ᱠᱚᱠᱟᱝ
| ᱠᱚᱠᱟᱝ ကိုးကန့် / 果敢 | |
|---|---|
| ᱱᱟᱜᱟᱢᱤᱭᱟᱹ ᱴᱚᱴᱷᱟ | |
 ᱠᱚᱠᱟᱝ ᱨᱮᱭᱟᱜ ᱢᱮᱯ | |
| ᱫᱤᱥᱚᱢ | ᱢᱭᱟᱱᱢᱟᱨ |
| Highest point | ᱒,᱕᱔᱘ ᱢᱤᱴᱟᱨ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 10000 ᱠᱤᱢᱤ২ (4000 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 1000 ᱢᱤᱴᱚᱨ (3000 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (2009) |
| • ᱞᱮᱠᱷᱟᱜᱩᱴ | ᱑᱕᱐,᱐᱐᱐ |
| • ᱰᱮᱱᱥᱤᱴᱤ | 15/ᱠᱤᱢᱤ2 (39/ᱜᱟᱺᱴ ᱢᱟᱹᱭᱤᱞ) |
ᱠᱚᱠᱟᱝ (ᱤᱝᱨᱟᱹᱡᱤᱺ Kokang; ᱵᱩᱨᱢᱤᱥ: ကိုးကန့်; ᱪᱟᱭᱱᱤᱥ: 果敢; ᱯᱤᱱᱭᱤᱱ: Guǒgǎn; ᱣᱟᱰᱮ ᱜᱟᱭᱮᱞᱥ: Kuo-kan) ᱫᱚ ᱢᱭᱟᱱᱢᱟᱨ (ᱵᱩᱨᱢᱟ) ᱨᱮᱭᱟᱜ ᱢᱤᱫᱴᱮᱱ ᱴᱚᱴᱷᱟ ᱠᱟᱱᱟ| ᱱᱤᱭᱟᱹ ᱵᱩᱨᱢᱟ ᱨᱮᱭᱟᱜ ᱥᱷᱟᱱ ᱯᱚᱱᱚᱛ ᱨᱮᱭᱟᱜ ᱠᱚᱸᱭᱮᱸ ᱱᱟᱠᱷᱟ ᱨᱮ ᱢᱮᱱᱟᱜ ᱢᱤᱫᱴᱮᱱ ᱴᱚᱴᱷᱟ ᱠᱟᱱᱟ, ᱱᱚᱣᱟ ᱯᱟᱪᱷᱤᱢ ᱱᱟᱠᱷᱟ ᱨᱮ ᱥᱟᱞᱣᱤᱱ ᱜᱟᱰᱟ ᱟᱨ ᱯᱩᱨᱩᱵᱽ ᱨᱮ ᱪᱟᱭᱱᱟ ᱨᱮᱭᱟᱜ ᱭᱩᱱᱟᱱ ᱯᱚᱱᱚᱛ ᱨᱮᱭᱟᱜ ᱥᱤᱢᱟᱹ ᱨᱮ ᱡᱟᱯᱟᱜ ᱟᱠᱟᱱᱟ| ᱱᱤᱭᱟᱹ ᱨᱮᱭᱟᱜ ᱞᱮᱠᱷᱟ ᱜᱩᱴ ᱑᱐,᱐᱐᱐ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱫ ᱟᱠᱟᱱᱟ| ᱨᱟᱡᱽ ᱜᱟᱲ ᱫᱚ ᱞᱟᱣᱠᱤ ᱠᱟᱱᱟ| ᱠᱚᱠᱟᱝ ᱨᱮ ᱰᱷᱮᱨ ᱦᱚᱲ ᱜᱮ ᱪᱟᱭᱱᱤᱥ ᱠᱟᱱᱟ ᱠᱚ, ᱱᱩᱠᱩ ᱫᱚ ᱦᱟᱱ ᱪᱟᱭᱱᱤᱥ ᱜᱟᱛᱟᱠ ᱨᱮᱱ ᱦᱚᱲ ᱠᱟᱱᱟ ᱠᱚ|
ᱩᱱᱩᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱚᱠᱟᱝ ᱴᱚᱴᱷᱟ ᱫᱚ ᱱᱟᱜᱟᱢ ᱞᱮᱠᱟ ᱛᱮ ᱟᱹᱰᱤ ᱥᱮᱫᱟᱭ ᱠᱷᱚᱱ ᱜᱮ ᱪᱟᱭᱱᱟ ᱨᱮᱭᱟᱜ ᱦᱤᱸᱥ ᱛᱟᱦᱮᱸᱠᱟᱱᱟ ᱟᱨ ᱱᱟᱦᱟᱜ ᱦᱚᱸ ᱱᱚᱣᱟ ᱴᱚᱴᱷᱟ ᱫᱚ ᱪᱟᱭᱱᱟ ᱨᱤᱯᱟᱵᱽᱞᱤᱠ ᱦᱚᱛᱮ ᱛᱮ ᱟᱠᱚᱣᱟᱜ ᱠᱟᱱᱟ ᱢᱮᱱᱛᱮ ᱠᱚ ᱫᱟᱹᱵᱤ ᱟᱹᱜᱩ ᱟᱠᱟᱫ ᱜᱮᱭᱟ, ᱢᱮᱱᱠᱷᱮᱱ ᱱᱤᱭᱟᱹ ᱴᱚᱴᱷᱟ ᱨᱮᱭᱟᱜ ᱢᱟᱨᱟᱝ ᱦᱤᱸᱥ ᱜᱮ ᱛᱟᱭᱱᱚᱢ ᱡᱟᱭᱜᱟ ᱠᱟᱱ ᱛᱮ ᱠᱚ ᱵᱟᱹᱜᱤ ᱚᱴᱚᱣᱟᱫ ᱛᱟᱦᱮᱸᱠᱟᱱ[᱑]ᱟ| ᱱᱤᱭᱟᱹ ᱴᱚᱴᱷᱟ ᱫᱚ ᱭᱩᱱᱟᱱ ᱨᱮᱭᱟᱜ ᱥᱤᱢᱟᱹ ᱟᱨ ᱥᱷᱟᱱ ᱯᱚᱱᱚᱛ ᱛᱟᱞᱟ ᱨᱮ ᱥᱤᱨᱡᱟᱹᱣ ᱟᱠᱟᱱᱟ| ᱭᱟᱝ ᱯᱟᱹᱨᱤᱥ ᱨᱮᱱ ᱟᱥᱚᱠᱟᱭ ᱛᱮ ᱱᱟᱱᱡᱤᱝ ᱨᱮ ᱢᱤᱝ ᱣᱟᱯᱷᱟᱫᱟᱨ ᱫᱚ ᱱᱚᱣᱟ ᱴᱚᱴᱷᱟ ᱢᱤᱰ ᱚᱠᱛᱮ ᱨᱟᱡᱽ ᱟᱹᱨᱤ ᱫᱟᱲᱮ ᱛᱮ ᱛᱚᱞ ᱞᱮᱫᱟᱭ| ᱑᱘᱔᱐ ᱥᱮᱨᱢᱟ ᱨᱮ, ᱭᱩᱱᱟᱱ ᱨᱮᱭᱟᱜ ᱯᱚᱱᱚᱛ ᱜᱚᱢᱠᱮ ᱫᱚ ᱭᱟᱝ ᱵᱚᱸᱥ ᱨᱮᱱ ᱠᱚ ᱠᱤᱝ ᱵᱚᱸᱥ ᱨᱮᱭᱟᱜ ᱡᱟᱜᱤᱨᱫᱟᱨᱤ ᱟᱹᱭᱫᱟᱹᱨᱤᱭᱟᱱ ᱢᱮᱱᱛᱮᱭᱮ ᱞᱮᱠᱷᱟ ᱠᱮᱫ ᱠᱚᱣᱟ| ᱑᱘᱘᱕ ᱥᱮᱨᱢᱟ ᱨᱮ ᱪᱮᱛᱟᱱ ᱵᱩᱨᱢᱟ ᱵᱽᱨᱤᱴᱤᱥ ᱫᱚᱠᱦᱚᱞ ᱛᱟᱭᱚᱢ, ᱑᱘᱙᱔ ᱥᱮᱨᱢᱟ ᱥᱤᱱᱚ-ᱵᱽᱨᱤᱴᱤᱥ ᱧᱟᱯᱟᱢ ᱨᱮ ᱪᱟᱭᱱᱟ ᱞᱟᱛᱟᱨ ᱨᱮ ᱠᱚ ᱫᱚᱦᱚ ᱠᱮᱫᱟ| ᱑᱘᱙᱗ ᱥᱮᱨᱢᱟ ᱨᱮᱭᱟᱜ ᱢᱤᱫᱴᱮᱱ ᱵᱩᱨᱢᱟ-ᱵᱽᱨᱤᱴᱤᱥ ᱵᱩᱯᱩᱡᱷᱟᱹᱣ ᱞᱮᱠᱟ ᱛᱮ ᱱᱚᱣᱟ ᱴᱚᱴᱷᱟ ᱫᱚ ᱵᱩᱨᱢᱟ ᱠᱚ ᱡᱤᱢᱟᱹᱣᱟᱫ ᱠᱚᱣᱟ[᱒]|
ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱐᱙ ᱥᱮᱨᱢᱟ ᱨᱮ, ᱱᱤᱭᱟᱹ ᱴᱚᱴᱷᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱑᱕᱐,᱐᱐᱐ ᱛᱟᱦᱮᱸᱠᱟᱱᱟ[᱓]| ᱱᱩᱠᱩ ᱢᱩᱫᱽ ᱨᱮ ᱑᱐᱐,᱐᱐᱐ ᱦᱚᱲ ᱫᱚ ᱵᱩᱨᱢᱤᱥ ᱱᱟᱜᱟᱨᱤᱭᱟᱹ ᱠᱚ ᱛᱟᱦᱮᱸᱠᱟᱱᱟ| ᱥᱟᱭ ᱠᱟᱲᱟ ᱙᱐% ᱦᱤᱸᱥ ᱦᱚᱲ ᱫᱚ ᱦᱟᱱ ᱪᱟᱭᱱᱤᱥ ᱜᱟᱛᱟᱠ ᱨᱮᱱ ᱦᱚᱲ ᱠᱟᱱᱟ ᱠᱚ ᱥᱟᱶᱛᱮ ᱥᱷᱟᱱ, ᱯᱟᱞᱟᱣᱩᱝ, ᱢᱚᱝ, ᱣᱟ, ᱞᱤᱥᱩ, ᱵᱟᱭ ᱟᱨ ᱵᱟᱢᱟᱨ ᱜᱟᱛᱟᱠ ᱨᱮᱱ ᱠᱚ| ᱥᱟᱝᱜᱮ ᱞᱮᱠᱷᱟ ᱨᱮ ᱵᱩᱨᱢᱟᱱ ᱡᱟᱹᱛᱤ ᱠᱚ ᱛᱟᱞᱢᱟ ᱥᱚᱨᱠᱟᱨ ᱦᱚᱛᱮ ᱛᱮ ᱯᱷᱟᱹᱫᱽ ᱟᱨ ᱥᱟᱥᱚᱱᱤᱭᱟᱹ ᱠᱟᱹᱢᱤᱭᱟᱹ ᱠᱚ ᱟᱨ ᱩᱱᱠᱩ ᱨᱮᱱ ᱚᱲᱟᱜ ᱦᱚᱲ, ᱮᱛᱚᱦᱚᱵ ᱟᱥᱲᱟ ᱨᱮᱱ ᱢᱟᱪᱮᱫ ᱠᱚ ᱟᱨ ᱮᱴᱟᱜ ᱥᱟᱱᱟᱢ ᱠᱟᱹᱢᱤᱭᱟᱹ ᱠᱚ ᱱᱟᱯᱟᱭ ᱥᱮᱣᱟ ᱞᱟᱹᱜᱤᱫ ᱱᱤᱭᱟᱹ ᱴᱚᱴᱷᱟ ᱠᱷᱚᱱ ᱠᱚ ᱢᱠᱩᱞ ᱚᱪᱚᱜ-ᱟ| ᱦᱟᱹᱱᱰᱤ ᱯᱟᱹᱣᱨᱟᱹ ᱟᱹᱠᱷᱟᱨᱤᱧ ᱵᱚᱱᱫᱽ ᱠᱟᱨᱚᱱ ᱛᱮ ᱟᱭᱢᱟ ᱦᱚᱲ ᱜᱮ ᱟᱠᱚᱣᱟᱜ ᱫᱤᱱᱟᱹᱢ ᱫᱤᱱ ᱟᱹᱯᱟᱹᱥᱩᱞᱚᱜ ᱨᱮᱭᱟᱜ ᱦᱚᱨ ᱠᱚ ᱟᱫ ᱠᱮᱫ ᱛᱮ ᱟᱭᱢᱟ ᱦᱚᱲ ᱜᱮ ᱱᱤᱭᱟᱹ ᱡᱟᱭᱜᱟ ᱠᱚ ᱵᱟᱹᱜᱤᱭᱟᱫᱟ|
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱐᱘ ᱥᱮᱨᱢᱟ ᱨᱮᱭᱟᱜ ᱵᱩᱨᱢᱤᱥ ᱥᱚᱝᱵᱤᱫᱷᱟᱢ ᱨᱮ ᱚᱞ ᱥᱚᱫᱚᱨ ᱟᱠᱟᱱᱟ ᱵᱟᱝᱢᱟ ᱠᱠᱟᱝ ᱫᱚ ᱟᱡ ᱛᱮ ᱥᱟᱥᱚᱱ ᱴᱚᱴᱷᱟ ᱦᱩᱭᱩᱜ ᱢᱟ| ᱚᱠᱟ ᱫᱚ ᱯᱟᱹᱦᱤᱞ ᱵᱤᱥᱮᱥ ᱴᱚᱴᱷᱟ ᱢᱮᱱᱛᱮ ᱠᱚ ᱵᱤᱠᱟᱹᱣ ᱟᱠᱟᱫᱟ[᱔]|
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Lintner, Bertil (1999). Burma in Revolt: Opium and Insurgency since 1948. Silkworm Books. p. 48. ISBN 978-1-63041-184-8.
- ↑ Kratoska, Paul H. (13 May 2013). Southeast Asian Minorities in the Wartime Japanese Empire. Routledge. p. 40. ISBN 978-1-136-12514-0.
- ↑ "Myanmar fighters cross into China". Al Jazeera News. 30 August 2009. Retrieved 30 August 2009.
- ↑ "Myanmar Constitution-Chapter 2 | Amnesty International USA". Amnestyusa.org. Archived from the original on 2011-02-18. Retrieved 2013-11-30.