ᱟᱹᱛᱩ
ᱱᱟᱥᱮ ᱩᱨᱩᱢ ᱟᱹᱛᱩ ᱫᱚ ᱢᱤᱫ ᱢᱟᱹᱱᱢᱤ ᱠᱚ ᱛᱟᱦᱮᱱ ᱴᱷᱟᱶ ᱨᱮᱱᱟᱜ ᱧᱩᱛᱩᱢ ᱠᱟᱱᱟ ᱾ ᱢᱤᱫ ᱟᱹᱛᱩ ᱨᱮᱫᱚ ᱟᱹᱰᱤ ᱜᱟᱱ ᱜᱷᱟᱨᱚᱸᱡᱽ ᱠᱚ ᱢᱮᱥᱟ ᱥᱮᱞᱮᱫ ᱠᱟᱛᱮ ᱥᱮ ᱡᱚᱛᱚ ᱯᱟᱹᱨᱤᱥ, ᱡᱟᱹᱛᱤ, ᱫᱷᱚᱨᱚᱢ ᱨᱤᱱ ᱦᱚᱲ ᱠᱚ ᱛᱟᱦᱮᱱᱟ ᱾ ᱱᱚᱰᱮ ᱫᱚ ᱥᱩᱢᱟᱹᱫ ᱥᱟᱱᱛᱟᱲ ᱡᱟᱹᱛᱤ ᱨᱤᱱ ᱦᱚᱲ ᱠᱚᱣᱟᱜ ᱛᱟᱦᱮᱸ ᱡᱚᱝ ᱠᱟᱛᱷᱟ ᱚᱞᱚᱜ ᱠᱟᱱᱟ ᱾
ᱥᱟᱱᱛᱟᱲ ᱟᱹᱛᱩ ᱥᱟᱱᱛᱟᱲ ᱟᱹᱛᱩ ᱨᱮᱱᱟᱜ ᱠᱩᱞᱦᱤ ᱫᱚ ᱵᱚᱸᱜᱟ ᱨᱟᱠᱟᱵ ᱵᱚᱸᱜᱟ ᱦᱟᱹᱥᱩᱨ ᱛᱟᱦᱮᱱᱟ ᱾ ᱠᱩᱞᱦᱤ ᱢᱩᱪᱟᱹᱫ ᱨᱮ ᱡᱟᱦᱮᱨ ᱛᱟᱦᱮᱱᱟ ᱾ ᱛᱟᱞᱟ ᱠᱩᱞᱦᱤ ᱨᱮ ᱫᱷᱚᱨᱚᱢ ᱟᱠᱷᱲᱟ/ᱞᱟᱜᱽᱬᱮ ᱟᱠᱷᱲᱟ ᱛᱟᱦᱮᱱᱟ ᱾ ᱚᱱᱟ ᱥᱩᱨ ᱨᱮ ᱜᱩᱨᱩ ᱟᱠᱷᱲᱟ ᱦᱚᱸ ᱛᱟᱦᱮᱸᱱᱟ ᱾ ᱜᱚᱴ ᱴᱟᱺᱰᱤ, ᱢᱟᱜᱽ ᱴᱟᱺᱰᱤ, ᱵᱮᱡᱷᱟ ᱴᱟᱺᱰᱤ, ᱢᱩᱠᱟᱢ ᱴᱟᱺᱰᱤ, ᱵᱷᱩᱡᱽᱱᱤ ᱴᱟᱺᱰᱤ, ᱫᱷᱟᱫᱽᱨᱟ ᱦᱟᱴᱟᱜ ᱜᱚᱦᱚᱲ ᱜᱤᱰᱤ ᱴᱷᱟᱶ, ᱢᱟᱺᱬ ᱜᱷᱟᱹᱴᱤ, ᱫᱟᱜ ᱜᱷᱟᱴ, ᱛᱩᱯᱩᱱ ᱜᱷᱟᱴ, ᱡᱤᱞᱤᱧ ᱰᱟᱦᱟᱨ ᱜᱷᱟᱴ, ᱡᱟᱱᱛᱟᱲ ᱜᱟᱲ, ᱥᱮᱸᱫᱽᱨᱟ ᱜᱟᱲ, ᱠᱷᱟᱹᱨᱟᱹᱭ ᱠᱩᱸᱵᱟᱹ, ᱫᱚᱵᱟᱹᱴᱤ, ᱫᱚᱨᱵᱟᱨ ᱪᱟᱴᱟᱱᱤ, ᱮᱢᱟᱱ ᱠᱚ ᱛᱟᱦᱮᱸᱱᱟ ᱾
ᱴᱷᱟᱶ ᱡᱟᱹᱱᱤᱡ ᱠᱟᱹᱢᱤ
