ᱟᱱᱱᱩ ᱨᱟᱱᱤ
 ᱵᱷᱩᱵᱚᱱᱮᱥᱣᱚᱨ ᱨᱮ ᱒᱒ ᱟᱱᱟᱜ ᱮᱥᱤᱭᱟᱱ ᱮᱛᱷᱞᱣᱴᱤᱠᱥ ᱪᱮᱢᱯᱤᱭᱟᱱᱥᱤᱯ ᱨᱮ ᱟᱱᱱᱩ ᱨᱟᱱᱤ | |
| ᱠᱷᱮᱞᱚᱸᱰᱤᱭᱟᱹ ᱩᱯᱩᱨᱩᱢ | |
|---|---|
| ᱡᱟᱹᱛᱤᱭᱟᱹ |  ᱥᱤᱧᱚᱛ |
| ᱡᱟᱱᱟᱢ | ᱒᱘ ᱚᱜᱚᱥᱴ ᱑᱙᱙᱒ ᱢᱤᱨᱟᱴ, ᱩᱛᱛᱚᱨ ᱯᱨᱚᱫᱮᱥ |
| ᱩᱥᱩᱞ | 1.65 m (5 ft 5 in) |
| ᱦᱟᱢᱟᱞ | 63 kg (139 lb) (2014) |
| ᱠᱷᱮᱞᱚᱸᱰ | |
| ᱠᱷᱮᱞ | ᱴᱨᱮᱠ ᱮᱱᱰ ᱯᱷᱤᱞᱰ |
| ᱵᱤᱵᱷᱟᱜᱽ(ᱠᱚ) | ᱡᱮᱵᱷᱞᱤᱱ ᱛᱷᱨᱳ |
| ᱫᱚᱞ | ᱥᱤᱧᱚᱛ |
| ᱢᱟᱹᱱ ᱟᱨ ᱥᱤᱨᱯᱷᱟᱹ | |
| ᱯᱟᱨᱥᱚᱱᱟᱞ ᱥᱚᱨᱮᱥ(s) | 63.24 meters (2021) NR |
ᱥᱤᱨᱯᱷᱟᱹ ᱨᱮᱭᱟᱜ ᱠᱟᱛᱷᱟ
| |
ᱟᱱᱱᱩ ᱨᱟᱱᱤ ᱛᱳᱢᱟᱨ (ᱡᱟᱱᱟᱢ ᱒᱘ ᱟᱜᱚᱥᱴ ᱑᱙᱙᱒) ᱫᱚ ᱢᱤᱨᱟᱴ, ᱩᱛᱛᱚᱨ ᱯᱨᱚᱫᱮᱥ ᱨᱮᱱ ᱢᱤᱫ ᱵᱷᱟᱨᱚᱛᱤᱭᱚ ᱡᱮᱵᱷᱮᱞᱤᱱ ᱪᱟᱯᱟᱫᱮᱡ ᱠᱟᱱᱟᱭ᱾ ᱩᱱᱤ ᱫᱚ ᱯᱳᱭᱞᱳ ᱵᱷᱟᱨᱚᱛᱤᱭᱚ ᱮ ᱛᱟᱦᱮᱸᱠᱟᱱᱟ ᱡᱟᱦᱟᱸᱭ ᱫᱚ ᱒᱐᱑᱙ ᱥᱟᱹᱦᱤᱛ ᱨᱮᱭᱟᱜ ᱡᱮᱜᱮᱫ ᱮᱛᱮᱞᱮᱴᱤᱠᱥ ᱪᱟᱢᱯᱤᱭᱚᱱᱥᱤᱯ 'ᱫᱳᱦᱟ' ᱨᱮ ᱛᱤᱨᱞᱟᱹ ᱠᱚᱣᱟᱜ ᱡᱮᱵᱷᱮᱞᱤᱱ ᱛᱷᱨᱳ ᱦᱮᱯᱨᱟᱣ ᱨᱮᱭᱟᱜ ᱯᱷᱟᱭᱱᱮᱞ ᱨᱮ ᱥᱮᱴᱮᱨ ᱞᱮᱱᱟᱭ᱾[᱑] ᱟᱱᱱᱩ ᱚᱞᱤᱢᱯᱤᱠ ᱨᱮ ᱠᱷᱮᱹᱞ ᱨᱮᱭᱟᱜ ᱪᱤᱱᱦᱟᱹ ᱵᱟᱝ ᱧᱟᱢ ᱛᱟᱭᱚᱢ ᱡᱮᱜᱮᱫ ᱨᱮᱠᱤᱝ ᱛᱟᱞᱟᱛᱮ ᱒᱐᱒᱐ ᱴᱳᱠᱤᱭᱳ ᱚᱞᱤᱢᱯᱤᱠ ᱞᱟᱹᱜᱤᱫ ᱠᱷᱮᱹᱞ ᱨᱮᱭᱟᱜ ᱫᱟᱣ ᱮ ᱦᱟᱢᱮᱴ ᱞᱮᱫᱟᱭ᱾ ᱩᱱᱤᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮᱱᱟᱜ ᱥᱚᱨᱮᱥ ᱨᱤᱠᱟᱹ ᱖᱓.