ᱟᱥᱚᱠ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Ashoka's visit to the Ramagrama stupa Sanchi Stupa 1 Southern gateway.jpg


ᱟᱥᱚᱠ

ᱨᱟᱡᱽ ᱚᱠᱛᱚ ᱺ- ᱒᱖᱙ ᱵᱤᱥᱤ ᱠᱷᱚᱱ ᱒᱓᱒ ᱵᱤᱥᱤ ᱾

ᱨᱟᱡᱽ ᱢᱟ.ᱪᱤ ᱨᱮ ᱫᱩᱲᱩᱵ ᱺ- ᱒᱗᱐ ᱵᱤᱥᱤ ᱾

ᱡᱟᱱᱟᱢ :- ᱓᱐᱔ ᱵᱤᱥᱤ, ᱯᱟᱴᱤᱞᱤ ᱯᱩᱛᱨᱚ, ᱯᱟᱴᱱᱟ ᱾

ᱜᱩᱨ:- ᱒᱓᱒ ᱵᱤᱥᱤ, ᱯᱟᱴᱤᱞᱤ ᱯᱩᱛᱨᱚ, ᱯᱟᱴᱱᱟ ᱾

ᱟᱺᱜᱤᱵᱷᱟ.ᱨᱤᱭᱟ. :- ᱫᱚᱥᱚᱨᱚᱛᱷ ᱢᱚᱣᱨᱭᱟ ᱾

ᱮᱨᱟ :- ᱫᱮᱵᱤ ᱠᱟᱨᱩᱵᱟᱠᱤ ᱯᱚᱫᱽᱢᱟᱵᱚᱛᱤ ᱛᱤᱥᱭᱚᱨᱚᱠᱥᱤᱛᱟ ᱾

ᱵᱚᱝᱥᱚ :- ᱢᱚᱣᱨᱭᱚ ᱾

ᱵᱟᱵᱟ :- ᱵᱤᱱᱫᱩᱥᱟᱨ ᱾

ᱟᱭᱳ :- ᱥᱩᱵᱷᱚᱫᱨᱟᱝᱜᱤ (ᱨᱟᱱᱤ ᱫᱷᱚᱨᱢᱟ) ᱾

ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱚᱠᱨᱚᱵᱚᱨᱛᱤ ᱟᱥᱚᱠ ᱥᱚᱢᱨᱟᱴ (᱓᱐᱔ ᱵᱤᱥᱤ ᱠᱷᱚᱱ ᱒᱓᱒ ᱵᱤᱥᱤ ᱫᱷᱟ.ᱵᱤᱡ) ᱡᱮᱜᱮᱛ ᱧᱩᱛᱩᱢᱟᱱ ᱟᱨ ᱵᱤᱨᱵᱷᱟᱱᱴᱟ ᱵᱷᱟᱨᱚᱛᱤᱭᱟ. ᱢᱚᱣᱨᱭᱚ ᱨᱟᱡᱽᱵᱚᱝᱥᱚ ᱨᱤᱱᱤᱡ ᱢᱟᱦᱟᱱ ᱥᱚᱢᱨᱟᱴ ᱮ ᱛᱟᱦᱮᱸ ᱠᱟᱱᱟ ᱾ ᱥᱚᱢᱨᱟᱴ ᱟᱥᱚᱠ ᱟᱜ ᱯᱩᱨᱟ. ᱧᱩᱛᱩᱢ ᱫᱚ ᱫᱮᱵᱟᱱᱟᱝᱯᱨᱤᱭᱚ ᱟᱥᱚᱠ ᱢᱚᱣᱨᱭᱚ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱨᱟᱡᱽ ᱚᱠᱛᱚ ᱫᱚ ᱒᱖᱙ ᱵᱤᱥᱤ ᱠᱷᱚᱱ ᱒᱓᱒ ᱵᱤᱥᱤ ᱫᱷᱟ.ᱵᱤᱡ ᱵᱷᱟᱨᱚᱛ ᱨᱮ ᱛᱟᱦᱮᱸ ᱠᱟᱱᱟ ᱾ ᱢᱚᱣᱨᱭᱚ ᱨᱟᱡᱽ ᱵᱚᱝᱥᱚ ᱨᱤᱱᱤᱡ ᱪᱚᱠᱨᱚᱵᱚᱨᱛᱤ ᱟᱥᱚᱠ ᱥᱚᱢᱨᱟᱴ ᱫᱚ ᱯᱩᱨᱟ. ᱵᱷᱟᱨᱚᱛ ᱨᱮᱭ ᱨᱟᱡᱽ ᱠᱮᱜᱼᱟ ᱾ ᱟᱨ ᱟᱡᱟᱜ ᱢᱚᱣᱨᱭᱚ ᱥᱟᱢᱨᱟᱡᱽᱭᱚ ᱩᱛᱚᱨ ᱨᱮᱭᱟᱜ ᱦᱤᱱᱫᱩᱠᱩᱥ ᱠᱷᱚᱱ ᱫᱩᱠᱷᱤᱱ ᱨᱮ ᱜᱳᱫᱟᱵᱚᱨᱤ ᱜᱟᱰᱟ ᱨᱮᱭᱟᱜ ᱫᱩᱠᱷᱤᱱ ᱟᱨ ᱢᱚᱭᱥᱩᱨ ᱫᱷᱟ.ᱵᱤᱡ ᱟᱨ ᱯᱩᱨᱩᱵᱽ ᱨᱮ ᱵᱟᱸᱜᱽᱞᱟᱫᱮᱥ ᱠᱷᱚᱱ ᱯᱩᱪᱷᱤᱢ ᱨᱮ ᱟᱯᱷᱜᱟᱱᱤᱥᱛᱟᱱ, ᱤᱨᱟᱱ ᱫᱷᱟ.ᱵᱤᱡ ᱥᱮᱴᱮᱨ ᱞᱮᱱᱟ ᱾ ᱥᱚᱢᱨᱟᱴ ᱟᱥᱚᱠ ᱟᱜ ᱥᱟᱢᱨᱟᱡᱽᱭᱚ ᱛᱮᱦᱮᱧᱟᱜ ᱯᱩᱨᱟ. ᱵᱷᱟᱨᱚᱛ, ᱯᱟᱠᱤᱥᱛᱟᱱ, ᱟᱯᱷᱜᱟᱱᱤᱥᱛᱟᱱ, ᱱᱮᱯᱟᱞ, ᱵᱟᱸᱜᱽᱞᱟᱫᱮᱥ, ᱵᱷᱩᱴᱟᱱ, ᱢᱭᱟᱱᱢᱟᱨ ᱨᱮᱭᱟᱜ ᱵᱟ.