ᱠᱚᱢᱚᱞᱟ ᱥᱚᱝᱠᱚᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Vidushi Dr.Kamala Shankar
ᱨᱮᱫ:Vidushi Dr.Kamala Shankar.jpg
ᱵᱤᱵᱚᱨᱚᱱ
ᱡᱟᱱᱟᱢ᱕ ᱰᱤᱥᱮᱢᱵᱚᱨ ᱑᱙᱖᱖ (1966-12-05) (᱕᱗ ᱥᱮᱨᱢᱟ)
ᱢᱩᱬVaranasi, Uttar Pradesh, India
ᱡᱮᱱᱨᱮᱥIndian classical music
ᱚᱠᱩᱯᱮᱥᱚᱱMusician/indian slide guitar player/classical vocal
ᱵᱟᱡᱽᱱᱟShankar Guitar
ᱠᱟᱹᱢᱤ ᱚᱠᱛᱚ1984–present
ᱣᱮᱵᱽᱥᱟᱭᱤᱴthekamalashankar.com

ᱵᱤᱫᱩᱥᱤ ᱰᱨ. ᱠᱚᱢᱚᱞᱟ ᱥᱚᱝᱨᱚᱨ ᱫᱚ ᱧᱩᱛᱩᱢᱟᱱ ᱥᱤᱧᱚᱛᱤᱭᱟ. ᱠᱞᱟᱥᱤᱠᱟᱞ ᱜᱤᱴᱟᱨ/ᱵᱤᱬᱟ ᱵᱟᱡᱽᱱᱟᱣᱤᱡᱽ ᱠᱟᱱᱟᱭ ᱾ ᱟᱡ ᱫᱚ ᱵᱟᱡᱽᱱᱟ ᱪᱮᱛᱟᱱ ᱨᱮ ᱠᱳᱱᱴᱨᱳᱞ ᱟᱨ ᱟᱭᱢᱟ ᱨᱟ.ᱲᱠᱚ ᱥᱤᱨᱤᱡᱽ ᱦᱚᱲᱠᱚ ᱵᱟᱰᱟᱭᱮᱭᱟ ᱾ ᱟᱡᱟᱜ ᱫᱚ ᱜᱟᱭᱚᱠᱤ ᱟᱝᱜᱽ (Gayaki Ang) ᱨᱟ.ᱲ ᱨᱮ ᱚᱥᱟᱫᱷᱟᱨᱚᱱ ᱟᱨ ᱱᱟᱪᱩᱨᱟᱞ ᱦᱩᱱᱟ.ᱨ ᱢᱮᱱᱟᱜ ᱛᱟᱭᱟ ᱾ ᱟᱡᱟᱜ ᱫᱚ ᱥᱮᱨᱮᱧ ᱪᱮᱛᱟᱱ ᱨᱮ ᱵᱷᱟ.ᱜᱤ ᱮᱱᱮᱢ ᱠᱷᱟ.ᱛᱤᱨ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱥᱚᱨᱠᱟᱨ ᱨᱟᱥᱴᱨᱤᱭᱚ ᱠᱩᱢᱟᱨ ᱜᱳᱣᱨᱚᱵᱽ ᱥᱚᱱᱢᱟᱱ (Rashtriya Kumar Gandharva Samman) ᱢᱟ. ᱱ ᱪᱟᱞ ᱟᱠᱟᱫᱮᱭᱟᱭ ᱾

