ᱟᱱᱤᱥᱩᱡᱽᱡᱟᱢᱟᱱ
| ᱟᱱᱤᱥᱩᱡᱽᱡᱟᱢᱟᱱ | |
|---|---|
.jpg) ᱒᱐᱑᱖ ᱥᱮᱨᱢᱟ ᱨᱮ ᱟᱱᱤᱥᱩᱡᱽᱡᱟᱢᱟᱱ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱘ ᱯᱷᱮᱵᱽᱨᱩᱣᱟᱨᱤ ᱑᱙᱓᱗ ᱠᱳᱞᱠᱟᱛᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱤᱱᱰᱤᱭᱟ |
| ᱜᱩᱨ | ᱑᱔ ᱢᱮ ᱒᱐᱒᱐ (᱘᱓ ᱵᱚᱭᱚᱥ) ᱰᱷᱟᱠᱟ, ᱵᱟᱝᱞᱟᱫᱮᱥ |
| ᱫᱤᱥᱚᱢᱤᱭᱟᱹ | ᱵᱟᱝᱞᱟᱫᱮᱥᱤ |
| ᱥᱮᱪᱮᱫ ᱟᱠᱷᱲᱟ | ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | ᱮᱠᱴᱤᱵᱷᱤᱥᱴ, ᱚᱱᱚᱞᱤᱭᱟᱹ,ᱮᱰᱢᱤᱱᱤᱥᱴᱨᱮᱴᱚᱨ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱥᱮᱠᱷ ᱟᱵᱽᱫᱩᱨ ᱨᱚᱦᱤᱢ (ᱜᱚᱲᱚᱢ ᱦᱟᱲᱟᱢ) |
| ᱥᱤᱨᱯᱷᱟᱹ | ᱜᱚᱴᱟ ᱛᱟᱹᱞᱠᱟᱹ |
ᱟᱱᱤᱥᱩᱡᱽᱡᱟᱢᱟᱱ (᱑᱘ ᱯᱷᱮᱵᱨᱩᱣᱟᱨᱤ ᱑᱙᱓᱗ - ᱑᱔ ᱢᱮ ᱒᱐᱒᱐) ᱫᱚ ᱵᱟᱝᱞᱟᱫᱮᱥ ᱨᱮᱱ ᱢᱤᱫ ᱜᱟᱠᱷᱩᱲᱤᱭᱟᱹ ᱢᱟᱪᱮᱛ, ᱚᱱᱚᱞᱤᱭᱟᱹ ᱟᱨ ᱡᱟᱹᱛᱤᱭᱟᱹᱨᱤ ᱯᱨᱚᱯᱷᱮᱥᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱ ᱵᱟᱝᱞᱟ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱨᱮᱱ ᱤᱢᱮᱨᱤᱴᱟᱥ ᱯᱨᱚᱯᱷᱮᱥᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱒ ᱥᱮᱨᱢᱟ ᱨᱮᱱᱟᱜ ᱯᱟᱹᱨᱥᱤ ᱞᱟᱹᱲᱦᱟᱹᱭ,᱑᱙᱖᱙ ᱥᱮᱨᱢᱟ ᱨᱮᱱᱟᱜ ᱜᱚᱱᱚ ᱚᱵᱵᱷᱩᱛᱛᱷᱟᱱ ᱟᱨ ᱑᱙᱗᱑ ᱥᱮᱨᱢᱟ ᱨᱮ ᱵᱟᱝᱞᱟᱫᱮᱥ ᱨᱮᱱᱟᱜ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱨᱮ ᱥᱮᱞᱮᱫ ᱞᱮᱱᱟ ᱾ ᱵᱟᱝᱞᱟᱫᱮᱥ ᱯᱷᱩᱨᱜᱟᱹᱞ ᱛᱟᱭᱚᱢ ᱑᱙᱗᱒ ᱥᱮᱨᱢᱟ ᱨᱮ ᱵᱮᱱᱟᱣ ᱞᱮᱱ ᱠᱩᱫᱽᱨᱟᱛ ᱮ ᱠᱷᱩᱫᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱠᱚᱢᱤᱥᱚᱱ ᱨᱮᱱ ᱢᱤᱫ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱵᱟᱝᱞᱟ ᱥᱟᱶᱦᱮᱫ ᱨᱮᱱᱟᱜ ᱱᱟᱜᱟᱢ ᱨᱟᱠᱟᱵ ᱨᱮ ᱟᱡᱟᱜ ᱠᱷᱚᱸᱫᱽᱨᱚᱝ ᱟᱹᱰᱤ ᱜᱮ ᱥᱚᱨᱮᱥᱟ ᱾
ᱮᱛᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱱᱤᱥᱩᱡᱽᱡᱟᱢᱟᱱ ᱫᱚ ᱑᱙᱓᱗ ᱥᱮᱨᱢᱟ ᱨᱮᱱᱟᱜ ᱑᱘ ᱯᱷᱮᱵᱨᱩᱣᱟᱨᱤ ᱯᱟᱹᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱒᱔ ᱯᱚᱨᱜᱚᱱᱟ ᱨᱮᱱᱟᱜ ᱵᱚᱥᱤᱨᱦᱟᱴ ᱴᱚᱴᱷᱟ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱟᱡ ᱵᱟᱵᱟ ᱫᱚ ᱮᱴᱤ ᱮᱢ ᱢᱳᱣᱟᱡᱽᱡᱮᱢ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱱᱟ ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱦᱳᱢᱤᱭᱳ ᱰᱟᱠᱛᱟᱨ ᱮ ᱛᱟᱦᱮᱸ ᱠᱟᱱᱟ ᱾ ᱟᱡ ᱜᱚᱜᱚ ᱥᱳᱭᱳᱫᱟ ᱠᱷᱟᱛᱩᱱ ᱫᱚ ᱚᱲᱟᱜ ᱨᱮᱱᱟᱜ ᱠᱟᱹᱢᱤ ᱠᱚ ᱥᱟᱶ ᱚᱱᱚᱞᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱜᱚᱲᱚᱢᱵᱟ ᱫᱚ ᱚᱱᱚᱞᱤᱭᱟᱹ ᱟᱨ ᱥᱟᱝᱵᱟᱫᱤᱠ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩ ᱫᱚ ᱢᱚᱬᱮ ᱜᱚᱴᱟᱝ ᱵᱚᱭᱦᱟ ᱠᱚ ᱛᱟᱦᱮᱸ ᱠᱟᱱᱟ ᱾
ᱥᱮᱪᱮᱫ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱟᱱᱤᱥᱩᱡᱽᱡᱟᱢᱟᱱ ᱫᱚ ᱠᱳᱞᱠᱟᱛᱟ ᱨᱮᱱᱟᱜ ᱯᱟᱨᱠ ᱥᱟᱨᱠᱟᱥ ᱦᱟᱭᱤᱥᱠᱩᱞ ᱨᱮ ᱚᱞᱚᱜ ᱯᱟᱲᱦᱟᱣ ᱮ ᱮᱛᱚᱦᱚᱵ ᱞᱮᱫᱼᱟ ᱾ ᱱᱚᱸᱰᱮ ᱫᱚ ᱮᱭᱟᱭ ᱪᱟᱱᱚᱪ ᱫᱷᱟᱹᱵᱤᱡ ᱮ ᱯᱟᱲᱦᱟᱣ ᱟᱠᱟᱱᱟ ᱾ ᱚᱱᱟ ᱛᱟᱭᱚᱢ ᱫᱟᱨᱟᱢ ᱵᱟᱝᱞᱟᱫᱮᱥ ᱠᱚ ᱦᱮᱡ ᱮᱱ ᱠᱷᱟᱱ ᱠᱷᱩᱞᱱᱟ ᱡᱮᱞᱟ ᱤᱥᱠᱩᱞ ᱨᱮ ᱤᱨᱟᱹᱞ ᱪᱟᱱᱚᱪ ᱨᱮ ᱵᱷᱳᱨᱛᱤ ᱞᱮᱱᱟ ᱾ ᱢᱤᱫ ᱥᱮᱨᱢᱟ ᱛᱟᱭᱚᱢ ᱰᱷᱟᱠᱟ ᱠᱚ ᱦᱮᱡ ᱮᱱ ᱠᱷᱟᱱ ᱚᱸᱰᱮ ᱯᱨᱤᱭᱳᱱᱟᱛᱷ ᱦᱟᱭᱤᱥᱠᱩᱞ (ᱱᱮᱛᱚᱜ ᱫᱚ ᱱᱚᱵᱟᱵᱽᱯᱩᱨ ᱥᱚᱨᱠᱟᱨᱤ ᱩᱪᱪᱚ ᱵᱤᱫᱫᱟᱞᱚᱭ) ᱨᱮ ᱵᱷᱳᱨᱛᱤ ᱞᱮᱱᱟ ᱾ ᱑᱙᱕᱒ ᱥᱮᱨᱢᱟ ᱨᱮ ᱚᱱᱟ ᱤᱥᱠᱩᱞ ᱠᱷᱚᱱ ᱮᱥ ᱮᱥ ᱥᱤ ᱟᱨ ᱑᱙᱕᱓ ᱥᱮᱨᱢᱟ ᱨᱮ ᱡᱚᱜᱚᱱᱱᱟᱛᱷ ᱠᱚᱞᱮᱡᱽ ᱠᱷᱚᱱ ᱮᱭᱤᱪ ᱮᱥ ᱥᱤ ᱯᱟᱥ ᱠᱟᱛᱮ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱟᱝᱞᱟ ᱵᱤᱵᱷᱟᱜᱽ ᱨᱮ ᱵᱷᱳᱨᱛᱤ ᱞᱮᱱᱟ ᱾ ᱑᱙᱕᱖ ᱥᱮᱨᱢᱟ ᱨᱮ ᱚᱱᱟᱨᱥ ᱟᱨ ᱑᱙᱕᱗ ᱥᱮᱨᱢᱟ ᱨᱮ ᱢᱟᱥᱴᱟᱨᱥ ᱮ ᱯᱟᱥ ᱠᱮᱫᱼᱟ ᱾ ᱚᱱᱟᱨᱥ ᱟᱨ ᱢᱟᱥᱴᱟᱨᱥ ᱵᱟᱱᱟᱨ ᱨᱮ ᱜᱮ ᱩᱱᱤ ᱫᱚ ᱯᱩᱭᱞᱩ ᱥᱤᱨᱯᱟᱹᱭ ᱫᱚᱠᱷᱚᱞ ᱞᱮᱫᱼᱟ ᱾ ᱩᱱ ᱚᱠᱛᱮ ᱨᱮ ᱵᱟᱝᱞᱟ ᱵᱤᱵᱷᱟᱜᱽ ᱨᱮᱱ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟ ᱰᱨᱹ ᱢᱩᱦᱚᱢᱢᱚᱫᱽ ᱥᱚᱦᱤᱫᱩᱞᱞᱟ ᱟᱨ ᱢᱩᱱᱤᱨ ᱪᱳᱣᱫᱷᱩᱨᱤ ᱫᱚ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾
᱑᱙᱕᱘ ᱥᱮᱨᱢᱟ ᱨᱮᱱᱟᱜ ᱯᱷᱮᱵᱨᱩᱣᱟᱨᱤ ᱨᱮ ᱩᱱᱤ ᱫᱚ ᱵᱟᱝᱞᱟ ᱮᱠᱟᱰᱮᱢᱤ ᱨᱮ ᱠᱷᱚᱸᱫᱽᱨᱚᱝ ᱨᱮᱱᱟᱜ ᱵᱨᱤᱛᱛᱤᱭ ᱧᱟᱢ ᱞᱮᱫᱼᱟ ᱾ ᱚᱱᱟ ᱥᱮᱨᱢᱟ ᱜᱮ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱟᱝᱞᱟ ᱥᱟᱶᱦᱮᱫ ᱨᱮ ᱵᱟᱝᱜᱟᱞᱤ ᱢᱩᱥᱚᱞᱢᱟᱱᱟᱜ ᱪᱤᱱᱛᱟᱹ ᱫᱷᱟᱨᱟ ᱑᱗᱕᱗-᱑᱙᱑᱘ ᱥᱟᱛᱟᱢ ᱪᱮᱛᱟᱱ ᱨᱮ ᱯᱤ ᱮᱭᱤᱪ ᱰᱤ ᱮᱛᱚᱦᱚᱵ ᱠᱮᱫᱼᱟᱭ ᱾ ᱑᱙᱕᱙ ᱥᱮᱨᱢᱟ ᱨᱮ ᱰᱷᱟᱠᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱵᱟᱝᱞᱟ ᱵᱤᱵᱷᱟᱜᱽ ᱨᱮ ᱢᱟᱪᱮᱛ ᱞᱮᱠᱟ ᱛᱮ ᱵᱚᱞᱚ ᱞᱮᱱᱟ ᱾ ᱑᱙᱖᱕ ᱥᱮᱨᱢᱟ ᱨᱮ ᱥᱤᱠᱟᱜᱳ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱩᱱᱤᱥ ᱥᱟᱭ ᱥᱮᱨᱢᱟ ᱨᱮ ᱵᱟᱝᱞᱟ ᱨᱮᱱᱟᱜ ᱥᱟᱶᱦᱮᱫ ᱱᱟᱜᱟᱢ:ᱤᱭᱚᱝ ᱵᱮᱝᱜᱚᱞ ᱟᱨ ᱥᱚᱢᱚᱠᱟᱞ ᱥᱟᱛᱟᱢ ᱨᱮ ᱯᱳᱥᱴ ᱰᱚᱠᱴᱚᱨᱟᱞ ᱰᱤᱜᱨᱤᱭ ᱟᱢᱮᱴ ᱞᱮᱫᱼᱟ ᱾