ᱲᱛᱤ ᱠᱷᱚᱱ ᱵᱟ.ᱲᱛᱤ ᱴᱚᱴᱷᱟᱨᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱦᱟᱯᱲᱟᱜ ᱥᱟᱢᱨᱟᱡᱽᱭᱚ ᱩᱱ ᱚᱠᱛᱚ ᱫᱷᱟ.ᱵᱤᱡ ᱠᱷᱚᱱ ᱛᱮᱦᱮᱧ ᱫᱷᱟ.ᱵᱤᱡᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱷᱟᱨᱚᱛᱤᱭᱟ. ᱥᱟᱢᱨᱟᱡᱽᱭᱚ ᱛᱟᱦᱮᱸ ᱟᱠᱟᱱᱟ ᱾ ᱪᱚᱠᱨᱚᱵᱚᱨᱛᱤ ᱥᱚᱢᱨᱟᱴ ᱟᱥᱚᱠ ᱡᱮᱜᱮᱛ ᱨᱤᱱ ᱡᱚᱛᱚ ᱢᱟᱦᱟᱱ ᱟᱨ ᱵᱤᱨᱵᱷᱟᱱᱴᱟ ᱥᱚᱢᱨᱟᱴ ᱟᱨ ᱨᱟᱡᱟ ᱠᱚᱣᱟᱜ ᱥᱟᱦᱴᱟᱨᱮ ᱞᱮᱛᱟᱲ ᱜᱮ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱴᱷᱟᱶ ᱨᱮᱭ ᱛᱟᱦᱮᱸ ᱟᱠᱟᱱᱟ ᱾ ᱥᱚᱢᱨᱟᱴ ᱟᱥᱚᱠ ᱜᱮ ᱵᱷᱟᱨᱚᱛ ᱨᱤᱱᱤᱡ ᱡᱚᱛᱚ ᱠᱷᱚᱱ ᱫᱟᱲᱮᱯᱮᱨᱮᱡ ᱟᱨ ᱢᱟᱦᱟᱱ ᱥᱚᱢᱨᱟᱴ ᱮ ᱛᱟᱦᱮᱸ ᱠᱟᱱᱟ ᱾ ᱥᱚᱢᱨᱟᱴ ᱟᱥᱚᱠ ᱫᱚ "ᱪᱚᱠᱨᱚᱵᱚᱨᱛᱤ ᱥᱚᱢᱨᱟᱴ ᱟᱥᱚᱠ" ᱢᱮᱱᱛᱮ ᱠᱚ ᱢᱮᱛᱟᱭᱟ, ᱱᱚᱣᱟ ᱨᱮᱭᱟᱜ ᱢᱮᱱᱮᱛ ᱫᱚ ᱼ "ᱥᱚᱢᱨᱟᱴ ᱠᱭᱤᱡ ᱥᱚᱢᱨᱟᱴ " ᱾ ᱟᱨ ᱱᱚᱣᱟ ᱴᱷᱟᱶ ᱫᱚ ᱵᱷᱟᱨᱚᱛ ᱨᱮ ᱠᱷᱟ.ᱞᱤ ᱥᱚᱢᱨᱟᱴ ᱟᱥᱚᱠ ᱜᱮᱭ ᱟᱢᱮᱴ ᱟᱠᱟᱜᱼᱟ ᱾ ᱥᱚᱢᱨᱟᱴ ᱟᱥᱚᱠ ᱫᱚ ᱟᱡᱟᱜ ᱟᱴᱮᱫ ᱟᱠᱟᱱ ᱥᱟᱢᱨᱟᱡᱽᱭᱚ ᱨᱤᱱᱤᱡ ᱡᱚᱛᱚ ᱠᱷᱚᱱ ᱵᱮᱥ ᱥᱟᱥᱚᱱᱤᱭᱟ. ᱥᱟᱶᱼᱥᱟᱶᱛᱮ ᱵᱩᱫᱫᱷᱚ ᱫᱷᱚᱨᱚᱢ ᱪᱷᱟᱨᱟᱣ ᱮᱫᱤᱡ ᱞᱮᱠᱟᱛᱮ ᱦᱚᱸ ᱧᱩᱛᱩᱢ ᱛᱟᱭ ᱢᱮᱱᱟᱜᱼᱟ ᱾ ᱥᱚᱢᱨᱟᱴ ᱟᱥᱚᱠ ᱫᱚ ᱯᱩᱨᱟ. ᱮᱥᱤᱭᱟ ᱨᱮ ᱥᱟᱶᱛᱮ ᱛᱮᱦᱮᱧᱟᱜ ᱮᱴᱟᱜ ᱡᱚᱛᱚ ᱢᱟᱦᱟ ᱰᱷᱤᱯᱨᱮ ᱨᱮᱦᱚᱸ ᱵᱚᱣᱫᱫᱷᱚ ᱫᱷᱚᱨᱚᱢ ᱮ ᱯᱟᱥᱱᱟᱣ ᱟᱠᱟᱜᱼᱟ ᱾ ᱥᱚᱢᱨᱟᱴ ᱟᱥᱚᱠ ᱤᱫᱤᱠᱟᱛᱮ ᱠᱷᱩᱱᱴᱤ ᱟᱨ ᱫᱷᱤᱨᱤ ᱚᱞ ᱠᱚᱨᱮ ᱛᱮᱦᱮᱧ ᱦᱚᱸ ᱵᱷᱟᱨᱚᱛ ᱨᱮᱭᱟᱜ ᱟ.ᱰᱤ ᱴᱚᱴᱷᱟᱨᱮ ᱧᱮᱞᱚᱜᱼᱟ ᱾ ᱚᱱᱟᱛᱮ ᱥᱚᱢᱨᱟᱴ ᱟᱥᱚᱠ ᱟᱜ ᱱᱟᱜᱟᱢᱮᱛ ᱵᱟᱱᱟᱰᱟᱭ ᱟᱨ ᱮᱴᱟᱜ ᱡᱟᱦᱟᱸᱭ ᱥᱚᱢᱨᱟᱴ ᱟᱨ ᱨᱟᱡᱟ ᱠᱷᱚᱱ ᱟ.ᱰᱤ ᱵᱟ.ᱱᱛᱤ ᱞᱮᱠᱟᱛᱮ ᱧᱟᱢ ᱜᱚᱫᱚᱜᱼᱟ ᱾ ᱥᱚᱢᱨᱟᱴ ᱟᱥᱚᱠ ᱫᱩᱞᱟᱹᱲ, ᱥᱟᱦᱟᱣᱤᱭᱟ., ᱥᱟ.ᱨᱤᱭᱟ.ᱛ, ᱵᱟᱝᱦᱤᱸᱥᱟ. ᱟᱨ ᱟᱲᱟᱜ ᱥᱟᱠᱟᱢ ᱡᱚᱢ ᱡᱤᱭᱚᱱ ᱛᱚᱦᱚᱨ ᱨᱮ ᱥᱟ.ᱨᱤ ᱛᱮ ᱟᱯᱱᱟᱨᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱩᱱᱤᱭᱟᱜ ᱧᱩᱛᱩᱢ ᱫᱚ ᱱᱟᱜᱟᱢ ᱨᱮ ᱢᱟᱦᱟᱱ ᱩᱯᱠᱟ.