ᱠᱚᱝᱜᱚᱱᱟ ᱨᱟᱱᱟᱣᱚᱛ
| ᱠᱚᱝᱜᱚᱱᱟ ᱨᱟᱱᱟᱣᱚᱛ | |
|---|---|
 Ranaut promoting Rangoon in 2017 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱒᱓ ᱢᱟᱨᱪ ᱑᱙᱘᱗ Bhambla, Himachal Pradesh, India |
| ᱮᱴᱟᱜ ᱧᱩᱛᱩᱢ | Kangna Ranaut |
| ᱠᱟᱹᱢᱤ | Actress, filmmaker |
| ᱠᱟᱹᱢᱤ ᱚᱠᱛᱚ | 2006–present |
| Works | Full list |
| ᱥᱤᱨᱯᱷᱟᱹ | Full list |
| Honours | Padma Shri (2020) |
| ᱣᱮᱵᱽᱥᱟᱭᱤᱴ | officialkanganaranaut |
ᱠᱚᱝᱜᱚᱱᱟ ᱨᱟᱱᱟᱣᱚᱛ (ᱡᱟᱱᱟᱢ- ᱒᱓ ᱢᱟᱨᱪ ᱑᱙᱘᱗ ᱥᱟ.ᱦᱤᱛ) ᱫᱚ ᱢᱤᱫ ᱥᱤᱧᱚᱛ ᱦᱤᱱᱫᱤ ᱯᱷᱤᱞᱢ ᱟᱠᱴᱨᱮᱥ ᱟᱨ ᱯᱷᱤᱞᱢ-ᱵᱮᱱᱟᱣᱤᱭᱟ. ᱠᱟᱱᱟᱭ ᱾ ᱟᱡ ᱫᱚ ᱟᱭᱢᱟ ᱞᱮᱠᱟᱱ ᱥᱤᱨᱯᱷᱟ. ᱠᱚᱭ ᱟᱢᱮᱴ ᱟᱠᱟᱫᱟ, ᱚᱱᱟ ᱠᱚᱫᱚ ᱡᱮᱢᱚᱱ ᱡᱟ.ᱛᱤᱭᱟ.ᱨᱤ ᱯᱷᱤᱞᱢ ᱟᱣᱟᱨᱰ, ᱯᱩᱱ ᱫᱷᱟᱣ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱟᱨ ᱥᱤᱧᱚᱛ ᱯᱷᱳᱵᱚᱨᱥ (en:Forbes India) ᱯᱟᱛᱷᱟᱢ ᱨᱮᱭᱟᱜ ᱢᱤᱫ ᱥᱟᱭ ᱥᱮᱞᱮᱵᱨᱤᱴᱤ ᱛᱷᱚᱠᱨᱮ ᱖ ᱡᱮᱠᱷᱟ ᱴᱷᱟᱶᱮ ᱟᱢᱮᱴ ᱟᱠᱟᱫᱟ ᱾ ᱒᱐᱒᱐ ᱥᱟᱞᱨᱮ, ᱥᱤᱧᱚᱛ ᱛᱟᱞᱢᱟ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚᱥᱨᱤ ᱢᱟ.ᱱ ᱦᱚᱸᱭ ᱪᱟᱞ ᱟᱠᱟᱱᱟ ᱾
ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱚᱝᱜᱚᱱᱟ ᱫᱚ ᱒᱓ ᱢᱟᱨᱪ ᱑᱙᱘᱗ ᱥᱟᱞ, ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱢᱟᱱᱰᱤ ᱦᱚᱱᱚᱛ ᱛᱟ.ᱨᱤᱨᱮ ᱵᱷᱟᱢᱵᱞᱟ (ᱱᱤᱛᱚᱝ ᱥᱩᱨᱚᱡᱽᱯᱩᱨ) ᱦᱩᱰᱤᱧ ᱱᱟᱜᱟᱨ, ᱢᱤᱫ ᱨᱟᱡᱽᱯᱩᱛ ᱜᱷᱟᱨᱚᱸᱡᱽᱨᱮ ᱡᱟᱱᱟᱢ ᱟᱠᱟᱱᱟᱭ ᱾ ᱟᱡ ᱟᱭᱳ ᱟᱥᱟ ᱨᱟᱱᱟᱣᱚᱛ (Asha Ranaut) ᱫᱚ ᱢᱤᱫ ᱟᱥᱲᱟ ᱢᱟᱪᱮᱛ ᱟᱨ ᱵᱟᱵᱟ ᱚᱢᱚᱨᱫᱤᱯ ᱨᱟᱱᱟᱣᱚᱛ (Amardeep Ranaut) ᱫᱚ ᱵᱮᱯᱟᱨᱤᱭᱟ. ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱨᱤᱱ ᱫᱚ ᱢᱤᱫ ᱵᱩᱦᱤᱱ ᱨᱟᱝᱜᱳᱞᱤ ᱪᱟᱱᱰᱮᱞ (Rangoli Chandel) ᱟᱨ ᱢᱤᱫ ᱵᱷᱟ.ᱭᱟᱫ ᱟᱠᱥᱟᱛ (Akshat) ᱢᱮᱱᱟᱜ ᱠᱤᱱᱟ ᱾ ᱟᱡ ᱜᱚᱲᱚᱢ-ᱦᱟᱲᱟᱢ ᱥᱚᱨᱡᱩ ᱥᱤᱝ ᱨᱟᱱᱟᱣᱚᱛ (Sarju Singh Ranaut) ᱫᱚ ᱢᱤᱫ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ ᱟᱨ ᱜᱚᱲᱚᱢ-ᱵᱩᱰᱷᱤ ᱦᱚᱸ ᱢᱤᱫ ᱟᱭᱤ.ᱮ.ᱮᱥ ᱚᱯᱷᱤᱥᱚᱨ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱫᱚ ᱵᱟᱢᱵᱞᱟ ᱨᱮᱭᱟᱜ ᱡᱚᱭᱮᱸᱴ ᱜᱷᱟᱨᱚᱸᱡᱽ ᱨᱮ ᱠᱩᱥᱤ,ᱨᱟ.ᱥᱠᱟ. ᱛᱮ ᱡᱟᱱᱟᱢ ᱥᱟᱶᱛᱮ ᱦᱟᱨᱟᱨᱟᱛᱟ ᱞᱮᱱᱟᱭ ᱾ ᱨᱟᱱᱟᱣᱚᱛ ᱫᱚ ᱪᱚᱱᱰᱤᱜᱚᱰ ᱨᱮᱭᱟᱜ ᱰᱤ.ᱮ.ᱵᱷᱤ ᱟᱥᱲᱟ ᱨᱮ ᱥᱟᱬᱮᱥ ᱢᱩᱬ-ᱡᱚᱥ ᱫᱚᱦᱚ ᱠᱟᱛᱮᱱ ᱯᱚᱲᱦᱚᱱ ᱞᱮᱱᱟᱭ ᱾ ᱟᱡ ᱫᱚ ᱯᱩᱭᱞᱩ ᱟᱭᱳ-ᱵᱟᱵᱟ ᱠᱤᱱᱟᱜ ᱰᱟᱠᱛᱚᱨ ᱡᱚᱥ ᱛᱟᱦᱮᱸ ᱠᱟᱱ ᱛᱟᱭᱟ, ᱤᱠᱷᱟ.ᱱ +᱒ ᱛᱟᱱᱟᱞᱟ ᱯᱚᱲᱦᱚᱱ ᱚᱠᱛᱮ ᱠᱮᱢᱮᱥᱴᱨᱤ ᱥᱟᱛᱟᱢᱨᱮ ᱦᱟ.ᱨᱮᱱ ᱠᱷᱟᱱ ᱡᱚᱥ ᱛᱟᱭ ᱦᱚᱸᱭ ᱵᱚᱫᱚᱞ ᱞᱮᱜ-ᱟ ᱾ ᱤᱱᱟ. ᱛᱟᱭᱚᱢ ᱑᱖ ᱵᱚᱪᱷᱚᱨ ᱩᱢᱮᱨ ᱨᱮ ᱫᱤᱞᱞᱤ ᱦᱮᱡ ᱮᱱᱟᱭ ᱟᱨ ᱢᱤᱫ ᱢᱳᱰᱮᱞ ᱞᱮᱠᱟᱛᱮ ᱡᱤᱭᱚᱱ ᱮᱦᱚᱵ ᱠᱮᱫᱟᱭ ᱾ ᱚᱨᱵᱤᱱᱫᱽ ᱜᱚᱣᱩᱨ (en:Arvind Gaur) ᱛᱟ.ᱨᱤᱨᱮ ᱢᱳᱰᱮᱞ ᱴᱨᱮᱱᱤᱝ ᱥᱟ.ᱛ ᱠᱮᱫᱟ ᱟᱨ ᱜᱚᱣᱩᱨ ᱥᱟᱦᱮᱵᱟᱜ ᱠᱷᱮᱞᱚᱸᱰ ᱥᱮᱱᱴᱚᱨ ᱤᱱᱰᱤᱭᱟ ᱦᱟᱵᱤᱴᱟᱴ ᱥᱮᱱᱴᱚᱨ (en:India Habitat Centre) ᱨᱮ ᱠᱟ.ᱢᱤ ᱦᱚᱸᱭ ᱮᱦᱚᱵ ᱠᱮᱫᱟ ᱟᱨ ᱛᱤᱢᱤᱱᱜᱟᱱ ᱠᱷᱮᱞᱚᱸᱰᱨᱮ ᱟᱠᱴᱤᱝ ᱞᱮᱫᱟᱭ ᱾ ᱛᱟᱭᱚᱢ ᱒᱐᱐᱖ ᱥᱟᱞᱨᱮ, ᱜᱮᱸᱝᱥᱴᱚᱨ en:Gangster ᱯᱷᱤᱞᱢ ᱨᱮ ᱯᱩᱭᱞᱩ ᱡᱮᱠᱷᱟ ᱟᱠᱴᱤᱝ ᱞᱮᱫᱟᱭ ᱾ ᱱᱚᱶᱟ ᱞᱟ.ᱜᱤᱫ ᱠᱩᱲᱤ ᱛᱷᱚᱠᱨᱮ ᱥᱚᱨᱮᱥ ᱰᱮᱵᱩᱴ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱧᱟᱢ ᱞᱮᱜ-ᱟᱭ ᱾
ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱐᱔ ᱥᱟᱞᱨᱮ, ᱯᱨᱳᱰᱩᱥᱚᱨ ᱨᱚᱢᱮᱥ ᱥᱚᱨᱢᱟ ᱟᱨ ᱯᱟᱦᱞᱟᱡᱽ ᱱᱤᱞᱟᱱᱤ ᱟᱭᱤ ᱵᱚᱷ ᱭᱩ ᱵᱳᱥ (I Love You Boss) ᱯᱷᱤᱞᱢ ᱞᱟ.ᱜᱤᱫ ᱨᱟᱱᱟᱣᱚᱛ ᱣᱟᱜ ᱧᱩᱛᱩᱢ ᱠᱤᱱ ᱩᱪᱷᱟ.ᱱ ᱞᱮᱫᱟ, ᱡᱟᱦᱟᱸ ᱫᱚ ᱫᱤᱯᱚᱠ ᱥᱤᱵᱷᱫᱟᱥᱟᱱᱤ (Deepak Shivdasani) ᱭᱟᱜ ᱫᱤᱥᱟ.-ᱩᱫᱩᱜᱛᱮ ᱥᱟᱯᱲᱟᱣ ᱞᱮᱱᱟ ᱤᱠᱷᱟ.ᱱ ᱟᱡᱟᱜ ᱩᱢᱮᱨ ᱠᱚᱢᱜᱮ ᱠᱷᱟ.ᱛᱤᱨ ᱟᱠᱴᱤᱝ ᱨᱮᱭᱟᱜ ᱫᱟᱣ ᱵᱟᱭ ᱧᱟᱢ ᱞᱮᱜ-ᱟ ᱾