ᱟᱨᱢᱮᱱᱤᱭᱟᱱ ᱡᱟᱹᱛᱤᱭᱟᱹᱨᱤ ᱯᱷᱩᱨᱜᱟᱹᱞ ᱦᱩᱞ
ᱟᱨᱢᱮᱱᱤᱭᱟᱱ ᱡᱟᱹᱛᱤᱭᱟᱹᱨᱤ ᱯᱷᱩᱨᱜᱟᱹᱞ ᱦᱩᱞ (Armenian: Հայ ազգային-ազատագրական շարժում Hay azgayin-azatagrakan sharzhum) ᱟᱨᱢᱮᱱᱤᱭᱟᱱ ᱯᱚᱱᱚᱛ ᱵᱮᱨᱮᱫ ᱞᱟᱹᱜᱤᱫ ᱮ ᱡᱚᱥ ᱞᱮᱫᱼᱟ[᱑] ᱾ ᱱᱚᱣᱟ ᱨᱮ ᱥᱟᱶᱛᱟ ᱞᱟᱠᱪᱟᱨ, ᱥᱮᱞᱮᱫ ᱞᱮᱱᱮᱱ ᱨᱮᱦᱚᱸ ᱢᱩᱲ ᱫᱚ ᱢᱤᱞᱤᱴᱟᱹᱨᱤ ᱟᱨ ᱨᱟᱡᱽᱟᱹᱨᱤ ᱦᱩᱞ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱯᱩᱭᱞᱩ ᱡᱮᱜᱮᱛ ᱞᱟᱰᱷᱟᱹᱭ ᱡᱚᱠᱷᱟᱫ ᱟᱹᱰᱤ ᱞᱟᱯᱷᱟᱝ ᱥᱮᱴᱮᱨ ᱞᱮᱱᱟ ᱾
ᱳᱴᱳᱢᱟᱱ ᱥᱚᱨᱠᱟᱨ ᱥᱤᱠᱷᱱᱟᱹᱛ ᱟᱨ ᱪᱤᱨᱜᱟᱹᱞ ᱨᱮᱱᱟᱜ ᱚᱨᱥᱚᱝ ᱛᱮ ᱡᱟᱹᱛᱤᱭᱟᱹᱨᱤ ᱵᱟᱫ ᱵᱮᱨᱮᱫ ᱞᱮᱱᱟ ᱟᱨ ᱑᱙᱖᱐ ᱛᱮ ᱟᱨᱢᱮᱱᱤᱭᱟᱱ ᱡᱟᱹᱛᱤᱭᱟᱹᱨᱤ ᱦᱩᱞ ᱵᱮᱨᱮᱫ ᱦᱟᱱᱛᱟᱲ ᱞᱮᱱᱟ ᱾ᱵᱟᱨᱠᱟᱱ ᱫᱤᱥᱚᱢ ᱠᱚᱨᱮ ᱡᱟᱦᱟᱸ ᱞᱮᱠᱟ ᱦᱩᱞ ᱥᱮᱸᱜᱮᱞ ᱡᱩᱞ ᱞᱮᱱᱟ ᱟᱥᱚᱠᱟᱭ ᱛᱮ ᱜᱨᱤᱠ ᱯᱷᱩᱨᱜᱟᱹᱞ ᱨᱮᱱᱟᱜ ᱞᱟᱹᱰᱷᱟᱹᱭ ᱡᱟᱦᱟᱸ ᱞᱮᱠᱟ ᱦᱩᱭ ᱞᱮᱱᱟ ᱱᱚᱶᱟ ᱟᱨᱢᱮᱱᱤᱭᱟᱱ ᱠᱚᱣᱟᱜ ᱞᱟᱹᱰᱷᱟᱹᱭ ᱦᱚᱸ ᱚᱱᱠᱟ ᱜᱮ ᱵᱮᱨᱮᱫ ᱮᱱᱟ ᱾᱑᱘᱘᱐ ᱥᱟᱞ ᱨᱮ ᱳᱴᱳᱢᱟᱱ ᱥᱚᱨᱠᱟᱨ ᱟᱨ ᱠᱩᱫᱽᱨᱤᱥ ᱵᱟᱹᱲᱤᱡ ᱠᱟᱹᱢᱤ ᱠᱷᱟᱹᱛᱤᱨ ᱥᱟᱢᱟᱝ ᱥᱟᱥᱚᱱ ᱤᱞᱟᱹᱠᱟ ᱨᱮ ᱥᱚᱨᱠᱟᱨ ᱵᱤᱨᱩᱫᱷ ᱨᱮ ᱜᱩᱨᱤᱞᱟ ᱞᱟᱹᱰᱷᱟᱹᱭ ᱮᱛᱚᱦᱚᱵ ᱦᱟᱱᱛᱟᱲ ᱞᱮᱱᱟ ᱾
