ᱠᱚᱢᱚᱞᱟ ᱢᱤᱨᱤ
ᱠᱚᱢᱚᱞᱟ ᱢᱤᱨᱤ ᱥᱮ ᱠᱚᱢᱚᱞᱟ ᱞᱚᱭᱤᱝ ᱫᱚ (?- ᱒᱒ ᱮᱯᱨᱤᱞ ᱑᱙᱔᱓) ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱰᱴᱮᱱ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮ ᱢᱤᱸᱥ ᱦᱟᱛᱟᱣᱤᱡᱤᱡ ᱢᱟᱭᱡᱤᱣᱮ ᱛᱟᱦᱮᱸ ᱠᱟᱱᱟ| ᱩᱱᱤ ᱫᱚ ᱢᱤᱥᱤᱝ ᱡᱟᱹᱛᱤ ᱨᱮᱱ ᱢᱤᱨᱤ ᱦᱚᱲᱮ ᱛᱟᱦᱮᱸ ᱠᱟᱟᱱ| ᱩᱱᱠᱩ ᱚᱲᱟᱜ ᱫᱚ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱜᱚᱞᱟᱜᱷᱟᱴ ᱦᱚᱱᱚᱛ ᱨᱮᱭᱟᱜ ᱨᱚᱝᱟ ᱢᱟᱴᱤ ᱢᱳᱣᱡᱟ ᱛᱟᱵᱮ ᱨᱮ ᱢᱮᱱᱟᱜ ᱩᱯᱚᱨ ᱴᱮᱢᱮᱨᱟ ᱨᱮ ᱛᱟᱦᱮᱸ ᱠᱟᱱᱟ|
ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱔᱐ ᱥᱮᱨᱢᱟ ᱨᱮᱭᱟᱜ ᱢᱟᱨᱪ ᱪᱟᱱᱫᱚ ᱨᱮ ᱠᱚᱢᱚᱞᱟ ᱢᱤᱨᱤ ᱫᱚ ᱠᱚᱝᱜᱽᱨᱮᱥ ᱦᱚᱱᱚᱛ ᱠᱚᱢᱤᱴᱤ ᱨᱮᱱ ᱠᱟᱹᱡᱽᱣᱟᱹ ᱨᱟᱹᱥᱤᱭᱟᱹᱭ ᱦᱚᱭ ᱞᱮᱱᱟ| ᱨᱟᱡᱮᱱᱽᱫᱽᱨᱚ ᱱᱟᱛᱷ ᱵᱚᱨᱩᱣᱟ ᱟᱨ ᱥᱚᱝᱠᱚᱨ ᱪᱚᱱᱫᱽᱨᱚ ᱵᱚᱨᱩᱣᱟ ᱥᱟᱶ ᱢᱤᱞᱟᱹᱣ ᱠᱟᱛᱮ ᱛᱟᱭᱱᱚᱢ ᱟᱠᱟᱱ ᱢᱤᱥᱤᱝ ᱥᱚᱢᱟᱡᱽ ᱦᱟᱨᱟ ᱵᱩᱨᱩᱭ ᱞᱟᱹᱜᱤᱫ ᱟᱨ ᱟᱹᱠᱤᱞ ᱢᱟᱨᱥᱟᱞ ᱯᱟᱥᱱᱟᱣ ᱞᱟᱹᱜᱤᱫ ᱩᱱᱠᱤᱱ ᱥᱟᱶᱮ ᱠᱟᱹᱢᱤ ᱞᱟᱮᱫᱟ| ᱚᱱᱟ ᱥᱟᱶ ᱥᱟᱶ ᱛᱮ ᱢᱤᱥᱤᱝ ᱡᱟᱹᱛ ᱢᱮᱱᱟᱜ ᱠᱚ ᱴᱚᱴᱷᱟ ᱠᱚ ᱨᱮ ᱠᱚᱝᱜᱽᱨᱮᱥ ᱯᱨᱟᱭᱢᱟᱨᱤ ᱠᱚᱢᱤᱴᱤ ᱵᱟᱱᱫᱷᱟᱣ ᱨᱮᱭᱟᱜ-ᱮ ᱠᱩᱨᱩᱢᱩᱴᱩ ᱞᱮᱫᱟ| ᱑᱙᱔᱐ ᱥᱮᱨᱢᱟ ᱨᱮᱭᱟᱜ ᱒᱔ ᱡᱩᱱ ᱢᱟᱹᱦᱤᱛ ᱦᱤᱞᱚᱜ ᱥᱚᱝᱠᱚᱨ ᱪᱚᱱᱫᱽᱨᱚ ᱵᱚᱨᱩᱣᱟ ᱫᱚ ᱠᱚᱢᱚᱞᱟ ᱢᱤᱨᱤ ᱠᱚᱝᱜᱽᱨᱮᱥ ᱨᱮᱱ ᱯᱚᱯᱚᱨᱪᱟᱨᱤᱡ-ᱮ ᱵᱟᱦᱟᱞ ᱞᱮᱫᱮᱭᱟ ᱟᱨ ᱜᱚᱞᱟᱜᱷᱟᱴ ᱦᱚᱱᱚᱛ ᱠᱚᱝᱜᱽᱨᱮᱥ ᱠᱚᱢᱤᱴᱤ ᱨᱮᱱ ᱱᱤᱨᱟᱹᱭ ᱯᱷᱟᱹᱫᱽ ᱨᱮᱱ ᱟᱹᱜᱽᱣᱟᱹᱱ ᱞᱮᱠᱟ ᱛᱮᱭᱮ ᱵᱟᱦᱟᱞ ᱞᱮᱫᱮᱭᱟ|
᱒᱑ ᱥᱮᱯᱴᱮᱢᱵᱚᱨ ᱑᱙᱔᱒ ᱢᱟᱹᱹᱦᱤᱛ ᱦᱤᱞᱚᱜ ᱜᱚᱞᱟᱜᱷᱟᱴ ᱦᱚᱱᱚᱛ ᱠᱚᱝᱜᱽᱨᱮᱥ ᱟᱜ ᱚᱯᱷᱤᱥ ᱨᱮ ᱠᱚᱢᱚᱞᱟ ᱢᱤᱨᱤᱭᱟᱜ ᱟᱹᱭᱩᱨ ᱛᱮ ᱨᱤᱱᱟᱹᱣ ᱯᱷᱟᱹᱫᱽ ᱨᱮᱭᱟᱜ ᱢᱤᱫᱴᱮᱱ ᱑᱒ ᱡᱚᱱᱟ ᱛᱷᱚᱠ ᱠᱚᱞ ᱠᱚ ᱨᱮᱭᱟᱜ ᱠᱟᱛᱷᱟ ᱜᱚᱴᱟ ᱞᱮᱱᱟ| ᱚᱱᱠᱟ ᱞᱮᱠᱟ ᱜᱮ ᱚᱱᱟ ᱫᱚᱞ ᱫᱚ ᱚᱛ ᱰᱟᱦᱟᱨ ᱛᱮ ᱥᱟᱝᱜᱷᱟᱨ ᱠᱚ ᱮᱦᱚᱵ ᱮᱱᱟ ᱒᱒ ᱥᱮᱯᱴᱮᱢᱵᱚᱨ ᱦᱤᱞᱚᱜ ᱮᱴᱟᱜ ᱟᱨ ᱢᱤᱫᱴᱮᱱ ᱱᱤᱨᱟᱹᱭ ᱯᱷᱟᱹᱫᱽ ᱥᱟᱶ ᱠᱚ ᱥᱮᱞᱮᱫ ᱞᱮᱱᱟ| ᱒᱓ ᱥᱮᱯᱴᱮᱢᱵᱚᱨ ᱢᱟᱹᱦᱤᱛ ᱦᱤᱞᱚᱜ ᱧᱤᱱᱫᱟᱹ ᱯᱚᱞᱤᱥ ᱫᱚ ᱠᱚᱝᱜᱽᱨᱮᱥ ᱚᱯᱷᱤᱥ ᱠᱷᱚᱱ ᱢᱤᱨᱤ ᱟᱨ ᱮᱴᱟᱜ ᱦᱚᱲ ᱦᱚᱸ ᱠᱚ ᱛᱚᱞ ᱠᱮᱫ ᱠᱚᱣᱟ| ᱘ ᱚᱠᱴᱚᱵᱚᱨ ᱦᱤᱞᱚᱜ ᱱᱭᱟᱫᱷᱤᱥ ᱟᱥᱩ ᱫᱚᱛᱛᱚ ᱫᱚ ᱩᱱᱤ * (ᱤᱨᱟᱹᱞ) ᱪᱟᱱᱫᱚ ᱞᱟᱹᱜᱤᱫ-ᱮ ᱠᱷᱚᱣᱟᱲ ᱞᱮᱫᱮᱭᱟ| ᱩᱱᱤ ᱫᱚ ᱡᱚᱨᱦᱟᱴ ᱡᱮᱞ ᱛᱮ ᱠᱚ ᱤᱫᱤ ᱞᱮᱫᱮᱭᱟ| ᱚᱱᱰᱮ ᱜᱮ ᱩᱱᱤ ᱫᱚ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱟᱨ ᱮᱴᱟᱜ ᱮᱴᱟᱜ ᱠᱚᱝᱜᱽᱨᱮᱥ ᱨᱮᱱ ᱢᱟᱨᱟᱝ ᱢᱟᱨᱟᱝ ᱱᱮᱛᱟ ᱥᱟᱶᱮ ᱧᱟᱢᱯᱟᱢ ᱞᱮᱱᱟ| ᱩᱱ ᱚᱠᱛᱮ ᱦᱟᱹᱵᱤᱡ ᱚᱞ ᱯᱟᱲᱦᱟᱣ ᱵᱟᱭ ᱵᱟᱰᱟᱭ ᱠᱟᱱ ᱛᱟᱦᱮᱱ ᱢᱤᱨᱤ ᱫᱚ ᱜᱚᱯᱤᱱᱟᱛᱷ ᱵᱚᱨᱫᱚᱞᱚᱭ ᱜᱮ ᱠᱤᱛᱟᱹᱵ ᱥᱟᱠᱟᱢ ᱠᱤᱨᱤᱧ ᱠᱟᱛᱮ ᱚᱞᱚᱜ ᱯᱟᱲᱦᱟᱣᱚᱜ-ᱮ ᱪᱮᱫ ᱟᱫᱮ ᱛᱟᱦᱮᱸ ᱠᱟᱱᱟ| ᱡᱮᱞ ᱨᱮ ᱜᱮ ᱩᱱᱤ ᱫᱚ ᱥᱩᱛᱟᱹᱢ ᱜᱮᱜᱮᱫ ᱦᱦᱚᱸᱭ ᱪᱮᱫ ᱞᱮᱫᱟ|
ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱔᱓ ᱥᱮᱨᱢᱟ ᱨᱮᱭᱟᱜ ᱙ ᱯᱷᱮᱵᱽᱨᱩᱣᱟᱨᱤ ᱢᱟᱹᱦᱤᱛ ᱦᱤᱞᱚᱜ ᱜᱟᱱᱫᱷᱤ ᱥᱟᱶ ᱛᱟᱨᱫᱷᱟᱢ ᱫᱩᱲᱩᱵ ᱨᱮ ᱠᱚᱢᱚᱞᱟ ᱢᱤᱨᱤ ᱦᱚᱸ ᱩᱱᱤ ᱥᱟᱶᱮ ᱫᱩᱲᱩᱵ ᱞᱮᱱᱟ| ᱛᱟᱭᱚᱢ ᱦᱟᱨᱴ ᱮᱴᱮᱠ ᱛᱮ ᱩᱱᱤᱭᱟᱜ ᱦᱟᱲᱢᱚ ᱫᱚ ᱵᱟᱹᱲᱤᱡ ᱤᱫᱤᱭᱮᱱ ᱛᱟᱭᱟ| ᱞᱟᱦᱟ ᱨᱮ ᱩᱱᱤ ᱫᱚ ᱟᱱᱫᱚᱲ ᱨᱮ ᱵᱟᱝ ᱥᱮᱞᱮᱫᱚᱜ ᱧᱩᱛᱩᱢ ᱛᱮ ᱪᱩᱠᱛᱤ ᱠᱟᱛᱮ ᱡᱮᱞ ᱠᱷᱚᱱ ᱠᱚ ᱟᱲᱟᱜ ᱞᱮᱫᱮᱭᱟ, ᱢᱮᱠᱷᱟᱱ ᱩᱱᱤ ᱫᱚ ᱚᱱᱟ ᱪᱩᱠᱛᱤ ᱨᱟᱹᱯᱩᱫ ᱞᱮᱫᱟᱭ| ᱤᱱᱟᱹ ᱛᱟᱭᱚᱢ ᱟᱨᱦᱚᱸ ᱩᱱᱤ ᱫᱚ ᱡᱮᱞ ᱨᱮ ᱠᱚ ᱵᱷᱚᱨᱟᱣ ᱞᱮᱫᱮᱭᱟ, ᱢᱮᱱᱠᱷᱟᱱ ᱦᱚᱲᱢᱚ ᱨᱮᱭᱟᱜ ᱚᱵᱚᱥᱛᱟ ᱵᱟᱝ ᱢᱚᱧᱡᱽ ᱞᱮᱱ ᱛᱟᱭᱛᱮ ᱮᱱᱠᱟ ᱛᱮ ᱜᱮ ᱠᱚ ᱟᱲᱟᱜ ᱞᱮᱫᱮᱭᱟ ᱟᱨ ᱒᱒ ᱮᱯᱨᱤᱞ ᱑᱙᱔᱓ ᱢᱟᱹᱦᱤᱛ ᱦᱤᱞᱚᱜ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱵᱟᱹᱜᱤᱭᱟᱫᱟ|