᱮᱰ ᱵᱚᱨᱱᱟᱰ ᱱᱚᱵᱮᱞ (ᱥᱩᱭᱰᱤᱥ ᱨᱟᱹᱲ: [ˈɑlfred noˈbɛl]) ᱫᱚ ᱦᱩᱭᱩᱜ ᱠᱟᱱᱟᱭ ᱢᱤᱫ ᱥᱩᱭᱰᱤᱥ ᱫᱤᱥᱚᱢ ᱨᱤᱱᱤᱡ ᱢᱤᱫ ᱡᱟᱜ ᱜᱩᱱᱩᱱ ᱥᱟᱬᱮᱥᱤᱭᱟᱹ, ᱤᱧᱡᱤᱱᱤᱭᱟᱹᱨ ᱢᱮᱱᱫᱚ ᱠᱟᱹᱣᱰᱤ ᱟᱹᱨᱤ ᱜᱚᱲᱦᱚᱱᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱚᱯᱷᱚᱨᱥ ᱠᱚᱢᱯᱟᱹᱱᱤ ᱨᱤᱱᱤᱡ ᱢᱟᱨᱮ ᱢᱟᱹᱞᱤᱠ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤᱭᱟᱜ ᱓᱕᱐ ᱠᱷᱚᱱ ᱵᱟᱹᱲᱛᱤ ᱯᱟᱴᱮᱱᱴ ᱢᱮᱱᱟᱜ ᱛᱟᱭᱟ, ᱚᱱᱟ ᱠᱚ ᱢᱩᱸᱫᱽ ᱠᱷᱚᱱ ᱰᱤᱱᱟᱢᱟᱭᱤᱴ ᱫᱚ ᱵᱟᱹᱲᱛᱤ ᱧᱩᱢ ᱟᱱᱟᱜ ᱥᱤᱨᱤᱡᱽ ᱠᱟᱱᱟ ᱾ ᱟᱡᱟᱜ ᱟᱨᱡᱟᱣ ᱨᱮᱱᱟᱜ ᱵᱟᱹᱲᱛᱤᱜᱟᱱ ᱠᱟᱹᱣᱰᱤ ᱜᱮ ᱱᱚᱵᱮᱞ ᱮᱠᱟᱰᱮᱢᱤ ᱛᱮᱭᱟᱨ ᱞᱟᱹᱜᱤᱫ ᱮ ᱠᱷᱚᱨᱚᱪ ᱞᱮᱫ ᱛᱟᱦᱮᱸᱫ ᱾ ᱱᱮᱛᱟᱨᱟᱜ ᱠᱚᱢᱯᱟᱹᱱᱤ ᱰᱟᱭᱱᱟᱢᱟᱭᱤᱴ ᱱᱚᱵᱮᱞ ᱟᱨ ᱟᱠᱡᱚ ᱱᱚᱵᱮᱞ ᱫᱚ ᱱᱚᱵᱮᱞ ᱛᱮᱭᱟᱨ ᱟᱠᱟᱫ ᱠᱚᱢᱯᱟᱹᱱᱤ ᱠᱟᱱᱟ ᱾