ᱨᱤᱭᱟ. ᱥᱚᱢᱨᱟᱴ ᱨᱩᱯᱨᱮ ᱴᱷᱟᱶ ᱮ ᱟᱢᱮᱴ ᱦᱩᱭ ᱟᱠᱟᱜᱼᱟ ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱚᱠᱨᱚᱵᱚᱨᱛᱤ ᱟᱥᱚᱠ ᱥᱚᱢᱨᱟᱴ ᱵᱤᱱᱫᱩᱥᱟᱨ ᱟᱨ ᱨᱟ.ᱱᱤ ᱫᱷᱚᱨᱢᱟᱭᱤᱡ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱞᱚᱝᱠᱟ ᱨᱮᱭᱟᱜ ᱨᱤᱛ ᱨᱮᱫᱚ ᱵᱤᱱᱫᱩᱥᱟᱨ ᱨᱤᱱ ᱜᱮᱟᱨ ᱜᱚᱴᱟᱝ ᱨᱟ.ᱱᱤ ᱟᱨ ᱑᱐᱑ ᱦᱚᱯᱚᱱ ᱢᱮᱱᱛᱮ ᱥᱚᱫᱚᱨ ᱢᱮᱱᱟᱜᱼᱟ ᱾ ᱦᱚᱯᱚᱱ ᱨᱮᱫᱚ ᱠᱷᱟ.ᱞᱤ ᱯᱮ ᱦᱚᱲᱟᱜ ᱧᱩᱛᱩᱢ ᱜᱮ ᱥᱚᱫᱚᱨ ᱟᱠᱟᱱᱟ ᱾ ᱩᱱᱠᱩ ᱫᱚ ᱥᱩᱥᱤᱢ, ᱡᱟᱦᱟᱸᱭ ᱡᱚᱛᱚ ᱠᱷᱚᱱ ᱢᱟᱨᱟᱝ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ, ᱟᱥᱚᱠ ᱟᱨ ᱛᱤᱥᱭᱚ ᱾ ᱛᱤᱥᱭᱚ ᱟᱥᱚᱠ ᱤᱡ ᱥᱚᱦᱳᱫᱚᱨ ᱵᱚᱭᱦᱟ ᱟᱨ ᱡᱚᱛᱚ ᱠᱷᱚᱱ ᱦᱩᱰᱤᱧᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱤᱱ ᱫᱷᱚᱨᱢᱟ ᱠᱩᱠᱢᱩᱭ ᱧᱮᱞ ᱠᱮᱜᱼᱟ ᱫᱚ, ᱟᱡᱤᱡ ᱦᱚᱯᱚᱱ ᱢᱤᱫ ᱟ.ᱰᱤ ᱢᱟᱨᱟᱝ ᱥᱚᱢᱨᱟᱴ ᱮ ᱵᱮᱱᱟᱣᱜᱼᱟ ᱾ ᱤᱱᱟ. ᱛᱟᱭᱚᱢ ᱩᱱᱤ ᱨᱟᱡᱟ ᱵᱤᱱᱫᱩᱥᱟᱨ ᱫᱚ ᱟᱡᱤᱡ ᱨᱟ.ᱱᱤᱭ ᱵᱮᱱᱟᱣ ᱠᱮᱫᱮᱭᱟ ᱾ ᱤᱱᱠᱟ. ᱛᱮᱦᱚᱸ ᱫᱷᱚᱨᱢᱟ ᱠᱷᱮᱛᱨᱤᱭᱚ ᱵᱚᱝᱥᱚ ᱨᱤᱱᱤᱡ ᱵᱟᱭ ᱛᱟᱦᱮᱸ ᱠᱟᱱᱟ, ᱚᱱᱟᱛᱮ ᱱᱟᱯᱟᱭ ᱴᱷᱟᱶ ᱫᱚ ᱨᱟᱡᱽ ᱵᱚᱝᱥᱚ ᱨᱮ ᱵᱟᱭ ᱧᱟᱢ ᱟᱠᱟᱫ ᱛᱟᱦᱮᱸᱫ ᱾ ᱟᱥᱚᱠ ᱨᱤᱱ ᱟ.ᱰᱤᱜᱟᱱ (ᱪᱷᱩᱴᱠᱤ ᱟᱭᱳ) ᱵᱚᱭᱦᱟ ᱵᱩᱦᱤᱱ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱤᱫᱽᱨᱟ. ᱨᱮ ᱩᱱᱠᱩ ᱥᱟᱶ ᱟ.ᱰᱤᱡᱩᱨ ᱮ ᱠᱷᱮᱞᱚᱸᱰ ᱦᱮᱯᱨᱟᱣ ᱛᱟᱦᱮᱸ ᱠᱟᱱᱟ ᱾ ᱟᱥᱚᱠ ᱚᱠᱛᱚ ᱨᱮ ᱵᱮᱱᱟᱣ ᱮᱱ ᱢᱤᱫ ᱩᱯᱨᱩᱢ ᱪᱤᱱᱦᱟ., ᱡᱟᱦᱟᱸ ᱫᱚ ᱟᱵᱚ "ᱟᱥᱚᱠ ᱪᱤᱱᱦᱟ." ᱧᱩᱛᱩᱢ ᱛᱮᱦᱚᱸ ᱵᱚ ᱵᱟᱰᱟᱭᱟ, ᱚᱱᱟ ᱛᱮᱦᱮᱧ ᱵᱷᱟᱨᱚᱛ ᱨᱮᱭᱟᱜ ᱡᱟ.ᱛᱤᱭᱟ.ᱨᱤ ᱪᱤᱱᱦᱟ. ᱠᱟᱱᱟ ᱾ ᱵᱚᱣᱫᱷᱷᱚ ᱫᱷᱚᱨᱚᱢ ᱨᱮᱭᱟᱜ ᱱᱟᱜᱟᱢ ᱨᱮ ᱜᱚᱣᱛᱚᱢ ᱵᱩᱫᱫᱷᱚ ᱛᱟᱭᱚᱢ ᱫᱚ ᱟᱥᱚᱠ ᱟᱜ ᱴᱷᱟᱶ ᱜᱮ ᱦᱮᱡ ᱟᱠᱟᱱᱟ ᱾

ᱠᱚᱞᱤᱝᱜᱚ ᱞᱟ.ᱰᱷᱟ.ᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱚᱠᱨᱚᱵᱚᱨᱛᱤ ᱟᱥᱚᱠ ᱥᱚᱢᱨᱟᱴ ᱫᱚ ᱟᱡᱟᱜ ᱨᱟᱡᱽᱡᱚᱵᱷᱤᱥᱮᱠ ᱨᱮᱭᱟᱜ ᱘ ᱟᱱᱟᱜ ᱥᱮᱨᱢᱟ ᱨᱮ (᱒᱖᱑ ᱵᱤᱥᱤ ) ᱠᱚᱞᱤᱝᱜᱚ ᱨᱮᱭ ᱟᱠᱨᱚᱢᱚᱬ ᱞᱮᱜᱼᱟ ᱾ ᱵᱷᱤᱛᱨᱤ ᱵᱟᱝ ᱥᱟ.ᱱᱛᱤ ᱥᱩᱸᱵᱽᱨᱟ.ᱣ ᱠᱮᱫ ᱛᱟᱭᱚᱢ ᱒᱖᱙ ᱵᱤᱥᱤ ᱨᱮ ᱩᱱᱤᱭᱟᱜ ᱨᱤᱛ ᱞᱮᱠᱟᱛᱮ ᱨᱟᱡᱽ ᱴᱤᱠᱞᱤ ᱦᱩᱭ ᱮᱱᱟ ᱾ ᱜᱮᱞᱯᱮ ᱫᱷᱤᱨᱤ ᱚᱞ ᱞᱮᱠᱟᱛᱮ ᱠᱚᱞᱤᱝᱜᱚ ᱞᱟ.ᱰᱷᱟ.ᱭ ᱨᱮ ᱑ ᱞᱟᱠᱷ ᱢᱚᱜᱮ ᱜᱮᱥᱟᱭ ᱦᱚᱲ ᱦᱟ.ᱲᱤ ᱠᱟᱛᱮ ᱠᱚ ᱚᱰᱚᱠ ᱜᱤᱰᱤ ᱠᱟᱫ ᱠᱚᱣᱟ ᱾ ᱑ ᱜᱮᱥᱟᱥᱟᱭ ᱦᱚᱲ ᱠᱚ ᱜᱚᱡ ᱠᱮᱫ ᱠᱚᱣᱟ ᱾ ᱟᱥᱚᱠ ᱥᱚᱢᱨᱟᱴ ᱱᱩᱱᱟᱹᱜ ᱦᱚᱲᱟᱜ ᱥᱮᱸᱫᱽᱨᱟ ᱜᱚᱡ ᱟᱡᱟᱜ ᱢᱮᱫ ᱛᱮᱭ ᱧᱮᱞ ᱠᱮᱜᱼᱟ ᱾ ᱱᱚᱣᱟ ᱛᱮ ᱛᱚᱨᱲᱟᱣ ᱠᱟᱛᱮ ᱥᱚᱢᱨᱟᱴ ᱟᱥᱚᱠ ᱫᱚ ᱥᱟ.ᱱᱛᱤ, ᱥᱟᱶᱛᱟᱨᱤ ᱞᱟᱦᱟᱱᱛᱤ ᱟᱨ ᱫᱷᱚᱨᱚᱢ ᱮ ᱪᱷᱟᱨᱟᱣ ᱠᱮᱜᱼᱟ ᱾

