ᱟᱹᱨᱥᱤ

ᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫ ᱨᱚᱠᱚᱢ ᱥᱚᱢᱟᱱ ᱠᱟᱸᱪ ᱛᱮ ᱵᱮᱱᱟᱣ ᱟᱠᱟᱱ ᱡᱤᱱᱤᱥ ᱡᱟᱦᱟᱸ ᱨᱮ ᱢᱟᱨᱥᱟᱞ ᱨᱮᱱᱟᱜ ᱯᱨᱚᱛᱤᱯᱷᱚᱞᱚᱱ ᱞᱮᱠᱟᱛᱮ ᱚᱱᱟ ᱞᱟᱦᱟᱨᱮ ᱛᱟᱦᱮᱸᱱᱟ ᱟᱨ ᱡᱟᱦᱟᱸ ᱡᱤᱱᱤᱥᱼᱟᱜ ᱯᱨᱚᱛᱤᱯᱷᱚᱞᱚᱱ ᱧᱮᱞ ᱧᱟᱢᱚᱜᱼᱟ ᱾ ᱠᱟᱸᱪ ᱨᱮᱱᱟᱜ ᱢᱤᱫ ᱟᱲᱮ ᱫᱷᱟᱹᱛᱩ ᱛᱮ ᱠᱚ ᱯᱚᱛᱚᱣᱟ ᱠᱟᱨᱚᱱ ᱠᱟᱸᱪ ᱫᱚ ᱢᱤᱫᱴᱟᱹᱝ ᱥᱚᱪᱪᱷᱚ ᱡᱤᱱᱤᱥ ᱠᱟᱱᱟ ᱾ ᱡᱟᱦᱟᱸ ᱥᱮᱡ ᱫᱷᱟᱹᱛᱩ ᱛᱮᱠᱚ ᱯᱚᱛᱚᱣᱟ ᱚᱱᱟ ᱨᱮᱱᱟᱜ ᱩᱞᱴᱟᱹᱣ ᱥᱮᱡ ᱜᱮ ᱟᱹᱨᱥᱤ ᱢᱮᱱᱛᱮ ᱵᱮᱵᱷᱟᱨᱚᱜᱼᱟ ᱾ ᱢᱤᱫ ᱟᱲᱮ ᱫᱷᱟᱹᱛᱩ ᱛᱮ ᱯᱚᱛᱟᱣ ᱠᱟᱸᱪ ᱜᱮ ᱟᱹᱨᱥᱤ ᱦᱤᱥᱟᱹᱵ ᱛᱮ ᱫᱚ ᱡᱚᱛᱚ ᱠᱷᱚᱱ ᱢᱚᱡᱼᱟ ᱾

ᱟᱹᱨᱥᱤ ᱫᱚ ᱱᱮᱛᱟᱨ ᱡᱩᱜᱽ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱ ᱠᱟᱱᱟ ᱾ ᱮᱢᱚᱱ ᱪᱮᱫ ᱜᱷᱟᱨᱚᱸᱡᱽ ᱵᱟᱹᱱᱩᱜᱼᱟ ᱡᱟᱦᱟᱸ ᱨᱮ ᱟᱹᱨᱥᱤ ᱵᱟᱹᱱᱩᱜᱼᱟ ᱾ ᱟᱹᱨᱥᱤ ᱫᱚ ᱢᱟᱹᱱᱢᱤ ᱠᱚᱣᱟᱜ ᱢᱮᱫᱦᱟᱸ ᱥᱮ ᱦᱚᱲᱢᱚ ᱧᱮᱞ ᱞᱟᱹᱜᱤᱫ ᱵᱮᱵᱷᱟᱨᱚᱜᱼᱟ ᱾ ᱚᱱᱟ ᱵᱟᱫᱽ ᱠᱟᱛᱮ ᱦᱚᱸ ᱟᱹᱨᱥᱤ ᱫᱟᱨᱟᱭ ᱛᱮ ᱜᱟᱹᱰᱤ ᱢᱚᱴᱚᱨ ᱨᱮ ᱫᱚ ᱛᱟᱭᱚᱢ ᱥᱮᱡ ᱧᱮᱞ ᱞᱟᱹᱜᱤᱫ ᱟᱹᱨᱥᱤ ᱵᱮᱵᱷᱟᱨᱚᱜᱼᱟ ᱾ ᱢᱟᱹᱱᱢᱤ ᱟᱹᱠᱚᱣᱟᱜ ᱵᱮᱵᱷᱟᱨ ᱞᱟᱹᱜᱤᱫ ᱱᱟᱱᱟᱱ ᱞᱮᱠᱟᱱ ᱱᱟᱠᱥᱟ ᱨᱮᱱᱟᱜ ᱞᱟᱹᱴᱩ ᱠᱟᱹᱴᱤᱡ ᱟᱭᱢᱟ ᱞᱮᱠᱟᱱ ᱟᱹᱨᱥᱤ ᱠᱚ ᱵᱮᱱᱟᱣ ᱟᱹᱜᱩᱭᱮᱫᱼᱟ ᱟᱨ ᱠᱚ ᱵᱮᱵᱷᱟᱨ ᱮᱫᱼᱟ ᱾

ᱱᱟᱱᱟ ᱦᱩᱱᱟᱹᱨ ᱟᱹᱨᱥᱤ

ᱟᱹᱨᱥᱤ ᱫᱚ ᱵᱟᱨ ᱜᱚᱴᱟᱝ ᱦᱩᱭᱩᱜᱼᱟ ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ: (᱑) ᱥᱚᱢᱟᱱ ᱟᱹᱨᱥᱤ ᱟᱨ (᱒) ᱜᱳᱞ ᱟᱹᱨᱥᱤ ᱾

(᱑) ᱥᱚᱢᱟᱱ ᱟᱹᱨᱥᱤ

ᱟᱹᱨᱥᱤ ᱨᱮᱱᱟᱜ ᱫᱷᱟᱹᱛᱩ ᱯᱚᱛᱟᱣ ᱟᱲᱮ ᱟᱹᱰᱤᱜᱮ ᱥᱚᱢᱟᱱ ᱛᱟᱦᱮᱸ ᱞᱮᱱᱠᱷᱟᱱ ᱟᱨ ᱚᱱᱟ ᱨᱮ ᱢᱟᱨᱥᱟᱞ ᱨᱮᱱᱟᱜ ᱯᱨᱚᱛᱤᱯᱷᱚᱞᱚᱱ ᱢᱚᱡᱽ ᱛᱮ ᱦᱩᱭ ᱞᱮᱱ ᱠᱷᱟᱱ ᱚᱱᱟᱜᱮ ᱥᱚᱢᱟᱱ ᱟᱹᱨᱥᱤ (plane mirror) ᱠᱚ ᱢᱮᱛᱟᱜᱼᱟ ᱾ ᱢᱮᱫᱦᱟᱸ ᱧᱮᱞ ᱞᱟᱹᱜᱤᱫ ᱡᱟᱦᱟᱸ ᱟᱹᱨᱥᱤ ᱵᱮᱵᱷᱟᱨᱚᱜᱼᱟ ᱚᱱᱟ ᱫᱚ ᱥᱚᱢᱟᱱ ᱟᱹᱨᱥᱤ ᱠᱟᱱᱟ ᱾

