ᱟᱥᱟᱢ ᱨᱮᱭᱟᱜ ᱪᱟᱦ ᱥᱟᱠᱟᱢ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱟᱥᱟᱢ ᱪᱟ (ᱤᱝᱨᱟᱹᱡᱤ: Assam tea) ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱨᱮ ᱟᱨᱡᱟᱣᱚᱜ ᱠᱟᱱ ᱢᱤᱫ ᱞᱮᱠᱟᱱ ᱟᱨᱟᱜ ᱪᱟ ᱠᱟᱱᱟ[᱑][᱒]|ᱟᱥᱟᱢ ᱨᱮᱭᱟᱜ ᱪᱟ ᱟᱥᱚᱠᱟᱭ Camellia sinensis var. assamica (Masters) ᱧᱩᱛᱩᱢᱟᱱ ᱢᱤᱫ ᱪᱟ ᱫᱟᱨᱮ ᱠᱷᱚᱱ ᱛᱮᱭᱟᱨᱚᱜ ᱠᱟᱱᱟ ᱾ ᱱᱚᱣᱟ ᱪᱟ ᱫᱟᱨᱮ ᱠᱚ ᱫᱚ ᱟᱥᱚᱠᱟᱭ ᱛᱮ,ᱫᱚᱨᱭᱟ ᱥᱟᱦᱴᱟ ᱠᱷᱚᱱ ᱪᱮᱛᱟᱱ ᱨᱮ ᱵᱟᱹᱲᱛᱤ ᱦᱩᱭᱩᱜᱼᱟ ᱾ ᱪᱟ ᱨᱮᱭᱟᱜ ᱧᱮᱞᱚᱜ,ᱥᱚᱱᱫᱷᱟᱲ ᱥᱚ, ᱟᱨ ᱟᱹᱰᱤ ᱟᱨᱟᱜ ᱧᱮᱞᱚᱜ ᱛᱮ ᱱᱟᱢ ᱰᱟᱠ ᱜᱮᱭᱟ ᱾ ᱟᱥᱟᱢ ᱪᱟ ᱥᱮ ᱟᱥᱟᱢ ᱧᱩᱛᱩᱢ ᱢᱮᱥᱟ ᱪᱟ ᱫᱚ ᱟᱥᱚᱠᱟᱭ ᱛᱮ ᱥᱮᱛᱟᱜ ᱨᱮᱭᱟᱜ ᱧᱩᱧᱩᱭᱟᱜ ᱢᱮᱱᱛᱮ ᱠᱚ ᱟᱹᱠᱷᱨᱤᱧᱟ ᱾ ᱫᱟᱹᱭᱠᱟᱹ ᱞᱮᱠᱟ ᱛᱮ, Irish breakfast tea, ᱧᱩᱛᱩᱢᱟᱱ ᱪᱟᱻ ᱫᱚ ᱱᱟᱯᱟᱭ ᱟᱨ ᱫᱟᱲᱮ ᱥᱟᱨᱥᱟᱣᱜ ᱞᱟᱹᱜᱤᱫ ᱠᱚ ᱧᱩᱻᱟ ᱥᱮᱛᱟᱜ ᱨᱮ ᱾ ᱪᱟᱻ ᱫᱚ ᱫᱟᱨᱮ ᱨᱮᱭᱟᱜ ᱦᱩᱰᱤᱧ ᱪᱮᱛᱟᱱ ᱪᱟ ᱰᱚᱜᱽ ᱠᱷᱚᱱ ᱠᱚ ᱵᱮᱱᱟᱣ ᱠᱟᱜᱼᱟ ᱾ [᱓]

ᱵᱟᱝᱞᱟᱫᱮᱥ ᱟᱨ ᱵᱚᱨᱢᱟ ᱫᱤᱥᱚᱢ ᱨᱮᱭᱟᱜ ᱥᱤᱢᱟᱹᱱᱟ ᱠᱚ ᱨᱮ, ᱵᱨᱚᱦᱢᱚᱯᱩᱛᱨᱚ ᱵᱟᱱᱟᱨ ᱱᱟᱠᱷᱟ ᱨᱮ ᱢᱮᱱᱟᱜ ᱟᱠᱟᱫᱼᱟ ᱾ ᱟᱥᱟᱢ ᱫᱚ ᱦᱩᱭᱩᱜ ᱠᱟᱱᱟ ᱫᱷᱟᱹᱨᱛᱤ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱪᱟᱻ ᱟᱨᱡᱟᱣ ᱯᱚᱱᱚᱛ ᱾ᱥᱤᱧᱚᱛ ᱨᱮᱭᱟᱜ ᱱᱤᱭᱟᱹ ᱠᱚ ᱴᱚᱴᱷᱟ ᱨᱮ ᱫᱚ ᱡᱟᱹᱯᱩᱫ ᱚᱠᱛᱮ ᱫᱟᱜ ᱟᱹᱰᱤ ᱵᱟᱹᱲᱛᱤ ᱧᱩᱨᱩᱜ-ᱟ,ᱢᱚᱣᱥᱚᱢᱤ ᱨᱤᱛᱩ ᱨᱮ ᱫᱤᱱᱟᱹᱢ ᱫᱟᱜ ᱡᱟᱹᱲᱤ ᱨᱮᱭᱟᱜ ᱫᱚᱨ ᱫᱚ ᱑᱐ ᱠᱷᱚᱱ ᱑᱒ ᱤᱱᱪᱤ (᱒᱕᱐-᱓᱐᱐ ᱢᱤᱹᱢᱤ) ᱦᱟᱹᱵᱤᱡ ᱦᱩᱭᱩᱜ-ᱟ ᱾ ᱫᱤᱱ ᱢᱟᱱ ᱨᱮ ᱑᱐᱓ ᱯᱷᱟᱨᱮᱱᱦᱟᱭᱴ (᱔᱐° ᱥᱮᱞᱥᱤᱭᱟᱥ) ᱦᱟᱹᱵᱤᱡ ᱪᱮᱛᱟᱱ ᱞᱚᱞᱚ, ᱵᱟᱹᱲᱛᱤ ᱫᱟᱜ ᱵᱷᱟᱯ ᱟᱨ ᱞᱚᱞᱚ ᱵᱷᱟᱯ ᱜᱮ ᱦᱟᱹᱨᱤᱭᱟᱹᱲ ᱚᱲᱟᱜ ᱨᱮᱭᱟᱜ ᱦᱚᱭ-ᱦᱤᱥᱤᱫ-ᱮ ᱥᱤᱨᱡᱟᱹᱣᱟ ᱾ ᱱᱤᱭᱟᱹ ᱠᱷᱟᱥ ᱦᱚᱭ-ᱦᱤᱥᱤᱫ ᱜᱮ ᱟᱥᱟᱢ ᱨᱮᱭᱟᱜ ᱪᱟ ᱨᱮ ᱥᱤᱵᱤᱞ ᱥᱚᱲᱚᱢ ᱟᱨ ᱜᱩᱱ ᱮ ᱮᱢ ᱟᱠᱟᱣᱫᱼᱟ ᱾

ᱮᱱᱨᱮ ᱦᱚᱸ ᱟᱥᱟᱢ ᱨᱮ ᱫᱚ ᱟᱨᱟᱜ ᱪᱟ ᱟᱨᱡᱟᱣᱚᱜ-ᱟ, ᱟᱨ ᱟᱫᱚᱢ ᱟᱫᱚᱢ ᱡᱟᱭᱜᱟ ᱠᱚ ᱨᱮ ᱫᱚ ᱦᱟᱹᱨᱤᱭᱟᱹᱲ ᱪᱟ ᱟᱨᱦᱚᱸ ᱱᱤᱡᱟᱹ ᱜᱩᱱᱟᱱ ᱯᱩᱱᱰ ᱪᱟ ᱦᱚᱸ ᱟᱨᱡᱟᱣᱚᱜ ᱜᱮᱭᱟ[᱔] [᱕]|

ᱱᱟᱜᱟᱢ ᱞᱮᱠᱟ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱵᱟᱝᱢᱟ, ᱟᱥᱟᱢ ᱫᱚ ᱮᱛᱚᱢ ᱪᱤᱱ ᱛᱟᱭᱚᱢ ᱫᱚᱥᱟᱨ ᱵᱟᱹᱲᱛᱤ ᱪᱟᱥᱚᱜ ᱴᱚᱴᱷᱟ ᱛᱟᱦᱮᱱ ᱠᱟᱱᱟ ᱾ ᱜᱚᱴᱟ ᱫᱷᱟᱹᱨᱛᱤ ᱨᱮ ᱥᱩᱢᱩᱝ ᱟᱥᱟᱢ ᱟᱨ ᱮᱛᱚᱢ ᱪᱤᱱ ᱢᱚᱛᱚ ᱨᱮ ᱜᱮ ᱟᱹᱫᱽ ᱪᱟ ᱫᱟᱨᱮ ᱫᱚ ᱛᱟᱦᱮᱸ ᱟᱠᱟᱱᱟ ᱾

ᱰᱩᱱᱰᱷᱟᱹᱣ(ᱥᱮᱸᱫᱽᱨᱟ ᱧᱟᱢ)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱒᱓ ᱥᱮᱨᱢᱟ ᱨᱮ ᱟᱥᱟᱢ ᱨᱮᱭᱟᱜ ᱪᱟᱭ ᱰᱩᱱᱰᱷᱟᱹᱣ ᱞᱮᱫᱼᱟ ᱨᱚᱵᱟᱨᱴ ᱵᱽᱨᱩᱥ, ᱧᱩᱛᱩᱢᱟᱱ ᱢᱤᱫᱴᱟᱹᱝ ᱥᱠᱚᱴ ᱡᱟᱨᱡᱟᱠᱤᱭᱟᱹ ᱾ᱟᱥᱟᱢ ᱨᱮᱭᱟᱜ ᱵᱤᱨ ᱜᱟᱡᱟᱲ ᱠᱚ ᱨᱮ ᱫᱟᱬᱟ ᱵᱟᱲᱟ ᱚᱠᱛᱮ, ᱱᱚᱣᱟ ᱫᱟᱨᱮ ᱫᱚ ᱵᱤᱨ ᱨᱮ ᱵᱤᱨ ᱫᱟᱨᱮ ᱞᱮᱠᱟᱭ ᱧᱟᱢ ᱞᱮᱫᱼᱟ ᱾ᱢᱚᱱᱤᱨᱟᱢ ᱫᱮᱣᱟᱱ ᱫᱚ ᱩᱱᱤ ᱢᱤᱫᱴᱟᱹᱝ ᱥᱤᱝᱯᱷᱚ ᱢᱩᱠᱷᱭᱟᱹ ᱵᱤᱥᱟ ᱜᱟᱢᱟ ᱣᱟᱜ ᱚᱲᱟᱜ ᱛᱮ ᱤᱫᱤ ᱠᱮᱫᱮᱭᱟ[᱖]|ᱚᱱᱰᱮ ᱩᱱᱤ ᱫᱚ ᱥᱤᱝᱯᱷᱚ ᱡᱟᱹᱛᱤ ᱨᱮᱱ ᱦᱚᱲ ᱠᱚ ᱥᱟᱠᱟᱢ ᱞᱟᱜᱟᱣ ᱠᱟᱛᱮ ᱫᱟᱜ ᱧᱩᱧᱩᱭ ᱧᱮᱞ ᱞᱮᱫ ᱠᱚᱣᱟ ᱟᱨ ᱚᱱᱟ ᱫᱟᱨᱮ ᱨᱮᱭᱟᱜ ᱡᱟᱝ ᱥᱟᱬᱮᱥᱤᱭᱟᱹ ᱞᱮᱠᱟ ᱛᱮ ᱵᱤᱰᱟᱹᱣ ᱞᱟᱹᱜᱤᱫ-ᱮ ᱠᱩᱲᱯᱟᱲ ᱞᱮᱫᱼᱟ ᱾ᱤᱱᱟᱹ ᱛᱷᱚᱲᱟ ᱫᱤᱱ ᱛᱟᱭᱚᱢ ᱮ ᱜᱩᱨ ᱮᱱᱛᱮ, ᱩᱱᱤ ᱫᱚ ᱟᱥᱚᱞ ᱨᱮ ᱚᱱᱟ ᱪᱟ ᱡᱟᱝ ᱫᱚ ᱢᱚᱡᱽ ᱛᱮ ᱵᱟᱭ ᱵᱤᱰᱟᱹᱣ ᱰᱟᱲᱮᱭᱟᱫᱼᱟ ᱾ ᱑᱘᱓᱐ ᱥᱮᱨᱢᱟ ᱨᱮ ᱩᱱᱤ ᱟᱡ ᱫᱟᱫᱟ ᱪᱟᱨᱞᱮᱥ ᱫᱚ ᱟᱥᱟᱢ ᱨᱮᱭᱟᱜ ᱪᱟ ᱥᱟᱠᱟᱢ ᱠᱚᱞᱠᱟᱛᱟ ᱨᱮᱭᱟᱜ ᱵᱚᱴᱟᱱᱤᱠᱮᱞ ᱵᱟᱜᱽᱣᱟᱱ ᱛᱮ ᱵᱤᱰᱟᱹᱣ ᱞᱟᱹᱜᱤᱰ-ᱮ ᱠᱩᱞ ᱞᱮᱫᱼᱟ ᱾ ᱢᱩᱪᱟᱹᱫ ᱨᱮ ᱚᱱᱟ ᱫᱟᱨᱮ ᱫᱚ ᱪᱟ ᱫᱟᱨᱮ ᱨᱮᱭᱟᱜ ᱢᱤᱫᱴᱟᱹᱝ ᱦᱟᱹᱴᱤᱧ ᱥᱮ Camellia sinensis ᱨᱮᱭᱟᱜ ᱢᱤᱫᱴᱟᱹᱝ ᱠᱟᱱᱟ ᱢᱮᱱᱛᱮ ᱩᱨᱩᱢ ᱮᱱᱟ, ᱚᱠᱟ ᱫᱚ ᱪᱤᱱ ᱨᱮᱭᱟᱜ ᱞᱮᱠᱟᱱ- Camellia sinensis var. sinensis ᱥᱟᱶ ᱫᱚ ᱵᱟᱝ ᱢᱤᱫᱼᱟ ।

ᱵᱷᱮᱱᱮᱜᱟᱨ ᱢᱟᱹᱱ ᱚᱠᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱥᱟᱢ ᱨᱮᱭᱟᱜ ᱪᱟ ᱵᱟᱜᱽᱣᱟᱱ ᱠᱚ ᱨᱮ ᱫᱚ ᱥᱤᱧᱚᱛ ᱟᱨ ᱥᱨᱤ ᱞᱚᱝᱠᱟ ᱨᱮ ᱥᱤᱧᱚᱛ ᱢᱟᱹᱱ ᱚᱠᱛᱮ (IST) ᱫᱚ ᱵᱟᱠᱚ ᱯᱟᱧᱡᱟᱭᱟ ᱾ ᱟᱥᱟᱢ ᱨᱮᱭᱟᱜ ᱞᱚᱠᱟᱞ ᱴᱚᱴᱷᱟ ᱚᱠᱛᱮ[᱗] , ᱚᱠᱟ ᱫᱚ ᱪᱟ ᱵᱟᱜᱽᱣᱟᱱ ᱚᱠᱛᱮ ᱥᱮ ᱵᱟᱜᱟᱱ ᱴᱟᱭᱤᱢ ᱠᱚ ᱢᱮᱛᱟᱣᱟᱜ ᱠᱟᱱᱟ,ᱥᱤᱧᱚᱛ ᱢᱟᱹᱱ ᱚᱠᱛᱮ ᱠᱷᱚᱱ ᱢᱤᱫ ᱴᱟᱲᱟᱝ ᱢᱟᱲᱟᱝ ᱜᱮᱭᱟ ᱾ ᱫᱤᱥᱚᱢ ᱨᱮᱭᱟᱜ ᱱᱚᱣᱟ ᱠᱚ ᱴᱚᱴᱷᱟ ᱠᱚ ᱨᱮ ᱫᱚ ᱢᱟᱲᱟᱝ ᱨᱮ ᱪᱟᱱᱫᱚᱭ ᱨᱟᱠᱟᱵᱚᱜ ᱛᱮ,ᱵᱽᱨᱤᱴᱤᱥ ᱚᱠᱛᱮ ᱠᱷᱚᱱ ᱜᱮ ᱱᱚᱣᱟ ᱦᱚᱨᱟ ᱫᱚ ᱠᱚ ᱯᱟᱧᱡᱟᱭᱮᱫᱼᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Tea Classification from Tea Research Association, Toklai (retrieved 2009/03/25)
  2. ITIS Standard Report Page for Camellia sinensis var. assamica retrieved on 2009-03-28.
  3. (Campbell 1995, p. 203)
  4. (Pettigrew 2004, p. 106)
  5. Goswami, Roopak (2011-12-29). "Assam CTC fetches record price". The Telegraph. 
  6. Nitin Aant Gokhale (1998). The hot brew: the Assam tea industry's most turbulent decade, 1987-1997. Spectrum Publications. p. 4. ISBN 978-81-85319-82-7. 
  7. "Assam tea gardens an hour 'ahead' of India - ZeeNews.com". Retrieved 18 July 2013.