ᱠᱚᱞᱤᱝᱜᱚ ᱦᱩᱞ ᱜᱮ ᱥᱚᱢᱨᱟᱴ ᱟᱥᱚᱠ ᱟᱜ ᱨᱤᱫᱟ.ᱭ ᱨᱮ ᱟ.ᱰᱤ ᱢᱟᱨᱟᱝ ᱟ.ᱨᱩᱯᱷᱮᱨᱟᱣ ᱠᱮᱜᱼᱟ ᱾ ᱩᱱᱤᱭᱟᱜ ᱨᱤᱫᱟ.ᱭ ᱢᱟ.ᱱᱢᱤ ᱠᱚ ᱞᱟ.ᱜᱤᱫ ᱫᱟᱭᱟ ᱟᱨ ᱫᱩᱞᱟᱹᱲ ᱛᱮ ᱱᱮᱢᱚᱥ ᱜᱚᱫ ᱮᱱᱟ ᱾ ᱩᱱᱤ ᱫᱚ ᱦᱩᱞᱥᱟ.ᱭ ᱫᱚ ᱡᱚᱛᱚ ᱫᱤᱱ ᱞᱟ.ᱜᱤᱫ ᱛᱷᱩᱠᱟ.ᱢ ᱞᱟ.ᱜᱤᱫ ᱠᱤᱨᱤᱭᱟ.ᱭ ᱦᱟᱛᱟᱣ ᱠᱮᱜᱼᱟ ᱾ ᱱᱚᱰᱮ ᱠᱷᱚᱱ ᱵᱚᱸᱜᱟ ᱵᱳᱨᱳ ᱟᱨ ᱫᱷᱟᱢ ᱡᱤᱛᱠᱟ.ᱨ ᱨᱮᱭᱟᱜ ᱡᱩᱜᱽ ᱮᱛᱚᱦᱚᱵ ᱮᱱᱟ ᱾ ᱩᱱᱤ ᱢᱟᱦᱟᱱ ᱵᱚᱣᱫᱷ ᱫᱷᱚᱨᱚᱢ ᱫᱚ ᱟᱡᱟᱜ ᱫᱷᱚᱨᱚᱢ ᱞᱮᱠᱟᱛᱮᱭ ᱟᱯᱱᱟᱨ ᱠᱮᱜᱼᱟ ᱾

