ᱟᱱᱟᱨᱠᱚᱞᱤ ᱟᱠᱚᱨᱥᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱟᱱᱟᱨᱠᱚᱞᱤ ᱟᱠᱚᱨᱥᱟ
Anarkali Ak.jpg
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ Anarkalli Janina Jayatilaka Aakarssha
᱑᱒ ᱡᱩᱞᱟᱭ ᱑᱙᱘᱗ (1987-07-12) (᱓᱔ ᱥᱮᱨᱢᱟ)
Colombo, Sri Lanka
ᱠᱟᱹᱢᱤ Actress, model, politician
ᱠᱟᱹᱢᱤ ᱚᱠᱛᱚ 1995–present
ᱡᱤᱭᱚᱱ ᱥᱚᱦᱮᱫ Dishan Jayasinha
ᱥᱤᱨᱯᱷᱟᱹ Sarasaviya Most Popular Actress Award (2004), Presidential Award for performance in Anjalika (2005) Derena LUX Film award most popular actress (2012) & Miss Sri Lanka (2004)
ᱣᱮᱵᱽᱥᱟᱭᱤᱴ www.anarkalli.com

ᱚᱱᱟᱨᱠᱚᱞᱤ ᱟᱠᱚᱨᱥᱟ (ᱡᱟᱱᱟᱢ-᱑᱒ ᱡᱩᱞᱟᱭ ᱑᱙᱘᱗ ᱥᱟ.ᱦᱤᱛ) ᱵᱟᱝᱢᱟ ᱚᱱᱟᱨᱠᱚᱞᱤ ᱡᱚᱱᱤᱱᱟ ᱡᱚᱭᱚᱛᱤᱞᱚᱠᱟ ᱫᱚ ᱥᱨᱤ ᱞᱚᱝᱠᱟ ᱯᱷᱤᱞᱢ ᱟᱠᱴᱨᱮᱥ, ᱢᱳᱰᱮᱞ,ᱥᱮᱨᱮᱧᱤᱭᱟ., ᱴᱤ.ᱵᱷᱤ ᱯᱨᱳᱜᱨᱟᱢᱤᱭᱟ. ᱟᱨ ᱨᱟᱡᱽᱟ.ᱨᱤᱭᱟ. ᱠᱟᱱᱟᱭ ᱾ ᱒᱐᱐᱔ ᱥᱟᱞᱨᱮ, ᱟᱡ ᱫᱚ ᱢᱤᱥ ᱥᱨᱤ ᱞᱚᱝᱠᱟ en:Miss Sri Lanka ᱡᱤᱛᱠᱟ.ᱨ ᱟᱠᱟᱱᱟᱭ ᱟᱨ ᱢᱤᱥ ᱣᱟᱨᱞᱰ ᱒᱐᱐᱔ (en:Miss World 2004) ᱪᱚᱨᱚᱠ ᱦᱮᱯᱮᱨᱟᱣ ᱨᱮ ᱥᱨᱤ ᱞᱚᱝᱠᱟ ᱫᱤᱥᱚᱢ ᱮ ᱨᱤᱯᱨᱮᱡᱮᱸᱴ ᱟᱠᱟᱫᱼᱟ ᱾ ᱟᱡ ᱫᱚ ᱵᱨᱟᱸᱰ ᱟᱢᱵᱟᱥᱟᱰᱟᱨ ᱟᱨ ᱠᱟ.ᱣᱰᱤ ᱜᱚᱲᱚ-ᱥᱚᱦᱚᱫ ᱞᱟ.ᱜᱤᱫ ᱦᱚᱸᱭ ᱠᱟ.ᱢᱤ ᱟᱠᱟᱫᱼᱟ ᱾ ᱚᱱᱟᱨᱠᱚᱞᱤ ᱠᱳᱞᱳᱢᱵᱳ ᱡᱟ.ᱛᱤᱭᱟ.ᱨᱤ ᱟᱥᱲᱟ (en:Colombo International School) ᱨᱮ ᱯᱟᱲᱦᱟᱣ ᱟᱠᱟᱱᱟᱭ ᱾