᱒᱔ ᱢᱤᱴᱟᱨ ᱡᱟᱦᱟᱸ ᱫᱚ ᱩᱱᱤ ᱡᱟᱹᱛᱤᱭᱟᱹᱨᱤ ᱤᱱᱴᱟᱨᱥᱴᱮᱴ ᱮᱛᱷᱞᱮᱴᱤᱠ ᱪᱟᱢᱯᱤᱭᱚᱱᱥᱤᱯ ᱒᱐᱒᱑ ᱨᱮ ᱥᱳᱱᱟ ᱡᱤᱛᱠᱟᱹᱨ ᱨᱮ ᱜᱚᱲᱚ ᱞᱮᱫᱮᱭᱟ᱾[᱒]᱒᱐᱒᱒ ᱥᱮᱨᱢᱟ ᱵᱟᱨᱢᱤᱝᱜᱟᱢ ᱠᱚᱢᱚᱱᱳᱭᱮᱞ ᱜᱮᱢᱥ ᱨᱮ ᱟᱱᱱᱩ ᱨᱟᱱᱤ ᱱᱟᱜᱟᱢ ᱮ ᱚᱞ ᱞᱮᱫᱟ ᱡᱟᱸᱦᱟᱛᱮ ᱩᱱᱤ ᱫᱚ ᱯᱳᱭᱞᱳ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱡᱮᱵᱷᱮᱞᱤᱱ ᱪᱟᱯᱟᱫᱤᱡ ᱞᱮᱠᱟᱛᱮ ᱢᱤᱫᱴᱟᱝ ᱥᱤᱨᱯᱷᱟᱹ, ᱠᱟᱸᱥᱟ ᱡᱤᱛᱠᱟᱹᱨ ᱞᱮᱱᱟᱭ᱾[᱓] ᱩᱱᱤ ᱫᱚ ᱦᱩᱭᱩᱜ ᱠᱟᱱᱟ ᱒᱐᱒᱓ ᱥᱮᱨᱢᱟ ᱨᱮ ᱦᱟᱝᱡᱩ ᱨᱮ ᱮᱥᱤᱭᱟᱱ ᱜᱮᱢᱥ ᱨᱮ ᱯᱳᱭᱞᱳ ᱵᱷᱟᱨᱚᱛᱤᱭᱚ ᱡᱮᱵᱷᱮᱞᱤᱱ ᱛᱷᱨᱳ ᱩᱤᱡ ᱡᱟᱦᱟᱸᱭ ᱫᱚ ᱢᱤᱫᱴᱟᱝ ᱥᱳᱱᱟ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱ ᱾
ᱟᱯᱱᱟᱨᱟᱜ ᱡᱤᱭᱚᱱ ᱟᱨ ᱛᱟᱭᱚᱢ ᱫᱟᱨᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱱᱱᱩ ᱨᱟᱱᱤ ᱛᱳᱢᱚᱨ ᱒᱘ ᱟᱜᱚᱥᱴ ᱑᱙᱙᱒ ᱥᱮᱨᱢᱟ ᱨᱮ ᱢᱤᱨᱟᱴ ᱨᱮᱱ ᱢᱤᱫᱴᱟᱝ ᱡᱟᱴᱷ ᱛᱳᱢᱚᱨ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱭᱟᱜ ᱟᱹᱠᱤᱞ ᱫᱟᱲᱮ ᱫᱚ ᱟᱡ ᱵᱚᱭᱦᱟ ᱟᱯᱮᱱᱫᱨᱚᱭ ᱪᱤᱱᱦᱟᱹ ᱞᱮᱫᱟ, ᱡᱟᱦᱟᱸᱭ ᱫᱚ ᱢᱤᱫᱴᱟᱝ ᱠᱨᱤᱠᱮᱴ ᱠᱷᱮᱞᱚᱸᱰ ᱚᱠᱛᱮ ᱟᱡᱟᱜ ᱪᱮᱛᱟᱱ ᱦᱚᱲᱢᱚ ᱨᱮᱭᱟᱜ ᱫᱟᱲᱮᱭ ᱧᱮᱞ ᱞᱮᱫᱟ᱾ ᱩᱱᱤ ᱫᱚ ᱢᱤᱫᱴᱟᱝ ᱯᱷᱟᱠᱟ ᱜᱚᱰᱟ ᱨᱮ ᱟᱹᱠᱷ ᱨᱮᱭᱟᱜ ᱴᱷᱮᱸᱜᱟ ᱪᱟᱯᱟᱫ ᱠᱟᱛᱮ ᱩᱱᱤ ᱥᱮᱪᱮᱫ ᱮ ᱮᱛᱚᱦᱚᱵ ᱞᱮᱫᱟ᱾[᱔] ᱟᱱᱱᱩ ᱟᱜ ᱯᱳᱭᱞᱳ ᱡᱮᱵᱷᱞᱤᱱ ᱨᱮᱭᱟᱜ ᱟᱹᱭᱠᱟᱹᱣ ᱫᱚ ᱛᱟᱸᱦᱮ ᱠᱟᱱᱟ ᱚᱱᱟ ᱡᱟᱸᱦᱟ ᱫᱚ ᱩᱱᱤ ᱫᱚ ᱢᱤᱫᱴᱟᱝ ᱡᱮᱞᱮᱧ ᱢᱟᱫ ᱠᱷᱚᱱ ᱵᱮᱱᱟᱣ ᱞᱮᱫᱟᱭ ᱚᱡᱮ ᱫᱚ ᱩᱱᱤ ᱴᱷᱮᱱ ᱡᱟᱵᱷᱞᱤᱱ ᱦᱟᱛᱟᱣ ᱨᱮᱭᱟᱜ ᱫᱟᱲᱮ ᱵᱟᱝ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱒᱐᱑᱐ ᱥᱮᱨᱢᱟ ᱨᱮ ᱑᱘ ᱥᱮᱨᱢᱟ ᱩᱢᱮᱨ ᱨᱮ ᱯᱳᱭᱞᱳ ᱡᱮᱵᱷᱮᱞᱤᱱ ᱛᱷᱨᱳ ᱠᱷᱮᱞ ᱮ ᱮᱛᱚᱦᱚᱵ ᱞᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱨᱮᱱ ᱵᱚᱭᱦᱟ ᱫᱚ ᱩᱱᱤᱭᱟᱜ ᱥᱮᱪᱮᱫ ᱞᱟᱹᱜᱤᱫ ᱠᱟᱹᱣᱰᱤ ᱮᱢ ᱮᱦᱚᱵ ᱠᱮᱫᱟ, ᱮᱱᱦᱚᱸ ᱟᱡ ᱵᱟᱵᱟ ᱠᱩᱲᱤ ᱜᱤᱫᱽᱨᱟᱹ ᱟᱜ ᱠᱷᱮᱹᱞᱳᱰ ᱨᱮ ᱵᱟᱝ ᱮ ᱢᱟᱱᱟᱣ ᱞᱮᱫᱟ᱾ ᱒᱐᱑᱔ ᱥᱮᱨᱢᱟ ᱨᱮ ᱡᱟᱹᱛᱤᱭᱟᱹᱨᱤ ᱨᱮᱠᱳᱨᱰ ᱨᱟᱹᱯᱩᱫ ᱠᱟᱛᱮ ᱟᱡᱛᱮ ᱥᱟᱹᱵᱩᱫ ᱮᱱ ᱛᱟᱭᱚᱢ ᱢᱩᱪᱟᱹᱫ ᱫᱷᱟᱹᱵᱤᱡ ᱩᱱᱤ ᱫᱚ ᱟᱱᱱᱩ ᱟᱜ ᱫᱟᱲᱮᱭ ᱜᱚᱲᱚ ᱞᱮᱫᱟ ᱟᱨ ᱱᱤᱛ ᱩᱱᱤ ᱟᱡᱟᱜ ᱡᱚᱥ ᱨᱮᱭ ᱜᱚᱲᱚ ᱟᱭ ᱠᱟᱱᱟ᱾[᱕][᱖]
ᱠᱷᱮᱞᱚᱸᱰᱤᱭᱟᱹ ᱦᱟᱢᱮᱴ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱱᱱᱩ ᱨᱟᱱᱤ ᱮᱛᱚᱦᱚᱵ ᱨᱮ ᱠᱟᱥᱤᱱᱟᱛ ᱱᱟᱭᱤᱠ ᱫᱟᱨᱟᱭ ᱛᱮ ᱥᱮᱪᱮᱫ ᱞᱮᱱᱟᱭ ᱟᱨ ᱱᱤᱛ ᱵᱚᱞᱡᱤᱛ ᱥᱤᱝ ᱫᱟᱨᱟᱭ ᱛᱮ ᱥᱮᱪᱮᱫᱮ ᱧᱟᱢ ᱟᱠᱟᱫᱟ᱾[᱗]
᱒᱐᱑᱔ ᱥᱮᱨᱢᱟ ᱨᱮ ᱞᱚᱠᱷᱱᱚᱣ ᱨᱮ ᱡᱟᱹᱛᱤᱭᱟᱹᱨᱤ ᱤᱱᱴᱟᱨᱼᱥᱴᱮᱴ ᱮᱴᱮᱞᱮᱴᱤᱠᱥ ᱪᱟᱢᱯᱤᱭᱚᱱᱥᱤᱯ ᱨᱮ, ᱨᱟᱱᱤ ᱫᱚ ᱑᱔ ᱥᱮᱨᱢᱟ ᱢᱟᱨᱮᱱ ᱡᱟᱹᱛᱤᱭᱟᱹᱨᱤ ᱨᱤᱠᱳᱨᱰ ᱨᱟᱹᱯᱩᱫ ᱠᱟᱛᱮ ᱕᱘.᱘᱓ ᱢᱤᱴᱟᱨ ᱪᱟᱯᱟᱫ ᱠᱟᱛᱮ ᱥᱳᱱᱟ ᱯᱚᱫᱚᱠ ᱮ ᱡᱤᱛᱠᱟᱹᱨ ᱞᱮᱱᱟ ᱟᱨ ᱒᱐᱑᱔ ᱥᱮᱨᱢᱟ ᱨᱮ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱞᱟᱹᱜᱤᱫ ᱩᱱᱤ ᱫᱚ ᱵᱟᱪᱷᱱᱟᱣ ᱞᱮᱱᱟᱭ, ᱡᱟᱦᱟ ᱨᱮ ᱩᱱᱤ ᱫᱚ ᱤᱨᱟᱹᱞ ᱟᱱᱟᱜ ᱴᱷᱟᱶᱮ ᱦᱟᱢᱮᱴ ᱞᱮᱫᱟ᱾ ᱚᱱᱟ ᱥᱮᱨᱢᱟ ᱨᱮᱭᱟᱜ ᱢᱩᱪᱟᱹᱫ ᱥᱮᱫ, ᱩᱱᱤ ᱮᱛᱚᱢ ᱠᱳᱨᱤᱭᱟ ᱨᱮᱭᱟᱜ ᱤᱱᱪᱤᱭᱚᱱ ᱨᱮ ᱮᱥᱤᱭᱟᱱ ᱜᱮᱢᱥ ᱨᱮ ᱕᱙ᱹ᱕᱓ ᱢᱤᱴᱟᱨ ᱪᱟᱯᱟᱫ ᱠᱟᱛᱮ ᱠᱟᱹᱥᱟ ᱨᱮᱭᱟᱜ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱵᱟᱨ ᱥᱮᱨᱢᱟ ᱛᱟᱭᱚᱢ ᱩᱱᱤ ᱫᱚ ᱡᱟᱹᱛᱤᱭᱟᱹᱨᱤ ᱤᱱᱴᱟᱨᱼᱥᱴᱮᱴ ᱮᱴᱮᱞᱮᱴᱤᱠᱥ ᱪᱟᱢᱯᱤᱭᱚᱱᱥᱤᱯ ᱨᱮ ᱖᱐.