ᱟᱦᱩᱢ ᱨᱟᱡᱚᱥᱴᱷᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱟᱦᱩᱢ ᱨᱟᱡᱚᱥᱴᱷᱤ, ᱟᱥᱟᱢ ᱯᱚᱱᱚᱛ ᱟᱨᱵᱟᱝ ᱢᱳᱣᱝ ᱫᱩᱱ ᱥᱩᱱ ᱠᱷᱟᱢ (ᱤᱝᱨᱟᱹᱡᱤ: Ahom kingdom / Kingdom of Assamᱺ᱑᱒᱒᱘-᱑᱘᱒᱖) ১২২৮-১৮২৬,) ᱟᱥᱟᱢ ᱟᱥᱟᱢ ᱨᱮᱭᱟᱜ ᱵᱽᱨᱚᱦᱢᱚᱯᱩᱛᱨᱚ ᱵᱮᱰᱟ ᱨᱮ ᱛᱟᱦᱮᱸᱠᱟᱱ ᱢᱤᱫᱴᱮᱱ ᱛᱟᱞᱱᱟ ᱡᱩᱜᱽ ᱨᱮᱭᱟᱜ ᱨᱟᱡᱚᱥᱴᱷᱤ| ᱱᱤᱭᱟᱹ ᱫᱚ ᱟᱢᱫᱟᱡᱽ ᱖᱐᱐ ᱥᱟᱭ ᱥᱮᱨᱢᱟ ᱦᱟᱹᱵᱤᱡ ᱟᱡᱟᱜ ᱥᱟᱱᱟᱢ ᱫᱟᱲᱮ ᱛᱮ ᱪᱟᱞᱟᱣ ᱵᱟᱱᱟᱣᱮᱫ ᱠᱟᱱ ᱛᱟᱦᱮᱸᱠᱟᱱᱟ ᱟᱨ ᱠᱚᱸᱭᱮᱸ ᱥᱟᱢᱟᱝ ᱥᱤᱧᱚᱛ ᱨᱮ ᱢᱚᱝᱜᱚᱞ ᱨᱟᱡᱚᱥᱴᱷᱤ ᱯᱟᱥᱱᱟᱣ ᱨᱮ ᱠᱚ ᱛᱤᱝᱜᱩ ᱫᱟᱨᱟᱢᱮᱫ ᱠᱟᱱ ᱛᱟᱦᱮᱸᱠᱟᱱᱟ|ᱢᱚᱝ ᱢᱟᱣ ᱵᱚᱝᱥᱚ ᱨᱮᱱ ᱨᱟᱡᱽ ᱦᱚᱯᱚᱱ ᱥᱩᱠᱷᱟᱯᱟ ᱫᱚ ᱠᱚᱸᱭᱮᱸ ᱥᱩᱛᱤᱭᱟ ᱨᱚᱡᱚᱥᱴᱴᱷᱤ ᱟᱨ ᱮᱛᱚᱢ ᱠᱟᱥᱟᱨᱤ ᱨᱨᱟᱡᱚᱥᱴᱷᱤ ᱛᱟᱞᱟ ᱨᱮ ᱨᱟᱡᱚᱥᱴᱷᱤ ᱭᱮ ᱵᱟᱱᱫᱷᱟᱣ ᱞᱮᱫᱟ|ᱛᱟᱭᱚᱢ ᱫᱟᱨᱟᱢ ᱜᱚᱴᱟ ᱯᱟᱲᱟ ᱱᱚᱣᱟ ᱨᱟᱡᱚᱥᱴᱴᱷᱤ ᱯᱟᱥᱱᱟᱣᱮᱱᱟ ᱟᱨ ᱟᱥᱚᱠᱟᱭ ᱛᱮ ᱑᱖ ᱥᱟᱭᱱᱟᱜ ᱥᱮᱨᱢᱟ ᱠᱚᱨᱮ ᱪᱩᱦᱩᱝ ᱱᱩᱦᱩᱝ ᱫᱤᱦᱤᱝᱤᱭᱟ ᱨᱟᱡᱟ ᱚᱠᱛᱮ ᱢᱤᱫᱴᱮᱱ ᱟᱹᱰᱤ ᱢᱟᱨᱟᱝ ᱫᱟᱲᱮ ᱢᱮᱱᱛᱮ ᱠᱚ ᱥᱚᱫᱚᱨ ᱞᱮᱱᱟ| ᱥᱩᱥᱮᱝᱯᱯᱷᱟ ᱯᱨᱚᱛᱟᱯ ᱥᱤᱝᱦᱚ ᱚᱠᱛᱮ ᱨᱮ ᱨᱟᱡᱚᱥᱴᱷᱤ ᱨᱮᱭᱟᱜ ᱥᱟᱥᱚᱱ ᱢᱤᱫᱴᱮᱱ ᱱᱟᱣᱟ ᱨᱩᱯ ᱠᱚ ᱮᱢᱟᱣᱟᱫᱟ ᱟᱨ ᱢᱚᱝᱜᱚᱞ ᱛᱩᱞᱩᱡ ᱯᱟᱹᱦᱤᱞ ᱫᱷᱟᱣ ᱠᱩᱴᱱᱤᱛᱤ ᱥᱟᱹᱜᱟᱹᱭ ᱠᱚ ᱡᱚᱲᱟᱣ ᱞᱮᱫᱟ| ᱜᱚᱫᱟ ᱫᱷᱳᱨ ᱥᱤᱝᱦᱚ ᱚᱠᱛᱮ ᱨᱮ ᱵᱽᱨᱚᱦᱢᱯᱩᱛᱨᱚ ᱵᱮᱰᱟ ᱨᱮ ᱢᱚᱝᱜᱚᱞ ᱠᱚᱣᱟᱜ ᱪᱤᱱᱦᱟᱹ ᱧᱮᱞ ᱞᱮᱱᱟ| ᱩᱱᱤ ᱨᱮᱱ ᱦᱚᱯᱚᱱ ᱨᱩᱫᱽᱨᱚ ᱥᱤᱝᱦᱚ ᱣᱟᱜ ᱫᱤᱱ ᱨᱮ ᱟᱦᱩᱢ ᱨᱟᱡᱚᱥᱴᱷᱤ ᱫᱚ ᱩᱛᱷᱱᱟᱹᱣ ᱨᱮᱭᱟᱜ ᱞᱟᱯᱷᱟᱝ ᱪᱩᱲᱟᱹᱭ ᱛᱤᱭᱚᱜ ᱞᱮᱫᱟ| ᱢᱮᱣᱟᱢᱩᱨᱤᱭᱟ ᱦᱩᱞ ᱠᱷᱚᱱ ᱟᱦᱩᱢ ᱨᱟᱡᱚᱥᱴᱷᱤ ᱫᱚ ᱵᱟᱹᱭ ᱵᱟᱹᱹᱭ ᱛᱮ ᱨᱟᱹᱹᱯᱩᱫᱚᱜ ᱮᱦᱚᱵ ᱮᱱᱟ ᱟᱨ ᱢᱟᱱ ᱠᱚᱣᱟᱜ ᱟᱠᱨᱚᱢᱚᱱ ᱛᱮ ᱢᱚᱦᱚᱨ ᱢᱮᱴᱟᱣ ᱞᱮᱱᱟ| ᱵᱽᱨᱤᱴᱤᱥ ᱛᱤ ᱨᱮ ᱢᱟᱱ ᱠᱚᱣᱟᱜ ᱦᱟᱨ ᱛᱟᱭᱱᱚᱢ ᱑᱘᱒᱖ ᱥᱮᱨᱢᱟ ᱤᱭᱟᱱᱰᱟᱵᱩ ᱪᱩᱠᱛᱤ ᱞᱮᱠᱟ ᱛᱮ ᱟᱥᱟᱢ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤᱭᱟᱜ ᱛᱤ ᱨᱮ ᱪᱟᱞᱟᱣᱮᱱᱟ|

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱒᱒᱘ ᱥᱮᱨᱢᱟ ᱨᱮ ᱥᱩᱠᱟᱯᱷᱟ ᱫᱚ ᱪᱤᱱ ᱫᱤᱥᱚᱢ ᱨᱮᱭᱟᱜ ᱢᱚᱝ ᱢᱟᱣ ᱨᱮᱭᱟᱜ (ᱱᱟᱦᱟᱜ ᱪᱤᱱ ᱫᱤᱥᱚᱢ ᱨᱮᱭᱟᱜ ᱫᱮᱦᱮᱝ ᱫᱟᱭ ᱥᱤᱝᱯᱷᱳᱣ ᱥᱚᱥᱟᱥᱚᱱ ᱵᱟᱹᱭᱥᱤ) ᱠᱷᱚᱱ ᱦᱮᱡ ᱠᱟᱛᱮ ᱯᱟᱴᱠᱟᱭ ᱵᱩᱨᱩ ᱥᱮᱡ ᱛᱮ ᱱᱟᱦᱟᱜ ᱟᱥᱟᱢ ᱨᱮᱭᱟᱜ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱠᱚ ᱵᱚᱞᱚ ᱞᱮᱱᱟ| ᱩᱱᱠᱩ ᱦᱮᱡ ᱠᱟᱛᱮ ᱟᱭᱢᱟ ᱡᱟᱭᱜᱟ ᱨᱮ ᱨᱟᱡᱽᱜᱟᱲ ᱠᱚ ᱵᱟᱱᱫᱷᱟᱣ ᱞᱮᱫᱟ| ᱵᱽᱨᱚᱦᱢᱚᱯᱩᱛᱨᱚ ᱵᱮᱰᱟ ᱨᱮ ᱵᱚᱞᱚ ᱠᱟᱛᱮ ᱵᱚᱞᱚ ᱠᱟᱛᱮ ᱟᱦᱩᱢ ᱨᱟᱡᱚᱥᱴᱷᱤ ᱠᱚ ᱵᱟᱱᱫᱷᱟᱣ ᱞᱮᱫᱟ|

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱦᱩᱢ ᱨᱟᱡᱚᱥᱴᱷᱤ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱫᱚ ᱴᱮᱸᱦᱟᱸᱰ ᱟᱠᱟᱱ ᱴᱟᱦᱮᱸᱠᱟᱱᱟ ᱯᱟᱭᱤᱠ ᱦᱚᱨᱟ ᱪᱮᱛᱟᱱ ᱨᱮ| ᱯᱟᱭᱤᱠ ᱦᱚᱨᱟ ᱫᱚ ᱢᱤᱫ ᱞᱮᱠᱟᱱᱟᱜ ᱵᱚᱰᱦᱮ ᱦᱚᱨᱟ ᱠᱟᱱᱟ (unfree labour/Corvee Labour)। ᱱᱚᱣᱟ ᱦᱚᱨᱟ ᱫᱚ ᱥᱟᱢᱟᱱᱛᱚᱵᱟᱫᱤ ᱦᱚᱨᱟ ᱥᱮ ᱮᱥᱤᱭᱟ ᱦᱚᱨᱟ ᱠᱚ ᱢᱮᱛᱟᱣᱟᱜ ᱠᱟᱱᱟ| ᱚᱠᱟ ᱫᱚ ᱯᱟᱹᱦᱤᱞ ᱠᱟᱨᱞ ᱢᱟᱨᱠᱥᱮ ᱥᱚᱫᱚᱨ ᱞᱮᱫᱟ| ᱪᱮᱛᱟᱱ ᱟᱥᱟᱢ ᱨᱮ ᱟᱦᱦᱩᱢ ᱠᱚᱜᱮ ᱯᱟᱹᱦᱤᱞ ᱦᱩᱲᱩ ᱪᱟᱥ ᱠᱚ ᱮᱛᱚᱦᱚᱵ ᱞᱮᱫᱟ|

ᱥᱟᱥᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱟᱥᱟ ᱞᱮᱠᱷᱟ ᱡᱚᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱚᱫᱟᱫᱷᱚᱨ ᱥᱤᱝᱦᱚ ᱦᱩᱭ ᱢᱟᱲᱟᱝ ᱠᱟᱢᱨᱩᱯ ᱨᱮ ᱩᱠᱩ ᱞᱮᱱ ᱚᱠᱛᱮ ᱢᱚᱝᱜᱚᱞ ᱠᱚᱣᱟᱜ ᱦᱟᱥᱟ ᱞᱮᱠᱷᱟ ᱡᱚᱠᱷᱟ ᱦᱚᱨᱟᱭ ᱵᱟᱰᱟᱭ ᱞᱮᱫᱟ| ᱢᱚᱝᱜᱚᱞ ᱥᱟᱶ ᱞᱟᱹᱲᱦᱟᱹᱭ ᱵᱷᱟᱜᱟᱣ ᱥᱟᱶ ᱥᱟᱶᱛᱮ ᱟᱡᱟᱜ ᱨᱟᱡᱚᱥᱴᱷᱤ ᱨᱮᱦᱚᱸ ᱱᱩᱝᱠᱟᱱ ᱦᱚᱨᱟ ᱪᱟᱹᱞᱩᱜ ᱞᱟᱹᱜᱤᱫ ᱦᱩᱠᱩᱢᱟᱫ ᱠᱚ ᱛᱟᱦᱮᱸᱱᱟᱭ| ᱱᱤᱭᱟᱹ ᱠᱟᱹᱢᱤ ᱞᱟᱹᱜᱤᱫ ᱠᱚᱪᱵᱤᱦᱟᱨ ᱟᱨ ᱵᱮᱝᱜᱚᱞ ᱠᱷᱚᱱ ᱦᱚᱲᱮ ᱟᱹᱜᱩ ᱞᱮᱫᱟ ᱠᱚᱣᱟ| ᱯᱟᱹᱦᱦᱤᱞ ᱨᱮ ᱥᱤᱵᱽ ᱥᱟᱜᱚᱨ ᱨᱮᱠᱚ ᱡᱚᱨᱤᱯ ᱥᱮ ᱡᱚᱠᱷᱟ ᱞᱮᱫᱟ, ᱢᱮᱱᱠᱦᱟᱱ ᱜᱚᱫᱟᱫᱷᱚᱨ ᱜᱚᱡᱮᱱ ᱛᱮ ᱚᱱᱟ ᱠᱟᱹᱢᱤ ᱵᱟᱝ ᱢᱩᱪᱟᱹᱫ ᱞᱮᱱᱟ| ᱤᱱᱟᱹ ᱛᱟᱭᱱᱚᱢ ᱨᱩᱫᱽᱨᱚ ᱥᱤᱝᱦᱚ ᱣᱟᱜ ᱫᱤᱱ ᱨᱮ ᱱᱚᱜᱟᱶ ᱨᱮ ᱱᱚᱣᱟ ᱡᱚᱨᱤᱯ ᱠᱟᱹᱢᱤ ᱫᱚ ᱮᱛᱚᱦᱚᱵ ᱞᱮᱵᱱᱟ| ᱱᱟᱜᱟᱢᱤᱭᱟᱹ ᱠᱚ ᱞᱮᱠᱟᱛᱮ ᱑᱒ ᱯᱷᱩᱴ (᱓ᱹ᱗ ᱢᱤᱴᱟᱨ) ᱡᱤᱞᱤᱧ ᱨᱮᱭᱟᱜ "ᱱᱚᱞ" ᱥᱮ ᱢᱟᱫ ᱴᱩᱠᱨᱟᱹ ᱛᱮ ᱜᱚᱴᱟ ᱠᱚ ᱡᱚᱠᱷᱟ ᱞᱮᱫᱟ ᱟᱨ ᱦᱟᱥᱟ ᱨᱮᱭᱟᱜ ᱞᱮᱠᱦᱟ ᱜᱩᱴ ᱠᱚ ᱞᱮᱠᱷᱟ ᱞᱮᱫᱟ| ᱦᱟᱥᱟ ᱨᱮᱭᱟᱜ ᱮᱠᱚᱠ ᱫᱚ ᱛᱟᱦᱮᱸᱠᱟᱱᱟ "ᱞᱮᱥᱟ" ᱥᱮ ᱑᱔᱔ ᱪᱟᱹᱣᱠᱟᱹ ᱯᱷᱩᱴ (᱑᱓ᱹ᱔ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ) ᱟᱨ ᱑᱔᱔,᱐᱐ ᱪᱟᱹᱣᱠᱟᱹ ᱯᱷᱩᱴ (᱑,᱓᱔᱐ ᱪᱟᱹᱣᱠᱟᱹ ᱢᱤᱴᱟᱨ) ᱴᱚᱴᱷᱟ ᱫᱚ ᱢᱤᱫ ᱵᱤᱜᱷᱟᱹ ᱠᱚ ᱢᱮᱛᱟᱣᱟᱜ ᱠᱟᱱ ᱛᱟᱦᱮᱸᱠᱟᱱᱟ| ᱱᱟᱦᱟᱜ ᱡᱩᱜᱽ ᱨᱮᱦᱚᱸ ᱟᱥᱟᱢ ᱨᱮ ᱱᱚᱣᱟ ᱠᱚ ᱢᱟᱱᱟᱣ ᱵᱟᱛᱟᱣ ᱮᱫᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]