(᱒) ᱜᱳᱞ ᱟᱹᱨᱥᱤ

ᱜᱳᱞ ᱟᱹᱨᱥᱤ ᱨᱮᱱᱟᱜ ᱯᱚᱛᱟᱣ ᱟᱲᱮ ᱨᱮ ᱢᱟᱨᱥᱟᱞ ᱨᱮᱱᱟᱜ ᱯᱨᱚᱛᱤᱯᱷᱚᱞᱚᱱ ᱢᱚᱡᱽ ᱛᱮ ᱦᱩᱭ ᱞᱮᱱ ᱠᱷᱟᱱ ᱚᱱᱟᱜᱮ ᱜᱳᱞ ᱟᱹᱨᱥᱤ (spherical mirror) ᱠᱚ ᱢᱮᱛᱟᱜᱼᱟ ᱾ ᱜᱳᱞ ᱟᱹᱨᱥᱤ ᱫᱚ ᱵᱟᱨ ᱜᱚᱴᱟᱝ ᱦᱩᱭᱩᱜᱼᱟ ᱾ ᱩᱛᱛᱚᱞ ᱟᱹᱨᱥᱤ ᱟᱨ ᱚᱵᱚᱛᱚᱞ ᱟᱹᱨᱥᱤ ᱾

ᱵᱤᱢᱵᱚ

ᱡᱟᱦᱟᱸᱱ ᱢᱤᱫᱴᱷᱮᱱ ᱵᱤᱱᱫᱩ ᱠᱷᱚᱱ ᱢᱟᱨᱥᱟᱞ ᱩᱰᱩᱜ ᱠᱟᱛᱮ ᱟᱨ ᱢᱤᱫᱴᱷᱮᱱ ᱵᱤᱱᱫᱩ ᱨᱮ ᱢᱤᱞᱟᱹᱣ ᱞᱮᱱ ᱠᱷᱟᱱ ᱮᱛᱚᱦᱚᱵ ᱵᱤᱱᱫᱩ ᱨᱮᱱᱟᱜ ᱵᱤᱢᱵᱚ ᱫᱚ ᱫᱚᱥᱟᱨ ᱵᱤᱱᱫᱩ ᱠᱟᱱᱟ ᱾ ᱡᱮᱞᱮᱠᱟ ᱥᱚᱢᱟᱱ ᱟᱹᱨᱥᱤ ᱞᱟᱦᱟᱨᱮ ᱡᱟᱦᱟᱸᱱᱟᱜ ᱛᱟᱦᱮᱸ ᱞᱮᱱ ᱠᱷᱟᱱ ᱚᱱᱟ ᱨᱮᱱᱟᱜ ᱪᱤᱛᱟᱹᱨ ᱟᱹᱨᱥᱤ ᱨᱮ ᱧᱮᱞ ᱧᱟᱢᱚᱜᱼᱟ ᱾ ᱢᱚᱱᱮ ᱦᱩᱭᱩᱜᱼᱟ ᱡᱮ ᱯᱟᱥᱮᱡ ᱟᱹᱨᱥᱤ ᱨᱮ ᱧᱮᱞᱚᱜ ᱪᱤᱛᱟᱹᱨ ᱨᱮᱱᱟᱜ ᱡᱤᱱᱤᱥ ᱫᱚ ᱟᱹᱨᱥᱤ ᱛᱟᱭᱚᱢ ᱨᱮ ᱢᱮᱱᱟᱜᱼᱟ ᱾ ᱟᱫᱚ ᱥᱟᱹᱨᱤ ᱫᱚ ᱦᱩᱭᱩᱜ ᱠᱟᱱᱟ ᱚᱱᱟ ᱪᱤᱛᱟᱹᱨ ᱨᱮᱱᱟᱜ ᱡᱟᱦᱟᱸ ᱡᱤᱱᱤᱥ ᱧᱮᱞᱚᱜ ᱠᱟᱱᱟ ᱚᱱᱟ ᱫᱚ ᱟᱹᱨᱥᱤ ᱞᱟᱦᱟ ᱨᱮᱜᱮ ᱛᱟᱦᱮᱸᱱᱟ ᱾ ᱟᱹᱨᱥᱤ ᱨᱮ ᱧᱮᱞᱚᱜ ᱪᱤᱛᱟᱹᱨ ᱜᱮ ᱚᱱᱟ ᱡᱤᱱᱤᱥ ᱨᱮᱱᱟᱜ ᱵᱤᱢᱵᱚ ᱠᱟᱱᱟ ᱾ ᱥᱚᱢᱟᱱ ᱟᱹᱨᱥᱤ ᱨᱮ ᱡᱟᱦᱟᱸ ᱵᱤᱢᱵᱚ ᱛᱮᱭᱟᱨᱚᱜᱼᱟ ᱚᱱᱟ ᱫᱚ ᱚᱱᱟ ᱡᱤᱱᱤᱥ ᱥᱚᱢᱟᱱ ᱜᱮ ᱦᱩᱭᱩᱜᱼᱟ ᱾ ᱩᱛᱛᱚᱞ ᱟᱹᱨᱥᱤ ᱨᱮ ᱫᱚ ᱟᱹᱨᱥᱤ ᱵᱷᱤᱛᱨᱤ ᱨᱮ ᱧᱮᱞᱚᱜ ᱪᱤᱛᱟᱹᱨ ᱫᱚ ᱠᱟᱹᱴᱤᱡ ᱜᱮ ᱦᱩᱭᱩᱜᱼᱟ ᱟᱨ ᱚᱵᱚᱛᱟᱞ ᱟᱹᱨᱥᱤ ᱨᱮ ᱫᱚ ᱡᱟᱸᱦᱟᱸ ᱨᱮ ᱡᱤᱱᱤᱥ ᱢᱮᱱᱟᱜᱼᱟ ᱚᱸᱰᱮ ᱠᱷᱚᱱ ᱟᱹᱨᱥᱤ ᱨᱮᱱᱟᱜ ᱥᱟᱺᱜᱤᱧ, ᱩᱥᱩᱞ ᱪᱷᱟᱯᱚ ᱦᱤᱥᱟᱹᱵ ᱛᱮ ᱵᱤᱢᱵᱚ ᱦᱚᱸ ᱞᱟᱹᱴᱩ ᱠᱟᱹᱴᱤᱡ ᱦᱩᱭ ᱫᱟᱲᱮᱭᱟᱜᱼᱟ ᱾ ᱟᱨ ᱦᱚᱸ ᱵᱤᱢᱵᱚ ᱫᱚ ᱵᱟᱨ ᱞᱮᱠᱟᱱ ᱦᱩᱭᱩᱜᱼᱟ ᱾ ᱚᱱᱟ ᱫᱚ ᱵᱟᱥᱛᱚᱵᱽ ᱟᱨ ᱚᱵᱟᱥᱛᱚᱵ ᱵᱤᱢᱵᱚ ᱾

