ᱟᱨᱩᱱ ᱡᱮᱴᱞᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱟᱨᱩᱱ ᱡᱮᱴᱞᱤ
Arun Jaitley, Minister.jpg
ᱫᱤᱥᱚᱢ ᱫᱚᱨᱵᱟᱨᱤᱭᱟᱹ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ Incumbent
ᱵᱟᱪᱱᱟᱣ ᱮᱞᱮᱠᱟ ᱨᱟᱡᱽᱢᱚᱦᱚᱞ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱒᱘ ᱰᱤᱥᱮᱢᱵᱚᱨ ᱑᱙᱕᱒(1952-12-28)
ᱫᱤᱞᱞᱤ, ᱥᱤᱧᱚᱛ]
ᱜᱩᱨ ᱒᱔ ᱚᱜᱚᱥᱴ ᱒᱐᱑᱙ (᱖᱖ ᱵᱚᱭᱚᱥ)
ᱱᱟᱣᱟ ᱫᱤᱞᱤᱤ
ᱨᱟᱡᱽᱟᱹᱨᱤ ᱫᱚᱞ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ
ᱡᱤᱭᱚᱱ ᱥᱚᱦᱮᱫ ᱥᱟᱝᱜᱤᱛᱟ ᱡᱮᱴᱞᱤ
ᱦᱚᱯᱚᱱ ᱥᱚᱱᱟᱞᱤ ᱡᱮᱴᱞᱤ
ᱨᱚᱦᱟᱱ ᱡᱮᱴᱞᱤ
ᱚᱲᱟᱜ ᱵᱟᱨᱦᱟᱨᱣᱟ
ᱫᱷᱚᱨᱚᱢ ᱦᱤᱱᱫᱩ

ᱟᱨᱩᱱ ᱡᱮᱴᱞᱤ(ᱡᱟᱱᱟᱢᱺ ᱒᱘ ᱰᱤᱥᱮᱢᱵᱚᱨ ᱑᱙᱕᱒ ᱜᱩᱨ ᱒᱔ ᱟᱜᱚᱥᱴ ᱒᱐᱑᱙) ᱫᱚ ᱥᱤᱧᱚᱛ ᱨᱮᱱ ᱨᱟᱡᱟᱨᱤᱭᱟᱹ ᱟᱨ ᱟᱴᱚᱨᱱᱤ ᱮ ᱛᱟᱦᱮᱸ ᱠᱟᱱᱟ ᱾ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱮᱱ ᱥᱚᱦᱮᱫ ᱞᱮᱠᱟ ᱛᱮ ᱡᱮᱴᱞᱤ ᱫᱚ ᱒᱐᱑᱔ ᱥᱮᱨᱢᱟ ᱠᱷᱚᱱ ᱒᱐᱑᱙ ᱥᱮᱨᱢᱟ ᱦᱟᱹᱵᱤᱡ ᱠᱟᱹᱣᱰᱤ ᱟᱨ ᱵᱟᱹᱱᱤᱡᱽ ᱢᱤᱱᱤᱥᱴᱟᱨ ᱞᱮᱠᱟ ᱛᱮ ᱫᱟᱭᱤᱠ ᱵᱷᱟᱨ ᱮ ᱦᱟᱛᱟᱣ ᱞᱮᱫᱼᱟ ᱾

