ᱟᱭᱡᱚᱞ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱟᱭᱡᱚᱞ ᱦᱚᱱᱚᱛ (ᱤᱝᱨᱟᱹᱡᱤ: Aizawl district) ᱫᱚ ᱠᱚᱧᱮ-ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱢᱤᱡᱚᱨᱟᱢ ᱯᱚᱱᱚᱛ ᱨᱮ ᱢᱮᱱᱟᱜ ᱮᱭᱟᱭ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱠᱚᱧᱮ ᱱᱟᱠᱷᱟ ᱨᱮ ᱫᱚ ᱢᱮᱱᱟᱜᱼᱟ ᱠᱚᱞᱟᱥᱳᱵᱽ ᱦᱚᱱᱚᱛ, ᱯᱟᱪᱷᱮ ᱱᱟᱠᱷᱟ ᱨᱮ ᱫᱚ ᱢᱮᱱᱟᱜ ᱢᱟᱢᱤᱛ ᱦᱚᱱᱚᱛ, ᱮᱛᱚᱢ ᱱᱟᱠᱷᱟ ᱨᱮ ᱫᱚ ᱢᱮᱱᱟᱜᱼᱟ ᱥᱮᱨᱪᱤᱯ ᱦᱚᱱᱚᱛ, ᱮᱛᱚᱢ-ᱯᱟᱪᱮ ᱱᱟᱠᱷᱟ ᱨᱮ ᱫᱚ ᱢᱮᱱᱟᱜᱼᱟ ᱞᱩᱝᱜᱽᱞᱤᱭ ᱦᱚᱱᱚᱛ (Lunglei district) ᱟᱨ ᱥᱟᱢᱟᱝ ᱱᱟᱠᱷᱟ ᱨᱮ ᱫᱚ ᱢᱮᱱᱟᱜᱼᱟ ᱪᱟᱢᱯᱟᱭ ᱦᱚᱱᱚᱛ ᱾ ᱱᱚᱶᱟ ᱦᱚᱱᱚᱛ ᱫᱚ ᱓,᱕᱗᱗ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ (᱑,᱓᱘᱑ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ) ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱟᱭᱡᱚᱞ ᱱᱟᱝᱜᱽᱨᱟᱦᱟ ᱫᱚ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟᱹᱴᱤᱭᱟᱹ ᱟᱨ ᱢᱤᱡᱚᱨᱟᱢ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱚᱶᱟ ᱜᱮ ᱢᱤᱡᱚᱨᱟᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱟᱝᱜᱮ ᱩᱛᱟᱹᱨ ᱦᱚᱲ ᱞᱮᱠᱷᱟ ᱟᱱ ᱦᱚᱱᱚᱛ ᱛᱟᱦᱮᱸ ᱠᱟᱱᱟ ᱾[᱑]

ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱡᱩ ᱯᱟᱹᱨᱥᱤ ᱛᱮ "ᱟᱭ" ᱥᱮ ᱟᱭᱫᱩ ᱱᱚᱣᱟ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱥᱟᱥᱟᱝ ᱟᱨ "ᱡᱚᱣᱞ" ᱥᱮ "ᱡᱚᱞ" ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱵᱟᱲᱜᱮ ᱥᱮ ᱜᱚᱰᱟ, ᱛᱚᱵᱮ ᱟᱭᱡᱚᱞ ᱨᱮᱭᱟᱜ ᱢᱮᱱᱮᱛ ᱢᱤᱫ ᱠᱟᱛᱷᱟ ᱛᱮ ᱜᱟᱱᱚᱜᱼᱟ ᱥᱟᱥᱟᱝ ᱜᱚᱰᱟ ᱥᱮ ᱥᱟᱥᱟᱝ ᱵᱟᱲᱜᱮ ᱾ ᱱᱚᱣᱟ ᱱᱟᱝᱜᱽᱨᱟᱦᱟ ᱨᱮᱭᱟᱜ ᱧᱩᱛᱩᱢ ᱫᱚ ᱱᱚᱶᱟ ᱟᱹᱰᱤ ᱧᱟᱢᱚᱜ ᱟᱭᱫᱩ (ᱥᱟᱥᱟᱝ) ᱠᱷᱚᱱ ᱜᱮ ᱦᱮᱡ ᱟᱠᱟᱱᱟ ᱾

ᱦᱟᱯᱟᱴᱤᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱟᱭᱡᱚᱞ ᱫᱚ ᱢᱚᱬᱮ ᱜᱚᱴᱟᱝ ᱦᱤᱥ ᱥᱮ ᱢᱚᱬᱮ ᱜᱚᱴᱟᱝ ᱥᱟᱶᱛᱟᱨᱤ ᱩᱛᱱᱟ.ᱣ ᱵᱞᱚᱠ ᱨᱮ ᱠᱚ ᱦᱟᱹᱴᱤᱧ ᱟᱠᱟᱫᱼᱟ ᱾ ᱱᱚᱣᱟ ᱢᱚᱬᱮ ᱜᱚᱴᱟᱝ ᱥᱟᱶᱛᱟᱨᱤ ᱩᱛᱱᱟᱹᱣ ᱵᱞᱚᱠ ᱦᱩᱭᱩᱜ ᱠᱟᱱᱟ: ᱟᱭᱵᱚᱣᱠ (Aibawk), ᱰᱟᱨᱞᱚᱣᱱ (Darlawn), ᱯᱷᱩᱞᱮᱱ (Phullen), ᱛᱷᱤᱝᱥᱩᱞᱛᱷᱞᱤᱭᱟ (Thingsulthliah) ᱟᱨ ᱛᱞᱟᱝᱱᱩᱣᱟᱢ (Tlangnuam) ᱾

ᱱᱚᱶᱟ ᱟᱭᱡᱚᱞ ᱦᱚᱱᱚᱛ ᱨᱮ ᱢᱤᱡᱚᱨᱟᱢ ᱵᱤᱫᱷᱟᱱ ᱥᱚᱵᱷᱟ ᱨᱮᱱᱟᱜ ᱑᱔ ᱜᱚᱴᱟᱝ ᱴᱚᱴᱷᱟ ᱯᱟᱲᱟᱣ ᱟᱠᱟᱱᱟ ᱾ ᱱᱚᱣᱟ ᱜᱮ-ᱯᱚᱱ ᱜᱚᱴᱟᱝ ᱢᱤᱡᱚᱨᱟᱢ ᱵᱤᱫᱷᱟᱱ ᱥᱚᱵᱷᱟ ᱨᱮᱭᱟᱜ ᱴᱚᱴᱷᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ- ᱛᱩᱭᱣᱟᱣᱞ (Tuivawl), ᱪᱟᱞᱯᱷᱤᱞᱷ (Chalfilh), ᱛᱟᱣᱤ (Tawi), ᱟᱭᱡᱚᱞ ᱠᱚᱧᱮ- ᱑ (Aizawl North-I), ᱟᱭᱡᱚᱞ ᱠᱚᱧᱮ- ᱒ Aizawl North-II, ᱟᱭᱡᱚᱞ ᱠᱚᱧᱮ-᱓ (Aizawl North-III), ᱟᱭᱡᱚᱞ ᱥᱟᱢᱟᱝ- ᱑ (Aizawl East-I), ᱟᱭᱡᱚᱞ ᱥᱟᱢᱟᱝ- ᱒ (Aizawl East-II), ᱟᱭᱡᱚᱞ ᱯᱟᱪᱷᱮ-᱑ (Aizawl West-I), ᱟᱭᱡᱚᱞ ᱯᱟᱪᱷᱮ- ᱒ (Aizawl West-II), ᱟᱭᱡᱚᱞ ᱯᱟᱪᱷᱮ- ᱓ (Aizawl West-III), ᱟᱭᱡᱚᱞ ᱮᱛᱚᱢ- ᱑ (Aizawl South I), ᱟᱭᱡᱚᱞ ᱮᱛᱚᱢ- ᱒ (Aizawl South II) ᱟᱨ ᱟᱭᱡᱚᱞ ᱮᱛᱚᱢ-᱓ (Aizawl South III) ᱾

ᱥᱟᱜᱟᱲᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱮᱝᱯᱩᱭ ᱢᱟᱭᱴᱷᱟᱱ ᱫᱚ ᱟᱭᱡᱚᱞ ᱱᱟᱝᱜᱽᱨᱟᱦᱟ ᱠᱷᱚᱱ ᱓᱒ ᱠᱤᱞᱚ ᱢᱤᱴᱟᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱢᱟᱭᱴᱷᱟᱱ ᱫᱚ ᱫᱤᱱᱟᱹᱢ ᱜᱮ ᱜᱩᱣᱟᱦᱟᱴᱤ ᱟᱨ ᱠᱚᱞᱠᱟᱛᱟ ᱦᱟᱹᱵᱤᱡ ᱩᱰᱟᱹᱱ ᱜᱟᱹᱰᱤ ᱦᱤᱡᱩᱜ ᱥᱮᱱᱚᱜᱼᱟ ᱟᱨ ᱤᱢᱯᱷᱟᱞ ᱥᱮᱫ ᱛᱮ ᱦᱟᱯᱛᱟ ᱨᱮ ᱯᱮ ᱫᱤᱱ ᱪᱟᱞᱟᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. US Directorate of Intelligence. "Country Comparison:Population". Retrieved 1 ᱚᱠᱴᱚᱵᱚᱨ 2011. Brunei 401,890 July 2011 est.