ᱟᱞᱵᱨᱮᱪᱴ‌ ᱰᱩᱨᱮᱨ

Albrecht Dürer - 1500 self-portrait (High resolution and detail)

ᱟᱞᱵᱨᱮᱪᱴ‌ ᱰᱩᱨᱮᱨ - ᱡᱚᱨᱢᱟᱱ (᱒᱑ ᱢᱮ ᱑᱔᱗᱑ — ᱖ ᱮᱯᱨᱤᱞ ᱑᱕᱒᱘)- ᱫᱚ ᱢᱤᱫ ᱨᱚᱸᱜ ᱮᱢᱤᱡ, ᱪᱷᱟᱯᱟᱠᱟᱨ, ᱡᱚᱨᱢᱟᱱ ᱨᱤᱱᱟᱥᱟᱸ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱱᱭᱩᱨᱮᱢᱵᱚᱨᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱡᱚᱜᱷᱚᱱ ᱟᱡ ᱒᱐ ᱥᱟᱞ ᱩᱢᱮᱨ ᱮ ᱛᱟᱦᱮᱸ ᱠᱟᱱᱟ ᱠᱟᱴ ᱜᱮᱫ ᱠᱟᱛᱮᱫ ᱪᱤᱛᱟᱹᱨ ᱵᱮᱱᱟᱣ ᱞᱟᱹᱜᱤᱫ ᱯᱩᱨᱟᱹ ᱩᱭᱨᱳᱯ ᱨᱮ ᱟᱡᱟᱜ ᱧᱩᱛᱩᱢ ᱟᱨ ᱚᱨᱥᱚᱝ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ ᱨᱤᱱ ᱨᱟᱯᱷᱮᱞ, ᱡᱤᱳᱵᱷᱟᱱᱤ ᱵᱮᱞᱤᱱᱤ, ᱞᱤᱭᱳᱱᱟᱨᱰᱳ ᱫᱟ ᱵᱷᱤᱱᱥᱤ ᱞᱮᱠᱟᱱ ᱟᱹᱰᱤᱜᱟᱱ ᱧᱚᱛᱩᱢᱟᱱ ᱟᱨᱴᱤᱥᱴ ᱠᱚ ᱥᱟᱞᱟᱜ ᱟᱡᱟᱜ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱕᱑᱒ ᱥᱟᱞ ᱨᱮ ᱟᱞᱵᱨᱮᱪᱴ ᱢᱟᱠᱥᱤᱢᱤᱞᱤᱟᱱ-᱑ ᱟᱜ ᱥᱟᱥᱚᱱ ᱨᱮ ᱨᱟᱡᱽ ᱥᱚᱦᱮᱫ ᱮ ᱧᱟᱢ ᱠᱮᱫᱼᱟ ᱾ ᱰᱩᱨᱮᱨ ᱫᱚ ᱵᱟᱱᱟᱨ ᱞᱩᱛᱷᱮᱨᱟᱱ ᱟᱨ ᱮᱯᱤᱥᱠᱳᱯᱟᱞ ᱪᱚᱨᱪ ᱠᱷᱚᱱ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾ ᱰᱩᱨᱮᱨᱼᱟᱜ ᱡᱟᱥᱛᱤ ᱠᱟᱹᱢᱤ ᱨᱮ ᱠᱷᱩᱫᱟᱹᱭ(ᱞᱟᱜ ᱪᱤᱛᱟᱹᱨ), ᱢᱩᱴᱷᱟᱱ, ᱫᱟᱜ ᱨᱚᱝᱜ, ᱯᱚᱛᱚᱵ ᱵᱮᱱᱟᱣ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ Apocalypse series (1498) ᱨᱮ ᱢᱮᱱᱟᱜ ᱠᱟᱴᱷ ᱨᱮ ᱞᱟᱜ ᱟᱠᱟᱱ ᱟᱡᱟᱜ ᱮᱴᱟᱜ ᱠᱟᱹᱢᱤ ᱠᱷᱚᱱ ᱟᱹᱰᱤ ᱥᱚᱨᱮᱥ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱞᱟᱜ ᱪᱤᱛᱟᱹᱨ ᱫᱚ ᱜᱳᱛᱷᱤᱠ ᱜᱩᱬ ᱟᱱᱟ ᱾ ᱟᱡᱟᱜ ᱟᱨ ᱧᱩᱛᱩᱢᱟᱱ ᱞᱟᱜ ᱪᱤᱛᱟᱹᱨ ᱠᱚ ᱫᱚ ᱦᱩᱭᱩᱜ ᱠᱟᱱᱟ Knight, Death ᱟᱨ Devil (1513) ᱾ Saint Jerome (1514) and Melencolia I (1514), ᱱᱚᱶᱟ ᱵᱟᱨᱭᱟ ᱞᱟᱜ ᱪᱤᱛᱟᱹᱨ ᱫᱚ ᱴᱷᱟᱹᱣᱠᱟᱹ ᱥᱟᱞᱟ ᱛᱩᱢᱟᱹᱞ ᱯᱟᱲᱦᱦᱟᱣ ᱞᱟᱹᱜᱤᱫ ᱥᱟᱛᱟᱢ ᱞᱮᱠᱟᱛᱮ ᱵᱟᱪᱷᱚᱱ ᱟᱠᱟᱱᱟ ᱾ ᱟᱡᱟᱜ ᱫᱟᱜ ᱨᱚᱝ ᱠᱟᱹᱢᱤ ᱦᱚᱸ ᱞᱟᱸᱰᱥᱠᱮᱯ ᱪᱤᱛᱟᱹᱨ ᱦᱤᱥᱟᱹᱣᱵ ᱛᱮ ᱯᱩᱭᱞᱩ ᱭᱩᱨᱳᱯ ᱨᱤᱱ ᱪᱤᱛᱟᱹᱨᱤᱭᱟᱹ ᱞᱮᱠᱟᱛᱮ ᱩᱯᱨᱩᱢ ᱮ ᱧᱟᱢ ᱟᱠᱟᱫᱼᱟ ᱟᱨ ᱟᱡᱟᱜ ᱟᱹᱰᱤ ᱩᱭᱦᱟᱹᱨ ᱟᱱ ᱠᱟᱴ ᱞᱟᱜ ᱠᱟᱹᱢᱤ ᱦᱚᱸ ᱚᱱᱟ ᱨᱮᱱᱟᱜ ᱦᱩᱲ ᱫᱟᱲᱮ ᱥᱟᱞᱜᱟᱣ ᱞᱮᱫᱼᱟᱭ ᱾

