ᱟᱱᱚᱱᱫᱤ ᱜᱳᱯᱟᱞ ᱡᱳᱥᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱟᱱᱚᱱᱫᱤ ᱜᱳᱯᱟᱞ ᱡᱳᱥᱤ

ᱟᱱᱚᱱᱫᱤ ᱜᱳᱯᱟᱞ ᱡᱳᱥᱤ (ᱟᱨᱵᱟᱝ ᱟᱱᱚᱱᱫᱤᱵᱟᱭᱤ ᱡᱳᱥᱤ; ᱓᱑ ᱢᱟᱨᱪ ᱑᱘᱖᱕ - ᱒᱖ ᱯᱷᱮᱵᱽᱨᱩᱣᱟᱨᱤ ᱑᱘᱘᱗) ᱫᱚ ᱵᱤᱫᱮᱥ ᱨᱟᱱᱢᱩᱨᱜᱟᱹᱱ ᱨᱮ ᱥᱚᱱᱮᱨᱻᱮ ᱟᱢᱮᱴ ᱞᱮᱫᱤᱡ ᱯᱩᱭᱞᱩ ᱥᱤᱧᱚᱛᱤᱭᱟᱹ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ, ᱟᱡ ᱛᱟᱭᱚᱢ ᱛᱮ ᱤᱱᱟᱹ ᱥᱮᱨᱢᱟ ᱜᱮ ᱠᱟᱫᱚᱢᱵᱤᱱᱤ ᱜᱟᱝᱜᱩᱞᱤ ᱦᱚᱸ ᱥᱚᱱᱮᱨᱻᱮ ᱥᱤᱫ ᱞᱮᱫ ᱛᱟᱦᱮᱸᱫ [᱑]᱾ ᱟᱱᱚᱱᱫᱤᱵᱟᱭᱤ ᱦᱚᱸ ᱱᱚᱶᱟ ᱵᱟᱵᱚᱫᱽ ᱛᱮ ᱯᱩᱭᱞᱩ ᱦᱤᱱᱫᱩ ᱛᱤᱨᱞᱟᱹᱭ ᱛᱟᱦᱮᱸᱠᱟᱱᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱱᱚᱱᱫᱤᱵᱟᱭᱤ ᱡᱳᱥᱤ ᱫᱚ ᱯᱩᱱᱮ ᱨᱮ ᱢᱤᱫ ᱵᱟᱵᱽᱬᱮ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱠᱚ ᱚᱲᱟᱜ ᱦᱚᱲ ᱟᱡ ᱠᱷᱚᱱ ᱒᱐ ᱥᱮᱨᱢᱟ ᱢᱟᱨᱟᱝ ᱤᱡ ᱠᱚᱲᱟ ᱜᱳᱯᱟᱞ ᱨᱟᱣ ᱡᱳᱥᱤ ᱥᱟᱶ ᱠᱚ ᱵᱟᱯᱞᱟ ᱞᱮᱫᱮ ᱛᱟᱦᱮᱸᱫ ᱾ ᱠᱚᱞᱭᱟᱱ ᱨᱮ ᱜᱳᱯᱟᱞᱨᱟᱣ ᱫᱚ ᱢᱤᱫ ᱚᱯᱷᱤᱥ ᱯᱤᱭᱚᱱ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱞᱤᱵᱟᱜᱽ ᱟᱨ ᱢᱩᱪᱟᱹᱫ ᱨᱮ ᱠᱚᱞᱠᱟᱛᱟ ᱛᱮ ᱠᱚ ᱩᱪᱟᱹᱲ ᱞᱮᱫᱮ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱹᱰᱤ ᱫᱷᱤᱭᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱟᱨ ᱛᱤᱨᱞᱟᱹ ᱥᱮᱪᱮᱫ ᱫᱚᱭ ᱥᱟᱨᱦᱟᱣ ᱮᱫ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱚᱠᱛᱚ ᱫᱚ ᱥᱤᱧᱚᱛ ᱨᱮ ᱛᱤᱨᱞᱟᱹ ᱥᱮᱪᱮᱫ ᱨᱮᱱᱟᱝ ᱪᱚᱞᱚᱛ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱩᱱ ᱚᱠᱛᱚ ᱨᱮ ᱵᱟᱵᱽᱬᱮ ᱠᱚᱣᱟᱜ ᱥᱚᱸᱥᱠᱨᱩᱛ ᱯᱟᱲᱦᱟᱣᱜ ᱫᱚ ᱢᱤᱫ ᱥᱟᱫᱷᱟᱨᱚᱱ ᱠᱟᱛᱷᱟ ᱛᱟᱦᱮᱸ ᱠᱟᱱᱟ; ᱢᱮᱱᱠᱷᱟᱱ ᱞᱮᱠᱷᱤᱛᱟᱣᱟᱰᱤ ᱟᱜ ᱚᱱᱚᱞ ᱥᱟᱛ ᱯᱚᱛᱨᱮ( Lokhitawadi's Shat Patre) ᱩᱱᱤ ᱫᱚ ᱥᱚᱸᱥᱠᱨᱩᱛ ᱠᱷᱚᱱ ᱵᱟᱹᱲᱛᱤ ᱤᱝᱞᱤᱥ ᱯᱟᱲᱦᱟᱣᱜ ᱞᱟᱹᱜᱤᱫ ᱢᱚᱱᱮ ᱞᱤᱰᱩᱨ ᱞᱮᱱ ᱛᱟᱦᱮᱸᱫ ᱾ ᱟᱡᱟᱜ ᱜᱚᱨᱚᱡᱽ ᱜᱮ ᱤᱝᱞᱤᱥ ᱪᱮᱫᱚᱜ ᱨᱮᱱᱟᱜ ᱜᱚᱲᱚᱭ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱑᱔ ᱥᱮᱨᱢᱟ ᱵᱚᱭᱚᱥ ᱨᱮ ᱟᱱᱚᱱᱫᱤᱵᱟᱭᱤ ᱢᱤᱫ ᱜᱤᱫᱽᱨᱟᱹᱭ ᱡᱟᱱᱟᱢ ᱞᱮ ᱫᱮ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱡᱚᱠᱷᱟᱜ ᱞᱟᱹᱠᱛᱤᱡᱟᱹᱱᱤ ᱛᱤᱠᱪᱷᱟᱹ ᱨᱮᱱᱟᱜ ᱚᱵᱷᱟᱟᱵᱽ ᱠᱷᱟᱹᱛᱤᱨ ᱜᱤᱫᱽᱨᱟᱹ ᱫᱚ ᱜᱮᱞ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱜᱩᱨ ᱞᱮᱱᱟᱭ ᱾ ᱱᱚᱣᱟ ᱜᱷᱚᱴᱚᱱ ᱜᱮ ᱟᱱᱚᱱᱫᱤ ᱵᱟᱭᱤ ᱟᱜ ᱰᱟᱦᱟᱨ ᱮ ᱵᱚᱫᱚᱞ ᱞᱮᱫ ᱛᱟᱦᱮᱸᱫ ᱟᱨ ᱰᱟᱠᱛᱚᱨ ᱵᱮᱱᱟᱣᱜ ᱞᱟᱹᱜᱤᱫᱻᱮ ᱩᱥᱠᱩᱨ ᱞᱮᱫᱮ ᱛᱟᱦᱮᱸᱫ ᱾

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱜᱳᱯᱟᱞ ᱨᱟᱣ ᱟᱡᱤᱡ ᱮᱨᱟ ᱨᱟᱱᱢᱩᱨᱜᱟᱹᱱ ᱥᱮᱪᱮᱫᱚᱜ ᱞᱟᱹᱜᱤᱫᱻᱮ ᱩᱥᱠᱩᱨ ᱞᱮᱫᱮ ᱛᱟᱦᱮᱸᱫ ᱾ ᱩᱱᱤ ᱟᱢᱮᱨᱤᱠᱟ ᱨᱤᱱᱤᱡ ᱧᱩᱛᱩᱢᱟᱱ ᱢᱤᱥᱚᱱᱟᱨᱤ ᱨᱚᱭᱟᱞ ᱣᱟᱭᱤᱞᱰᱚᱨ (Royal Wilder) ᱴᱷᱮᱱ ᱪᱤᱴᱷᱤ ᱥᱟᱠᱟᱢ ᱚᱞ ᱠᱟᱛᱮ ᱟᱱᱚᱱᱫᱤᱵᱟᱭᱤ ᱟᱜ ᱰᱟᱠᱛᱚᱨᱤ ᱯᱟᱲᱦᱟᱣᱜ ᱨᱮᱱᱟᱜ ᱜᱚᱨᱚᱡᱽ ᱵᱟᱵᱚᱫᱽ ᱛᱮ ᱵᱟᱰᱟᱭ ᱚᱪᱚ ᱠᱮᱫᱮᱭᱟ ᱟᱨ ᱟᱡ ᱞᱟᱹᱜᱤᱫ ᱢᱤᱫ ᱪᱟᱹᱠᱨᱤ ᱡᱩᱜᱟᱹᱲ ᱞᱟᱹᱜᱤᱫᱼᱮ ᱢᱮᱛᱟᱫ ᱫᱮᱭᱟ ᱾ ᱠᱤᱨᱤᱥᱛᱟᱱ ᱛᱮ ᱵᱚᱫᱚᱞᱚᱜ ᱨᱤᱛ ᱫᱚᱦᱚ ᱠᱟᱛᱮ ᱣᱟᱭᱤᱞᱰᱚᱨ ᱩᱱᱠᱤᱱ ᱜᱚᱲᱚ ᱞᱟᱹᱜᱤᱫᱼᱮ ᱨᱮᱵᱮᱱ ᱮᱱᱟ ᱾ ᱱᱚᱶᱟ ᱨᱤᱛ ᱛᱮ ᱡᱳᱥᱤ ᱡᱩᱨᱤᱡᱚᱛᱟ ᱫᱚ ᱵᱟᱹᱠᱤᱱ ᱨᱮᱵᱮᱱ ᱞᱮᱱ ᱛᱟᱦᱮᱸᱫ ᱾ ᱯᱨᱤᱱᱥᱴᱚᱱ ᱢᱤᱥᱚᱱᱟᱨᱤ ᱯᱟᱛᱷᱟᱢ ᱨᱮ ᱱᱚᱶᱟ ᱵᱟᱵᱚᱫᱽ ᱛᱮ ᱣᱟᱭᱤᱞᱰᱚᱨᱼᱮ ᱪᱷᱟᱯᱟ ᱠᱮᱫᱼᱟ ᱾ ᱚᱱᱟ ᱠᱟᱛᱷᱟ ᱱᱤᱣ ᱡᱚᱨᱥᱤ ᱨᱮ ᱢᱤᱫ ᱰᱟᱴᱟ ᱰᱟᱠᱛᱚᱨ ᱧᱟᱯᱟᱢ ᱛᱟᱺᱜᱤᱨᱮ ᱛᱟᱦᱮᱸ ᱞᱮᱱ ᱛᱷᱤᱭᱚᱰᱤᱥᱤᱭᱟ ᱠᱟᱨᱯᱮᱱᱴᱚᱨ (Theodicia Carpenter) ᱮ ᱯᱟᱲᱦᱟᱣ ᱞᱮᱫ ᱛᱟᱦᱮᱸᱫ ᱟᱨ ᱩᱱᱠᱤᱱ ᱜᱚᱲᱚ ᱞᱟᱹᱜᱤᱫᱼᱮ ᱵᱮᱵᱚᱥᱛᱟ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱟᱭᱢᱟ ᱥᱟᱠᱟᱢ ᱮᱯᱮᱢ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸᱨᱮ ᱦᱤᱱᱫᱩ ᱫᱷᱚᱨᱚᱢ ᱵᱟᱵᱚᱫᱽ ᱛᱮ ᱪᱚᱨᱪᱟ ᱞᱮᱱ ᱛᱟᱦᱮᱸᱫ ᱾ ᱠᱚᱞᱠᱟᱛᱟ ᱨᱮ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱟᱱᱚᱱᱫᱤ ᱵᱟᱭᱤ ᱟᱜ ᱦᱚᱲᱢᱚ ᱫᱚ ᱱᱟᱥᱮ ᱫᱩᱨᱵᱚᱲ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱩᱨᱵᱚᱲ ᱜᱮ ᱵᱩᱡᱷᱟᱹᱣ ᱮᱫ ᱛᱟᱦᱮᱸᱫ, ᱵᱚᱦᱚᱜ ᱦᱟᱹᱥᱩ ᱮ ᱠᱟᱱ ᱛᱟᱦᱮᱸᱫ, ᱨᱩᱣᱟᱹ ᱠᱚ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱟᱢᱮᱨᱤᱠᱟ ᱠᱷᱚᱱ ᱛᱷᱤᱭᱚᱰᱤᱥᱤᱭᱟ ᱨᱟᱱ ᱠᱚᱭ ᱵᱷᱮᱡᱟᱭᱮᱫ ᱛᱟᱦᱮᱸᱫ ᱢᱮᱱᱠᱷᱟᱱ ᱚᱱᱟ ᱠᱚ ᱡᱚᱢ ᱠᱟᱛᱮ ᱦᱚᱸ ᱨᱩᱣᱟᱹ ᱫᱚ ᱵᱟᱭ ᱵᱮᱥᱚᱜ ᱠᱟᱱ ᱛᱟᱦᱮᱸᱫ ᱾ ᱜᱳᱯᱟᱞ ᱨᱟᱣ ᱫᱚ ᱥᱚᱨᱟᱢᱯᱩᱨ ᱛᱮ ᱩᱪᱟᱹᱲ ᱞᱮᱱ ᱛᱟᱦᱮᱸᱫ ᱟᱨ ᱟᱱᱚᱱᱫᱤᱵᱟᱭᱤ ᱫᱚ ᱨᱩᱣᱟᱹ ᱛᱩᱞᱩᱡ ᱜᱮ ᱮᱠᱞᱟ ᱟᱢᱮᱨᱤᱠᱟ ᱵᱷᱮᱡᱟ ᱞᱟᱹᱜᱤᱫᱼᱮ ᱴᱷᱟᱹᱣᱠᱟᱹ ᱠᱮᱫᱼᱟ ᱾