ᱫᱷᱤᱨᱤ ᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱢᱨᱟᱴ ᱟᱥᱚᱠ ᱦᱚᱛᱮᱛᱮ ᱡᱚᱛᱚ ᱨᱮ ᱓᱓ ᱜᱚᱴᱟᱝ ᱚᱞᱼᱛᱚᱞ ᱧᱟᱢ ᱟᱠᱟᱱᱟ ᱡᱟᱦᱟᱸ ᱫᱚ ᱟᱥᱚᱠ ᱠᱷᱩᱱᱴᱤ, ᱪᱟᱴᱟᱱᱤ, ᱟᱨ ᱜᱚᱸᱜᱷᱚᱨ ᱨᱮᱭᱟᱜ ᱠᱟᱸᱛ ᱠᱚᱨᱮ ᱟᱡᱟᱜ ᱒᱖᱙ ᱵᱤᱥᱤ.ᱤ ᱠᱷᱚᱱ ᱒᱓᱑ ᱵᱤᱥᱤ.ᱤ ᱨᱮ ᱪᱟ.ᱞᱩ ᱞᱮᱱ ᱟᱡᱟᱜ ᱥᱟᱥᱚᱱ ᱚᱠᱛᱚ ᱨᱮᱭ ᱜᱚᱲᱦᱚᱱ ᱦᱚᱪᱚ ᱞᱮᱫ ᱠᱚᱣᱟ ᱾ ᱱᱚᱣᱟ ᱱᱮᱛᱟᱨ ᱦᱚᱸ ᱵᱟᱸᱜᱽᱞᱟᱫᱮᱥ, ᱵᱷᱟᱨᱚᱛ, ᱱᱮᱯᱟᱞ, ᱟᱯᱷᱜᱟᱱᱤᱥᱛᱟᱱ, ᱯᱟᱠᱤᱥᱛᱟᱱ ᱨᱮ ᱴᱷᱟᱺᱭ ᱴᱷᱟᱺᱭ ᱨᱮ ᱧᱟᱢᱚᱜᱼᱟ ᱟᱨ ᱚᱱᱟ ᱛᱟᱞᱟᱨᱮ ᱵᱚᱣᱫᱷ ᱫᱷᱚᱨᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱯᱚᱨᱢᱟᱱ ᱦᱚᱸ ᱢᱤᱫ ᱠᱟᱱᱟ ᱾