ᱯᱷᱤᱞᱢ ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱙᱕ ᱥᱟᱞᱨᱮ, ᱥᱳᱢᱚᱨᱚᱛᱱᱮ ᱫᱤᱥᱥᱟᱱᱟᱭᱚᱠᱮ (Somaratne Dissanayake) ᱟᱨ ᱨᱮᱱᱩᱠᱟ ᱵᱟᱞᱟᱥᱩᱨᱤᱭᱟ (Renuka Balasuriya) ᱛᱤᱠᱤᱱᱟᱜ ᱫᱤᱥᱟ. ᱩᱫᱩᱜ ᱛᱮ ᱢᱤᱫ ᱴᱮᱞᱤ-ᱠᱷᱮᱞᱚᱸᱰ ᱤᱛᱤ ᱯᱟᱦᱟᱱ (Iti Pahan) ᱥᱟᱯᱲᱟᱣᱚᱜ ᱠᱟᱱ ᱛᱟᱦᱮᱱ ᱟᱨ ᱱᱚᱶᱟ ᱨᱮ ᱢᱤᱫ ᱵᱷᱟ.ᱜᱤ ᱤᱸᱝᱜᱽᱞᱤᱥ ᱨᱚᱲᱜᱟᱱ ᱦᱩᱰᱤᱧ ᱠᱩᱲᱤ ᱜᱤᱫᱟ.ᱨ ᱛᱚᱞᱟᱥ ᱨᱮ ᱠᱚ ᱛᱟᱦᱮᱸ ᱠᱟᱱᱟ, ᱟᱱᱟᱨᱠᱚᱞᱤ ᱴᱷᱮᱱ ᱱᱚᱝᱠᱟᱱ ᱦᱩᱱᱟ.ᱨ ᱛᱟᱦᱮᱸ ᱠᱟᱱᱛᱮ ᱯᱩᱭᱞᱩ ᱡᱮᱠᱷᱟ ᱫᱤᱥᱣᱟ. ᱟᱠᱴᱤᱝ ᱨᱮᱭᱟᱜ ᱫᱟᱣ ᱧᱟᱢ ᱞᱮᱫᱼᱟᱭ ᱾ ᱱᱚᱶᱟ ᱠᱷᱮᱞᱚᱸᱰ ᱨᱮ ᱟᱡ ᱫᱚ ᱫᱟᱭᱥᱤ ᱥᱩᱥᱟᱱ (Daisy Susan) ᱪᱩᱨᱤᱛ ᱟᱠᱴᱤᱝ ᱞᱮᱫᱼᱟᱭ, ᱟᱡ ᱥᱟᱶᱛᱮ ᱧᱩᱛᱩᱢᱟᱱ ᱟᱠᱴᱨᱮᱥ ᱵᱟᱥᱚᱱᱛᱤ ᱪᱚᱛᱷᱩᱨᱟᱱᱤ (en:Vasanthi Chathurani) ᱦᱚᱸ ᱟᱠᱴᱤᱝ ᱞᱮᱫᱼᱟᱭ ᱾ ᱮᱭᱟᱭ ᱥᱮᱨᱢᱟ ᱛᱟᱭᱚᱢ ᱒᱐᱐᱓ ᱥᱟᱞ, ᱟᱡᱟᱜ ᱑᱕ ᱵᱚᱪᱷᱚᱨ ᱩᱢᱮᱨ ᱨᱮ ᱯᱤᱥᱥᱩ ᱴᱨᱤᱵᱚᱞ (Pissu Trible) ᱯᱷᱤᱞᱢ ᱨᱮ ᱢᱩᱬ ᱪᱩᱨᱤᱛ ᱟᱠᱴᱤᱝ ᱞᱮᱜ-ᱟᱭ ᱾ ᱟᱡ ᱜᱮ ᱱᱤᱛ ᱦᱟ.ᱵᱤᱡ ᱡᱮᱛᱮ ᱠᱷᱚᱱ ᱠᱚᱢ ᱩᱢᱮᱨᱟᱱ ᱥᱨᱤ ᱞᱚᱝᱠᱟ ᱥᱤᱱᱮᱢᱟ ᱟᱠᱴᱨᱮᱥ ᱛᱟ.ᱞᱠᱟ.ᱨᱮ ᱢᱮᱱᱟᱭ ᱜᱮᱭᱟ ᱾ ᱟᱡ ᱫᱚ ᱒᱒ ᱜᱚᱴᱟᱝ ᱠᱷᱚᱱ ᱵᱟ.ᱲᱛᱤ ᱯᱷᱤᱞᱢ ᱨᱮ ᱢᱩᱬ ᱠᱩᱲᱤ ᱪᱩᱨᱤᱛ ᱥᱟᱶᱛᱮ ᱑᱐ ᱠᱷᱚᱱ ᱵᱟ.ᱲᱛᱤ ᱴᱮᱞᱤ-ᱠᱷᱮᱞᱚᱸᱰ ᱨᱮ ᱟᱠᱴᱤᱝ ᱟᱠᱟᱫᱼᱟᱭ ᱾ ᱱᱚᱝᱠᱟ ᱜᱮ ᱟᱭᱢᱟ ᱥᱚᱨᱮᱥ ᱯᱷᱤᱞᱢ ᱠᱚᱨᱟᱣ ᱟᱠᱟᱫᱼᱟᱭ ᱾ ᱥᱤᱦᱤᱱᱟᱭᱚᱠ ᱯᱟᱛᱟ ᱯᱟᱛᱤᱱ (Sihinayak Paata Paatin) ᱨᱮ ᱤᱱᱳᱠᱟ (Inoka) ᱟᱨ ᱥᱟᱱᱛᱷᱩᱣᱟᱨᱟᱱᱟᱭᱟ (Santhuwaranaya) ᱨᱮ ᱛᱟᱱᱭᱟ (Tanya) ᱪᱩᱨᱤᱛ, ᱱᱚᱶᱟ ᱠᱤᱱ ᱴᱮᱞᱤ-ᱠᱷᱮᱚᱸᱰ ᱟ.ᱰᱤ ᱢᱚᱡᱽᱜᱮ ᱠᱚᱨᱟᱣ ᱟᱠᱟᱫᱼᱟᱭ ᱾ ᱟᱡ ᱫᱚ ᱟᱭᱢᱟ ᱟᱞᱵᱚᱢ ᱦᱚᱸᱭ ᱠᱚᱨᱟᱣ ᱟᱠᱟᱫᱼᱟ ᱾ ᱟᱡᱟᱜ ᱦᱤᱴ ᱟᱞᱵᱚᱢᱠᱚ ᱢᱩᱸᱫᱽ ᱨᱮ ᱦᱩᱭᱩᱜ ᱠᱟᱱᱟ ᱡᱮᱢᱚᱱ, ᱢᱤᱫᱩᱢ ᱥᱮᱞᱮᱱ (Meedum selen), ᱡᱮᱛᱷᱛᱷᱩ ᱱᱳᱱ (Jeththu none), ᱥᱤᱛᱷᱛᱷᱟᱢᱟᱠ ᱣᱮᱡ (Siththamak wage)

