ᱟᱲᱟᱝ ᱴᱷᱟᱶ ᱞᱮᱠᱟᱛᱮ ᱪᱤᱠᱤ ᱦᱟ.ᱴᱤᱧ

ᱥᱟᱱᱛᱟᱲᱤ ᱪᱤᱠᱤ ᱠᱚ ᱡᱟᱦᱟ ᱴᱷᱟᱶ ᱴᱷᱮᱱ ᱴᱮᱦᱟᱴ ᱠᱟᱛᱮ ᱟᱲᱟᱝᱚᱜ ᱠᱟᱱᱟ, ᱚᱱᱟ ᱞᱟᱦᱟ ᱵᱚᱱ ᱩᱨᱩᱢ ᱞᱮᱜᱮ I ᱢᱟ.ᱱᱢᱤ ᱢᱚᱪᱟ ᱟᱨ ᱢᱩ ᱨᱮᱭᱟᱜ ᱡᱟᱦᱟ ᱠᱚ ᱦᱚᱲᱢᱚ ᱦᱟ.ᱴᱤᱧ ᱠᱨ ᱦᱤᱥ ᱛᱟᱞᱟ ᱛᱮ ᱨᱚᱲ ᱟᱲᱟᱝ ᱵᱚ ᱯᱷᱚᱴᱮᱞᱟ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱦᱚᱴᱚᱜ ᱠᱟᱱᱴᱟ, ᱛᱟ.ᱨᱩ, ᱛᱟ.ᱞᱩ.ᱣᱟ., ᱰᱟᱴᱟ, ᱞᱩᱴᱤ, ᱢᱩ ᱟᱨ ᱢᱚᱪᱟ ᱛᱟᱞᱟ ᱨᱮ ᱢᱮᱱᱟᱜ ᱟ ᱟᱞᱟᱝ I

ᱟᱲᱟᱝ ᱯᱷᱚᱴᱮᱞ ᱦᱚᱪᱚᱭ ᱨᱮ ᱡᱟᱦᱟ ᱦᱚᱲᱢᱚ ᱦᱤᱥ ᱥᱟ.ᱜᱮ ᱮᱱᱮᱢᱮ ᱟ.ᱲᱛᱤᱭᱟ I ᱚᱱᱟ ᱴᱷᱟᱶ ᱞᱮᱠᱟᱛᱮ ᱟᱲᱟᱝ ᱥᱮ ᱪᱤᱠᱤ ᱪᱷᱟ.ᱴᱭᱟ.ᱨᱚᱜ ᱟ I ᱚᱱᱟ ᱞᱮᱠᱟᱛᱮ ᱚᱞ ᱪᱤᱠᱤ ᱨᱮᱭᱟᱜ ᱪᱤᱠᱤ ᱠᱚ ᱫᱚ ᱮᱭᱟᱭ ᱛᱷᱚᱠ ᱨᱮ ᱦᱟ.ᱴᱤᱧ ᱜᱟᱱᱚᱜ ᱟ I ᱡᱮᱞᱮᱠᱟ- (1) ᱠᱟᱱᱴᱟ ᱛᱟ.ᱨᱤ ᱟᱲᱟᱝ (2) ᱛᱟ.ᱨᱩ ᱛᱟ.ᱨᱤ ᱟᱲᱟᱝ (3) ᱛᱟ.ᱞᱩᱣᱟ. ᱛᱟ.ᱨᱤ ᱟᱲᱟᱝ (4)ᱰᱟᱴᱟ ᱛᱟ.ᱨᱤ ᱟᱲᱟᱝ (5)ᱞᱩᱴᱤ ᱛᱟ.ᱨᱤ ᱟᱲᱟᱝ (6)ᱢᱩ ᱛᱟ.ᱨᱤ ᱟᱲᱟᱝ (7) ᱠᱟᱱᱴᱟ ᱞᱩᱴᱤ ᱛᱟ.ᱨᱤ ᱟᱲᱟᱝ I

(1)ᱠᱟᱱᱴᱟ ᱛᱟ.ᱨᱤ ᱟᱲᱟᱝ

ᱱᱟ:ᱰᱨᱤ ᱵᱷᱤᱛᱨᱤ ᱡᱟᱦᱟ ᱴᱷᱮᱱ ᱥᱟᱦᱮᱫ ᱦᱚᱭ ᱛᱟᱨᱠᱚᱜ ᱛᱮ ᱥᱟᱰᱮ ᱟᱲᱟᱝ ᱥᱤᱨᱡᱚᱱᱚᱜ ᱟ I ᱚᱱᱟ ᱦᱚᱲᱢᱚ ᱦᱮᱥ ᱜᱮ ᱠᱟᱱᱴᱟ ᱵᱚ ᱢᱮᱛᱟᱜ - ᱟ I ᱚᱞ ᱪᱤᱠᱤ ᱨᱮᱭᱟᱜ ᱡᱟᱦᱟ ᱪᱤᱠᱤ ᱟᱲᱟᱝ ᱥᱮ ᱨᱚᱲᱟᱝ ᱯᱷᱚᱴᱮᱞ ᱚᱠᱛᱚ ᱥᱟᱰᱮ ᱛᱮᱫ ᱥᱚᱡᱷᱮ ᱠᱟᱱᱴᱟ ᱠᱷᱚᱱ ᱩᱰᱩᱠᱚᱜ ᱛᱮ ᱟᱲᱟᱝ ᱯᱷᱚᱴᱮᱞᱚᱜ ᱟ I ᱚᱱᱠᱟᱱ ᱟᱲᱟᱝ ᱫᱚ ᱟᱲᱟᱝ ᱴᱷᱟᱶ ᱟ.ᱨᱤ ᱞᱮᱠᱟᱛᱮ ᱠᱟᱱᱴᱟ ᱛᱟ.ᱨᱤ ᱟᱲᱟᱝ ᱵᱚ ᱢᱮᱛᱟᱜ - ᱟ I ᱡᱮᱞᱮᱠᱟ - ᱚ, ᱜ, ᱟ, ᱠ, ᱤ, ᱦ, ᱮ I

(2)ᱛᱟ.ᱨᱩ ᱛᱟ.ᱨᱤ ᱟᱲᱟᱝ

ᱠᱳᱞᱠᱩᱞᱤ ᱥᱟᱢᱟᱝ ᱠᱷᱚᱱ ᱮᱦᱚᱵ ᱠᱟᱛᱮ ᱪᱮᱛᱟᱱ ᱪᱟᱦᱟᱵ ᱨᱮᱭᱟᱜ ᱠᱮᱴᱮᱡ ᱦᱤᱥ ᱜᱮ ᱢᱮᱱᱮᱠ ᱛᱟ.ᱞᱩᱣᱟ. ᱦᱟ.ᱵᱤᱡ ᱛᱟᱞᱟ ᱢᱟᱞᱟ ᱱᱟᱥᱮ ᱞᱟ.ᱵᱤᱫ ᱦᱤᱥ ᱜᱮ ᱛᱟ.ᱨᱩ ᱠᱟᱱᱟ I ᱡᱟᱦᱟ ᱪᱤᱠᱤ ᱨᱚᱲ ᱥᱮ ᱟᱲᱟᱝ ᱯᱷᱚᱴᱮᱞ ᱚᱠᱛᱚ ᱟᱞᱟᱝ ᱪᱮᱛᱟᱱ ᱥᱮᱫ ᱞᱟ.ᱴᱩᱢ ᱨᱩᱣᱟ.ᱲ ᱠᱟᱛᱮ ᱛᱟ.ᱨᱩ ᱡᱟᱜ ᱟ.ᱱᱤᱡ ᱜᱮ ᱟᱲᱟᱝ ᱯᱷᱚᱴᱮᱞᱚᱜ ᱟ I ᱚᱱᱠᱟᱱ ᱟᱲᱟᱝ ᱫᱚ ᱛᱟ.ᱨᱩ ᱛᱟ.ᱨᱤ ᱟᱞᱟᱝ ᱵᱚᱱ ᱢᱮᱛᱟᱜ ᱟ I ᱡᱮᱞᱮᱠᱟ - ᱰ, ᱴ ᱟᱨ ᱜᱟ.ᱦᱞᱟ. ᱴᱩᱰᱟ.ᱜ I

(3) ᱛᱟ.ᱞᱩ ᱛᱟ.ᱨᱤ ᱟᱲᱟᱝ

ᱢᱚᱪᱟ ᱵᱷᱤᱛᱨᱤ ᱨᱮᱭᱟᱜ ᱥᱟ.ᱲᱤᱢ ᱢᱮᱱᱮᱠ ᱛᱟ.ᱨᱩ ᱥᱟᱢᱟᱝ ᱠᱷᱚᱱ ᱪᱮᱛᱟᱱ ᱠᱟᱱᱴᱟ ᱯᱷᱮᱰ ᱦᱟ.ᱵᱤᱡ ᱢᱚᱪᱟ ᱨᱮᱭᱟᱜ ᱠᱮᱴᱮᱡ ᱦᱤᱥ ᱜᱮ ᱛᱟ.ᱞᱩ.ᱣᱟ. ᱵᱚ ᱢᱮᱛᱟᱜ ᱟ I ᱡᱟᱦᱟ ᱪᱤᱠᱤ ᱟᱲᱟᱝ ᱚᱠᱛᱚ ᱟᱞᱟᱝ ᱢᱚᱪᱟ ᱨᱮᱭᱟᱜ ᱛᱟ.ᱞᱩᱣᱟ. ᱦᱤᱥ ᱮ ᱡᱚᱴᱮᱫᱟ, ᱚᱱᱠᱟᱱ ᱟᱲᱟᱝ ᱫᱚ ᱛᱟ.ᱞᱩᱣᱟ. ᱛᱟ.ᱨᱤ ᱟᱲᱟᱝ ᱵᱚ ᱢᱮᱛᱟᱜ - ᱟ I ᱡᱮᱞᱮᱠᱟ - ᱡ, ᱨ, ᱪ, ᱫ, ~ , - , ᱚᱦᱚᱫ I

(4)ᱰᱟᱴᱟ ᱛᱟ.ᱨᱤ ᱟᱲᱟᱝ

ᱰᱟᱴᱟ ᱫᱚ ᱢᱚᱪᱟ ᱨᱮᱭᱟᱜ ᱡᱷᱚᱛᱚ ᱠᱷᱚᱱ ᱠᱮᱴᱮᱡ ᱟᱨ ᱧᱩᱢᱟᱱ ᱦᱤᱥ ᱠᱟᱱᱟ I ᱢᱟ.ᱱᱢᱤ ᱢᱚᱪᱟ ᱨᱮ ᱪᱮᱛᱟᱱ ᱞᱟᱛᱟᱨ ᱵᱟᱨ ᱛᱷᱟᱨ ᱯᱟᱱᱛᱮᱛᱮ ᱰᱟᱴᱟ ᱜᱮᱱᱛᱮ ᱜᱮᱛᱮᱡ ᱥᱟᱡᱟᱣ ᱢᱮᱱᱟᱜ - ᱟ I ᱚᱞ ᱪᱤᱠᱤ ᱨᱮᱭᱟᱜ ᱡᱟᱦᱟ ᱪᱤᱠᱤ ᱥᱮ ᱟᱠᱷᱚᱨ ᱟᱲᱟᱝ ᱚᱠᱛᱚ ᱟᱞᱟᱝ ᱰᱟᱴᱟ ᱡᱚᱯᱚᱴᱮᱫᱚᱜ ᱟ I ᱚᱱᱠᱟᱱ ᱟᱲᱟᱝ ᱫᱚ ᱟᱲᱟᱝ ᱟ.ᱨᱤ ᱞᱮᱠᱟᱛᱮ ᱰᱟᱴᱟ ᱛᱟ.ᱨᱤᱟᱲᱟᱝ ᱵᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱛ, ᱞ, ᱥ, ,ᱱ ᱟᱨ ᱲ I

