ᱟᱭᱡᱮᱠ ᱱᱤᱭᱩᱴᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱟᱭᱡᱮᱠ ᱱᱤᱭᱩᱴᱚᱱ ᱱᱚᱣᱟ ᱚᱱᱚᱞ ᱨᱮ ᱥᱟᱨ ᱟᱭᱡᱮᱠ ᱱᱤᱭᱩᱴᱚᱱ ᱟᱜ ᱡᱤᱭᱚᱱ ᱠᱟ.ᱦᱱᱤ ᱫᱚ ᱯᱟᱥᱱᱟᱣ ᱧᱚᱜ ᱛᱮ ᱜᱟᱞᱟᱝ ᱟᱠᱟᱱᱟ ᱾, ᱟᱭᱡᱮᱠ ᱱᱤᱭᱩᱴᱚᱱ ᱫᱚ ᱠᱮᱞᱠᱩᱞᱟᱥ, ᱚᱵᱷᱤᱠᱚᱨᱥᱚ, ᱢᱟᱨᱥᱟᱞ ᱥᱮᱪᱮᱫ, ᱛᱷᱤᱨ ᱟᱨ ᱫᱟ.ᱲᱟᱱ ᱥᱮᱪᱮᱫ ᱢᱮᱥᱟ ᱥᱟᱬᱮᱥ ᱨᱮᱱᱟᱜ ᱟᱭᱢᱟ ᱦᱟ.ᱴᱤᱧ ᱠᱚ ᱨᱮ ᱜᱮ ᱟᱡᱟᱜ ᱢᱩᱬᱩᱛ ᱟᱨ ᱡᱩᱜᱩᱫ ᱮᱱᱮᱢ ᱛᱟᱭ ᱢᱮᱱᱟᱜᱼᱟ ᱾

thump

ᱢᱩᱪᱟ.ᱫ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱖᱙᱖ ᱥᱟ.ᱦᱤᱛ ᱨᱮ ᱩᱱᱤ ᱢᱤᱫ ᱧᱤᱫᱟ.ᱛᱟᱞᱟ ᱛᱮ ᱢᱤᱫᱴᱟ.ᱝ ᱮᱞᱠᱷᱟ ᱨᱮᱱᱟᱜ ᱮᱴᱠᱮᱴᱚᱬᱮ ᱥᱚᱞᱦᱮ ᱞᱮᱫᱼᱟ ᱾ ᱱᱚᱣᱟ ᱮᱴᱠᱮᱴᱚᱬᱮ ᱫᱚ ᱵᱟᱨᱱᱳᱞᱤ ᱢᱤᱫᱴᱟ.ᱝ ᱦᱮᱯᱮᱨᱟᱣ ᱨᱮ ᱟᱨᱡᱤ ᱞᱮᱫᱼᱟ ᱟᱨ ᱱᱚᱣᱟ ᱥᱚᱞᱦᱮ ᱞᱟ.ᱜᱤᱫ ᱖ ᱪᱟᱸᱫᱚ ᱚᱠᱛᱚ ᱴᱷᱩᱲᱟ. ᱜᱚᱴᱟ ᱛᱟᱸᱦᱮ ᱠᱟᱱᱟ ᱾ ᱩᱱᱤ ᱫᱚ ᱤᱝᱞᱟᱱᱰ ᱨᱮᱱᱟᱜ ᱜᱟᱯᱟᱞᱢᱟᱨᱟᱣ ᱨᱮ ᱢᱤᱫ ᱧᱩᱛᱩᱢᱟᱱ ᱧᱮᱧᱮᱞᱤᱭᱟ.