ᱠᱚᱞᱟ ᱵᱷᱚᱵᱚᱱ
| ᱠᱚᱞᱟ ᱵᱷᱚᱵᱚᱱ | |
|---|---|
| ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ | |
 ᱠᱚᱞᱟ ᱵᱷᱚᱵᱚᱱ, ᱥᱟᱱᱛᱤᱱᱤᱠᱮᱛᱚᱱ | |
| ᱴᱷᱟᱶ | ᱥᱟᱱᱛᱤᱱᱤᱠᱮᱛᱚᱱ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 23°40′53″N 87°40′58″E / 23.6815°N 87.6829°ECoordinates: 23°40′53″N 87°40′58″E / 23.6815°N 87.6829°E |
| ᱛᱷᱟᱯᱚᱱᱤᱡ | ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ |
| ᱛᱷᱟᱯᱚᱱ | ᱑᱙᱑᱙ |
| ᱣᱮᱵᱽᱥᱟᱭᱤᱴ | ᱠᱚᱞᱟ ᱵᱷᱚᱵᱚᱱ ᱚᱯᱷᱤᱥᱤᱭᱟᱞ ᱣᱮᱵᱽᱥᱟᱭᱤᱴ |
ᱠᱚᱞᱟ ᱵᱷᱚᱵᱚᱱ (Institute of Fine Arts) ᱫᱚ ᱥᱤᱧᱚᱛ ᱨᱮᱱᱟᱜ ᱥᱟᱱᱛᱤᱱᱤᱠᱮᱛᱚᱱ ᱨᱮ ᱢᱮᱱᱟᱜ ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱛᱤ-ᱠᱟᱹᱨᱤ ᱵᱤᱨᱫᱟᱹᱜᱟᱲ ᱠᱟᱱᱟ᱾ ᱱᱚᱶᱟ ᱫᱚ ᱧᱮᱞ-ᱠᱟᱹᱨᱤ ᱨᱮ ᱥᱮᱪᱮᱫ ᱟᱨ ᱯᱟᱲᱦᱟᱣ ᱨᱮᱱᱟᱜ ᱢᱤᱫ ᱛᱷᱟᱹᱯᱱᱤᱛ ᱠᱟᱱᱟ᱾ ᱱᱚᱶᱟ ᱫᱚ ᱑᱙᱑᱙ ᱨᱮ ᱱᱳᱵᱮᱞ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱞᱟ ᱵᱷᱚᱵᱚᱱ ᱫᱚ ᱑᱙᱑᱙ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ᱾[᱑][᱒] ᱱᱟᱜᱟᱢᱤᱭᱟᱹ ᱠᱚ ᱱᱚᱶᱟ ᱨᱮᱱᱟᱜ ᱛᱷᱟᱯᱚᱱ ᱢᱟᱦᱟ ᱵᱟᱝ ᱠᱚ ᱧᱟᱢ ᱟᱠᱟᱫ ᱨᱮᱦᱚᱸ, ᱱᱚᱶᱟ ᱫᱚ ᱒᱐᱑᱙ ᱥᱮᱨᱢᱟ ᱨᱮ ᱑᱐᱐ ᱥᱮᱨᱢᱟ ᱯᱩᱨᱟᱹᱣ ᱞᱮᱫᱼᱟ᱾[᱓][᱔] ᱟᱥᱤᱛ ᱠᱩᱢᱟᱨ ᱦᱟᱞᱫᱟᱨ ᱫᱚ ᱑᱙᱑᱑ ᱠᱷᱚᱱ ᱑᱙᱑᱕ ᱫᱷᱟᱹᱵᱤᱡ ᱥᱟᱱᱛᱤᱱᱤᱠᱮᱛᱚᱱ ᱵᱤᱨᱫᱟᱹᱜᱟᱲ ᱨᱮ ᱢᱤᱫ ᱠᱟᱹᱨᱤ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱟᱨ ᱑᱙᱑᱙ ᱠᱷᱚᱱ ᱑᱙᱒᱑ ᱫᱷᱟᱹᱵᱤᱡ ᱫᱚ ᱠᱚᱞᱟ ᱵᱷᱚᱵᱚᱱ ᱨᱮᱭᱟᱜ ᱫᱟᱹᱭᱵᱷᱟᱨ ᱨᱮᱭ ᱛᱟᱦᱮᱸ ᱠᱟᱱᱟ᱾ ᱑᱙᱑᱙ ᱥᱮᱨᱢᱟ ᱨᱮ, ᱡᱚᱠᱷᱚᱱ ᱱᱚᱶᱟ ᱫᱚ ᱯᱩᱭᱞᱩ ᱫᱷᱟᱣ ᱠᱟᱹᱢᱤ ᱮᱦᱚᱵ ᱞᱮᱱᱟ, ᱱᱚᱶᱟ ᱨᱮ ᱥᱮᱨᱮᱧ ᱟᱨ ᱪᱤᱛᱟᱹᱨ ᱥᱮᱪᱮᱫ ᱮ ᱮᱛᱚᱦᱚᱵ ᱞᱮᱱᱟ᱾[᱕][ᱵᱩᱜᱤᱭᱟᱜ ᱯᱷᱮᱰᱟᱛ ᱞᱟᱹᱠᱛᱤᱭᱟ] ᱑᱙᱓᱓ ᱥᱮᱨᱢᱟ ᱦᱟᱹᱵᱤᱡ ᱛᱮ ᱵᱟᱨᱭᱟ ᱵᱷᱟᱜᱽ ᱵᱷᱮᱜᱟᱨ ᱟᱥᱲᱟ ᱨᱮ ᱦᱟᱹᱴᱤᱧ ᱮᱱᱟ, ᱠᱚᱞᱟ ᱵᱷᱚᱵᱚᱱ ᱟᱨ ᱥᱚᱝᱜᱤᱛ ᱵᱷᱚᱵᱚᱱ᱾[᱖]ᱪᱷᱟᱸᱪ:Primary source inline
᱑᱙᱑᱙ ᱥᱮᱨᱢᱟ ᱨᱮ ᱱᱚᱶᱟ ᱟᱥᱲᱟ ᱵᱮᱱᱟᱣ ᱮᱱ ᱛᱟᱭᱚᱢ, ᱴᱷᱟᱠᱩᱨ ᱫᱚ ᱵᱟᱝᱞᱟ ᱠᱟᱹᱨᱤ ᱟᱥᱲᱟ ᱟᱸᱫᱳᱲ ᱨᱮᱱ ᱛᱷᱟᱯᱚᱱᱤᱡ ᱚᱵᱚᱱᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ, ᱢᱤᱫ ᱧᱩᱛᱩᱢᱟᱱ ᱪᱤᱛᱟᱹᱨᱤᱭᱟᱹ ᱨᱮᱱ ᱪᱮᱞᱟ ᱱᱚᱱᱫᱚᱞᱟᱞ ᱵᱳᱥ ᱫᱚ ᱯᱩᱭᱞᱩ ᱯᱨᱤᱱᱥᱤᱯᱟᱞ ᱞᱮᱠᱟᱛᱮᱭ ᱵᱚᱦᱟᱞ ᱞᱮᱫᱮ ᱛᱟᱦᱮᱸᱫ᱾[᱗] ᱤᱱᱟᱹ ᱛᱟᱭᱚᱢ ᱵᱤᱱᱳᱫᱽ ᱵᱤᱦᱟᱨᱤ ᱢᱩᱠᱷᱟᱨᱡᱤ ᱟᱨ ᱨᱟᱢᱠᱤᱝᱠᱚᱨ ᱵᱮᱧᱡᱽ ᱠᱚᱞᱮᱡᱽ ᱥᱟᱶ ᱡᱚᱲᱟᱣ ᱮᱱᱟ ᱠᱤᱱ ᱟᱨ ᱚᱠᱛᱚ ᱛᱟᱭᱚᱢ ᱛᱮ ᱩᱱᱠᱩ ᱫᱚ ᱠᱚᱞᱮᱡᱽ ᱥᱟᱶ ᱥᱟᱶᱛᱮ ᱱᱟᱦᱟᱜ ᱥᱤᱧᱚᱛᱤᱭᱟᱹ ᱪᱤᱛᱟᱹᱨ ᱨᱮᱭᱟᱜ ᱦᱚᱸ ᱱᱟᱣᱟ ᱦᱚᱨ ᱠᱚ ᱩᱫᱩᱜ ᱠᱮᱫᱟ᱾[᱘] ᱥᱟᱱᱛᱤᱱᱤᱠᱮᱛᱚᱱ ᱨᱮ ᱥᱤᱠᱷᱱᱟᱹᱛ ᱟᱨ ᱥᱮᱪᱮᱫ ᱨᱮ ᱨᱚᱵᱤᱱᱫᱽᱨᱚᱱᱟᱛᱷ ᱴᱷᱟᱠᱩᱨ ᱟᱜ ᱢᱚᱱᱮ ᱫᱚ ᱟᱹᱰᱤ ᱫᱤᱱ ᱫᱷᱟᱹᱵᱤᱡ ᱢᱤᱫ ᱢᱩᱬ ᱢᱳᱰᱮᱞ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱛᱟᱭᱚᱢ, ᱱᱩᱠᱩ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱨᱮᱭᱟᱜ ᱠᱟᱹᱨᱤ ᱴᱷᱟᱶ ᱠᱚ ᱵᱮᱱᱟᱣ ᱞᱮᱫᱟ, ᱱᱚᱱᱫᱚᱞᱟᱞ ᱵᱳᱥ, ᱵᱤᱱᱳᱫᱽ ᱵᱤᱦᱟᱨᱤ ᱢᱩᱠᱷᱟᱨᱡᱤ ᱟᱨ ᱨᱟᱢᱠᱤᱝᱠᱚᱨ ᱵᱮᱧᱡᱽ ᱟᱜ ᱯᱮᱭᱟ ᱢᱩᱬᱩᱛ ᱠᱷᱩᱱᱴᱤ ᱫᱟᱨᱟᱭ ᱛᱮ᱾[᱙] ᱱᱩᱠᱩ ᱫᱚ ᱥᱟᱱᱛᱤᱱᱤᱠᱮᱛᱚᱱ ᱫᱚ ᱵᱟᱨᱜᱮᱞ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱨᱮᱭᱟᱜ ᱱᱟᱦᱟᱜ ᱠᱟᱹᱨᱤ ᱨᱮ ᱢᱤᱫᱴᱟᱹᱝ ᱢᱩᱬᱩᱛ ᱴᱷᱟᱶ ᱠᱚ ᱵᱮᱱᱟᱣ ᱞᱮᱫᱟ᱾[᱑᱐][᱑᱑]
ᱠᱚᱞᱮᱡᱽ ᱵᱟᱵᱚᱛ ᱛᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱞᱮᱡᱽ ᱨᱮ ᱢᱤᱫᱴᱟᱝ ᱟᱨᱴ ᱜᱟᱞᱮᱨᱤ ᱢᱮᱱᱟᱜᱼᱟ, ᱱᱚᱱᱫᱚᱱ, ᱡᱟᱦᱟᱸ ᱨᱮ ᱥᱤᱞᱯᱤᱝ, ᱯᱷᱨᱮᱥᱠᱳ ᱟᱨ ᱢᱩᱨᱟᱞ ᱠᱚ ᱩᱫᱩᱜ ᱥᱚᱫᱚᱨᱟ᱾[᱑᱒][᱑᱓] ᱑᱙᱖᱐ ᱥᱮᱨᱢᱟ ᱨᱮ ᱵᱤᱨᱞᱟ ᱟᱨ ᱜᱳᱱᱠᱟᱥ ᱜᱷᱟᱨᱚᱸᱡᱽ ᱫᱚ ᱵᱟᱨᱭᱟ ᱠᱩᱲᱤ ᱦᱚᱥᱴᱮᱞ ᱠᱚ ᱵᱮᱱᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱱᱩᱠᱩᱣᱟᱜ ᱧᱩᱛᱩᱢ ᱛᱮ ᱠᱚ ᱧᱩᱛᱩᱢ ᱟᱠᱟᱫᱟ᱾[᱑᱔] ᱠᱚᱞᱟ ᱵᱷᱚᱵᱚᱱ ᱨᱮ ᱥᱤᱧᱚᱛ ᱟᱨ ᱥᱟᱺᱜᱤᱧ ᱥᱟᱢᱟᱝ ᱨᱤᱱ ᱧᱩᱛᱩᱢᱟᱱ ᱢᱟᱥᱴᱚᱨ ᱠᱚᱣᱟᱜ ᱑᱗,᱐᱐᱐ ᱟᱥᱚᱞ ᱠᱟᱹᱨᱤ ᱠᱟᱹᱢᱤ ᱢᱮᱱᱟᱜᱼᱟ, ᱟᱨ ᱱᱤᱛᱚᱜ ᱱᱚᱣᱟ ᱠᱚ ᱫᱚᱦᱚ ᱟᱨ ᱩᱫᱩᱜ ᱞᱟᱹᱜᱤᱫ ᱛᱮ ᱵᱟᱦᱨᱮ ᱠᱷᱚᱱ ᱜᱚᱲᱚᱭ ᱦᱟᱛᱟᱣ ᱮᱫᱼᱟ᱾[᱑᱔]
ᱱᱚᱶᱟ ᱟᱥᱲᱟ ᱨᱮ ᱵᱟᱞᱮᱪᱚᱨ ᱚᱯᱷ ᱯᱷᱟᱭᱤᱱ ᱟᱨᱴᱥ ᱰᱤᱜᱽᱨᱤ ᱟᱨ ᱢᱟᱥᱴᱚᱨ ᱚᱯᱷ ᱯᱷᱟᱭᱤᱱ ᱟᱨᱴᱥ ᱰᱤᱜᱽᱨᱤ, ᱥᱟᱶᱛᱮ ᱪᱤᱛᱟᱹᱨ, ᱥᱠᱩᱞᱯᱪᱚᱨ, ᱢᱩᱨᱟᱞ ᱯᱮᱱᱴᱤᱝ, ᱠᱷᱚᱵᱚᱨ, ᱰᱤᱡᱟᱭᱤᱱ (ᱴᱮᱠᱥᱴᱟᱭᱤᱞ/ᱠᱮᱨᱟᱢᱤᱠ) ᱟᱨ ᱟᱨᱴ ᱱᱟᱜᱟᱢ ᱨᱮ ᱥᱟᱨᱴᱤᱯᱷᱤᱠᱮᱴ ᱰᱤᱜᱽᱨᱤ ᱮᱢᱟᱱ ᱠᱚ ᱪᱟᱞ ᱦᱩᱭᱩᱜ ᱠᱟᱱᱟ᱾
ᱧᱩᱛᱩᱢᱟᱱ ᱞᱟᱠᱪᱟᱨ ᱟᱨ ᱱᱟᱜᱟᱢ ᱨᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱚᱞᱟᱞ ᱵᱳᱥ ᱫᱚ ᱥᱤᱧᱚᱛ ᱨᱮᱱᱟᱜ ᱥᱚᱢᱵᱤᱫᱷᱟᱱ ᱨᱮᱱᱟᱜ ᱚᱥᱚᱞ ᱠᱚᱯᱤ ᱥᱟᱡᱟᱣ ᱨᱮᱱᱟᱜ ᱠᱟᱹᱢᱤ ᱠᱚ ᱮᱢ ᱞᱮᱫᱮ ᱛᱟᱦᱮᱸᱫ ᱟᱨ ᱩᱱᱤ ᱫᱚ ᱱᱚᱣᱟ ᱠᱟᱹᱢᱤ ᱞᱟᱹᱜᱤᱫ ᱟᱡ ᱨᱮᱱ ᱟᱭᱢᱟ ᱜᱟᱱ ᱯᱟᱹᱴᱷᱩᱣᱟᱹ ᱠᱚᱭ ᱥᱮᱞᱮᱫ ᱞᱮᱫ ᱠᱚ ᱛᱟᱦᱮᱸᱫ᱾ ᱱᱚᱣᱟ ᱨᱮ ᱵᱟᱱᱤ ᱯᱟᱴᱮᱞ, ᱜᱚᱣᱨᱤ ᱵᱷᱟᱱᱡᱟ, ᱡᱚᱢᱩᱱᱟ ᱥᱮᱱ, ᱚᱢᱚᱞᱟ ᱥᱚᱨᱠᱟᱨ, ᱥᱩᱢᱤᱛᱨᱟ ᱱᱟᱨᱟᱭᱚᱬ, ᱵᱤᱱᱟᱭᱚᱠ ᱢᱟᱥᱳᱡᱤ, ᱫᱤᱱᱟᱱᱟᱱᱟᱛᱷ ᱵᱷᱚᱨᱜᱚᱵ, ᱠᱨᱤᱯᱟᱞ ᱥᱤᱝ ᱥᱮᱠᱷᱟᱣᱟᱴ, ᱡᱚᱜᱽᱫᱤᱥ ᱢᱤᱴᱴᱟᱞ ᱮᱢᱟᱱ ᱠᱚ ᱥᱮᱞᱮᱫ ᱢᱮᱱᱟᱜ ᱠᱚᱣᱟ᱾ ᱓᱐᱐ ᱥᱟᱦᱴᱟ ᱨᱮ ᱓᱔ ᱤᱸᱪ ᱥᱤᱢᱟᱹ ᱨᱮᱱᱟᱜ ᱪᱤᱛᱟᱹᱨ ᱠᱚ ᱥᱸᱠᱟᱣ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱩᱯᱚᱢᱟᱦᱟ ᱫᱤᱥᱚᱢ ᱠᱷᱚᱱᱟᱜ ᱵᱷᱮᱜᱟᱨ ᱱᱟᱜᱟᱢᱤᱭᱟᱹ ᱚᱠᱛᱚ ᱨᱮᱱᱟᱜ ᱪᱤᱛᱟᱹᱨ ᱠᱚ ᱛᱟᱦᱮᱸ ᱠᱟᱱᱟ᱾ ᱱᱚᱶᱟ ᱰᱚᱠᱭᱩᱢᱮᱱᱴ ᱫᱚ ᱒᱖ ᱡᱟᱱᱩᱣᱟᱨᱤ ᱑᱙᱕᱐ ᱨᱮ ᱟᱸᱜᱚᱪ ᱦᱩᱭ ᱞᱮᱱᱟ᱾ ᱒᱑ ᱵᱚᱪᱷᱚᱨ ᱩᱢᱮᱨ ᱨᱮ ᱫᱤᱱᱟᱱᱟᱱᱟᱛᱷ ᱵᱷᱚᱨᱜᱚᱵᱚ ᱦᱚᱸ ᱫᱤᱥᱚᱢ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱪᱤᱱᱦᱟᱹ ᱨᱮᱱᱟᱜ ᱰᱤᱡᱟᱭᱤᱱ ᱵᱮᱱᱟᱣ ᱨᱮᱱᱟᱜ ᱠᱟᱹᱢᱤ ᱮ ᱧᱟᱢ ᱞᱮᱫ ᱛᱟᱦᱮᱸᱫ᱾
ᱧᱩᱛᱩᱢᱟᱱ ᱦᱚᱲ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "The presence of women in the institutionalized space and their interventions: Kala bhavana (1920-1930)" (PDF). Page 177. Shodhganga. Retrieved 11 September 2019.
- ↑ "100 years of Shantiniketan's Kala Bhavana". The New Indian Express, 6 September 2019. Retrieved 11 September 2019.
- ↑ "Rabindranath Tagore's art school Kala Bhavan set to turn 100". Hindustan Times, 11 November 2019. 11 November 2018. Retrieved 25 August 2019.
- ↑ Ghosh, Bishwanath (2019-12-21). "Kala Bhavana: 100 years of the arts school founded by Tagore". The Hindu (in Indian English). ISSN 0971-751X. Retrieved 2020-01-12.
- ↑ "Asitkumar Halder (1890-1961)". Visva Bharati. Retrieved 25 August 2019.
