ᱟ.ᱛᱩ ᱪᱤᱭᱟ.
ᱟ.ᱛᱩ ᱪᱤᱭᱟ. ᱠᱟᱛᱷᱟ ᱠᱚᱨᱮ ᱠᱷᱚᱱ ᱜᱮ ᱵᱟᱰᱟᱭᱚᱜ-ᱟ ᱵᱟᱝ ᱢᱟ ᱥᱟ.ᱨᱤ ᱜᱮ ᱟᱵᱚ ᱥᱟᱱᱛᱟᱲ ᱥᱮ ᱠᱷᱮᱨᱣᱟᱲ ᱡᱟ.ᱛᱤ ᱫᱚ ᱫᱷᱟ.ᱨᱛᱤ ᱨᱤᱱ ᱯᱩᱭᱞᱩ ᱢᱟ.ᱱᱢᱤ ᱜᱮ ᱾ ᱟᱵᱚ ᱨᱤᱱ ᱟ.ᱜᱤᱞ ᱦᱟᱯᱲᱟᱢ ᱠᱚ ᱞᱮ~ᱞᱮᱝᱜᱮᱫ ᱫᱷᱟ.ᱨᱛᱤ ᱨᱮᱜᱮ ᱠᱚ ᱛᱟᱦᱮᱸ ᱠᱟᱱᱟ ᱾[᱑] ᱚᱱᱟ ᱠᱷᱟ.ᱛᱤᱨ ᱜᱮᱥᱮ ᱟᱠᱚ ᱠᱩᱥᱤ ᱡᱟ.ᱱᱤ ᱟ.ᱛᱩ ᱫᱤᱥᱚᱢ ᱠᱚ ᱵᱟᱪᱷᱟᱣ ᱡᱚᱝ ᱟᱨ ᱵᱮᱱᱟᱣ ᱡᱚᱝ ᱠᱟᱱ ᱛᱟᱦᱮᱸᱫ ᱾ ᱢᱤᱫᱴᱟ.ᱝ ᱴᱷᱟᱶ ᱨᱮ ᱞᱟ.ᱠᱛᱤ ᱞᱮᱠᱟ ᱦᱚᱭ, ᱦᱤᱥᱤᱫ, ᱫᱟᱜ, ᱥᱤᱛᱩᱝ ᱵᱟᱝ ᱠᱚ ᱧᱟᱢ ᱞᱮᱫ ᱠᱷᱟᱱ ᱢᱤᱫᱴᱟ.ᱝ ᱡᱟᱭᱜᱟ ᱠᱷᱚᱱ ᱟᱨ ᱢᱤᱫᱴᱟ.ᱝ ᱴᱷᱟᱶ ᱠᱚ ᱩᱪᱟ.ᱲᱚᱜ ᱠᱟᱱ ᱛᱟᱦᱮᱸᱱ ᱾ ᱚᱱᱟ ᱦᱚᱸ ᱟ.ᱛᱷᱟ.ᱣᱲᱤ ᱫᱚ ᱵᱟᱠᱚ ᱵᱟᱥᱟ ᱵᱚᱥᱠᱚ ᱫᱚᱜ ᱠᱟᱱ ᱛᱟᱦᱮᱸᱱ ᱾ ᱟ.ᱛᱩ ᱴᱚᱞᱟ ᱵᱮᱱᱟᱣ ᱞᱟ.ᱜᱤᱫ ᱛᱮ ᱢᱟᱬᱟᱝ ᱨᱮ ᱱᱟᱯᱟᱭ ᱡᱟᱭᱜᱟ ᱠᱚ ᱛᱚᱞᱟᱥ ᱮᱫ ᱛᱟᱦᱮᱸᱱ ᱾ ᱚᱱᱟ ᱜᱮ ᱟ.ᱛᱩ ᱪᱤᱭᱟ. ᱫᱚᱠᱚ ᱢᱮᱛᱟᱜ-ᱟ ᱾
ᱚᱠᱟ ᱞᱮᱠᱟᱱ ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟ.ᱛᱩ ᱫᱚ ᱱᱚᱝᱠᱟᱱ ᱴᱷᱟᱶ ᱠᱚ ᱪᱤᱭᱟ.ᱭᱟ ᱡᱮᱢᱚᱱ ᱚᱱᱟ ᱥᱩᱨ ᱠᱚᱨᱮ ᱱᱟᱯᱟᱭ ᱪᱟᱥ ᱡᱟᱭᱜᱟ ᱛᱟᱦᱮᱸ ᱠᱚᱜ ᱢᱟ ᱾ ᱟᱨ ᱥᱩᱨ ᱨᱮ ᱫᱟᱜ ᱞᱟ.ᱜᱤᱫ ᱡᱷᱟᱨᱱᱟ ᱛᱟᱱᱟᱜ ᱞᱤᱸᱜᱤ ᱠᱚᱜ ᱢᱟ ᱾ ᱟᱨ ᱚᱱᱟ ᱴᱷᱟᱶ ᱫᱚ ᱫᱤᱲᱦᱟ. ᱫᱷᱟᱨᱟ ᱦᱩᱭ ᱠᱚᱜ ᱢᱟ ᱾ ᱟ.ᱛᱩ ᱪᱤᱭᱟ. ᱞᱟ.ᱜᱤᱫ ᱠᱷᱟᱱ ᱱᱚᱝᱠᱟᱱ ᱴᱷᱟᱶ ᱞᱟ.ᱠᱛᱤᱜ ᱠᱟᱱᱟ ᱾
ᱚᱠᱚᱭ ᱟᱱᱛᱮ ?