ᱟᱬᱜᱟᱛ ᱡᱤᱭᱚᱱ (᱑᱔᱗᱑—᱑᱔᱙᱑)

Woodcut by Dürer of his coat of arms, which featured a door as a pun on his name, as well as the winged bust of a Moor

ᱰᱩᱨᱮᱨ ᱒᱑ ᱢᱮ ᱑᱔᱗᱑ ᱨᱮ ᱡᱟᱱᱟᱢ ᱞᱮᱱᱟᱭ, ᱟᱡ ᱟᱯᱟᱛ ᱨᱤᱱ ᱑᱔ ᱜᱚᱴᱟᱝ ᱜᱤᱫᱽᱨᱟᱹ ᱠᱷᱚᱱ ᱟᱡ ᱫᱚ ᱛᱮᱥᱟᱨ ᱜᱤᱫᱽᱨᱟᱹ ᱟᱨ ᱫᱚᱥᱟᱨ ᱦᱚᱯᱚᱱ ᱠᱟᱱᱟᱭ ᱾ ᱟᱡ ᱵᱟᱵᱟ ᱟᱞᱵᱨᱮᱪᱴ ᱟᱡᱛᱳᱥᱤ ᱫᱚ ᱢᱤᱫ ᱥᱚᱱᱟᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾ ᱑᱔᱕᱕ ᱨᱮ ᱟᱠᱚ ᱟᱡᱛᱳᱥ ᱠᱷᱚᱱ ᱦᱚᱸᱜᱮᱨᱤ ᱨᱮᱱᱟᱜ ᱜᱭᱩᱞᱟ ᱥᱩᱨ ᱱᱭᱩᱨᱮᱢᱵᱚᱨᱜ ᱛᱮ ᱠᱚ ᱩᱪᱟᱹᱲ ᱮᱱᱟ ᱾ ᱟᱡᱼᱤᱡ ᱢᱤᱫ ᱵᱚᱭᱦᱟ ᱦᱟᱱᱥ ᱰᱩᱨᱮᱨ ᱦᱚᱸ ᱢᱤᱫ ᱨᱚᱸᱜ ᱪᱤᱛᱟᱹᱨᱤᱭᱟᱭ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱴᱷᱮᱫ ᱠᱷᱚᱱ ᱮ ᱥᱮᱪᱮᱫ ᱟᱠᱟᱱᱟ ᱾ ᱟᱨ ᱢᱤᱫ ᱵᱚᱭᱦᱟᱛᱟᱭ ᱧᱩᱛᱩᱢ ᱮᱱᱰᱮᱨᱮᱥ ᱰᱩᱨᱮᱨ ᱩᱱᱤ ᱫᱚ ᱟᱯᱟᱛ ᱟᱜ ᱠᱟ.ᱢᱤ ᱜᱮ ᱯᱟᱸᱡᱟ ᱠᱮᱫᱼᱟᱭ ᱟᱨ ᱧᱩᱛᱩᱢᱟᱱ ᱥᱚᱱᱷᱟᱨᱤᱭᱟ.ᱵᱮᱱᱟᱣ ᱮᱱᱟ ᱾ ᱡᱚᱨᱢᱟᱱ ᱧᱩᱛᱩᱢ "ᱰᱩᱨᱮᱨ" ᱫᱚ ᱦᱚᱸᱜᱮᱨᱤᱭᱟᱱ ᱧᱩᱛᱩᱢ "ᱟᱡᱛᱚᱥᱤ" ᱨᱮᱱᱟᱜ ᱢᱮᱱᱮᱛ ᱠᱟᱱᱟ ᱾ ᱮᱛᱚᱦᱚᱵ ᱨᱮ ᱫᱚ ᱱᱚᱶᱟ ᱫᱚ "ᱴᱭᱩᱨᱮᱨ" ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱥᱤᱞᱯᱤᱧ ᱵᱮᱣᱟᱣᱤᱡ ᱠᱟᱱᱟ ᱾ ᱱᱚᱶᱟ ᱜᱷᱟᱨᱚᱸᱡᱽ ᱨᱤᱱ ᱦᱚᱲ ᱠᱚ ᱫᱚ ᱟᱠᱚ ᱦᱚᱨᱚᱜ ᱮᱫ ᱠᱳᱴ ᱨᱮᱱᱟᱜ ᱛᱟᱨᱮᱱ ᱨᱮ ᱫᱚ ᱥᱤᱞᱯᱤᱧ ᱪᱤᱱᱦᱟᱹ ᱛᱟᱦᱮᱸ ᱠᱚᱜᱼᱟ ᱾

ᱵᱟᱨᱦᱮ ᱡᱚᱱᱚᱲ

• Albrecht Durer - The complete works Archived ᱒᱐᱑᱗-᱑᱑-᱐᱘ at the Wayback Machine.
• The Strange World of Albrecht Dürer Archived ᱒᱐᱑᱕-᱐᱗-᱑᱔ at the Wayback Machine. at the Sterling and Francine Clark Art Institute. November 14, 2010 – March 13, 2011
• Dürer Prints Close-up. Made to accompany The Strange World of Albrecht Dürer at the Sterling and Francine Clark Art Institute. November 14, 2010 – March 13, 2011
• Albrecht Dürer: Vier Bücher von menschlicher Proportion (Nuremberg, 1528). Selected pages scanned from the original work. Historical Anatomies on the Web. US National Library of Medicine.