ᱪᱤᱛᱟᱹᱨ ᱠᱚ

18th century vermeil mirror in the Musée des Arts décoratifs, Strasbourg
Photographer taking picture of himself in curved mirror at the Universum museum in Mexico City
A large convex mirror. Distortions in the image increase with the viewing distance.
Bronze mirror, New Kingdom of Egypt, Eighteenth Dynasty, 1540–1296 BC, Cleveland Museum of Art (USA)
seated woman holding a mirror; Ancient Greek Attic red-figure lekythos by the Sabouroff Painter, c. 470–460 BC, National Archaeological Museum, Athens (Greece)
Roman fresco of a woman fixing her hair using a mirror, from Stabiae, Italy, 1st century AD
'Adorning Oneself', detail from 'Admonitions of the Instructress to the Palace Ladies', Tang dynasty copy of an original by Chinese painter Gu Kaizhi, c. 344–405 AD
A sculpture of a lady looking into a mirror, from Halebidu, India, 12th century
Four different mirrors, showing the difference in reflectivity. Clockwise from upper left: dielectric (80%), aluminum (85%), chrome (25%), and enhanced silver (99.9%). All are first-surface mirrors except the chrome mirror. The dielectric mirror reflects yellow light from the first-surface, but acts like an antireflection coating to purple light, thus produced a ghost reflection of the lightbulb from the second-surface.
Reflections in a spherical convex mirror. The photographer is seen at top right.
A side-mirror on a racing car
Rear view mirror
Glasses with mirrors – Prezi HQ
An illustration from page 30 of Mjallhvít (Snow White) an 1852 Icelandic translation of the Grimm-version fairytale