ᱡᱮᱴᱞᱤ ᱫᱚ ᱵᱟᱡᱽᱯᱮᱭᱤ ᱟᱨ ᱢᱳᱫᱤ ᱥᱚᱨᱠᱟᱨ ᱟᱜ ᱠᱮᱵᱤᱱᱮᱴ ᱛᱟᱹᱨᱤ ᱨᱮ ᱠᱟᱹᱣᱰᱤ, ᱫᱩᱜ-ᱫᱟᱨᱟᱢ, ᱵᱟᱹᱱᱤᱡᱽ, ᱟᱨ ᱵᱮᱨᱮᱛ ᱟᱨ ᱟᱹᱱ-ᱟᱹᱨᱤ ᱮᱢᱟᱱ ᱵᱤᱵᱷᱟᱜ ᱠᱚ ᱨᱮ ᱫᱟᱭᱤᱠ ᱵᱷᱟᱨ ᱮ ᱛᱚᱨᱟᱣ ᱞᱮᱫᱼᱟ ᱾ ᱒᱐᱐᱙ ᱥᱮᱨᱢᱟ ᱠᱷᱚᱱ ᱒᱐᱑᱔ ᱥᱮᱨᱢᱟ ᱦᱟᱹᱵᱤᱡ ᱩᱱᱤ ᱫᱚ ᱨᱟᱡᱽᱭᱚ ᱥᱚᱵᱷᱟ ᱨᱮ ᱵᱤᱡᱮᱯᱤ ᱯᱟᱨᱴᱤ ᱛᱚᱨᱚᱯᱷ ᱠᱷᱚᱱ ᱵᱤᱨᱩᱫᱷᱤ ᱫᱚᱞ ᱨᱮᱱ ᱟᱹᱭᱩᱨᱤᱡ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱨ ᱦᱚᱸ ᱥᱩᱯᱨᱤᱢ ᱠᱚᱨᱴ ᱨᱮᱱ ᱥᱮᱱᱤᱭᱚᱨ ᱩᱠᱤᱞ ᱞᱮᱠᱟ ᱛᱮ ᱠᱟᱹᱢᱤ ᱞᱮᱫᱼᱟ ᱾ ᱩᱱᱤ ᱫᱚ ᱢᱳᱫᱤ ᱥᱚᱨᱠᱟᱨ ᱟᱜ ᱛᱟᱹᱨᱤ ᱨᱮ ᱡᱤᱱᱤᱥ ᱟᱨ ᱥᱮᱣᱟ ᱠᱷᱟᱡᱽᱱᱟ ᱡᱤᱹᱮᱥᱹᱴᱤ ᱮ ᱟᱹᱜᱩ ᱞᱮᱫᱼᱟ ᱟᱨ ᱕᱐᱐ ᱴᱟᱠᱟ ᱱᱚᱴ ᱟᱨ ᱑᱐᱐᱐ ᱴᱟᱠᱟ ᱱᱚᱴ, ᱵᱷᱮᱜᱟᱨ ᱨᱮᱞᱣᱮ ᱵᱟᱡᱮᱴ ᱮᱢᱟᱱ ᱠᱚᱭ ᱵᱟᱫᱽ ᱞᱮᱫᱼᱟ ᱾ ᱡᱮᱴᱞᱤ ᱫᱚ ᱢᱳᱫᱤ ᱟᱜ ᱫᱚᱥᱟᱨ ᱢᱚᱱᱛᱨᱤ ᱠᱮᱵᱤᱱᱮᱴ ᱨᱮ ᱵᱟᱝ ᱥᱮᱞᱮᱫᱚᱜ ᱞᱟᱹᱜᱤᱫ-ᱮ ᱜᱚᱴᱟ ᱞᱮᱫᱼᱟ ᱟᱡᱟᱜ ᱦᱚᱲᱢᱚ ᱵᱟᱹᱲᱤᱡ ᱮᱱ ᱠᱷᱟᱹᱛᱤᱨ ᱛᱮ ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨᱩᱱ ᱡᱮᱴᱞᱤ ᱫᱚ ᱒᱘ ᱡᱩᱞᱟᱭ ᱑᱙᱕᱒ ᱥᱮᱨᱢᱟ ᱫᱤᱞᱞᱤ ᱱᱟᱝᱜᱽᱨᱟᱦᱟ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱨᱮᱱ ᱟᱯᱟᱛ ᱢᱟᱦᱟᱨᱟᱡᱽ ᱠᱤᱥᱟᱱ ᱫᱚ ᱩᱠᱤᱞ ᱮ ᱛᱟᱦᱮᱸ ᱠᱟᱱᱟ ᱟᱨ ᱮᱝᱜᱟᱛ ᱯᱨᱟᱵᱷᱟ ᱡᱮᱴᱞᱤ ᱫᱚ ᱜᱽᱨᱤᱱᱤ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱮᱱᱴ ᱡᱮᱵᱷᱤᱭᱟᱨ ᱥᱠᱩᱞ ᱨᱮ ᱯᱟᱲᱦᱟᱣ ᱞᱮᱱᱟ ᱑᱙᱕᱗ ᱥᱮᱨᱢᱟ ᱠᱷᱚᱱ ᱑᱙᱖᱙ ᱥᱮᱨᱢᱟ ᱦᱟᱹᱵᱤᱡ ᱾ ᱩᱱᱤ ᱫᱚ ᱠᱚᱢᱟᱨᱥ ᱨᱮ ᱚᱱᱟᱨᱥ ᱦᱟᱛᱟᱣ ᱠᱟᱛᱮ ᱵᱤᱹᱠᱚᱢ ᱰᱤᱜᱽᱨᱤ ᱟᱢᱮᱴ ᱞᱮᱫᱼᱟ,᱑᱙᱗᱓ ᱥᱮᱨᱢᱟ ᱨᱮ ᱱᱟᱣᱟ ᱫᱤᱞᱞᱤ ᱠᱷᱚᱱ ᱾ ᱩᱱᱤ ᱫᱚ ᱑᱙᱗᱗ ᱥᱮᱨᱢᱟ ᱨᱮ ᱫᱤᱞᱞᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱮᱞᱹᱮᱞᱹᱵᱤᱹ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱼᱟ ᱾