ᱭ ᱛᱟᱸᱦᱮ ᱠᱟᱱᱟ ᱾ ᱑᱗᱐᱕ ᱥᱟ.ᱦᱤᱛ ᱨᱮ ᱩᱱᱤ ᱱᱟᱭᱤᱴ ᱥᱤᱨᱯᱟ. ᱟᱢᱮᱴᱤᱭᱟ. ᱞᱮᱠᱟ ᱛᱮ ᱵᱟᱦᱟᱞ ᱞᱮᱱᱟ ᱾ ᱥᱟᱱᱟᱢ ᱞᱟ.ᱴᱷᱩ ᱫᱤᱥᱚᱢ ᱠᱷᱚᱱ ᱟᱡ ᱞᱟ.ᱜᱤᱫ ᱟᱭᱢᱟ ᱢᱟ.ᱱ ᱠᱚ ᱪᱟᱞ ᱟᱫᱮ ᱛᱟᱸᱦᱮᱫ ᱾ ᱑᱗᱒᱕ ᱥᱟ.ᱦᱤᱛ ᱛᱟᱭᱚᱢ ᱜᱮ ᱱᱤᱭᱩᱴᱚᱱ ᱟᱜ ᱦᱚᱲᱢᱚ ᱟ.ᱰᱤ ᱵᱟ.ᱲᱛᱤ ᱞᱚᱦᱡᱟᱨ ᱞᱮᱱᱟ ᱾ ᱑᱗᱑᱗ ᱥᱟ.ᱦᱤᱛ ᱨᱮᱱᱟᱜ ᱯᱷᱮᱵᱩᱣᱟ.ᱨᱤ ᱪᱟᱸᱫᱚ ᱨᱮ ᱩᱱᱤ ᱢᱩᱪᱟ.ᱫ ᱵᱮᱲᱟ ᱞᱮᱠᱟᱛᱮ ᱨᱚᱭᱮᱞ ᱥᱳᱥᱟᱭᱴᱤ ᱨᱤᱱ ᱥᱩᱛᱨᱮᱫ ᱞᱮᱠᱟᱛᱮ ᱠᱟ.ᱢᱤ ᱠᱚᱭ ᱪᱟᱪᱞᱟᱣ ᱞᱮᱫᱼᱟ ᱾ ᱑᱗᱒᱗ ᱥᱟ.ᱦᱤᱛ ᱨᱮᱱᱟᱜ ᱒᱐ ᱟᱱ ᱢᱟᱨᱪ ᱢᱟ.ᱦᱤᱛ ᱨᱮ ᱘᱕ ᱥᱮᱨᱢᱟ ᱩᱢᱮᱨ ᱨᱮ ᱟᱡᱟᱜ ᱡᱤᱣᱤᱵᱟ.ᱛᱤ ᱤᱬᱤᱡ ᱞᱮᱱᱟ ᱾ ᱢᱟ.ᱱ ᱟᱱ ᱥᱟᱬᱮᱥᱤᱭᱟ. ᱫᱚ ᱞᱚᱱᱰᱚᱱ ᱨᱮ ᱣᱮᱥᱴᱢᱤᱱᱤᱥᱴᱟᱨ ᱮ~ᱵ- ᱨᱮ ᱠᱚ ᱛᱚᱯᱟ ᱠᱮᱫᱮᱭᱟ ᱾

ᱛᱚᱞᱟᱥ ᱥᱩᱛᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:ᱥᱩᱛᱩᱨ ᱛᱟ.ᱞᱠᱟ.

ᱴᱨᱤᱱᱤᱴᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱭᱩᱴᱚᱱ ᱴᱨᱤᱱᱤᱴᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱠᱷᱚᱱ ᱑᱖᱖᱑ ᱥᱟ.ᱦᱤᱛ ᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱫᱼᱟ ᱾ ᱯᱟᱲᱦᱟᱜ ᱚᱠᱛᱚ ᱯᱟᱲᱦᱟᱣ ᱨᱮᱱᱟᱜ ᱠᱷᱚᱨᱚᱪ ᱠᱚ ᱵᱟᱵᱚᱫᱽ ᱦᱟᱸᱰᱮ ᱱᱷᱟᱸᱰᱮᱭ ᱠᱟ.ᱢᱤ ᱞᱮᱫᱼᱟ ᱾ ᱩᱱᱤ ᱫᱚ ᱮᱞᱠᱷᱟ ᱟᱨ ᱥᱟᱬᱮᱥ ᱥᱟᱛᱟᱢ ᱪᱮᱛᱟᱱ ᱵᱟ.ᱲᱛᱤᱭ ᱯᱟᱲᱦᱟᱣ ᱞᱮᱱᱟ ᱾ ᱴᱨᱤᱱᱤᱴᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱯᱩᱭᱞᱩ ᱩᱱᱤ ᱠᱮᱯᱞᱟᱨ ᱟᱜ ᱢᱟᱨᱥᱟᱞ ᱥᱟᱬᱮᱥ ᱥᱟᱛᱟᱢ ᱨᱮᱱᱟᱜ ᱥᱩᱛᱩᱨ ᱠᱚ ᱪᱮᱛᱟᱱ ᱵᱟ.ᱲᱛᱤᱭ ᱯᱟᱲᱦᱟᱣ ᱞᱮᱱᱟ ᱾

ᱠᱚᱞᱮᱡᱽ ᱡᱤᱭᱚᱱ ᱨᱮ ᱯᱟᱲᱦᱟᱣᱜ ᱚᱠᱛᱚ ᱯᱩᱛᱷᱤ-ᱯᱚᱛᱚᱵ ᱠᱚ ᱟ.ᱰᱤ ᱱᱟᱯᱟᱭ ᱜᱩᱪᱷᱟ.ᱣ ᱥᱟ.ᱦᱤᱸᱡ ᱛᱷᱟᱠ ᱠᱮ ᱛᱷᱟᱠ ᱥᱟᱡᱟᱣ ᱠᱟᱛᱮ ᱫᱚᱦᱚ ᱠᱟᱜ ᱛᱟᱸᱦᱮᱫ ᱾ ᱚᱱᱟ ᱯᱚᱛᱚᱵ ᱠᱚ ᱨᱮ ᱧᱟᱢ ᱟᱠᱟᱱᱟ ᱟᱡᱟᱜ ᱚᱞ ᱠᱚᱬ ᱦᱟ.