ᱟᱢᱮᱨᱤᱠᱟ ᱨᱮ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱷᱚᱨᱵᱚᱱ ᱨᱤᱱ ᱵᱟᱨᱭᱟ ᱪᱤᱱᱦᱟᱹᱯ ᱤᱝᱨᱮᱡᱽ ᱠᱩᱲᱤ ᱥᱟᱶ ᱠᱚᱞᱠᱟᱛᱟ ᱠᱷᱚᱱ ᱟᱱᱚᱱᱫᱤᱵᱟᱭᱤ ᱡᱟᱦᱟᱡᱽ ᱛᱮ ᱱᱤᱣ ᱭᱚᱨᱠ ᱪᱟᱞᱟᱣ ᱮᱱᱟᱭ ᱾ ᱯᱮᱱᱥᱤᱞᱵᱷᱟᱱᱤᱭᱟᱨ ᱛᱤᱨᱞᱟᱹ ᱢᱮᱰᱤᱠᱟᱞ ᱠᱚᱞᱮᱡᱽ ᱨᱮ ᱢᱮᱰᱤᱠᱟᱞ ᱯᱟᱲᱦᱟᱣᱜ ᱞᱟᱹᱜᱤᱫ ᱟᱨᱫᱟᱥ ᱥᱟᱠᱟᱢᱮ ᱮᱢ ᱠᱮᱫᱼᱟ [᱒]᱾ ᱨᱟᱪᱮᱞ ᱵᱚᱰᱮᱞ ᱟᱡᱟᱜ ᱧᱩᱛᱩᱢ ᱮ ᱚᱞ ᱞᱮᱫ ᱛᱟᱦᱮᱸᱫ ᱾ ᱟᱱᱚᱱᱫᱤᱵᱟᱭᱤ ᱑᱙ ᱥᱮᱨᱢᱟ ᱵᱚᱭᱚᱥ ᱨᱮ ᱢᱮᱰᱤᱠᱟᱞ ᱥᱮᱪᱮᱫ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱟᱢᱮᱨᱤᱠᱟ ᱨᱮᱱᱟᱜ ᱨᱮᱭᱟᱲ ᱦᱚᱭᱦᱤᱥᱤᱫ ᱟᱨ ᱱᱟᱶᱟ ᱡᱚᱢ ᱛᱮ ᱦᱚᱲᱢᱚ ᱟᱰᱤ ᱜᱮ ᱵᱟᱲᱤᱡ ᱤᱫᱤᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱚᱠᱷᱢᱟ ᱟᱡᱟᱨ ᱧᱟᱢ ᱞᱮᱫᱮ ᱛᱟᱦᱮᱸᱫ ᱾ ᱚᱸᱰᱮ ᱠᱷᱚᱱ ᱥᱚᱱᱮᱨ ᱥᱤᱫ ᱠᱮᱫ ᱛᱟᱭᱚᱢ ᱨᱟᱹᱱᱤ ᱵᱷᱤᱠᱴᱚᱨᱤᱭᱟ ᱟᱡ ᱴᱷᱮᱱ ᱢᱤᱫ ᱥᱟᱨᱦᱟᱣ ᱥᱟᱠᱟᱢᱻᱮ ᱠᱩᱞ ᱞᱮᱫ ᱛᱟᱦᱮᱸᱫ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. cite book|title=The Women's Book of World Records and Achievements|author=Eron, Carol|editor=O'Neill, Lois Decker|publisher=Anchor Press|year=1979|page=204|chapter=Women in Medicine and Health Care|isbn=0-385-12733-2|quote=First Hindu Woman Doctor
  2. Scan of letter from Anandibai Joshi to Alfred Jones, June 28, 1883; DUCOM Archives