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟ.ᱛᱩ ᱫᱚ ᱟ.ᱛᱷᱟ.ᱣᱲᱤ ᱦᱚᱲ ᱟᱱᱛᱮ ᱪᱤᱭᱟ. ᱫᱚ ᱵᱟᱝ ᱱᱟᱯᱟᱭᱟ ᱾ ᱢᱤᱫ ᱟ.ᱠᱤᱞᱟᱱ ᱯᱩᱨᱩᱫᱷᱩᱞ ᱦᱟᱲᱟᱢ ᱟᱱᱛᱮ ᱴᱷᱟ.ᱣᱠᱟ. ᱟᱠᱟᱫ ᱵᱤᱨ ᱪᱤᱭᱟ. ᱞᱟ.ᱜᱤᱫ ᱠᱚ ᱵᱚᱞᱚᱱᱟ ᱾ ᱚᱱᱟ ᱵᱤᱨ ᱵᱚᱞᱚᱱ ᱚᱠᱛᱚ ᱜᱮ ᱥᱟ.ᱜᱩᱱ ᱠᱚᱦᱚᱸ ᱠᱚ ᱧᱮᱞ ᱤᱫᱤᱭᱟ ᱾
ᱟ.ᱛᱩ ᱥᱟ.ᱜᱩᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟ.ᱜᱩᱱ ᱠᱚ ᱱᱚᱝᱠᱟ ᱦᱩᱭᱩᱜ ᱞᱟ.ᱠᱛᱤᱜ ᱠᱟᱱᱟ ᱾ ᱵᱤᱨ ᱵᱚᱞᱚᱱ ᱚᱠᱛᱚ ᱨᱮ ᱵᱟᱴᱟ ᱠᱚ, ᱪᱮᱬᱮ ᱠᱚᱠᱚ ᱩᱰᱟ.ᱣ ᱮᱱ ᱠᱷᱟᱱ ᱠᱚ ᱢᱮᱱᱟ ᱦᱟᱯᱮᱱ ᱫᱤᱱ ᱨᱮ ᱵᱟᱵᱚ ᱛᱟᱦᱮᱸ ᱠᱮᱭᱟ ᱾ ᱢᱤᱫ ᱫᱤᱱ ᱵᱟᱝ ᱢᱤᱫ ᱫᱤᱱ ᱫᱚᱵᱚ ᱩᱰᱟ.ᱣᱜ ᱜᱮᱭᱟ ᱱᱚᱸᱰᱮ ᱠᱷᱚᱱ ᱫᱚ ᱾ ᱟᱨ ᱡᱩᱫᱤ ᱛᱟ.ᱨᱩᱵ ᱨᱟᱸᱡᱟ ᱠᱚᱠᱚ ᱧᱟᱢᱟ ᱮᱱᱠᱷᱟᱱ ᱫᱚᱠᱚ ᱢᱮᱱᱟ, "ᱦᱟᱯᱮᱱ ᱫᱤᱱ ᱨᱮ ᱟᱵᱚ ᱫᱚ ᱩᱠᱤᱥᱩᱛᱤ ᱵᱚᱱ ᱜᱟ.ᱲᱤᱭᱟ.ᱜ-ᱟ ᱾ ᱮᱱᱮᱡ ᱥᱮᱨᱮᱧ ᱨᱮᱜᱮ ᱜᱷᱟᱱᱮ ᱵᱚᱱ ᱵᱷᱩᱞᱟ.ᱣ ᱠᱚᱜ-ᱟ ᱾ ᱠᱟ.ᱢᱤ ᱠᱚ ᱵᱚᱱ ᱰᱷᱤᱞᱟ.ᱣ ᱛᱟᱵᱚᱱᱟ ᱢᱮᱱᱛᱮ ᱠᱚ ᱢᱮᱱᱟ ᱾" ᱚᱱᱟ ᱠᱚ ᱵᱟᱝ ᱠᱟᱛᱮ ᱱᱟᱯᱟᱭ ᱥᱟ.ᱜᱩᱱ ᱠᱚ ᱧᱟᱢ ᱠᱷᱟᱱ ᱚᱸᱰᱮ ᱜᱮᱠᱚ ᱴᱷᱟ.ᱣᱠᱟ. ᱩᱨᱤᱡᱟ ᱾ ᱟᱫᱚ ᱚᱱᱟ ᱴᱷᱟᱶ ᱨᱮᱜᱮ ᱟ.ᱛᱩ ᱛᱮᱸᱜᱮᱱ ᱞᱟ.ᱜᱤᱫ ᱠᱚ ᱴᱷᱤᱠ ᱴᱷᱟ.ᱣᱠᱟ.ᱭᱟ ᱾