ᱴᱤᱧ , ᱵᱚᱠᱨᱚᱥᱚᱢᱩᱦᱚ ᱨᱮᱱᱟᱜ ᱵᱚᱨᱜᱚᱠᱚᱨᱚᱱ, ᱥᱮᱨᱮᱧ ᱨᱮᱱᱟᱜ ᱟᱲᱟᱝ ᱤᱫᱤ ᱠᱟᱛᱮ ᱮᱞᱠᱷᱟ ᱞᱮᱠᱷᱟ , ᱵᱷᱤᱭᱮᱴᱟ ᱟᱨ ᱵᱷᱮᱱ ᱥᱠᱩᱴ ᱟᱜ ᱡᱮᱢᱤᱛᱤ ᱮᱴᱠᱮᱴᱚᱬᱮ ,ᱳᱣᱟᱞᱤᱥ ᱟᱜ ᱚᱞ ᱮᱨᱤᱛᱷᱢᱮᱴᱤᱠ ᱚᱯᱷ ᱤᱱᱯᱷᱤᱱᱤᱴᱤᱥ ᱑᱖᱖᱕ ᱥᱟ.ᱦᱤᱛ ᱨᱮ ᱠᱚᱞᱮᱡᱽ ᱩᱛᱱᱟ.ᱣ ᱛᱟᱭᱚᱢ ᱱᱤᱭᱩᱴᱚᱱ ᱟᱡᱟᱜ ᱧᱩᱛᱩᱢᱟᱱ ᱵᱟᱨᱯᱚᱫᱽ ᱩᱯᱚᱯᱟᱫᱫᱚ ᱟᱜ ᱥᱩᱛᱩᱨ ᱮ ᱯᱨᱚᱢᱟᱱ ᱞᱮᱫᱼᱟ ᱟᱨ ᱢᱤᱫ ᱥᱟᱶᱛᱮ ᱯᱷᱮᱞᱟᱠᱥᱤᱭᱚᱱ ᱟᱜ ᱦᱚᱨᱟ (ᱢᱮᱛᱷᱳᱰ ᱚᱯᱷ ᱯᱷᱞᱩᱠᱥᱟᱱ) ᱥᱤᱨᱡᱚᱱ ᱥᱟᱛᱟᱢᱟᱱ ᱯᱩᱭᱞᱩ ᱵᱮᱣᱨᱟᱭ ᱪᱟᱯᱟᱞ ᱞᱮᱫᱼᱟ ᱾ ᱢᱮᱱᱠᱷᱟᱱ ᱑᱖᱖᱕ ᱥᱟ.ᱦᱤᱛ ᱨᱮ ᱠᱮᱢᱵᱨᱤᱡᱽ ᱟᱨ ᱞᱚᱱᱰᱚᱱ ᱨᱮ ᱯᱞᱮᱜᱽ ᱟᱡᱟᱨ ᱠᱷᱟᱹᱛᱤᱨ ᱢᱚᱨᱚᱱ ᱫᱚᱥᱟ ᱨᱩᱯ ᱮ ᱦᱟᱛᱟᱣ ᱞᱮᱫᱼᱟ ᱾ ᱚᱱᱟ ᱠᱷᱟᱹᱛᱤᱨ ᱠᱚᱞᱮᱡᱽ ᱠᱤᱪᱷᱩ ᱢᱟᱦᱟ ᱞᱟ.ᱜᱤᱫ ᱛᱷᱩᱠᱟ.ᱢ ᱠᱚ ᱩᱪᱷᱟᱹᱱ ᱞᱮᱫᱼᱟ ᱾ ᱱᱤᱭᱩᱴᱚᱱ ᱫᱚ ᱞᱤᱝᱠᱚᱱᱥᱟᱭᱟ ᱨᱮ ᱟᱠᱚᱣᱟᱜ ᱠᱷᱟᱢᱟᱨ ᱚᱲᱟᱜ ᱛᱮ ᱨᱩᱣᱟ.ᱲ ᱞᱮᱱᱟ ᱾

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱞᱥᱚᱛᱷᱚᱨᱯᱚ ᱢᱮᱱᱚᱨ ᱨᱮ ᱱᱤᱭᱩᱴᱚᱱ ᱟᱜ ᱚᱲᱟᱜ ᱫᱚ ᱾ ᱟ.ᱜᱤᱞ ᱥᱮᱨᱢᱟ ᱯᱩᱛᱷᱤ ᱞᱮᱠᱟᱛᱮ ᱑᱖᱔᱓ ᱠᱷᱤᱥᱴᱟᱵᱫᱚ ᱨᱮᱱᱟᱜ ᱔ ᱟᱱ ᱡᱟ.ᱱᱩᱣᱟ.ᱨᱤ ᱨᱮ ᱟᱭᱡᱮᱠ ᱱᱤᱭᱩᱴᱚᱱ ᱫᱚᱭ ᱡᱟᱱᱟᱢ ᱞᱮᱱᱟ ᱾ ᱟᱡᱟᱜ ᱡᱟᱱᱟᱢ ᱴᱷᱟᱶ ᱫᱚ ᱤᱝᱞᱟᱱᱰ ᱫᱤᱥᱚᱢ ᱨᱮᱱᱟᱜ ᱢᱮᱱᱚᱨ ᱟ.