ᱟᱨᱡᱚ ᱥᱟᱶᱛᱟ
ᱟᱨᱡᱚ ᱥᱟᱶᱛᱟ ᱥᱮᱨᱢᱟ ᱑᱘᱗᱕ ᱥᱟᱞᱮᱨᱮ ᱠᱷᱤᱨᱤᱥᱴᱟᱵᱫᱚᱨᱮ ᱥᱟᱢᱤ ᱫᱚᱭᱟᱱᱚᱱᱫᱚ ᱥᱚᱨᱥᱥᱟᱛᱤ ᱛᱷᱟᱯᱚᱱ ᱞᱮᱫᱟᱭ᱾ ᱫᱚᱭᱟᱱᱚᱱᱫᱚ ᱥᱟᱱᱟᱢ ᱫᱷᱚᱨᱚᱢ ᱠᱷᱚᱱᱟᱜ ᱵᱮᱫ ᱫᱷᱚᱨᱚᱢ ᱜᱮ ᱥᱚᱨᱮᱥᱟ ᱢᱮᱱᱛᱮ ᱮ ᱢᱚᱱᱮᱭᱟ᱾ ᱟᱡᱟᱜ ᱢᱮᱱᱛᱮ ᱵᱮᱫ ᱨᱮᱜᱮ ᱥᱟᱱᱟᱢ ᱞᱮᱠᱟᱱ ᱤᱧ ᱥᱟᱬᱮᱥ ᱨᱮᱱᱟᱜ ᱠᱟᱛᱷᱟ ᱢᱮᱱᱟᱜᱼᱟ ᱾ ᱛᱟᱭᱚᱢ ᱛᱮ ᱦᱤᱱᱫᱩ ᱫᱷᱚᱨᱚᱢ ᱢᱩᱫᱽᱨᱮ ᱡᱟᱦᱟᱸ ᱟᱪᱟᱨ ᱥᱮ ᱥᱩᱫᱷᱟᱹᱟᱱ ᱢᱮᱥᱟ ᱞᱮᱱᱟ ᱚᱱᱟᱠᱚ ᱫᱚᱭᱟᱱᱚᱱᱫᱚ ᱢᱩᱫᱽᱨᱮ ᱡᱟᱦᱟᱸ ᱟᱪᱟᱨ ᱥᱮ ᱥᱩᱫᱷᱟᱹᱣᱟᱱ ᱢᱮᱥᱟ ᱞᱮᱱᱟ ᱚᱱᱟᱠᱚ ᱚᱱᱟᱠᱚ ᱫᱚᱭᱟᱱᱚᱱᱫᱚ ᱥᱟᱞᱟᱜᱚᱴᱟ ᱨᱮᱱᱟᱜ ᱫᱤᱥᱟᱹ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱟᱶᱛᱮ ᱨᱟᱺᱰᱤ ᱵᱟᱯᱞᱟ ᱟᱨ ᱛᱤᱨᱞᱟᱹ ᱥᱮᱪᱮᱫ ᱮ ᱥᱟᱨᱦᱟᱣ ᱠᱮᱭᱟᱭ ᱾ ᱯᱟᱱᱡᱟᱵ ᱟᱨ ᱥᱟᱢᱟᱝ ᱯᱤᱪᱷᱮ ᱵᱷᱟᱨᱚᱛ ᱨᱮ ᱟᱨᱡᱚ ᱥᱟᱶᱛᱟ ᱵᱷᱟᱜᱤ ᱛᱟᱦᱮᱸ ᱠᱟᱱᱟ ᱾ ᱢᱮᱱᱠᱷᱟᱱ ᱫᱚᱭᱟᱱᱚᱱᱫᱚ ᱜᱚᱡ ᱜᱩᱨ ᱛᱟᱭᱚᱢ ᱟᱨᱡᱚ ᱥᱟᱶᱛᱟ ᱦᱩᱞᱥᱟᱹᱭ ᱦᱤᱱᱫᱩ ᱞᱮᱠᱟ ᱵᱮᱱᱟᱣ ᱨᱟᱠᱟᱵ ᱞᱮᱱᱟ ᱾ᱵᱟᱝᱞᱟ ᱨᱮ ᱵᱟᱢᱲᱮ ᱱᱮᱛᱟ ᱨᱟᱡᱽ ᱱᱟᱨᱟᱭᱚᱱ ᱵᱚᱥᱩ ᱟᱨ ᱱᱚᱵᱚᱜᱳᱯᱟᱞ ᱢᱤᱛᱨᱟᱭᱟᱜ ᱥᱩᱫᱷᱟᱹᱣ ᱦᱩᱞᱥᱟᱹᱭ ᱨᱮ ᱦᱤᱱᱫᱩ ᱠᱚᱣᱟᱜ ᱯᱟᱹᱦᱤᱞ ᱠᱷᱚᱱᱟᱜ ᱛᱟᱦᱮᱱ ᱨᱮᱱᱟᱝ ᱪᱷᱟᱯ ᱧᱮᱞ ᱧᱟᱢᱚᱜᱼᱟ ᱾ ᱨᱟᱡᱽᱱᱟᱨᱚᱭᱚᱱ ᱵᱟᱥᱩᱭᱟᱜ ᱢᱚᱦᱚᱛ ᱥᱟᱯᱲᱟᱣ ᱫᱩᱯᱩᱲᱩᱵ ᱟᱨᱱᱚᱵᱚᱜᱳᱯᱟᱞ ᱢᱤᱛᱨᱚᱭᱟᱜ ᱡᱟᱹᱛᱤ ᱨᱮᱱᱟᱜ ᱢᱮᱞᱟ ᱛᱟᱭᱚᱢ ᱛᱮ ᱦᱤᱱᱫᱩ ᱢᱮᱞᱟᱨᱮ ᱧᱩᱛᱩᱢ ᱞᱮᱱᱟ ᱾ ᱦᱤᱱᱫᱩ ᱫᱷᱚᱨᱚᱢ ᱨᱮᱱᱟᱜ ᱛᱷᱟᱯᱚᱱ ᱥᱮ ᱢᱟᱹᱱᱢᱤ ᱭᱟᱜ ᱵᱟᱧᱪᱟᱣ ᱨᱩᱣᱟᱹᱲ ᱜᱮ ᱛᱟᱦᱮᱸ ᱠᱟᱱᱟ ᱦᱤᱱᱫᱩ ᱢᱮᱞᱟ ᱨᱮᱱᱟᱜ ᱫᱤᱥᱟᱹ ᱛᱟᱦᱮᱸ ᱠᱟᱱᱟ ᱾
ᱜᱤᱨᱟᱹᱵᱟᱹᱥᱤ ᱥᱟᱥᱚᱱ ᱨᱮᱱᱟᱜ ᱯᱨᱚᱛᱤᱠᱨᱤᱭᱟᱺ ᱜᱚᱲᱚᱣᱟᱱ ᱟᱨ ᱞᱟᱹᱲᱦᱟᱹᱭ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱚᱨᱚᱢᱦᱚᱝᱥᱚ ᱟᱨ ᱥᱟᱢᱤ ᱵᱤᱵᱮᱠᱟᱱᱚᱱᱫᱭᱟᱜ ᱧᱩᱛᱩᱢ ᱡᱚᱯᱲᱟᱣ ᱢᱮᱱᱟᱜᱼᱟ ᱾ ᱜᱮ ᱟᱨᱮ ᱥᱟᱭ ᱥᱟᱶᱨᱮ ᱪᱟᱠᱨᱤ ᱠᱚᱣᱟᱜ ᱥᱟᱦᱟᱨ ᱨᱮ ᱥᱮᱪᱮᱫ ᱢᱟᱹᱱᱢᱤ ᱠᱚᱴᱷᱮᱱ ᱨᱟᱢ ᱠᱨᱤᱥᱱᱚ ᱢᱤᱫᱴᱟᱝ ᱱᱮᱦᱚᱨ ᱞᱮᱠᱟᱭ ᱵᱮᱱᱟᱣ ᱞᱮᱱᱟᱭ᱾ ᱑᱘᱙᱓ ᱠᱷᱨᱤᱥᱴᱟᱵᱫᱚᱨᱮ ᱨᱟᱢᱠᱨᱤᱥᱱᱚᱤᱡ ᱪᱮᱞᱟ ᱥᱟᱢᱤ ᱵᱤᱵᱮᱠᱟᱱᱚᱱᱫᱚ ᱥᱤᱠᱟᱜᱳ ᱫᱷᱚᱨᱚᱢ ᱦᱩᱞᱥᱟᱹᱭ ᱨᱮ ᱡᱚᱯᱲᱟᱣ ᱞᱮᱱᱟᱭ ᱾ ᱚᱸᱰᱮ ᱩᱱᱤ ᱨᱟᱹᱭᱞᱟᱹ ᱨᱮᱱᱟᱜ ᱥᱚᱨᱮᱥᱟᱱ ᱠᱚ ᱯᱨᱚᱢᱟᱱ ᱨᱮᱱᱟᱜ ᱮ ᱨᱤᱠᱟᱹ ᱞᱮᱫᱟᱭ ᱾ ᱵᱤᱵᱮᱠᱟᱱᱚᱱᱫᱚ ᱛᱤᱨᱞᱟᱹ ᱦᱚᱯᱚᱱ ᱠᱚᱣᱟᱜ ᱥᱟᱫᱷᱤᱱ ᱨᱮ ᱯᱟᱹᱛᱤᱭᱟᱹᱣ ᱛᱟᱦᱮᱸ ᱠᱟᱱ ᱛᱟᱭᱟ ᱾
ᱪᱩᱨᱤᱛ ᱟᱨ ᱥᱤᱢᱟ ᱢᱩᱫᱽᱨᱮ ᱛᱟᱦᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱜᱮ ᱜᱮ ᱟᱨᱮ ᱥᱟᱭ ᱥᱟᱶ ᱠᱷᱚᱱᱟᱜ ᱥᱟᱶᱛᱟ ᱨᱮᱱᱟᱜ ᱥᱩᱫᱷᱟᱹᱣ ᱠᱚ ᱯᱩᱭᱞᱩ ᱠᱷᱚᱱᱟᱜ ᱠᱟᱹᱴᱤᱡ ᱥᱤᱢᱟᱹ ᱢᱩᱫᱽᱨᱮ ᱟᱴᱠᱟᱣ ᱞᱮᱱᱟ ᱾ ᱮᱴᱟᱜ ᱫᱤᱥᱚᱢ ᱨᱮ ᱛᱟᱦᱮᱸᱱ ᱦᱚᱲ ᱠᱚᱣᱟᱜ ᱥᱟᱥᱚᱱ ᱞᱟᱹᱜᱤᱫ ᱫᱷᱚᱱ ᱤᱫᱤ ᱠᱟᱛᱮ ᱟᱨ ᱥᱮᱪᱮᱫᱟ ᱥᱩᱡᱳᱜ ᱥᱩᱵᱤᱫᱷᱟ ᱪᱮᱛᱟᱱ ᱛᱷᱚᱠ ᱨᱤᱱ ᱢᱟᱹᱱᱢᱤ ᱜᱮᱠᱚ ᱧᱟᱢ ᱠᱮᱫᱟ᱾ ᱱᱩᱠᱩ ᱢᱟᱹᱱᱢᱤ ᱜᱮᱠᱚ ᱵᱟᱢᱲᱮ ᱦᱩᱞᱥᱟᱹᱭ ᱞᱮᱠᱟᱱ ᱥᱩᱫᱷᱟᱹᱣ ᱦᱩᱞᱥᱟᱹᱭ ᱠᱚ ᱫᱮᱭᱟ ᱞᱮᱫᱟ ᱾ ᱠᱳᱞᱠᱟᱛᱟ ᱨᱮᱭᱟᱜ ᱵᱟᱦᱨᱮ ᱦᱚᱱᱚᱛ ᱨᱮ ᱯᱟᱥᱱᱟᱣ ᱞᱮᱱ ᱨᱮᱦᱚ ᱥᱟᱶᱛᱟ ᱨᱤᱱ ᱥᱟᱫᱷᱟᱨᱚᱱ ᱢᱟᱹᱱᱢᱤ ᱠᱚ ᱥᱟᱞᱟᱜ ᱵᱟᱢᱲᱮ ᱦᱩᱞᱥᱟᱹᱭ ᱨᱮᱱᱟᱜ ᱚᱱᱠᱟᱱ ᱥᱟᱹᱜᱟᱹᱭ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱪᱷᱟᱲᱤᱡ ᱥᱩᱫᱷᱟᱹᱣ ᱟᱱ ᱥᱟᱶᱛᱟ ᱥᱟᱱᱟᱢ ᱢᱟᱹᱱᱢᱤ ᱠᱚ ᱟᱛᱮ ᱵᱟᱝᱠᱚ ᱵᱷᱟᱵᱤᱛ ᱠᱮᱭᱟ ᱾ ᱵᱟᱝᱞᱟᱨᱤᱱ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱠᱚ ᱢᱩᱬ ᱞᱮᱠᱟᱛᱮ ᱤᱝᱨᱮᱡᱤ ᱟᱨ ᱥᱟᱝᱥᱠᱨᱤᱛ ᱜᱷᱟᱥᱟᱶ ᱵᱟᱝᱞᱟ ᱯᱟᱹᱨᱥᱤ ᱠᱚ ᱵᱮᱣᱦᱟᱨ ᱠᱮᱭᱟ ᱾ ᱯᱤᱪᱷᱮ ᱟᱨ ᱠᱚᱧᱮ ᱥᱤᱧᱚᱛ ᱨᱮᱦᱚᱸ ᱱᱮᱦᱚᱨ ᱥᱟᱶᱛᱟ ᱨᱮ ᱥᱟᱶᱛᱟ ᱠᱚ ᱢᱩᱫᱽᱨᱮ ᱥᱮᱪᱮᱫᱟᱱ ᱢᱟᱹᱱᱢᱤ ᱠᱚ ᱢᱩᱫᱽᱨᱮ ᱥᱤᱢᱟᱹ ᱛᱟᱦᱮᱸ ᱠᱟᱱᱟ ᱾ ᱟᱥᱯᱟᱥ ᱨᱮ ᱱᱟᱶᱟ ᱥᱩᱫᱷᱟᱹᱣ ᱦᱩᱞᱥᱟᱹᱭ ᱠᱚ ᱡᱟᱹᱛᱤ ᱵᱷᱮᱜᱟᱨ ᱤᱫᱤ ᱠᱟᱛᱮ ᱡᱩᱨ ᱟᱲᱟᱝ ᱛᱮ ᱵᱟᱝᱠᱚ ᱞᱟᱹᱭ ᱫᱟᱲᱮ ᱟᱠᱟᱫᱟ ᱾ ᱚᱡᱮ ᱫᱚ ᱦᱩᱭᱩᱜ ᱠᱟᱱᱟ ᱥᱩᱫᱷᱟᱹᱣ ᱠᱚᱨᱤᱱ ᱟᱭᱢᱟ ᱠᱚᱜᱮ ᱪᱮᱛᱟᱱ ᱡᱟᱹᱛᱤ ᱨᱤᱱ ᱯᱨᱚᱛᱤᱱᱤᱫᱷᱤ ᱠᱚ ᱛᱟᱦᱮᱸ ᱠᱟᱱᱟ ᱾[᱑]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱯᱟᱹᱦᱤᱞ ᱟᱨ ᱯᱤᱲᱦᱤ,ᱢᱟᱹᱱᱤ ᱯᱟᱨᱚᱢᱤᱛᱟ ᱨᱟᱭ,ᱵᱷᱟᱹᱨᱤᱭᱟᱹ ᱧᱟᱢᱟᱱ-ᱥᱩᱛᱨᱮᱛ, ᱯᱩᱪᱷᱤᱢ ᱵᱟᱝᱞᱟ ᱛᱟᱱᱟᱞᱟ ᱥᱮᱪᱮᱫ ᱢᱟᱸᱰᱮᱨ, ᱗᱗/᱒, ᱯᱟᱨᱠ ᱥᱴᱨᱤᱴ, ᱠᱳᱞᱠᱟᱛᱟ - ᱒᱐᱐ ᱐᱑᱖.