ᱟᱣᱟᱨᱚᱱ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱟᱣᱟᱨᱚᱱ ᱦᱚᱱᱚᱛ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ, ᱱᱚᱶᱟ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱵᱟᱞᱚᱪᱤᱥᱛᱟᱱ ᱯᱨᱚᱫᱮᱥ (province) ᱨᱮᱱᱟᱜ ᱠᱚᱧᱮ ᱥᱮᱦᱮᱰ ᱨᱮᱱᱟᱜ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱫᱚ ᱱᱚᱵᱷᱮᱢᱵᱚᱨ ᱑᱙᱙᱒ ᱥᱟᱹᱦᱤᱛ ᱵᱷᱮᱜᱟᱨ ᱠᱟᱛᱮ ᱱᱟᱶᱟ ᱦᱚᱱᱚᱛ ᱞᱮᱠᱟᱛᱮ ᱵᱮᱱᱟᱣᱮᱱᱟ ᱾ ᱚᱱᱟ ᱞᱟᱦᱟ ᱛᱮ ᱱᱚᱶᱟ ᱫᱚ ᱠᱷᱩᱡᱽᱫᱟᱨ ᱦᱚᱱᱚᱛ ᱨᱮᱱᱟᱜ ᱥᱚᱵ-ᱰᱤᱵᱷᱤᱡᱚᱱ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾[᱑] ᱟᱣᱟᱨᱚᱱ ᱨᱮᱱᱟ ᱢᱟᱨᱮ ᱧᱩᱛᱩᱢ ᱫᱚ ᱠᱚᱞᱣᱟ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱫᱚ ᱚᱱᱟ ᱯᱨᱚᱫᱮᱥ ᱨᱮᱱᱟᱜ ᱡᱚᱛᱚ ᱠᱷᱚᱱ ᱨᱮᱸᱜᱮᱡ ᱦᱚᱱᱚᱛ ᱞᱮᱠᱟᱛᱮ ᱞᱮᱠᱷᱟᱜ ᱠᱟᱱᱟ ᱾[᱒]

ᱱᱚᱶᱟ ᱫᱚ ᱵᱟᱞᱚᱪᱤᱥᱛᱟᱱ ᱯᱨᱚᱫᱮᱥ ᱨᱮᱱᱟᱜ ᱠᱚᱧᱮ ᱯᱟᱴᱷᱟ ᱨᱮ ᱢᱮᱱᱟᱜᱼᱟ ᱾ ᱟᱣᱟᱨᱚᱱ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱟᱨ ᱠᱚᱧᱮ ᱯᱟᱪᱮ ᱥᱮᱦᱮᱫ ᱨᱮ ᱜᱣᱟᱫᱚᱨ ᱦᱚᱱᱚᱛ, ᱥᱟᱢᱟᱝ ᱟᱨ ᱠᱚᱧᱮ ᱥᱮᱦᱮᱫ ᱨᱮ ᱞᱟᱥᱵᱮᱞᱟ ᱦᱚᱱᱚᱛ ᱟᱨ ᱮᱛᱚᱢ ᱥᱮᱦᱮᱫ ᱨᱮ ᱠᱷᱟᱨᱟᱱ ᱦᱚᱱᱚᱛ ᱢᱮᱱᱟᱜᱼᱟ ᱾