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱞᱯᱷᱨᱮᱰ ᱵᱚᱨᱱᱟᱰ ᱱᱚᱵᱮᱞ (Alfred Bernhard Nobel, ᱑᱘᱓᱓-᱑᱘᱙᱖) ᱫᱚ ᱤᱢᱟᱱᱩᱣᱮᱞ ᱱᱚᱵᱮᱞ ᱟᱨ ᱟᱱᱫᱨᱤᱛᱮ ᱟᱞᱥᱮᱞ ᱱᱚᱵᱮᱞ( Andritte Ahlsell Nobel ) ᱛᱤᱠᱤᱱᱤᱡ ᱠᱚᱲᱟ ᱜᱤᱫᱽᱨᱟᱹ ᱠᱟᱱᱟᱭ ᱾ ᱱᱩᱭ ᱫᱚ ᱒᱑ ᱚᱠᱴᱚᱵᱚᱨ ᱑᱘᱓᱓ ᱥᱟᱞᱮᱨᱮ ᱥᱩᱭᱰᱮᱱ ᱨᱮᱱᱟᱜ ᱥᱴᱚᱠᱼᱦᱚᱢ ( Stockholm ) ᱨᱮ ᱡᱟᱱᱟᱢᱚ ᱞᱮᱱ ᱛᱟᱦᱮᱸᱫ ᱾ ᱨᱮᱸᱜᱮᱡ ᱱᱟᱪᱟᱨ ᱮᱸᱜᱟᱛ ᱟᱯᱟᱛ ᱨᱤᱱ ᱤᱨᱟᱹᱞ ᱜᱚᱴᱟᱝ ᱦᱚᱯᱚᱱ ᱠᱷᱚᱱ ᱯᱩᱱ ᱦᱚᱲ ᱜᱮ ᱫᱚ ᱵᱟᱧᱪᱟᱣ ᱠᱚ ᱛᱟᱦᱮᱸ ᱞᱮᱱᱟ ᱾[᱑] ᱟᱡ ᱵᱟᱵᱟ ᱫᱚ ᱥᱩᱭᱰᱤᱥ ᱥᱟᱬᱮᱥᱤᱭᱟᱹ ᱳᱞᱚᱥ ᱨᱩᱰᱵᱮᱠ (Olaus Rudbeck 1630–1702) ᱛᱮᱠᱚ ᱵᱚᱝᱥᱚ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ[᱒] ᱚᱱᱟᱛᱮ ᱠᱟᱹᱴᱤᱡ ᱚᱠᱛᱚ ᱠᱷᱚᱱ ᱜᱮ ᱤᱧᱡᱤᱱᱤᱭᱟᱹᱨ ᱟᱨ ᱡᱟᱭᱜᱩᱱᱩᱱ ᱠᱚ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫᱽ ᱟᱹᱰᱤ ᱠᱟᱹᱴᱤᱡ ᱠᱷᱚᱱ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾

ᱵᱮᱯᱟᱨ ᱨᱮ ᱟᱹᱰᱤ ᱡᱩᱨᱮ ᱦᱟᱹᱱ ᱮᱱ ᱛᱟᱭᱚᱢ ᱟᱡ ᱵᱟᱵᱟ ᱑᱘᱓᱔ ᱥᱟᱞᱮ ᱨᱮ ᱡᱚᱛᱚ ᱦᱚᱲ ᱨᱩᱥᱤᱭᱟ ᱨᱮᱱᱟᱜ ᱥᱮᱸᱴᱯᱤᱴᱚᱨᱥᱵᱚᱨᱜᱽ ᱧᱩᱛᱩᱢᱟᱱ ᱴᱷᱟᱶ ᱛᱮ ᱤᱫᱤ ᱠᱮᱫ ᱠᱚᱣᱟ ᱾ ᱚᱸᱰᱮ ᱟᱠᱚᱣᱟᱜ ᱜᱷᱟᱨᱚᱡᱽ ᱨᱮᱱᱟᱜ ᱚᱵᱚᱥᱛᱟ ᱱᱟᱥᱮ ᱵᱚᱫᱚᱞ ᱤᱫᱤᱭᱮᱱᱟ ᱾ ᱚᱸᱰᱮ ᱟᱡ ᱵᱟᱵᱟ (ᱡᱟᱦᱟᱸᱭ ᱫᱚ ᱯᱞᱟᱭᱩᱰ ᱨᱤᱱᱤᱡ ᱜᱚᱲᱦᱚᱱᱤᱭᱟᱹ) ᱴᱚᱨᱯᱮᱰᱚ ᱛᱮᱭᱟᱨ ᱠᱟᱹᱨᱜᱟᱲ ᱛᱮᱭᱟᱨ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾[᱓]

ᱜᱷᱟᱨᱚᱡᱽ ᱨᱮᱱᱟᱜ ᱠᱟᱹᱣᱰᱤ ᱚᱵᱚᱥᱛᱟ ᱱᱟᱯᱟᱭ ᱨᱩᱣᱟᱹᱲ ᱮᱱ ᱠᱷᱟᱱ ᱟᱡ ᱵᱟᱵᱟ ᱡᱟᱹᱜ ᱜᱩᱱᱩᱱ ᱥᱟᱬᱮᱥ, ᱤᱝᱞᱤᱥ, ᱯᱷᱨᱮᱸᱪ, ᱡᱚᱨᱢᱟᱱ ᱟᱨ ᱨᱩᱥᱤᱭᱟᱱ ᱯᱟᱹᱨᱥᱤ ᱠᱚ ᱥᱮᱬᱟᱭ ᱞᱟᱹᱜᱤᱫ ᱴᱤᱣᱥᱚᱱ ᱮ ᱵᱮᱵᱚᱥᱛᱟ ᱟᱫ ᱫᱮ ᱛᱟᱦᱮᱸᱫ ᱟᱨ ᱑᱘ ᱪᱟᱸᱫᱚ ᱞᱟᱹᱜᱤᱫ ᱥᱴᱚᱠᱦᱚᱢ ᱨᱮᱱᱟᱜ ᱡᱟᱠᱚᱵᱥ ᱟᱯᱚᱞᱚᱡᱤᱥᱴᱤᱠ ᱟᱥᱲᱟ ᱨᱮ ᱥᱮᱪᱮᱫᱚᱜ ᱞᱟᱹᱜᱤᱫ ᱝᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ

ᱟᱞᱯᱷᱨᱮᱰ ᱱᱚᱵᱮᱞ ᱟᱜ ᱰᱮᱛᱷ ᱢᱟᱥᱠ, ᱡᱟᱦᱟᱸ ᱫᱚ ᱠᱟᱨᱞᱥᱜᱚ, ᱥᱩᱭᱰᱮᱱ ᱨᱮᱱᱟᱜ ᱵᱟᱥᱟ ᱨᱮ ᱢᱮᱱᱟᱜᱼᱟ ᱾

ᱟᱞᱯᱷᱨᱮᱰ ᱫᱚ ᱯᱨᱚᱯᱷᱮᱥᱚᱨ ᱱᱤᱠᱚᱞᱮ ᱱᱤᱠᱚᱵᱷᱤᱪ ᱡᱮᱱᱤᱱ (Nikolay Nikolaevich Zenin) ᱛᱟᱹᱨᱤ ᱨᱮ ᱡᱟᱜ ᱜᱩᱱᱩᱱ ᱥᱟᱬᱮᱥ ᱥᱮᱪᱮᱫ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱑᱘ ᱥᱮᱨᱢᱟ ᱵᱚᱭᱚᱥ ᱨᱮ ᱟᱞᱯᱷᱨᱮᱰ ᱯᱩᱱ ᱥᱮᱨᱢᱟ ᱞᱟᱹᱜᱤᱫ ᱡᱟᱜ ᱜᱩᱱᱩᱱ ᱥᱟᱬᱮᱥ ᱨᱮ ᱩᱱᱩᱥᱩᱞ ᱥᱮᱪᱮᱫᱚᱜ ᱞᱟᱹᱜᱤᱫ ᱟᱢᱮᱨᱤᱠᱟᱭ ᱪᱟᱞᱟᱣ ᱮᱱᱟ ᱾ ᱚᱸᱰᱮ ᱩᱱᱤ ᱛᱤᱢᱤᱱ ᱫᱤᱱ ᱜᱟᱱ ᱡᱚᱱ ᱮᱨᱤᱠ ᱥᱟᱶ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱮᱨᱤᱠᱥᱚᱱ ᱟᱢᱮᱨᱤᱠᱟᱱ ᱜᱷᱟᱨᱚᱸᱡᱽ ᱞᱟᱹᱲᱦᱟᱹᱭ ᱨᱮᱱᱟᱜ ᱢᱮᱬᱦᱮᱫ ᱯᱚᱴᱚᱢ USS ᱢᱚᱱᱤᱴᱚᱨ ᱨᱮᱱᱟᱜ ᱱᱚᱠᱥᱟ ᱛᱮᱭᱟᱨ ᱮᱫ ᱛᱟᱦᱮᱸᱫ ᱮ ᱾[᱑][᱔]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ Encyclopedia of Modern Europe: Europe 1789-1914: Encyclopedia of the Age of Industry and Empire, "Alfred Nobel", 2006 Thomson Gale.
  2. Schück, Henrik, Ragnar Sohlman, Anders Österling, Carl Gustaf Bernhard, the Nobel Foundation, and Wilhelm Odelberg, eds. Nobel: The Man and His Prizes. 1950. 3rd ed. Coordinating Ed., Wilhelm Odelberg. New York: American Elsevier Publishing Company, Inc., 1972, p. 14. ISBN 0-444-00117-4 (10). ISBN 978-0-444-00117-7 (13). (Originally published in Swedish as Nobelprisen 50 år: forskare, diktare, fredskämpar.)
  3. "The Man Who Made It Happen — Alfred Nobel". 3833. Retrieved 3 May 2012.
  4. Carlisle, Rodney (2004). Scientific American Inventions and Discoveries, p. 256. John Wiley & Songs, Inc., New Jersey. ISBN 0-471-24410-4.