ᱟᱪᱟᱨ
ᱟᱪᱟᱨ (ᱥᱤᱧᱚᱛ ᱟᱪᱟᱨ) ᱫᱚ ᱟᱭᱢᱟ ᱞᱮᱠᱟᱱᱟᱜ ᱡᱚ ᱟᱨ ᱥᱟᱥᱟᱝ ᱢᱟᱥᱟᱞᱟ ᱛᱮ ᱵᱮᱱᱟᱣᱟᱜ ᱥᱤᱵᱤᱞ ᱵᱷᱟᱹᱨᱛᱟ ᱥᱮ ᱪᱚᱴᱱᱤ ᱠᱟᱱᱟ ᱡᱟᱦᱟᱸ ᱫᱚ ᱮᱴᱟᱜᱟᱜ ᱡᱚᱢ ᱡᱤᱱᱤᱥ ᱥᱟᱶ ᱢᱮᱥᱟ ᱠᱟᱛᱮᱜ ᱮᱢ ᱡᱚᱢ ᱫᱟᱲᱮᱭᱟᱜ-ᱟ ᱾ ᱥᱟᱱᱟᱢ ᱯᱟᱲᱟ ᱥᱤᱧᱚᱛ ᱨᱮ ᱫᱚ ᱟᱪᱟᱨ ᱡᱚᱢ ᱞᱟᱹᱜᱤᱫ ᱫᱚᱥᱟᱨ ᱡᱟᱭᱜᱟ ᱨᱮ ᱢᱮᱱᱟᱜᱼᱟ ᱾ ᱟᱵᱚ ᱥᱤᱧᱚᱛ ᱫᱤᱥᱚᱢ ᱨᱮ ᱟᱭᱢᱟ ᱞᱮᱠᱟᱱᱟᱜ ᱡᱚ ᱟᱨ ᱩᱛᱩ ᱠᱷᱚᱱ ᱠᱚ ᱵᱮᱱᱟᱣ ᱮᱫᱼᱟ ᱾
ᱩᱞ ᱟᱪᱟᱨ ᱥᱟᱱᱟᱢ ᱠᱷᱚᱱ ᱥᱤᱵᱤᱞᱟ ᱟᱨ ᱵᱟᱰᱟᱭᱚᱜ ᱠᱟᱱᱟ ᱾ ᱱᱚᱶᱟ ᱠᱷᱚᱱ ᱮᱴᱟᱜᱟᱜ ᱠᱚ ᱠᱟᱸᱴᱷᱟᱲ, ᱞᱤᱢᱵᱩ, ᱢᱩᱨᱟᱭ, ᱟᱫᱤ ᱟᱢᱲᱟ ᱠᱟᱨᱣᱟᱱ ᱮᱢᱟᱱ ᱠᱷᱚᱱᱟᱜ ᱟᱪᱟᱨ ᱵᱮᱱᱟᱣᱜ ᱠᱟᱱᱟ ᱾ ᱯᱟᱹᱦᱤᱞ ᱨᱮ ᱟᱲᱟᱜ ᱥᱩᱢᱩᱝ ᱜᱮ ᱟᱪᱟᱨ ᱠᱚ ᱵᱮᱱᱟᱣ ᱮᱫ ᱛᱟᱦᱮᱱ, ᱢᱮᱱᱠᱟᱷᱟᱱ ᱱᱮᱛᱟᱨ ᱫᱚ ᱱᱚᱶᱟ ᱨᱮᱱᱟᱜ ᱟᱭᱢᱟ ᱦᱚᱲ ᱠᱚ ᱞᱟᱜᱟᱣ ᱵᱟᱲᱦᱟᱣ ᱞᱟᱹᱜᱤᱫ ᱛᱮ ᱵᱮᱯᱟᱨ ᱠᱚ ᱮᱦᱚᱵ ᱮᱱᱟ ᱾ ᱢᱟᱨᱟᱝ ᱢᱟᱨᱟᱝ ᱠᱚᱢᱯᱟᱱᱤ ᱠᱚᱣᱟᱜ ᱠᱟᱨᱜᱟᱲ ᱨᱮ ᱱᱚᱶᱟ ᱨᱮᱱᱟᱜ ᱢᱟᱨᱟᱝ ᱵᱮᱯᱟᱨ ᱪᱟᱞᱟᱜ ᱠᱟᱱᱟ ᱾ ᱚᱲᱟᱜ ᱨᱮ ᱛᱟᱦᱮᱱ ᱦᱚᱲ ᱠᱚ ᱞᱮᱠᱟᱱ ᱞᱮᱠᱟᱱ ᱟᱪᱟᱨ ᱵᱮᱱᱟᱣ ᱠᱟᱛᱮ ᱠᱟᱹᱣᱰᱤ ᱠᱚ ᱟᱨᱡᱟᱣ ᱫᱟᱲᱮᱭᱟᱜᱼᱟ ᱾ ᱟᱹᱛᱳ ᱴᱚᱞᱟ ᱨᱤᱱ ᱠᱩᱲᱤ ᱜᱟᱫᱮᱞ ᱠᱚ ᱵᱮᱸᱠ ᱠᱷᱚᱱ ᱴᱟᱠᱟ ᱟᱹᱜᱩ ᱠᱟᱛᱮ ᱟᱪᱟᱨ ᱵᱮᱱᱟᱣ ᱠᱟᱛᱮ ᱠᱟᱹᱣᱰᱤ ᱠᱚ ᱟᱨᱡᱟᱣ ᱫᱟᱲᱮᱭᱟᱜᱼᱟ ᱾ ᱟᱹᱥᱩᱞᱚᱜ ᱰᱟᱦᱟᱨ ᱨᱮ ᱴᱟᱠᱟ ᱠᱟᱹᱣᱰᱤ ᱟᱨᱡᱟᱣ ᱞᱟᱹᱜᱤᱫ ᱟᱪᱟᱨ ᱵᱮᱱᱟᱣ ᱠᱟᱛᱮ ᱟᱹᱠᱷᱨᱤᱧ ᱫᱚ ᱟᱹᱰᱤ ᱱᱟᱯᱟᱭ ᱦᱚᱨ ᱠᱟᱱᱟ ᱾ ᱱᱚᱶᱟ ᱠᱚ ᱠᱟᱹᱢᱤ ᱨᱮ ᱥᱚᱨᱠᱟᱨ ᱟᱜ ᱜᱚᱲᱚ ᱦᱚᱸ ᱟᱭᱢᱟ ᱢᱮᱱᱟᱜᱼᱟ ᱾
ᱥᱤᱧᱚᱛ ᱟᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]