(5)ᱞᱩᱴᱤ ᱛᱟ.ᱨᱤ ᱟᱲᱟᱝ

ᱢᱟ.ᱱᱢᱤ ᱢᱚᱪᱟ ᱥᱟᱢᱟᱝ ᱨᱮ ᱢᱤᱫ ᱡᱚᱲ ᱞᱩᱴᱤ ᱢᱮᱱᱟᱜ ᱟ I ᱚᱱᱟ ᱞᱩᱴᱤ ᱠᱤᱱ ᱦᱩᱰᱤᱧ ᱢᱟᱨᱟᱝ ᱪᱟᱦᱟᱵ ᱥᱤᱠᱩᱵ ᱛᱟᱞᱟᱛᱮ ᱟᱵᱚ ᱨᱚᱲ ᱵᱚ ᱯᱷᱚᱴᱮᱞᱮᱫᱟ I ᱚᱠᱟ ᱪᱤᱠᱤ ᱨᱚᱲ ᱟᱲᱟᱝ ᱡᱚᱦᱚᱜ ᱞᱩᱴᱤ ᱠᱤᱱ ᱡᱚᱯᱚᱴᱮᱫᱚᱜ ᱟ, ᱚᱱᱠᱟᱱ ᱟᱲᱟᱝ ᱫᱚ ᱟᱲᱟᱝ ᱴᱷᱟᱶ ᱟ.ᱨᱤ ᱞᱮᱠᱟᱛᱮ ᱞᱩᱴᱤ ᱛᱟ.ᱨᱤ ᱟᱲᱟᱝ ᱵᱚ ᱢᱮᱛᱟᱜ - ᱟ I ᱡᱮᱞᱮᱠᱟ - ᱢ, ᱯ, ᱵ I

(6) ᱢᱩ ᱛᱟ.ᱨᱤ ᱟᱲᱟᱝ

ᱡᱟᱦᱟ ᱪᱤᱠᱤ ᱨᱮᱭᱟᱜ ᱨᱚᱲᱟᱝ ᱚᱠᱛᱚ ᱥᱟᱰᱮ ᱟᱨ ᱥᱟ.ᱦᱮᱫ ᱦᱚᱭ ᱢᱩ ᱥᱮᱫ ᱛᱮ ᱩᱰᱩᱠᱚᱜ ᱛᱮ ᱟᱲᱟᱝ ᱯᱷᱚᱴᱮᱞᱚᱜ ᱟ I ᱚᱱᱠᱟᱱ ᱟᱲᱟᱝ ᱟᱱ ᱪᱤᱠᱤ ᱫᱚ ᱢᱩ ᱛᱟ.ᱨᱤ ᱟᱲᱠᱝ ᱪᱤᱠᱤ ᱠᱚ ᱢᱮᱛᱟᱜ - ᱟ I ᱡᱮᱞᱮᱠᱟ - ᱝ, ᱢ, ᱧ, ᱬ, ᱱ, ᱶ ᱟᱨ ᱢᱩ ᱴᱩᱰᱟ.ᱜ I

(7) ᱠᱟᱱᱴᱟ ᱞᱩᱴᱤ ᱛᱟ.ᱨᱤ ᱟᱲᱟᱝ

ᱚᱠᱟ ᱪᱤᱠᱤ ᱨᱚᱲᱟᱝ ᱚᱠᱛᱚ ᱥᱟᱰᱮ ᱛᱮᱫ ᱠᱟᱱᱴᱟ ᱠᱷᱚᱱ ᱥᱤᱨᱡᱚᱱᱚᱜ ᱛᱮ ᱞᱩᱴᱤ ᱠᱤᱱ ᱦᱩᱰᱤᱧ ᱢᱟᱨᱟᱝ ᱪᱟᱦᱟᱵ ᱥᱤᱠᱩᱵ ᱪᱳᱭᱟᱳ ᱟᱨ ᱵᱟᱝᱠᱷᱟᱱ ᱡᱚᱯᱚᱴᱮᱫ ᱛᱟᱞᱟᱛᱮ ᱟᱲᱟᱝ ᱯᱷᱚᱴᱮᱞᱚᱜ ᱟ I ᱚᱱᱠᱟᱱ ᱟᱲᱟᱝ ᱫᱚ ᱠᱟᱱᱴᱟ ᱞᱩᱴᱤ ᱛᱟ.ᱨᱤ ᱟᱲᱟᱝ ᱵᱚ ᱢᱮᱛᱟᱜ ᱟ I ᱡᱮᱞᱮᱠᱟ - ᱳ, ᱣ, ᱩ, ᱭ, ᱷ I