- ᱡᱟᱦᱮᱨ ᱜᱟᱲ ᱨᱮ ᱫᱚ ᱚᱠᱛᱚ ᱡᱟᱹᱱᱤᱡ ᱵᱟᱦᱟ l, ᱢᱟᱜᱢᱚᱬᱮ, ᱫᱟᱜ ᱥᱮᱸᱫᱽᱨᱟ, ᱟᱹᱥᱟᱲᱤᱭᱟᱹ, ᱦᱟᱹᱨᱭᱟᱹᱲ, ᱱᱟᱶᱟᱭ, ᱤᱨᱥᱤᱫ ᱮᱢᱟᱱ ᱵᱚᱸᱜᱟᱜᱼᱟ ᱾ ᱫᱷᱚᱨᱚᱢ ᱟᱠᱷᱲᱟ/ᱞᱟᱜᱽᱬᱮ ᱟᱠᱷᱲᱟ ᱨᱮᱫᱚ ᱯᱟᱨᱟᱵ ᱯᱩᱱᱩᱭ ᱱᱮᱸᱰᱟ ᱥᱟᱵ ᱠᱩᱲᱤ ᱠᱚᱲᱟ ᱞᱟᱜᱽᱬᱮ ᱮᱱᱮᱡ ᱵᱟᱭ ᱫᱟᱜᱽ ᱠᱷᱟᱱ ᱚᱦᱬᱮ ᱱᱮᱦᱚᱨ ᱞᱟᱜᱽᱬᱮ ᱮᱱᱮᱡ ᱮᱢᱟᱱ ᱠᱚ ᱦᱩᱭᱩᱜᱼᱟ ᱾
- ᱜᱩᱨᱩ ᱟᱠᱷᱲᱟ ᱨᱮᱫᱚ ᱜᱩᱨᱩ/ᱚᱡᱷᱟ ᱴᱷᱮᱱ ᱠᱷᱚᱱ ᱠᱚᱲᱟ ᱠᱚ ᱢᱟᱱᱛᱟᱨ ᱠᱚ ᱡᱷᱟᱲᱱᱤ ᱠᱚ ᱨᱩᱢᱩᱜ ᱠᱚ ᱵᱚᱝᱜᱟ ᱧᱩᱛᱩᱢ ᱥᱮᱨᱣᱟ ᱪᱷᱟᱰᱟᱣ ᱥᱩᱱᱩᱢ ᱠᱷᱟᱹᱲᱤ ᱱᱟᱹᱴᱠᱟᱹ ᱥᱟᱵ ᱚᱝ ᱡᱷᱟᱲ ᱮᱨᱮ ᱥᱟᱞᱟ ᱮᱢᱟᱱ ᱠᱚ ᱠᱚ ᱪᱮᱫᱟ ᱾
- ᱜᱚᱴ ᱴᱟᱺᱰᱤ ᱨᱮᱫᱚ ᱜᱟᱭ ᱠᱚ ᱵᱤᱛᱠᱤᱞ ᱠᱚ ᱢᱮᱨᱚᱢ ᱵᱷᱤᱰᱤ ᱠᱚ ᱟᱲᱟᱜ ᱜᱚᱴ ᱠᱚᱣᱟ ᱾
- ᱢᱟᱜᱽ ᱴᱟᱺᱰᱤ ᱨᱮᱫᱚ ᱢᱟᱜᱽ ᱵᱚᱸᱜᱟᱜᱼᱟ ᱾ ᱢᱟᱜᱽ ᱵᱚᱸᱜᱟ ᱢᱩᱞᱩᱜ ᱢᱚᱬᱮ ᱢᱟᱦᱟ ᱨᱮ ᱢᱟᱜᱽ ᱵᱚᱸᱜᱟ ᱦᱩᱭᱩᱜᱼᱟ ᱾ ᱢᱟᱜᱽ ᱴᱟᱺᱰᱤ ᱠᱷᱚᱱ ᱯᱩᱭᱞᱩ ᱛᱮ ᱢᱟᱜ ᱫᱟᱨᱮ ᱢᱟᱹᱡᱷᱤ ᱡᱚᱜᱽ ᱢᱟᱹᱡᱷᱤ ᱟᱨ ᱱᱟᱭᱠᱮ ᱚᱲᱟᱜ ᱛᱮᱠᱚ ᱜᱚᱦᱚᱲ ᱟᱹᱜᱩᱭᱟ ᱾ ᱤᱱᱟᱹ ᱦᱤᱞᱚᱜ ᱠᱷᱚᱱ ᱫᱟᱨᱮ ᱢᱟᱜ ᱜᱟᱱᱚᱜ-ᱟ ᱾
- ᱵᱮᱡᱷᱟ ᱴᱟᱺᱰᱤ