ᱫᱮᱨᱟᱱᱟ (Derana) ᱴᱤ.ᱵᱷᱤ ᱪᱟᱱᱮᱞ ᱨᱮ ᱟᱱᱟᱨᱠᱚᱞᱤ ᱞᱟᱭᱤᱵᱷ (Anarkali Live) ᱥᱣᱳ ᱟᱡ ᱜᱮ ᱥᱟᱯᱲᱟᱣ ᱮᱫᱼᱟ ᱾ ᱒᱐᱑᱐ ᱥᱟᱞᱨᱮ ᱫᱮᱨᱟᱱᱟ ᱥᱮᱨᱮᱧ ᱥᱤᱨᱯᱷᱟ./ᱟᱣᱟᱨᱰ ᱦᱚᱸᱭ ᱩᱪᱷᱟ.ᱱ ᱟᱠᱟᱫᱼᱟ ᱾

ᱨᱟᱡᱽᱟ.ᱨᱤ ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱱᱟᱨᱠᱚᱞᱤ ᱫᱚ ᱒᱐᱐᱙ ᱥᱟᱞᱨᱮ ᱜᱟᱞᱮ ᱦᱚᱱᱚᱛ en:Galle ᱠᱷᱚᱱ ᱠᱚᱧᱮ ᱯᱨᱳᱵᱷᱤᱱᱥᱤᱠᱟᱞ ᱠᱟᱣᱩᱱᱥᱤᱞ ᱵᱟᱪᱷᱱᱟᱣ ᱨᱮ ᱟᱬᱜᱚ ᱞᱮᱱᱟᱭ ᱟᱨ ᱒᱙ ᱚᱠᱴᱚᱵᱚᱨ ᱒᱐᱐᱙ ᱨᱮ ᱵᱟᱪᱷᱚᱱ ᱥᱟ.ᱨᱤ ᱞᱮᱱᱟᱭ ᱾ ᱱᱤᱛ ᱦᱟ.ᱵᱤᱡ ᱟᱡᱜᱮ ᱥᱨᱤ ᱞᱚᱝᱠᱟ ᱨᱤᱱ ᱡᱮᱛᱮ ᱠᱷᱚᱱ ᱠᱚᱢ ᱩᱢᱚᱨᱟᱱ ᱠᱩᱲᱤ ᱠᱟᱣᱩᱱᱥᱤᱞᱚᱨ ᱛᱟ.ᱞᱠᱟᱨᱮ ᱢᱮᱱᱟᱜ ᱟᱠᱟᱫᱮᱭᱟ ᱾

ᱯᱷᱮᱰᱟᱛ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/Anarkali_Akarsha

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]