ᱯᱩᱭᱞᱩ ᱡᱮᱜᱮᱛ ᱞᱟᱹᱰᱷᱟᱹᱭ ᱡᱷᱚᱜ ᱳᱴᱳᱢᱟᱱ ᱥᱟᱥᱚᱱ ᱨᱮ ᱛᱟᱦᱮᱸ ᱞᱮᱱ ᱟᱨᱢᱮᱱᱤᱭᱟᱱ ᱠᱚ ᱜᱚᱡ ᱚᱪᱚ ᱞᱟᱹᱜᱤᱫ ᱠᱚ ᱨᱤᱠᱟᱹ ᱠᱮᱫᱼᱟ ᱾ ᱢᱤᱫ ᱵᱟᱨ ᱵᱟᱰᱟᱭ ᱦᱟᱠᱟᱱ ᱦᱤᱥᱟᱹᱵ ᱛᱮ ᱑᱘᱙᱔ ᱠᱷᱚᱱ ᱑᱙᱒᱓ ᱛᱮ ᱑᱕᱐᱐᱐᱐᱐ᱼ᱒᱐᱐᱐᱐᱐᱐ᱟᱨᱢᱮᱱᱤᱭᱟᱱ ᱦᱚᱲ ᱳᱴᱳᱢᱟᱱ ᱥᱚᱨᱠᱟᱨ ᱛᱩᱞᱩᱡ ᱠᱚ ᱜᱚᱡ ᱟᱠᱟᱱᱟ[᱒] ᱿ ᱡᱟᱦᱟᱸ ᱟᱵᱚ ᱤᱝᱞᱤᱥ ᱛᱮ ᱡᱮᱱᱳᱥᱟᱭᱤᱰ ᱵᱚᱱ ᱢᱮᱛᱟᱣᱟᱜ ᱠᱟᱱᱟ ᱾ ᱒᱕ ᱯᱷᱮᱵᱨᱩᱣᱟᱨᱤ ᱑᱙᱑᱕ ᱨᱮᱱᱟᱜ ᱘᱖᱘᱒ ᱫᱤᱥᱟᱹ ᱛᱮ ᱳᱴᱳᱢᱟᱱ ᱥᱚᱨᱠᱟᱨ ᱨᱤᱱᱤᱡ ᱵᱷᱤᱛᱨᱤ ᱫᱤᱥᱚᱢ ᱢᱚᱱᱛᱨᱟᱲᱚᱭ ᱡᱚᱠᱷᱚᱱ ᱟᱨᱢᱮᱱᱤᱭᱟᱱ ᱦᱚᱲ ᱜᱚᱡ ᱞᱟᱹᱜᱤᱫ ᱨᱤᱠᱟᱹ ᱠᱮᱫᱼᱟᱭ, ᱟᱨᱢᱮᱱᱤᱭᱟᱹ ᱟᱜ ᱟᱹᱭᱫᱟᱹᱨᱤ ᱨᱟᱲᱟᱫᱩᱜ ᱞᱟᱹᱜᱤᱫ ᱢᱤᱫ ᱞᱟᱠᱷ ᱠᱷᱚᱱ ᱡᱟᱹᱥᱛᱤ ᱨᱩᱥᱤᱭᱟᱱ ᱟᱨᱢᱮᱱᱤᱭᱟᱱ ᱨᱩᱥ ᱟᱨᱢᱤ ᱨᱮ ᱠᱚ ᱥᱮᱞᱮᱫ ᱮᱱᱟ ᱾ ᱑᱙᱑᱗ ᱛᱮ ᱳᱴᱳᱢᱟᱱ ᱥᱟᱥᱚᱱ ᱨᱮᱱᱟᱜ ᱟᱹᱰᱤᱜᱟᱱ ᱟᱨᱢᱮᱱᱤᱭᱟᱱ ᱦᱚᱲ ᱛᱟᱦᱮᱱ ᱤᱞᱟᱹᱠᱟᱭ ᱫᱚᱠᱷᱚᱞ ᱠᱮᱫᱼᱟ ᱾ ᱠᱚᱧᱮ ᱠᱟᱣᱠᱟᱥᱚᱥ ᱡᱟᱦᱟᱸᱨᱮ ᱡᱟᱹᱥᱛᱤ ᱟᱨᱢᱮᱱᱤᱭᱟᱱ ᱢᱮᱱᱟᱜ ᱠᱚᱣᱟ ᱒᱘ ᱢᱮ ᱑᱙᱑᱘ ᱨᱮ ᱟᱨᱢᱮᱱᱤᱭᱟᱱ ᱡᱟᱹᱛᱤᱭᱟᱹᱨᱤ ᱠᱟᱣᱩᱱᱥᱤᱞ ᱟᱨᱢᱮᱱᱤᱭᱟ ᱫᱤᱥᱩᱣᱟᱹ ᱨᱟᱡᱽ ᱵᱮᱨᱮᱫ ᱮᱱᱟ ᱢᱮᱱᱛᱮᱫ ᱨᱚᱲ ᱥᱟᱰᱮ ᱠᱮᱫᱼᱟᱭ ᱾ ᱚᱱᱰᱮ ᱠᱷᱚᱱ ᱜᱮ ᱟᱨᱢᱮᱱᱤᱭᱟᱹ ᱯᱚᱱᱚᱛ ᱵᱮᱨᱮᱫ ᱮᱱᱟ ᱾
᱑᱙᱒᱐ ᱛᱮ ᱵᱳᱞᱥᱮᱵᱷᱤᱠ ᱟᱨ ᱟᱝᱠᱟᱨᱟ ᱥᱚᱨᱠᱟᱨ ᱟᱹᱠᱤᱱ ᱟᱹᱠᱤᱱᱼᱟᱜ ᱫᱤᱥᱚᱢ ᱨᱮ ᱫᱟᱲᱮ ᱠᱟᱛᱮᱫ ᱜᱟᱹᱫᱤ ᱨᱮᱠᱤᱱ ᱦᱮᱡ ᱦᱩᱭ ᱞᱮᱱᱟ ᱾ᱛᱩᱨᱠᱤᱥ ᱦᱩᱞᱜᱟᱹᱨᱤᱭᱟᱹ ᱟᱨᱢᱮᱱᱤᱭᱟ ᱨᱮᱱᱟᱜ ᱟᱫᱷᱟ ᱯᱟᱪᱮ ᱠᱚ ᱫᱚᱠᱷᱚᱞ ᱦᱟᱱᱛᱟᱲ ᱞᱮᱫᱼᱟ ᱟᱨ ᱰᱮᱥᱮᱢᱵᱚᱨ ᱑᱙᱒᱐ ᱛᱮ ᱨᱮᱰ ᱟᱨᱢᱤ ᱟᱨᱢᱮᱱᱤᱭᱟᱹ ᱫᱤᱥᱩᱣᱟᱹ ᱨᱟᱡᱽ ᱠᱚ ᱫᱚᱠᱷᱚᱞ ᱦᱩᱭ ᱦᱟᱱᱛᱟᱲ ᱞᱮᱫᱼᱟ ᱾ ᱑᱙᱒᱑ ᱥᱟᱞ ᱨᱮ ᱵᱚᱞᱥᱮᱵᱷᱤᱠ ᱨᱩᱥᱤᱭᱟ ᱟᱨ ᱠᱮᱢᱟᱞᱤᱥᱴ ᱛᱩᱨᱠᱤ ᱥᱟᱶ ᱡᱚᱴᱟᱣ ᱪᱩᱠᱛᱤ ᱥᱩᱦᱤ ᱮᱱᱟ ᱾ ᱟᱨᱢᱮᱱᱤᱭᱟ ᱨᱮᱱᱟᱜ ᱡᱟᱦᱟᱸ ᱵᱷᱟᱜ ᱨᱩᱥᱤᱭᱟ ᱟᱜ ᱟᱹᱭᱫᱟᱹᱨᱤ ᱨᱮ ᱛᱟᱦᱮᱸ ᱞᱮᱱᱟ ᱚᱱᱟᱠᱚ ᱥᱳᱵᱷᱤᱭᱮᱛ ᱭᱩᱱᱤᱭᱚᱱ ᱟᱹᱭᱫᱟᱹᱨᱤ ᱨᱮ ᱦᱮᱡ ᱮᱱᱟ ᱡᱟᱦᱟᱱ ᱠᱚ ᱢᱮᱥᱟ ᱠᱟᱛᱮᱫ ᱟᱨᱢᱮᱱᱤᱭᱟᱱ ᱥᱳᱵᱷᱤᱭᱮᱛ ᱨᱤᱯᱩᱵᱞᱤᱠ ᱛᱷᱟᱯᱚᱱ ᱮᱱᱟ ᱾ ᱦᱟᱡᱟᱨ ᱦᱟᱡᱟᱨ ᱡᱮᱱᱳᱥᱟᱭᱤᱰ ᱨᱤᱯᱷᱩᱡᱤ ᱛᱟᱞᱟ ᱥᱟᱢᱟᱝ, ᱜᱨᱤᱥ, ᱯᱷᱨᱟᱱᱥ, ᱨᱮ ᱠᱚ ᱧᱟᱢ ᱮᱱᱟ ᱾ ᱑᱙᱙᱑ ᱫᱷᱟᱹᱵᱤᱡ ᱥᱳᱵᱷᱤᱭᱮᱛ ᱟᱨᱢᱮᱱᱤᱭᱟ ᱛᱤᱥᱴᱟᱹᱣ ᱞᱮᱱᱟ ᱾ ᱛᱟᱭᱚᱢ ᱡᱟᱦᱟᱸ ᱦᱤᱞᱚᱜ ᱥᱳᱵᱷᱤᱭᱮᱛ ᱭᱩᱱᱤᱭᱚᱱ ᱦᱟᱹᱴᱤᱧ ᱮᱱᱟ ᱟᱨᱢᱮᱱᱤᱭᱟ ᱫᱤᱥᱩᱣᱟᱹ ᱨᱟᱡᱽ ᱦᱚᱸ ᱩᱱᱨᱮ ᱵᱮᱨᱮᱫ ᱮᱱᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Hovannisian, Richard G. (1992). The Armenian Genocide: History, Politics, Ethics. Palgrave Macmillan. p. 129. ISBN 9780312048471.
- ↑ Auron, Yair (2000). The Banality of Indifference: Zionism and the Armenian Genocide. Transaction Publishers. p. 44. ISBN 9781412844680.