ᱛᱩᱨᱮ ᱾ ᱢᱮᱱᱚᱨ ᱟ.ᱛᱩ ᱫᱚ ᱩᱞᱥᱚᱛᱷᱚᱨᱯᱚᱼᱵᱟᱭᱼᱠᱳᱞᱥᱴᱟᱨᱳᱣᱟᱨᱰ ᱢᱩᱫᱽᱨᱮ ᱛᱟᱸᱦᱮ ᱠᱟᱱᱟ ᱾ ᱟᱡ ᱵᱟᱵᱟ ᱵᱚᱸᱜᱟ ᱛᱟᱞᱟ ᱓ ᱪᱟᱸᱫᱚ ᱛᱟᱭᱚᱢ ᱜᱮ ᱟᱭᱡᱮᱠ ᱫᱚᱭ ᱡᱟᱱᱟᱢ ᱞᱮᱱᱟ ᱾ ᱟᱯᱟᱛ ᱫᱚ ᱢᱤᱫ ᱪᱟ.ᱥᱤ ᱦᱚᱲᱮ ᱛᱟᱸᱦᱮ ᱠᱟᱱᱟ ᱾ ᱫᱷᱩᱲᱤ-ᱫᱷᱟ.ᱨᱛᱤ ᱨᱮ ᱦᱚᱥᱚᱨ ᱛᱟᱭᱚᱢ ᱜᱮ ᱱᱤᱭᱩᱴᱚᱱ ᱟᱜ ᱦᱚᱲᱢᱚ ᱜᱚᱲᱦᱚᱱ ᱫᱚ ᱛᱟᱭ ᱟ.ᱰᱤ ᱨᱩᱛᱤ ᱜᱮ ᱧᱮᱞ ᱞᱮᱱᱟ ᱾ ᱦᱩᱰᱤᱧ ᱩᱢᱮᱨ ᱨᱮ ᱟᱡ ᱟᱭᱳ ᱦᱟᱱᱟᱦ ᱮᱭᱤᱥᱠᱚᱯᱷ ᱫᱚ ᱯᱨᱟᱭ ᱜᱮᱭ ᱞᱟ.ᱭ ᱛᱟᱦᱮᱸᱫ, ᱟ.ᱰᱤ ᱟᱞᱜᱟ ᱛᱮᱜᱮ ᱦᱩᱰᱤᱧ ᱱᱤᱭᱩᱴᱚᱱ ᱫᱚ ᱫᱟᱜ ᱧᱩᱣᱟᱜ ᱢᱚᱜᱽ ᱨᱮ ᱟᱫᱮᱨ ᱮ ᱜᱟᱱᱚᱜᱼᱟ ᱾ ᱟᱡᱟᱜ ᱓ ᱪᱟᱸᱫᱚ ᱩᱢᱮᱨ ᱨᱮ ᱜᱮ ᱟᱡ ᱟᱭᱳ ᱫᱚ ᱟᱨ ᱢᱤᱫ ᱴᱷᱮᱱ ᱮ ᱡᱟᱶᱟᱭ ᱮᱱᱟᱭ ᱟᱨ ᱱᱟᱣᱟ ᱡᱟᱶᱟᱭ ᱨᱮᱵᱷᱟᱨᱮᱱᱰ ᱵᱟᱨᱱᱟᱵᱟᱣᱩᱥ ᱥᱢᱤᱛᱷ ᱥᱟᱶ ᱡᱤᱭᱚᱱ ᱠᱷᱟᱸᱰᱟᱣ ᱮ ᱫᱷᱩᱨᱟ.ᱣ ᱮᱱᱟ ᱾ ᱩᱱ ᱚᱠᱛᱚ ᱱᱤᱭᱩᱴᱚᱱ ᱫᱚ ᱟᱡ ᱟᱭᱳ ᱥᱟᱶ ᱵᱟᱝ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱠᱟ.ᱠᱤ ᱢᱟᱨᱜᱟ.ᱨᱤ ᱮᱭᱤᱥᱠᱚᱯᱷ ᱟᱜ ᱧᱮᱛᱮᱞ ᱨᱮ ᱛᱟᱦᱮᱸ ᱮᱱᱟ ᱾ ᱱᱤᱭᱩᱴᱚᱱ ᱟ.ᱡᱤᱜ ᱫᱚᱥᱟᱨ ᱟᱯᱟᱛ ᱫᱚ ᱱᱟᱥᱮ ᱦᱚᱸ ᱵᱟᱭ ᱠᱩᱥᱤᱭᱟᱭ ᱛᱟᱦᱮᱸᱫ ᱾ ᱱᱩᱭ ᱴᱷᱮᱱ ᱡᱟᱶᱟᱭ ᱠᱷᱟᱹᱛᱤᱨ ᱟᱡ ᱟᱭᱳ ᱦᱚᱸ ᱢᱚᱴᱷᱮ ᱵᱟᱭ ᱥᱤᱵᱤᱞ ᱟᱭ ᱛᱟᱦᱮᱸᱫ ᱾