- ↑ "From Bharmacharyashrama to Visva-Bharati: A Chronicle of Metamorphosis of a Tiny School into an Internationally-Acclaimed Centre of Learning" (PDF). Visva Baharati. Archived from the original (PDF) on 16 March 2015. Retrieved 26 August 2019.
- ↑ Chaitanya, p. 170
- ↑ Chaitanya, p. 219
- ↑ Memoir of an Artist. Amitabh Sengupta, Page 13. Patrige India/ Google. 26 June 2014. ISBN 9781482821260. Retrieved 11 September 2019.
- ↑ Memoir of an artist. Amitabh Sengupta. Patridge Publishing India. 27 June 2014. ISBN 9781482821253. Retrieved 23 August 2019.
- ↑ Trends in Modern Indian Art. Sunil Kumar Bhattacharya, Page 8: New Trends. MD Publications Private Limited. 1994. ISBN 9788185880211. Retrieved 23 August 2019.
- ↑ "Kala Bhavana starts 100 Years Celebration, Nandan Mela Prep Peaks Up". Kolkata 24 X 7, 29 November 2018. Archived from the original on 29 August 2019. Retrieved 29 August 2019.
- ↑ Ananya Vajpeyi (3 March 2013). "ADVENTURES IN ARCADIA- Experiments with the life of the mind". The Telegraph. Archived from the original on 9 January 2014. Retrieved 14 March 2013.
- ↑ ᱑᱔.᱐ ᱑᱔.᱑ "Kings to Corporates in Gurudev footsteps – Kala Bhavana seeks funds from Birlas and Goenkas to preserve works of art". The Telegraph, 17 February 2014. Retrieved 29 August 2019.