᱐᱑ ᱢᱤᱴᱟᱨ ᱪᱟᱯᱟᱫ ᱠᱟᱛᱮ ᱟᱨᱦᱚᱸ ᱟᱡᱟᱜ ᱨᱤᱠᱳᱨᱰ ᱮ ᱨᱟᱹᱯᱩᱫ ᱞᱮᱫᱟ᱾[᱘] ᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱢᱟᱨᱪ ᱨᱮ ᱩᱱᱤ ᱫᱚ ᱯᱟᱧᱡᱟᱵᱽ ᱨᱮᱭᱟᱜ ᱯᱟᱴᱤᱭᱟᱞᱟ ᱨᱮ ᱡᱟᱹᱛᱤᱭᱟᱹᱨᱤ ᱥᱤᱱᱤᱭᱟᱨ ᱮᱛᱮᱞᱮᱴᱤᱠᱥ ᱪᱟᱢᱯᱤᱭᱚᱱᱥᱤᱯᱨᱮ ᱖᱒.᱓᱔ ᱢᱤᱴᱟᱨ ᱪᱟᱯᱟᱫ ᱠᱟᱛᱮ ᱟᱨᱦᱚᱸ ᱟᱡᱟᱜ ᱨᱤᱠᱳᱨᱰ ᱮ ᱨᱟᱹᱯᱩᱫ ᱞᱮᱫᱟ᱾[᱙]
᱒᱐᱑᱙ ᱥᱮᱨᱢᱟ ᱨᱮᱭᱟᱜ ᱒᱑ ᱮᱯᱨᱤᱞ ᱠᱟᱛᱟᱨ ᱨᱮ ᱦᱳᱭ ᱞᱮᱱ ᱒᱓ ᱟᱱ ᱮᱥᱤᱭᱟᱱ ᱮᱛᱮᱞᱮᱴᱤᱠᱥ ᱪᱟᱢᱯᱤᱭᱚᱱᱥᱤᱯ ᱨᱮ ᱨᱩᱯᱟᱹ ᱥᱤᱨᱯᱷᱟᱹ ᱦᱟᱢᱮᱴ ᱞᱮᱫᱟᱭ ᱨᱟᱱᱤ, ᱡᱟᱸᱦᱟ ᱛᱮ ᱡᱮᱜᱮᱫ ᱮᱛᱮᱞᱮᱴᱤᱠᱥ ᱪᱮᱢᱯᱤᱭᱚᱱᱥᱤᱯ ᱞᱟᱹᱜᱤᱫ ᱮ ᱵᱟᱪᱷᱟᱣ ᱞᱮᱱᱟ, ᱡᱮᱜᱮᱫ ᱮᱛᱮᱞᱮᱴᱤᱠ ᱪᱟᱢᱯᱤᱭᱚᱱᱥᱤᱯᱨᱮ ᱥᱮᱞᱮᱫ ᱟᱠᱟᱱ ᱯᱳᱭᱞᱳ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱡᱮᱵᱷᱮᱞᱤᱱ ᱪᱟᱯᱟᱫᱤᱡ ᱮ ᱵᱮᱱᱟᱣ ᱞᱮᱱᱟ᱾ [᱑᱐] ᱩᱱᱤ ᱫᱚ ᱳᱥᱴᱨᱟᱵᱷᱟ, ᱪᱮᱠ ᱫᱤᱥᱚᱢ ᱨᱮ ᱟᱭ.ᱮ.ᱮᱯᱷ ᱳᱣᱟᱞᱰ ᱪᱚᱞᱮᱱᱡ ᱤᱵᱷᱮᱱᱴ ᱜᱳᱞᱰᱮᱱ ᱥᱯᱤᱠ ᱳᱥᱴᱨᱟᱵᱷᱟ ᱨᱮ ᱠᱟᱸᱥᱟ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ᱾[᱑᱑]
ᱩᱱᱤ ᱒᱐᱒᱐ ᱨᱮ ᱮᱛᱷᱞᱮᱴᱤᱠᱥ ᱨᱮ ᱥᱯᱳᱨᱴᱥᱴᱟᱨ ᱮᱥᱥ ᱥᱯᱳᱨᱴᱥᱳᱢᱤᱚᱱ ᱚᱯᱷ ᱫᱟ ᱤᱭᱟᱨ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ᱾[᱑᱐] ᱩᱱᱤ ᱕᱙ ᱟᱱᱟᱜ ᱡᱟᱹᱛᱤᱭᱟᱹᱨᱤ ᱳᱯᱮᱱ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱚᱱᱥᱤᱯ ᱨᱮ ᱛᱤᱨᱞᱟᱹ ᱠᱚᱣᱟᱜ ᱡᱮᱵᱷᱮᱞᱤᱱ ᱛᱷᱨᱳ ᱦᱮᱯᱨᱟᱣ ᱨᱮ ᱥᱳᱱᱟ ᱥᱤᱨᱯᱷᱟᱹ ᱮ ᱡᱤᱛᱠᱟᱹᱨ ᱞᱮᱱᱟ᱾[᱑᱒]