ᱡᱮᱴᱞᱤ ᱫᱚ ᱮᱭᱟᱭ ᱜᱮᱞ ᱟᱱᱟᱜ ᱥᱮᱨᱢᱟ ᱚᱠᱛᱮ ᱨᱮ ᱫᱤᱞᱞᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮᱭᱟᱜ ᱠᱮᱢᱯᱟᱥ ᱨᱮ ᱟᱠᱷᱤᱞ ᱵᱷᱟᱨᱚᱛᱤᱭᱚ ᱵᱤᱫᱽᱭᱟᱨᱛᱷᱤ ᱯᱚᱨᱤᱥᱚᱫᱽ ᱨᱮᱱ ᱯᱟᱨᱥᱮᱛ ᱮ ᱛᱟᱦᱮᱸ ᱠᱟᱱᱟ, ᱑᱙᱗᱔ ᱥᱮᱨᱢᱟ ᱨᱮ ᱾

ᱨᱟᱡᱟᱨᱤ ᱠᱮᱨᱤᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱮᱴᱞᱤ ᱫᱚ ᱑᱙᱙᱑ ᱥᱮᱨᱢᱟ ᱠᱷᱚᱱ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱮᱱ ᱯᱩᱭᱞᱩ ᱫᱷᱟᱯ ᱨᱮᱱ ᱠᱟᱹᱢᱤᱭᱟᱹ ᱥᱚᱦᱮᱫ ᱮ ᱵᱮᱱᱟᱣ ᱞᱮᱱᱟ ᱾ ᱩᱱᱤ ᱫᱚ ᱑᱙᱙᱙ ᱥᱮᱨᱢᱟ ᱨᱮᱭᱟᱜ ᱞᱚᱠ ᱥᱚᱵᱷᱟ ᱵᱟᱪᱷᱱᱟᱣ ᱚᱠᱛᱮ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱮᱱ ᱞᱟᱹᱞᱟᱹᱭ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾

ᱢᱩᱪᱟᱹᱫ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱮᱴᱞᱤ ᱫᱚ ᱦᱚᱲᱢᱚ ᱵᱟᱹᱲᱤᱡ ᱠᱷᱟᱹᱛᱤᱨ ᱛᱮ ᱟᱭᱢᱟ ᱫᱷᱟᱣ ᱥᱟᱨᱡᱚᱨᱤ ᱚᱪᱚ ᱞᱮᱱᱟ ᱢᱮᱱ ᱠᱷᱟᱱ ᱒᱐᱑᱙ ᱦᱟᱹᱵᱤᱡ ᱛᱮ ᱵᱟᱝ ᱡᱚ ᱵᱟᱦᱟ ᱞᱮᱱᱟ ᱾ ᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱒᱓ ᱟᱜᱚᱥᱴᱚ ᱛᱮ, ᱩᱱᱤᱭᱟᱜ ᱦᱚᱲᱢᱚ ᱟᱹᱰᱤ ᱵᱟᱹᱲᱤᱡ ᱮᱱ ᱛᱟᱭᱟ ᱾ ᱡᱮᱴᱞᱤ ᱫᱚ ᱑᱒ ᱴᱟᱲᱟᱝ ᱗ ᱴᱤᱬᱤᱡ ᱨᱮ ᱟᱡᱟᱜ ᱡᱤᱣᱤ ᱵᱟᱹᱨᱩ ᱤᱬᱤᱡ ᱮᱱ ᱛᱟᱭᱟ ᱾ ᱩᱱᱤ ᱫᱚ ᱖᱖ ᱥᱮᱨᱢᱟ ᱩᱢᱟᱹᱨ ᱨᱮ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱵᱟᱹᱜᱤᱭᱟᱫᱼᱟ ᱾ ᱒᱕ ᱟᱜᱚᱥᱴᱚ ᱦᱤᱞᱚᱜ ᱩᱱᱤ ᱫᱚ ᱱᱤᱜᱚᱢ ᱵᱩᱫᱷ ᱜᱷᱟᱴ ᱨᱮ ᱢᱩᱪᱟᱹᱫ ᱠᱟᱹᱢᱤ ᱦᱚᱨᱟ ᱠᱚ ᱥᱟᱹᱛ ᱠᱮᱫ ᱛᱟᱭᱟ ᱾ ᱵᱷᱟᱨᱚᱛᱤᱭᱚ ᱠᱨᱤᱠᱮᱴ ᱴᱤᱢ ᱫᱚ ᱟᱨᱩᱱ ᱡᱮᱴᱞᱤ ᱟᱜ ᱜᱩᱨ ᱨᱮ ᱫᱩᱠᱷ ᱥᱚᱫᱚᱨ ᱞᱟᱹᱜᱤᱫ ᱣᱮᱥᱴ ᱤᱱᱰᱤᱥ ᱥᱟᱶ ᱢᱤᱫ ᱫᱤᱱ ᱨᱮᱭᱟᱜ ᱴᱮᱥᱴ ᱢᱮᱪ ᱨᱮ ᱦᱮᱱᱫᱮ ᱠᱤᱪᱨᱤᱡ ᱠᱚ ᱦᱚᱨᱚᱜ ᱞᱮᱫᱼᱟ ᱾

ᱥᱟᱹᱠᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]