ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱧᱩᱛᱩᱢ ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ
ᱡᱤᱭᱚᱱ
ᱡᱟᱱᱟᱢ ᱢᱟᱦᱟᱸ ᱑᱔ ᱢᱟᱨᱪ ᱑᱘᱗᱙
ᱵᱚᱝᱜᱟ ᱛᱟᱞᱟ ᱑᱘ ᱮᱯᱨᱤᱞ ᱑᱙᱕᱕
ᱮᱱᱮᱢ
•General relativity
  • Special relativity
  • Photoelectric effect
  • E=mc2 (Mass–energy equivalence)
  • E=hf (Planck–Einstein relation)
  • Theory of Brownian motion
  • Einstein field equations
  • Bose–Einstein statistics
  • Bose–Einstein condensate
  • Gravitational wave
  • Cosmological constant
  • Unified field theory
  • EPR paradox
ᱢᱟᱺᱱ ᱥᱤᱨᱯᱷᱟᱹ
•ᱵᱚᱨᱱᱟᱨᱰ ᱢᱮᱰᱟᱞ (᱑᱙᱒᱐)
  • ᱱᱚᱵᱮᱞ ᱥᱤᱨᱯᱟᱹ ᱡᱟᱜ ᱥᱟᱬᱮᱥ(᱑᱙᱒᱑)
  • ᱢᱮᱴᱮᱣᱩᱥᱤ ᱢᱮᱰᱟᱞ (᱑᱙᱒᱑)
  • ᱠᱩᱯᱞᱮ ᱢᱮᱰᱟᱞ (᱑᱙᱒᱕)
  • ᱢᱟᱠᱥ ᱯᱞᱟᱸᱠ ᱢᱮᱰᱟᱞ (᱑᱙᱒᱙)
ᱥᱩᱦᱤ


ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ ᱫᱚ ᱡᱚᱨᱢᱟᱱ ᱨᱤᱱᱤᱡ ᱱᱚᱵᱮᱞ ᱥᱤᱨᱯᱷᱟᱹ ᱟᱢᱮᱴᱤᱭᱟᱹ, ᱡᱟᱜ ᱥᱟᱬᱮᱥᱤᱭᱟᱹ ᱠᱟᱱᱟᱭ ᱾ ᱡᱟᱦᱟᱸᱭ ᱟᱡᱟᱜ ᱡᱟᱜ ᱥᱟᱬᱮᱥ ᱨᱮᱱᱟᱜ ᱥᱤᱨᱤᱡᱽ ᱥᱩᱛᱩᱨ ᱛᱮ ᱡᱟᱜ ᱥᱟᱬᱮᱥ ᱨᱮ ᱢᱤᱫ ᱚᱠᱛᱚ ᱦᱩᱞᱜᱩᱞᱟᱹᱱᱮ ᱵᱮᱱᱟᱣᱞᱮᱫ ᱛᱟᱦᱮᱸᱫ ᱾ ᱚᱱᱟ ᱞᱟᱹᱜᱤᱫ ᱟᱡ ᱫᱚ ᱡᱟᱜ ᱥᱟᱬᱮᱥ ᱨᱤᱱᱤᱡ ᱟᱯᱟᱛ ᱢᱮᱱᱛᱮ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾ ᱟᱡᱟᱜ ᱥᱤᱨᱤᱡᱽ ᱠᱚ ᱢᱩᱸᱫ ᱨᱮ, ᱦᱟᱢᱟᱞ ᱫᱟᱲᱮ ᱨᱮᱱᱟᱜ ᱥᱩᱛᱩᱨ E=mc2 ᱫᱚ ᱟᱹᱰᱤ ᱵᱟᱰᱟᱭᱟᱱ ᱛᱟᱦᱮᱸᱠᱟᱱᱟ ᱾ ᱚᱥᱚᱠᱟᱭ ᱛᱮ ᱟᱨᱥᱟᱞ-ᱵᱤᱡᱽᱞᱤ ᱯᱟᱥᱱᱟᱣ ᱯᱟᱱᱛᱮ ᱧᱟᱢ ᱞᱮᱫ ᱠᱷᱟᱹᱛᱤᱨ ᱑᱙᱒᱑ ᱥᱟᱞᱮ ᱨᱮ ᱱᱚᱵᱮᱞ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱱᱚᱝᱠᱟ ᱜᱮ ᱟᱡᱟᱜ ᱮᱱᱮᱢ ᱡᱟᱜ ᱥᱟᱬᱮᱥ ᱨᱮ ᱟᱹᱰᱤ ᱢᱟᱨᱟᱝ ᱴᱷᱟᱹᱶᱮ ᱟᱢᱮᱴᱟᱠᱟᱜ-ᱟ ᱾ ᱟᱭᱤᱱᱥᱴᱟᱭᱤᱱ ᱫᱚ ᱑᱘ ᱮᱯᱨᱤᱞ ᱑᱙᱕᱕ ᱨᱮ ᱜᱩᱨ ᱞᱮᱱ ᱛᱟᱦᱮᱸᱫ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ ᱫᱚ ᱑᱔ ᱢᱟᱨᱪ ᱑᱘᱗᱙ ᱥᱟᱞᱮ ᱨᱮ ᱡᱚᱨᱢᱟᱱ ᱨᱮᱭᱟᱜ ᱩᱴᱢᱩᱨᱜᱽ ᱯᱚᱱᱚᱛ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱦᱚᱨᱢᱟᱱ ᱟᱭᱤᱱᱥᱴᱟᱭᱤᱱ ᱫᱚ ᱢᱤᱫ ᱵᱮᱯᱟᱨᱤᱭᱟᱹ ᱟᱨ ᱤᱧᱡᱤᱱᱤᱭᱟᱹᱨᱮ ᱛᱟᱦᱮᱸᱠᱟᱱᱟ ᱟᱨ ᱮᱸᱜᱟᱛ ᱫᱚ ᱯᱚᱞᱤᱱ ᱟᱭᱤᱱᱥᱴᱟᱭᱤᱱ ᱧᱩᱛᱩᱢᱟᱭ ᱛᱟᱦᱮᱸᱫ ᱾ ᱑᱘᱘᱐ ᱥᱟᱞᱮ ᱨᱮ ᱟᱠᱚ ᱫᱚ ᱢᱩᱱᱤᱪ ᱧᱩᱛᱩᱢᱟᱱ ᱡᱟᱜᱟ ᱛᱮᱠᱮ ᱜᱤᱨᱟᱹᱵᱟᱹᱥ ᱞᱮᱱ ᱛᱟᱦᱮᱸᱫ ᱾ ᱚᱸᱰᱮ ᱟᱡ ᱟᱯᱟᱛ ᱟᱨ ᱟᱡ ᱠᱟᱠᱟ ᱡᱟᱠᱚᱵᱽ ᱥᱟᱶ ᱢᱤᱫ ᱠᱚᱢᱯᱟᱹᱱᱤ ᱠᱚ ᱵᱮᱨᱮᱫ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱠᱚᱢᱯᱟᱹᱱᱤ ᱨᱮᱱᱟᱜ ᱧᱩᱛᱩᱢ ᱫᱚ ᱤᱞᱮᱠᱴᱨᱚ ᱴᱮᱠᱱᱤᱠ ᱯᱷᱮᱵᱽᱨᱤᱠ ᱡᱮ. ᱟᱭᱤᱱᱥᱟᱭᱤᱱ & ᱥᱤ ᱾ ᱱᱚᱶᱟ ᱠᱚᱢᱯᱟᱹᱱᱤ ᱫᱚ ᱵᱤᱡᱽᱞᱤ ᱥᱟᱢᱟᱱᱮ ᱛᱮᱭᱟᱨᱮᱫ ᱛᱟᱵᱮᱸᱫ ᱾ ᱡᱚᱠᱷᱚᱱ ᱟᱡᱟᱜ ᱵᱚᱭᱚᱥ ᱤᱨᱟᱹᱞ ᱥᱮᱨᱢᱟ ᱦᱩᱭᱮᱱᱟ ᱞᱩᱭᱤᱯᱚᱞ ᱡᱤᱢᱱᱟᱥᱭᱚᱢ ᱛᱮ ᱥᱮᱪᱮᱫᱚᱜ-ᱮ ᱥᱮ ᱮᱱᱟ ᱾ ᱚᱸᱰᱮ ᱜᱮ ᱚᱛᱢᱚᱱ ᱟᱨ ᱪᱚᱴᱢᱚᱱ ᱥᱮᱪᱮᱫ ᱫᱚ ᱠᱤᱱ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱑᱘᱙᱔ ᱥᱟᱞᱮ ᱨᱮ ᱟᱠᱚᱣᱟᱟᱜ ᱠᱚᱢᱯᱟᱹᱱᱤ ᱱᱤᱞᱟᱹᱢ ᱵᱟᱭ ᱧᱟᱢ ᱞᱮᱜ-ᱟ, ᱪᱮᱫᱟᱜ ᱥᱮ ᱟᱠᱚᱣᱟᱜ ᱯᱨᱚᱰᱚᱠᱴ ᱨᱮᱱᱟᱜ ᱛᱷᱚᱠ ᱱᱟᱥᱮ ᱠᱚᱢ ᱜᱮ ᱛᱟᱦᱮᱸᱫ ᱟᱨ ᱠᱚᱢᱯᱟᱹᱱᱤ ᱦᱚᱸ ᱵᱚᱸᱫᱽ ᱦᱩᱭᱟᱫ ᱠᱚᱣᱟ ᱾ ᱟᱨ ᱚᱱᱟ ᱠᱚᱯᱟᱹᱱᱤ ᱫᱚ ᱠᱚ ᱟᱹᱠᱷᱨᱤᱧ ᱜᱤᱰᱤ ᱠᱟᱫᱟᱜ-ᱟ ᱾ ᱚᱱᱟ ᱛᱟᱭᱚᱢ ᱟᱠᱚᱣᱟᱜ ᱜᱷᱟᱨᱚᱡᱽ ᱫᱚ ᱵᱟᱯᱟᱨ ᱯᱟᱱᱛᱮ ᱞᱟᱹᱜᱤᱫ , ᱱᱴᱟᱞᱤ ᱠᱚ ᱪᱟᱞᱟᱣᱮᱱᱟ ᱾ ᱮᱛᱚᱦᱚᱵ ᱫᱚ ᱢᱤᱞᱚᱱ ᱚᱱᱟ ᱛᱟᱭᱚᱢ ᱯᱟᱵᱷᱤᱭᱟ ᱧᱩᱛᱩᱢᱟᱱ ᱡᱟᱜᱟ ᱠᱚ ᱥᱮᱱ ᱮᱱᱟ ᱾ ᱟᱭᱤᱱᱥᱴᱟᱭᱤᱱ ᱫᱚ ᱢᱩᱱᱤᱪ ᱨᱮ ᱜᱮ ᱛᱟᱦᱮᱸᱠᱟᱱᱟᱭ ᱟᱡᱟᱜ ᱥᱮᱪᱮᱫ ᱥᱟᱹᱛ ᱞᱟᱹᱜᱤᱫ ᱾ ᱟᱯᱟᱛ ᱫᱚᱭ ᱩᱭᱟᱹᱨᱮᱫ ᱛᱟᱦᱮᱸᱫ ᱵᱤᱡᱽᱞᱤ ᱤᱧᱡᱤᱱᱤᱭᱟᱹᱨ ᱯᱟᱲᱦᱟᱣ ᱚᱪᱚ ᱞᱟᱹᱜᱤᱫ, ᱢᱮᱱᱠᱷᱟᱱ ᱱᱩᱭ ᱫᱚ ᱱᱟᱥᱮ ᱟᱞᱟᱜᱽ ᱢᱚᱱᱮ ᱛᱟᱦᱮᱸᱠᱟᱱᱟ ᱾ ᱑᱘᱙᱕ ᱥᱟᱞᱮᱨᱮ ᱡᱚᱠᱷᱚᱱ ᱟᱡᱟᱜ ᱵᱚᱭᱚᱥ ᱫᱚ ᱑᱖ ᱦᱩᱭᱞᱮᱱ ᱛᱟᱦᱮᱸᱫ, ᱩᱱ ᱡᱚᱠᱷᱟᱜ ᱥᱣᱤᱥ ᱯᱷᱮᱰᱮᱨᱟᱞ ᱯᱚᱞᱤᱴᱮᱠᱱᱤᱠ ᱵᱤᱱᱤᱰᱮ ᱮᱢ ᱠᱮᱫᱟ, ᱢᱮᱱᱠᱷᱟᱱ ᱱᱚᱶᱟ ᱜᱟᱱᱟᱰᱮ ᱫᱚ ᱵᱟᱭ ᱫᱚᱱ ᱯᱟᱨᱚᱢ ᱫᱟᱧᱮᱭᱟᱫᱟᱜ-ᱟ ᱾ ᱛᱚᱵᱮ ᱡᱟᱜ ᱥᱟᱬᱮᱥ ᱟᱨ ᱮᱞᱠᱷᱟ ᱨᱮ ᱫᱚ ᱵᱷᱟᱹᱜᱤ ᱚᱨᱡᱚ ᱜᱮᱭ ᱟᱹᱜᱩ ᱞᱮᱫ ᱛᱟᱦᱮᱸᱫ ᱾ ᱑᱘᱙᱖ ᱨᱮ ᱫᱚ ᱚᱱᱟ ᱵᱤᱱᱤᱰ ᱟᱹᱰᱤ ᱱᱟᱯᱟᱭ ᱛᱮ ᱯᱟᱨᱚᱢ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱥᱮᱨᱢᱟ ᱜᱮ ᱟᱡᱤᱡ ᱟᱜᱟᱢ ᱡᱤᱣᱤ ᱡᱩᱨᱤ ᱢᱤᱞᱮᱵᱷᱟ ᱢᱮᱨᱤᱠ ᱚᱸᱰᱮ ᱧᱩᱛᱩᱢᱮ ᱚᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱮᱠᱞᱟ ᱜᱮ ᱛᱤᱨᱞᱟᱹ ᱦᱚᱯᱚᱱᱮ ᱛᱟᱦᱮᱸᱠᱟᱱᱟ ᱟᱠᱚ ᱛᱩᱨᱩᱭ ᱡᱟᱜ ᱥᱟᱬᱮᱥ ᱟᱨ ᱮᱞᱠᱷᱟ ᱥᱟᱛᱟᱢᱟᱱ ᱜᱤᱫᱽᱨᱟᱹ ᱠᱷᱚᱱ ᱾ ᱛᱤᱢᱤᱱ ᱥᱮᱨᱢᱟ ᱠᱷᱟᱱ ᱜᱮ ᱟᱭᱤᱱᱥᱴᱟᱭᱤᱱ ᱟᱨ ᱢᱮᱨᱤᱠ ᱟᱜ ᱥᱟᱹᱜᱟᱹᱭ ᱟᱹᱰᱤ ᱥᱩᱯᱩᱨ ᱞᱮᱱ ᱛᱟᱦᱮᱸᱫ ᱟᱨ ᱢᱮᱥᱟ ᱠᱟᱛᱮ ᱯᱟᱲᱦᱟᱣ ᱦᱚᱸ ᱠᱤᱱ ᱮᱦᱚᱵ ᱞᱮᱜ-ᱟ , ᱠᱷᱟᱹᱞᱤ ᱚᱠᱛᱚ ᱨᱮ ᱾ ᱑᱙᱐᱐ ᱥᱟᱞᱮ ᱨᱮ ᱟᱭᱤᱱᱥᱴᱟᱭᱤᱱ ᱫᱚ ᱯᱚᱞᱤᱴᱮᱠᱱᱤᱠ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ, ᱢᱚᱱᱠᱷᱟᱱ ᱢᱮᱨᱤᱠ ᱫᱚ ᱵᱤᱱᱤᱰ ᱵᱟᱭ ᱯᱟᱨᱚᱢ ᱫᱟᱲᱮᱭᱟᱫ ᱛᱟᱦᱮᱸᱫ ᱾

ᱵᱟᱯᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

   ᱚᱱᱟ ᱛᱟᱭᱚᱢ ᱟᱭᱤᱱᱥᱴᱟᱭᱤᱱ ᱟᱨ ᱢᱮᱨᱤᱠ ᱫᱚ   ᱡᱟᱱᱩᱣᱟᱨᱤ ᱑᱙᱐᱓ ᱥᱟᱞᱮ ᱨᱮ ᱠᱤᱱ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾  ᱚᱱᱟ ᱛᱟᱭᱚᱢ  ᱢᱮ ᱪᱟᱸᱫᱚ ᱑᱙᱐᱔ ᱨᱮ ᱟᱹᱠᱤᱱᱤᱡ ᱯᱩᱭᱞᱩ ᱠᱚᱲᱟ ᱜᱤᱫᱽᱨᱟᱹ ᱦᱟᱱᱥ ᱟᱞᱵᱚᱨᱴ ᱟᱭᱤᱱᱥᱴᱟᱭᱤᱱ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱹᱠᱤᱱᱤᱡ ᱫᱚᱥᱟᱨ ᱠᱚᱲᱟ ᱜᱤᱫᱽᱨᱟᱹ ᱤᱰᱣᱟᱨᱰ ᱑᱙᱑᱐ ᱥᱟᱞᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱙᱐᱘ ᱥᱟᱞᱮ ᱨᱮ ᱟᱭᱤᱱᱥᱴᱟᱭᱤᱱ ᱫᱚ ᱟᱭᱟᱨ ᱥᱟᱬᱮᱥᱤᱭᱟᱹ ᱞᱮᱠᱟᱛᱮ ᱧᱩᱛᱩᱢᱮ ᱠᱟᱢᱟᱣ ᱞᱮᱫ ᱛᱟᱦᱮᱸᱫ , ᱚᱱᱟ ᱛᱟᱭᱚ ᱵᱮᱨᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱜᱟᱞᱚᱪᱤᱭᱟᱹ ᱞᱮᱠᱟᱛᱮ ᱛᱟᱦᱮᱭᱮᱱᱟᱭ ᱾ ᱚᱱᱟ ᱛᱟᱭᱚᱢ ᱑᱙᱐᱙ ᱥᱟᱞᱮᱨᱮ ᱯᱩᱨᱩᱫᱷᱩᱞ ᱢᱟᱪᱮᱫ ᱞᱮᱠᱟᱛᱮ ᱠᱟᱹᱢᱤ ᱠᱚ ᱮᱢᱟᱫ ᱫᱮᱭᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Einstein's Personal Correspondence: Religion, Politics, The Holocaust, and Philosophy Shapell Manuscript Foundation