ᱟᱨᱩᱱᱤᱢᱟ ᱠᱩᱢᱟᱨ
| ᱟᱨᱩᱱᱤᱢᱟ ᱠᱩᱢᱟᱨ | |
|---|---|
 ᱟᱨᱩᱱᱤᱢᱟ ᱠᱩᱢᱟᱨ, ᱕ ᱯᱷᱮᱵᱽᱨᱩᱣᱟᱨᱤ ᱒᱐᱑᱐ ᱢᱟᱹᱦᱤᱛ ᱨᱮ ᱠᱷᱟᱡᱩᱨᱟᱦᱩ ᱯᱚᱨᱚᱵᱽ ᱚᱠᱛᱮ ᱨᱮ ᱮᱱᱮᱡᱚᱡ ᱠᱟᱱᱟ | |
| ᱵᱤᱵᱚᱨᱚᱱ | |
| ᱡᱟᱱᱟᱢ | ᱑ ᱡᱩᱞᱟᱭ ᱑᱙᱗᱘ |
| ᱢᱩᱬ | ᱱᱟᱣᱟ ᱫᱤᱞᱤᱤ, ᱱᱟᱦᱟᱜ ᱫᱚ ᱞᱚᱱᱰᱚᱱ ᱨᱮ ᱛᱟᱦᱮᱱ ᱠᱟᱱᱟ |
| ᱡᱮᱱᱨᱮᱥ | ᱠᱩᱪᱤᱯᱩᱲᱤ |
| ᱚᱠᱩᱯᱮᱥᱚᱱ | ᱱᱟᱪᱚᱱᱤᱭᱟᱹ |
| ᱣᱮᱵᱽᱥᱟᱭᱤᱴ | http://www.arunimakumar.com |
ᱟᱨᱩᱱᱤᱢᱟ ᱠᱩᱢᱟᱨ ᱫᱚᱭ ᱦᱩᱭᱩᱜ ᱠᱟᱱᱟ, ᱒᱐᱐᱘ ᱥᱮᱨᱢᱟ ᱨᱮ ᱠᱩᱪᱤᱯᱩᱰᱤ ᱮᱱᱮᱡ ᱨᱮ ᱵᱷᱟᱨᱚᱛ ᱥᱚᱨᱠᱟᱨ ᱟᱜ ᱥᱟᱝᱜᱤᱛ ᱱᱟᱴᱟᱠ ᱟᱠᱟᱫᱮᱢᱤ ᱥᱤᱨᱯᱷᱟ ᱦᱟᱢᱮᱴ ᱡᱤᱛᱠᱟᱹᱨ ᱟᱠᱟᱱ ᱜᱟᱭᱱᱟᱦᱟ[᱑]| ᱙ (ᱟᱨᱮ) ᱥᱮᱨᱢᱟ ᱩᱢᱟᱹᱨ ᱨᱮ ᱟᱨᱩᱢᱤᱱᱟ ᱫᱚ ᱵᱟᱞᱞᱮᱴ ᱟᱢᱟᱨᱯᱟᱞᱤ ᱟᱜ ᱮ ᱮᱠᱴᱤᱝ ᱞᱮᱫᱼᱟ ᱾ ᱠᱩᱪᱤᱯᱩᱰᱤ ᱮᱱᱮᱡ ᱟᱠᱟᱫᱮᱢᱤ ᱨᱮ ᱩᱱᱤ ᱫᱚ ᱑᱙᱙᱕ ᱥᱮᱨᱢᱟ ᱮᱱᱮᱡ ᱮ ᱥᱚᱫᱚᱨ ᱞᱮᱫᱼᱟ ᱾ ᱚᱱᱰᱮ ᱩᱱᱤ ᱫᱚ ᱱᱟᱣᱟ ᱫᱤᱞᱞᱤ ᱨᱮᱭᱟᱜ ᱛᱨᱤᱵᱮᱱᱤ ᱠᱟᱲᱟ ᱥᱟᱝᱜᱟᱢ ᱨᱮ ᱟᱡᱟᱜ ᱟᱨᱮᱝᱜᱮᱛᱨᱟᱢ ᱮᱱᱮᱡ-ᱮ ᱩᱫᱩᱜ ᱥᱚᱫᱚᱨ ᱞᱮᱫᱼᱟ[᱒]|
ᱵᱟᱨ ᱯᱮ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱨᱩᱱᱤᱢᱟ ᱫᱚ ᱢᱤᱫᱴᱟᱹᱝ ᱥᱚᱨᱮᱥ ᱜᱩᱱᱟᱱ ᱥᱤᱧᱚᱛᱤᱭᱟᱹ ᱠᱩᱪᱤᱯᱩᱰᱤ ᱱᱟᱪᱚᱱᱤᱭᱟᱹ ᱠᱟᱱᱟᱭ ᱾ ᱱᱩᱭ ᱫᱚ ᱥᱟᱝᱜᱤᱛ ᱱᱟᱴᱟᱠ ᱮᱠᱟᱫᱮᱢᱤ ᱠᱷᱚᱱ ᱟᱹᱰᱤ ,ᱢᱟᱱ ᱢᱟᱱᱚᱛᱟᱱ ᱥᱤᱨᱯᱷᱟᱹ ᱩᱥᱛᱟᱫᱽ ᱵᱤᱥᱢᱤᱞᱞᱟ ᱠᱷᱟᱱ ᱡᱩᱣᱟᱹᱱ ᱥᱤᱨᱯᱟᱹ ᱒᱐᱐᱘ ᱥᱮᱨᱢᱟ ᱨᱮ, ᱱᱚᱶᱟ ᱥᱤᱨᱯᱟᱹ ᱠᱚ ᱫᱚ ᱚᱠᱚᱭ ᱜᱟᱭᱱᱟᱦᱟ, ᱮᱱᱮᱡ ᱥᱮᱨᱮᱧ, ᱨᱩ ᱚᱨᱚᱝ ᱟᱨ ᱰᱨᱟᱢᱟ ᱮᱢᱟᱱ ᱠᱚ ᱨᱮ ᱥᱚᱨᱮᱥ ᱠᱚ ᱩᱫᱩᱜ ᱫᱟᱲᱮᱩᱭᱟᱜ-ᱟ, ᱩᱱᱠᱩ ᱠᱚ ᱮᱢᱟ ᱠᱚᱣᱟ ᱾ ᱱᱟᱦᱟᱜ ᱩᱱᱤ ᱫᱚ ᱞᱚᱱᱰᱚᱱ ᱨᱮ ᱛᱟᱦᱮᱱ ᱠᱟᱱᱟ ᱟᱨ ᱮᱪᱹ ᱟᱨᱹ ᱟᱨᱤᱥᱟᱱᱴ ᱜᱽᱨᱩᱯ ᱥᱟᱶ ᱮ ᱠᱟᱹᱢᱤ ᱠᱟᱱᱟ[᱓]
ᱠᱮᱨᱤᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱨᱩᱱᱤᱢᱟ ᱠᱩᱢᱟᱨ ᱫᱚ ᱟᱡ ᱗ (ᱮᱭᱟᱭ) ᱥᱮᱨᱢᱟ ᱩᱢᱮᱨᱮ ᱛᱟᱦᱮ ᱠᱟᱱ ᱚᱠᱛᱚ ᱠᱷᱚᱱ ᱜᱮ ᱠᱩᱪᱤᱯᱩᱰᱤ ᱮᱱᱮᱡ ᱫᱚᱭ ᱪᱮᱪᱮᱫ ᱠᱟᱱ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱨᱮᱱ ᱯᱟᱹᱦᱤᱞ ᱢᱟᱪᱮᱛᱟᱱᱤ ᱫᱚᱭ ᱛᱟᱦᱮᱸ ᱠᱟᱱᱟ, ᱯᱟᱫᱽᱢᱟ ᱵᱷᱩᱥᱟᱬ ᱥᱨᱤᱢᱚᱛᱤ ᱥᱟᱯᱟᱱᱟ ᱥᱩᱱᱫᱟᱨᱤ ᱾ ᱱᱩᱭ ᱫᱚ ᱯᱟᱫᱽᱢᱟ ᱥᱨᱤ ᱜᱩᱨᱩ ᱡᱟᱭᱟ ᱨᱟᱢᱟ ᱨᱟᱣ ᱟᱨ ᱵᱷᱟᱱᱟ ᱥᱨᱤ ᱨᱟᱣ ᱨᱮᱱ ᱦᱚᱸ ᱢᱟᱨᱟᱝ ᱪᱮᱞᱟᱭ ᱛᱟᱦᱮᱸ ᱠᱟᱱᱟ ᱟᱨ ᱑᱕ (ᱜᱮᱞ ᱢᱚᱬᱮ) ᱥᱮᱨᱢᱟ ᱩᱢᱮᱨ ᱦᱟᱹᱵᱤᱡ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱮᱫ ᱠᱟᱱ ᱛᱟᱦᱮᱸ ᱠᱟᱱᱟ ᱾ ᱙ (ᱟᱨᱮ) ᱥᱮᱨᱢᱟ ᱩᱢᱮᱨ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱦᱩᱭ ᱠᱟᱛᱮ, ᱟᱨᱩᱱᱤᱢᱟ ᱠᱩᱢᱟᱨ ᱫᱚ ᱵᱮᱞᱟᱴ ᱟᱢᱨᱟᱚᱟᱞᱤ ᱨᱮ ᱮᱱᱮᱡ ᱮ ᱥᱚᱫᱚᱨ ᱞᱮᱫᱼᱟ ᱾ ᱑᱙᱙᱕ ᱥᱮᱨᱢᱟ ᱨᱮ ᱚᱠᱟ ᱠᱩᱪᱤᱯᱩᱰᱤ ᱰᱟᱱᱥ ᱟᱠᱟᱫᱮᱢᱤ ᱵᱟᱸᱫᱷᱟᱣ ᱞᱮᱱ, ᱚᱱᱰᱮ ᱦᱚᱸ ᱟᱨᱩᱱᱤᱢᱟ ᱠᱩᱢᱟᱨ ᱫᱚ ᱟᱡᱟᱜ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱞᱮᱫᱼᱟ ᱾
ᱱᱤᱭᱟᱹ ᱛᱟᱭᱚᱢ ᱠᱷᱚᱱ ᱟᱨᱩᱱᱤᱢᱟ ᱠᱩᱢᱟᱨ ᱫᱚ ᱥᱟᱥᱛᱨᱤᱭᱚ ᱮᱱᱮᱡ ᱯᱟᱥᱴᱟ ᱨᱮ ᱪᱮᱛᱟᱱ ᱫᱟᱨᱡᱟ ᱨᱮᱭᱟᱜ ᱢᱟᱱᱢᱟᱱᱚᱛ ᱧᱟᱢ ᱞᱟᱹᱜᱤᱫ ᱢᱚᱱᱮ ᱡᱤᱣᱤ ᱠᱷᱚᱱ ᱟᱡᱟᱜ ᱜᱟᱭᱱᱟᱦᱤᱭᱟᱹ ᱜᱩᱱᱮ ᱩᱫᱩᱜ ᱥᱚᱫᱚᱨ ᱞᱮᱫᱼᱟ ᱟᱨ ᱑᱕ (ᱜᱮᱞ ᱢᱚᱬᱮ) ᱠᱷᱚᱱ ᱦᱚᱸ ᱵᱟᱹᱲᱛᱤ ᱫᱤᱥᱚᱢ ᱨᱮ ᱟᱹᱰᱤ ᱧᱩᱛᱩᱢᱟᱱ ᱞᱟᱹᱭ ᱞᱟᱠᱪᱟᱨ ᱯᱚᱨᱚᱵᱽ ᱟᱨ ᱟᱠᱷᱲᱟ ᱠᱚ ᱨᱮ ᱟᱭᱢᱟ ᱡᱮ-ᱡᱟᱹᱛᱨᱤᱭᱟᱹ ᱟᱨ ᱡᱮᱜᱮᱫ ᱡᱟᱠᱟᱛ ᱟᱠᱷᱽᱲᱟ ᱠᱚ ᱨᱮ ᱟᱡᱟᱜ ᱮᱱᱮᱡ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱼᱟ ᱾
ᱧᱩᱢᱩᱜᱚᱜ ᱞᱮᱠᱟᱱ ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤᱭᱟᱜ ᱧᱩᱢᱩᱜᱚᱜ ᱞᱮᱠᱟᱱ ᱮᱱᱮᱢ ᱠᱚ ᱢᱩᱫᱽ ᱨᱮ ᱫᱤᱥᱚᱢ ᱜᱚᱝᱠᱮ ᱵᱟᱠᱷᱳᱞ (ᱨᱟᱥᱴᱨᱟᱯᱟᱛᱤ ᱦᱟᱣᱩᱥ, ᱫᱤᱞᱞᱤ), ᱥᱤᱰᱱᱤ ᱚᱯᱮᱨᱟ ᱦᱟᱣᱩᱥ, ᱠᱮᱱᱵᱮᱨᱟ ᱯᱷᱮᱥᱴᱤᱣᱟᱞ, ᱦᱮᱱᱚᱵᱷᱟᱨ ᱟᱨ ᱞᱮᱥᱵᱚᱱ ᱨᱮᱭᱟᱜ ᱮᱠᱥᱯᱳ ᱒᱐᱐᱐, ᱞᱚᱱᱰᱚᱱ ᱨᱮᱭᱟᱜ ᱱᱮᱦᱨᱩ ᱥᱮᱱᱴᱟᱨ, ᱢᱟᱱᱤᱞᱟ ᱨᱮᱭᱟᱜ ᱮᱥᱤᱭᱟᱱ ᱟᱨᱴ ᱯᱷᱮᱥᱴᱤᱣᱟᱞ, ᱒᱐᱐᱘ ᱥᱮᱨᱢᱟ ᱨᱮ ᱢᱟᱨᱠᱤᱱ ᱡᱩᱠᱛᱳ ᱨᱟᱥᱴᱨᱚ ᱨᱮ ᱠᱩᱪᱤᱯᱩᱰᱤ ᱠᱚᱮᱵᱷᱮᱱᱥᱚᱱ ᱮᱢᱟᱱ ᱠᱚ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "About Arunima". www.artindia.net. Retrieved 2012-04-18.
- ↑ "StageBuzz: Arunima Kumar Rocks Varanasi". Stagebuzz.info. Archived from the original on 2012-03-03. Retrieved 2012-04-18.
- ↑ "Arunima Kumar - United Kingdom | LinkedIn". Uk.linkedin.com. Archived from the original on 2012-07-16. Retrieved 2012-04-18.