ᱪᱟᱪᱞᱟᱣ ᱠᱷᱚᱸᱰ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱫᱚ ᱯᱮᱭᱟ ᱛᱚᱦᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾[᱓] ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ : ᱟᱣᱟᱨᱚᱱ ᱛᱚᱦᱥᱤᱞ, ᱡᱷᱟᱞ ᱡᱜᱷᱟᱣ ᱛᱚᱦᱥᱤᱞ ᱟᱨ ᱢᱟᱥᱠᱟᱭ ᱛᱚᱦᱥᱤᱞ ᱾ ᱚᱱᱟ ᱠᱚ ᱫᱚ ᱟᱨᱦᱚᱸ ᱘ ᱜᱚᱴᱟᱝ ᱤᱣᱱᱤᱭᱚᱱ ᱠᱟᱣᱱᱥᱤᱞ (union council) ᱨᱮ ᱦᱟᱹᱴᱤᱧ ᱟᱠᱟᱱᱟ [᱔] ᱟᱨ ᱚᱱᱟ ᱤᱣᱱᱤᱭᱚᱱ ᱠᱟᱣᱱᱥᱤᱞ ᱫᱚ ᱦᱩᱭᱩᱜ ᱠᱟᱱᱟ : ᱟᱣᱟᱨᱚᱱ, ᱜᱤᱥᱠᱟᱣᱨ, ᱛᱮᱨᱛᱟᱡᱽ, ᱠᱮᱢᱯ ᱡᱟᱦᱩ, ᱜᱟᱡᱽᱡᱟᱨ, ᱱᱟᱠᱡᱚ, ᱠᱚᱨᱟᱠ, ᱯᱟᱨᱣᱟᱨ ᱮᱢᱟᱱ ᱾[᱓]

ᱰᱮᱢᱚᱜᱨᱟᱯᱷᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱸᱰᱮ ᱑᱑,᱓᱕᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱕] ᱚᱱᱟ ᱛᱟᱭᱚᱢ ᱑᱙᱙᱘ ᱥᱟᱹᱦᱤᱛ ᱨᱮ ᱑᱑᱘,᱑᱗᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ[᱕] ᱟᱨ ᱒᱐᱐᱗ ᱥᱟᱹᱦᱤᱛ ᱛᱮ ᱱᱚᱸᱰᱮᱱ ᱠᱚ ᱦᱚᱲ ᱮᱞ ᱔᱘᱐,᱐᱐᱐ ᱜᱟᱱ ᱠᱚ ᱥᱴᱮᱨᱚᱜᱼᱟ ᱢᱮᱱᱛᱮ ᱯᱟᱭᱛᱟᱨ (estimate) ᱞᱮᱱᱟ ᱾[᱖]

ᱚᱱᱟ ᱦᱚᱱᱚᱛ ᱨᱤᱱ ᱙᱘% ᱦᱚᱲ ᱫᱚ ᱢᱩᱥᱞᱟᱹ ᱠᱟᱱᱟ ᱠᱚ [᱖] ᱚᱱᱟ ᱥᱟᱶᱛᱮ ᱠᱚᱢ ᱫᱷᱟᱨᱟ ᱡᱤᱠᱷᱨᱤ ᱡᱟᱹᱛ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱱᱚᱶᱟ ᱦᱚᱱᱚᱛ ᱨᱮ ᱛᱤᱢᱤᱱ ᱜᱟᱱ ᱟᱹᱫᱤᱵᱟᱹᱥᱤ ᱡᱟᱹᱛ ᱦᱚᱸ ᱢᱮᱱᱟᱜ ᱠᱚᱣᱟ, ᱩᱱᱠᱩ ᱫᱚ ᱠᱚ ᱦᱩᱭᱩᱜ ᱠᱟᱱᱟ : ᱵᱤᱡᱮᱱᱡᱚ, ᱢᱩᱢᱢᱟᱫᱽ ᱦᱟᱥᱟᱱᱤ, ᱥᱟᱡᱽᱫᱤ, ᱥᱤᱭᱟᱯᱟᱫᱽ, ᱢᱤᱨᱣᱟᱱᱤ, ᱨᱟᱠᱥᱟᱬᱤ, ᱢᱤᱥᱤᱭᱟᱱᱤ, ᱥᱩᱢᱟᱞᱤᱱᱤ ᱟᱨ ᱢᱮᱝᱜᱟᱞ ᱾[᱗] ᱞᱟᱦᱟ ᱠᱷᱚᱱ ᱱᱚᱸᱰᱮ ᱫᱚ ᱵᱟᱞᱚᱪᱤ ᱯᱟᱹᱨᱥᱤ ᱴᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱑᱙᱙᱘ ᱥᱟᱹᱦᱤᱛ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱙᱙.᱗% ᱠᱚ ᱨᱚᱲ ᱠᱟᱱ ᱢᱮᱱᱛᱮ ᱩᱫᱩᱜ ᱟᱠᱟᱱᱟ ᱾[᱘] ᱞᱟᱦᱟ ᱛᱮᱱᱟᱜ ᱑᱙᱘᱑ ᱨᱮᱱᱟᱜ ᱥᱮᱱᱥᱚᱥ ᱮ ᱩᱫᱩᱜᱮᱫᱼᱟ ᱵᱟᱝᱢᱟ ᱘% ᱦᱚᱲ ᱫᱚ ᱵᱨᱟᱦᱩᱭ ᱯᱟᱹᱨᱥᱤ ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫᱼᱟ ᱾[᱙]

ᱪᱟᱥᱵᱟᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱣᱟᱨᱚᱱ ᱫᱚ ᱠᱷᱤᱡᱩᱨ ᱨᱮᱱᱟᱜ ᱱᱚᱠᱷᱚᱞᱤᱥᱛᱟᱱ (oasis) ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱸᱰᱮ ᱥᱮᱨᱢᱟᱠᱮ ᱑᱕,᱐᱐᱐ ᱴᱚᱱ ᱜᱟᱱ ᱠᱚ ᱟᱨᱡᱟᱣᱮᱫᱼᱟ ᱠᱷᱤᱡᱩᱨ, ᱚᱱᱟ ᱥᱟᱶᱛᱮ ᱯᱮᱭᱟᱸᱡᱽ ᱦᱚᱸ ᱟᱹᱰᱤ ᱡᱩᱨ ᱜᱮ ᱠᱚ ᱪᱟᱥ ᱮᱫᱟ, ᱡᱟᱦᱟᱸ ᱨᱮᱱᱟᱜ ᱞᱮᱠᱷᱟ ᱫᱚ ᱕᱓,᱐᱐᱐ ᱴᱚᱱ ᱜᱟᱱ ᱾ ᱜᱩᱦᱩᱢ, ᱵᱟᱨᱞᱤ ᱟᱨ ᱡᱚ ᱵᱤᱞᱤ ᱮᱢᱟᱱ ᱠᱚ ᱦᱚᱸ ᱪᱟᱥ ᱦᱩᱭᱩᱜ ᱠᱟᱱ ᱜᱮᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. 1998 Census report, p. 1.
  2. Awaran District Balochistan Flood Assessment pg 6. July 2007 Archived ᱑᱑ ᱢᱟᱨᱪ ᱒᱐᱑᱒ at the Wayback Machine. PDI, Khuzdar. Retrieved 6 September 2010.
  3. ᱓.᱐ ᱓.᱑ Awaran District Archived ᱑ ᱡᱩᱱ ᱒᱐᱑᱒ at the Wayback Machine. Government of Balochistan. Retrieved 24 July 2012
  4. Tehsils & Unions in the District of Awaran - Government of Pakistan
  5. ᱕.᱐ ᱕.᱑ Awaran District Archived ᱑᱒ ᱥᱮᱯᱴᱮᱢᱵᱚᱨ ᱒᱐᱑᱑ at the Wayback Machine. Population Census Organisation, Government of Pakistan. Retrieved 6 September 2010.
  6. ᱖.᱐ ᱖.᱑ Awaran District Balochistan Flood Assessment pg 4. July 2007 Archived ᱑᱑ ᱢᱟᱨᱪ ᱒᱐᱑᱒ at the Wayback Machine. PDI, Khuzdar. Retrieved 6 September 2010.
  7. 1998 Census report, p. 5.
  8. 1998 Census report, p. 16.
  9. 1981 Census report, p. 84.