ᱱᱚᱣᱟ ᱫᱷᱤᱨᱤ ᱚᱞ ᱠᱚ ᱦᱚᱛᱮᱛᱮ ᱥᱚᱢᱨᱟᱴ ᱟᱥᱚᱠ ᱟᱜ ᱵᱚᱣᱫᱷ ᱫᱷᱚᱨᱚᱢ ᱯᱟᱥᱱᱟᱣ ᱨᱮᱭᱟᱜ ᱠᱩᱨᱩᱢᱩᱴᱩ ᱵᱷᱩᱢᱚᱫᱷᱭᱚ ᱥᱟᱜᱚᱨ ᱨᱮᱭᱟᱜ ᱴᱚᱴᱷᱟ ᱫᱷᱟ.ᱵᱤᱡ ᱡᱤᱭᱟ.ᱲ ᱛᱟᱦᱮᱸ ᱠᱟᱱᱟ ᱟᱨ ᱥᱚᱢᱨᱟᱴ ᱢᱤᱥᱨᱚ ᱟᱨ ᱭᱩᱱᱟᱱ ᱫᱷᱟ.ᱵᱤᱡᱟᱜ ᱨᱟᱡᱽᱼᱟ.ᱨᱤᱭᱟ. ᱦᱟᱞᱚᱛ ᱥᱟᱶ ᱟ.ᱰᱤ ᱵᱷᱟ.ᱜᱤ ᱞᱮᱠᱟ ᱩᱯᱨᱩᱢ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱨᱮ ᱵᱚᱣᱫᱷ ᱫᱷᱚᱨᱚᱢ ᱨᱮᱭᱟᱜ ᱵᱟᱧᱪᱟᱣ ᱨᱮ ᱡᱩᱨ ᱠᱚᱢ ᱟᱨ ᱢᱟ.ᱱᱢᱤ ᱠᱚ ᱱᱟᱯᱟᱭ ᱡᱤᱭᱚᱱ ᱡᱤᱣᱤᱫᱚᱜ ᱞᱟ.ᱜᱤᱫ ᱥᱮᱪᱮᱫ ᱵᱟ.ᱲᱛᱤ ᱧᱟᱢᱚᱜᱼᱟ ᱾

ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱥᱚᱠ ᱫᱚ ᱢᱮᱱ ᱞᱮᱠᱷᱟᱱ ᱔᱐ ᱵᱚᱨᱥᱚ ᱞᱮᱠᱟᱭ ᱥᱟᱥᱚᱱ ᱠᱮᱜᱼᱟ ᱡᱟᱦᱟᱸ ᱛᱟᱭᱚᱢ ᱥᱩᱨᱥᱩᱯᱩᱨ ᱒᱓᱖ ᱵᱤᱥᱤ ᱨᱮ ᱟᱡ ᱮ ᱵᱚᱸᱜᱟ ᱫᱤᱥᱚᱢ ᱮᱱᱟ ᱾ ᱟᱡ ᱨᱤᱱ ᱟ.ᱰᱤ ᱜᱟᱱ ᱦᱚᱯᱚᱱ ᱟᱨ ᱮᱨᱟ ᱦᱚᱸᱠᱚ ᱛᱟᱦᱮᱸ ᱠᱟᱱᱟ, ᱤᱠᱷᱟ.ᱱ ᱩᱱᱠᱩ ᱤᱫᱤ ᱠᱟᱛᱮ ᱵᱟ.ᱲᱛᱤ ᱵᱟᱰᱟᱭ ᱫᱚ ᱵᱟ.ᱱᱩᱜᱼᱟ ᱾ ᱩᱱᱤᱭᱤᱡ ᱦᱚᱯᱚᱱ ᱢᱚᱦᱮᱸᱫᱨᱚ ᱟᱨ ᱦᱚᱯᱚᱱ ᱮᱨᱟ ᱥᱚᱝᱜᱷᱚᱢᱤᱛᱨᱟ ᱫᱚ ᱵᱚᱣᱫᱫᱷᱚ ᱫᱷᱚᱨᱚᱢ ᱯᱟᱥᱱᱟᱣ ᱨᱮ ᱥᱮᱞᱮᱫ ᱠᱤᱱ ᱛᱟᱦᱮᱸ ᱠᱟᱱᱟ ᱾

ᱟᱥᱚᱠ ᱟᱜ ᱜᱩᱨ ᱛᱟᱭᱚᱢ ᱢᱚᱣᱨᱭᱚ ᱨᱟᱡᱽ ᱵᱚᱝᱥᱚ ᱥᱩᱨᱥᱩᱯᱩᱨ ᱕᱐ ᱵᱚᱨᱥᱚ ᱜᱟᱱ ᱪᱟᱞᱟᱣ ᱮᱱᱟ ᱾


ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Arthashastra

https://en.m.wikipedia.org/wiki/Ashoka%27s_policy_of_Dhamma

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://books.google.com/books?id=yPZzBgAAQBAJ&pg=PA81

https://books.google.com/books?id=q4bCBAAAQBAJ&pg=PT474

http://www.britannica.com/biography/Ashoka

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://www.wisdomlib.org/buddhism/book/in-asokas-footsteps,

https://curlie.org/Society/History/By_Region/Asia/South_Asia/Personalities/Ashoka/

http://www.bbc.co.uk/programmes/b05tpy82

http://www.bbc.co.uk/programmes/b0511tm1

https://archive.org/details/InscriptionsOfAsoka.NewEditionByE.Hultzsch