ᱱᱤᱭᱩᱴᱚᱱ ᱟᱜ ᱥᱮᱪᱮᱫ ᱫᱚ ᱚᱲᱟᱜ ᱥᱩᱨ ᱟᱜ ᱢᱤᱫ ᱤᱛᱩᱱ ᱟᱥᱲᱟ ᱨᱮ ᱜᱮᱦᱩᱭ ᱞᱮᱱᱟ ᱾ ᱑᱒ ᱥᱮᱨᱢᱟ ᱩᱢᱮᱨ ᱨᱮ ᱜᱮ ᱟᱡ ᱫᱚ ᱜᱨᱟᱱᱛᱷᱟᱢᱟᱜ ᱨᱚᱱᱚᱲ ᱟᱥᱲᱟ ᱨᱮ ᱯᱟᱲᱦᱟᱣ ᱞᱟ.ᱜᱤᱫ ᱠᱚ ᱵᱷᱮᱡᱟ ᱠᱟᱫᱮᱭᱟ ᱾ ᱚᱸᱰᱮ ᱢᱤᱫ ᱨᱟᱱ ᱛᱮᱭᱟᱨ ᱟᱨ ᱟ.ᱠᱷᱨᱤᱧ ᱤᱡ ᱢᱟ.ᱞᱤᱠ ᱚᱲᱟᱜ ᱨᱮ ᱜᱮ ᱛᱟᱦᱮᱸ ᱮᱱᱟ ᱾ ᱚᱱᱟ ᱟᱥᱲᱟ ᱨᱮ ᱜᱮ ᱱᱤᱭᱩᱴᱚᱱ ᱫᱚ ᱟᱨ ᱠᱚ ᱠᱷᱚᱱ ᱢᱤᱫ ᱞᱟᱥᱮᱨ ᱦᱟᱛᱟᱝ ᱯᱟ.ᱴᱷᱩᱣᱟ.ᱭ ᱛᱟᱦᱮᱸ ᱠᱟᱱ ᱛᱟᱦᱮᱸᱫ ᱾ ᱟᱥᱲᱟ ᱡᱤᱭᱚᱱ ᱨᱮᱱᱟᱜ ᱯᱩᱭᱞᱩ ᱠᱷᱚᱱ ᱜᱮ ᱡᱷᱚᱛᱚ ᱠᱷᱚᱱ ᱵᱟ.ᱲᱛᱤ ᱡᱚᱥ ᱫᱚ ᱛᱟᱦᱮᱸ ᱠᱟᱱᱟ ᱡᱚᱱᱛᱨᱚ ᱠᱚ ᱵᱮᱱᱟᱣ ᱾ ᱤᱱᱟ. ᱩᱢᱮᱨ ᱨᱮ ᱜᱮ ᱩᱱᱤ ᱫᱚ ᱩᱭᱤᱱᱰᱢᱤᱞ, ᱫᱟᱜ-ᱜᱷᱩᱲᱤ, ᱜᱷᱩᱲᱤ ᱟᱨ ᱥᱟᱱ ᱰᱟᱭᱟᱞ ᱮ ᱛᱮᱭᱟᱨ ᱞᱮᱫᱼᱟ ᱾ ᱱᱚᱣᱟ ᱵᱮᱜᱚᱨ ᱦᱚᱸ ᱟᱡᱟᱜ ᱛᱮᱭᱟᱨ ᱯᱩᱱ ᱪᱟᱠ ᱜᱩᱱᱩᱨ ᱜᱟ.ᱰᱤ ᱡᱟᱸᱦᱟ ᱫᱚ ᱟᱡ ᱜᱮ ᱪᱚᱞᱚᱱ ᱛᱟᱦᱮᱸᱫ ᱾ ᱑᱖᱖᱕ ᱥᱟ.ᱦᱤᱛ ᱨᱮ ᱱᱤᱭᱩᱴᱚᱱᱤᱡ ᱫᱚᱥᱟᱨ ᱟᱯᱟᱛ ᱫᱚᱭ ᱵᱚᱸᱜᱟ ᱛᱟᱞᱟ ᱮᱱᱟ ᱾ ᱤᱱᱟ. ᱛᱟᱭᱚᱢ ᱟᱡ ᱟᱭᱳ ᱫᱚ ᱨᱩᱣᱟ.ᱲ ᱦᱮᱡ ᱠᱟᱛᱮ ᱟᱥᱲᱟ ᱠᱷᱚᱱ ᱱᱤᱭᱩᱴᱚᱱ ᱮ ᱪᱷᱟ.