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Annu Rani qualifies for javelin throw finals with national record effort". India Today (in ᱟᱝᱜᱽᱨᱮᱡᱤ). September 30, 2019. Retrieved 2021-07-27.
- ↑ "Tokyo 2020: India's women Javelin thrower Annu Rani secures Olympics quota through world rankings". India Today (in ᱟᱝᱜᱽᱨᱮᱡᱤ). July 1, 2021. Retrieved 2021-07-27.
- ↑ "CWG 2022: Annu Rani wins bronze, becomes first Indian female javelin thrower to win medal". The_Hindu (in ᱟᱝᱜᱽᱨᱮᱡᱤ). 2022-08-07.
- ↑ "After throwing sugarcanes, bamboo sticks, Annu Rani now hurls javelin for CWG bronze". The Indian Express (in ᱟᱝᱜᱽᱨᱮᱡᱤ). 2022-08-07. Retrieved 2022-08-10.
- ↑ "Annu Rani's Quest For Gold – Impact Guru". impactguru.com (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 27 July 2019.
- ↑ Nikhil (27 June 2017). "Annu Rani – The Torchbearer for Indian Women in Athletics Javelin Throw". Voice of Indian Sports (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Archived from the original on 27 July 2019. Retrieved 27 July 2019.
- ↑ Srivastava, Shantanu (13 May 2020). "Annu Rani confident of breaching Olympic qualification mark, calls for resumption of outdoor training". Firstpost. Archived from the original on 14 May 2020. Retrieved 18 February 2021.
- ↑ "Annu Rani – The Torchbearer for Indian Women in Athletics Javelin Throw". Voice of Indian Sports – KreedOn (in ᱵᱨᱤᱴᱤᱥ ᱟᱝᱜᱽᱨᱮᱡᱤ). 27 June 2017. Archived from the original on 27 July 2019. Retrieved 19 February 2021.
- ↑ "Fed Cup athletics: Annu Rani rewrites her own Javelin Throw national record, qualifies for Worlds". Scroll.in (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 27 July 2019.
- ↑ ᱑᱐.᱐ ᱑᱐.᱑ Rayan, Stan. "Annu Rani wins Sportstar Aces 2020 Sportswoman of the Year in athletics". The Hindu (in ᱟᱝᱜᱽᱨᱮᱡᱤ). Retrieved 18 February 2021.
- ↑ "Javelin: Bronze for Annu Rani at IAAF event". Sportstar (in ᱟᱝᱜᱽᱨᱮᱡᱤ). Retrieved 27 July 2019.
- ↑ "National Open Athletics Championship: Annu Rani wins gold, Neeraj Chopra pulls out". India Today (in ᱟᱝᱜᱽᱨᱮᱡᱤ). October 10, 2019. Retrieved 2021-07-27.