ᱲ ᱟ.ᱜᱩ ᱠᱮᱫᱮᱭᱟ ᱾ ᱮᱸᱜᱟᱛ ᱟᱜ ᱫᱤᱥᱟ. ᱛᱟᱦᱮᱸ ᱠᱟᱱᱟ ᱡᱮ ᱟᱡᱤᱡ ᱦᱚᱯᱚᱱ ᱵᱟ.ᱫᱽ ᱠᱷᱮᱛ ᱨᱮᱱᱟᱜ ᱪᱟᱥ ᱠᱟ.ᱢᱤ ᱠᱚᱭ ᱥᱮᱬᱟ ᱟᱭᱟ ᱾ ᱢᱮᱱᱠᱷᱟᱱ ᱮ ᱟᱸᱜᱚᱪ ᱧᱟᱢ ᱞᱮᱫᱼᱟ ᱩᱱᱤ ᱜᱤᱫᱽᱨᱟᱹ ᱟᱜ ᱫᱚ ᱱᱟᱥᱮ ᱦᱚᱸ ᱱᱚᱣᱟ ᱠᱟ.ᱢᱤᱨᱮ ᱥᱟᱱᱟ ᱵᱟ.ᱱᱩᱜ ᱛᱟᱭᱟ ᱾ ᱱᱤᱭᱩᱴᱚᱱ ᱤᱡ ᱠᱟᱠᱟ ᱫᱚ ᱵᱟᱨᱴᱱ ᱠᱚᱜᱽᱞᱤᱥ ᱨᱮᱱ ᱨᱮᱠᱴᱚᱨ ᱾ ᱟᱡ ᱠᱟᱠᱟ ᱟᱜ ᱠᱟᱛᱷᱟ ᱞᱮᱠᱟᱛᱮ ᱱᱤᱭᱩᱴᱚᱱ ᱫᱚ ᱜᱷᱟᱨᱚᱸᱡᱽ ᱠᱷᱚᱱ ᱠᱮᱢᱵᱨᱤᱡᱽ ᱨᱮᱱᱟᱜ ᱴᱨᱤᱱᱤᱴᱤ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱯᱟᱲᱦᱟᱣ ᱞᱟ.ᱜᱤᱫ ᱠᱚ ᱠᱩᱞ ᱠᱮᱫᱮᱭᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑. ᱵᱟᱨᱴ, ᱰᱟᱱᱤᱭᱮᱞ ᱮᱥ. (᱒᱐᱐᱑) http://books.google.com/books?id=jpFrgSAaKAUC ᱜᱨᱤᱱ ᱩᱰ ᱯᱟᱵᱽᱞᱤᱥᱤᱝ ᱜᱨᱩᱯ ᱾ ᱥᱟᱦᱴᱟᱺ-᱓᱑᱕

᱒. ᱱᱤᱭᱩᱴᱚᱱ, ᱟᱭᱡᱮᱠ https://books.google.com/books?id=1ZcYsNBptfYC&pg=PA8&lpg=PA8&dq=isaac+newton+miss+storey&q=miss+storey&hl=en (᱓ ᱭᱟᱱ ᱡᱟ.ᱱᱩᱣᱟᱨᱤ ᱒᱐᱑᱘)