ᱯᱩᱭᱞᱩ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱝᱠᱚᱨ ᱫᱚ ᱛᱟᱱᱡᱚᱨ (Tanjore),ᱛᱟᱢᱤᱞ ᱱᱟᱰᱩ ᱨᱮ ᱡᱟᱱᱟᱢ ᱟᱨ ᱵᱟᱨᱟᱬᱟᱥᱤ ᱨᱮ ᱦᱟᱨᱟᱨᱟᱛᱟ ᱞᱮᱱᱟᱭ ᱾ ᱟᱡᱟᱜ ᱔ ᱥᱮᱨᱢᱟ ᱩᱢᱮᱨ ᱨᱮ ᱟᱡ ᱟᱭᱚ ᱛᱟ.ᱨᱤᱨᱮ ᱥᱮᱨᱮᱧ ᱪᱮᱫᱚᱜ ᱮᱦᱚᱵ ᱞᱮᱜ-ᱟᱭ ᱾ ᱤᱱᱟ. ᱛᱟᱭᱚᱢ ᱜᱩᱨᱩ ᱯᱚᱸᱱᱰᱤᱛ ᱚᱢᱚᱨᱱᱟᱛᱷ ᱢᱤᱥᱨᱚ (Amarnath Mishra) ᱛᱟ.ᱨᱤᱨᱮ, ᱵᱟᱨᱟᱬᱟᱥᱤᱨᱮ ᱘ ᱵᱚᱪᱷᱚᱨ ᱦᱟ.ᱵᱤᱡ ᱦᱤᱱᱫᱩᱥᱛᱟᱱᱤ ᱠᱞᱟᱥᱤᱠᱟᱞ ᱥᱮᱨᱮᱧ ᱥᱮᱬᱟ ᱞᱮᱜ-ᱟᱭ ᱾ ᱟᱡᱟᱜ ᱡᱮᱛᱮ ᱠᱷᱚᱱ ᱢᱟᱨᱟᱝ ᱯᱟᱱᱛᱮ ᱫᱚ ᱥᱞᱟᱭᱤᱰ ᱜᱤᱴᱟᱨ ᱵᱟᱡᱽᱱᱟᱣᱟ ᱪᱮᱫᱚᱜ ᱟᱨ ᱮᱛᱚᱦᱚᱵ ᱫᱚ ᱥᱤᱵᱽᱱᱟᱛᱷ ᱵᱷᱚᱴᱴᱟᱪᱟᱨᱡᱚ (Shivnath Bhattacharya) ᱴᱷᱮᱱ ᱠᱷᱚᱱ ᱜᱤᱴᱟᱨ ᱵᱟᱡᱽᱱᱟᱣ ᱥᱮᱬᱟ ᱞᱮᱫᱟ ᱾ ᱤᱱᱟ. ᱛᱟᱭᱚᱢ ᱵᱟᱨᱟᱬᱟᱥᱤ ᱨᱮ ᱯᱚᱫᱽᱢᱚᱵᱷᱩᱥᱚᱬ ᱯᱚᱸᱱᱰᱤᱛ ᱪᱷᱟᱱᱱᱩᱞᱟᱞ ᱢᱤᱨᱥᱚ (Padmabhushan Pt. Chhannulal Mishra) ᱛᱟ.ᱨᱤᱨᱮ ᱥᱮᱬᱟ ᱞᱮᱜ-ᱟᱭ ᱾ ᱠᱞᱟᱥᱤᱠᱟᱞ ᱥᱮᱨᱮᱧ ᱥᱟᱶᱛᱮ ᱯᱚᱨᱚᱵᱽ ᱟᱝᱜᱽ ᱡᱟᱦᱟᱸᱞᱮᱠᱟ ᱛᱷᱩᱢᱨᱤ,ᱠᱟᱡᱚᱨᱤ,ᱫᱟᱫᱽᱨᱟ,ᱪᱚᱭᱛᱤ,ᱨᱚᱵᱤᱱᱫᱨᱚ ᱥᱚᱝᱜᱤᱛ,ᱵᱷᱚᱡᱚᱱ ᱠᱚᱦᱚᱸᱭ ᱥᱮᱬᱟ ᱞᱮᱜ-ᱟ ᱾ ᱛᱟᱭᱚᱢ ᱠᱤᱪᱷᱩ ᱥᱮᱨᱢᱟ ᱯᱚᱸᱱᱰᱤᱛ ᱵᱤᱢᱚᱞᱮᱱᱫᱩ ᱢᱩᱠᱷᱟᱨᱡᱤ (Bimalendu Mukherjee) ᱭᱟᱜ ᱡᱟᱨᱡᱚᱱ ᱛᱟ.ᱨᱤᱨᱮ ᱛᱟᱦᱮᱸ ᱠᱟᱱᱟᱭ ᱾ ᱵᱚᱱᱟᱨᱚᱥ ᱦᱤᱱᱫᱩ ᱡᱮᱜᱮᱛ-ᱵᱤᱨᱫᱟ.ᱜᱟᱲ (Banaras Hindu University) ᱨᱤᱱ ᱯᱨᱳᱯᱷᱮᱥᱚᱨ ᱰᱨ. ᱜᱳᱯᱟᱞ ᱥᱚᱝᱠᱚᱨ ᱢᱤᱥᱨᱚ (Dr. Gopal Shankar Mishra) ᱣᱟᱜ ᱛᱟ.ᱨᱤᱨᱮ ᱥᱮᱨᱮᱧ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫᱽ ᱠᱟᱛᱮ ᱰᱳᱠᱴᱳᱨᱮᱴ ᱰᱤᱜᱽᱨᱤ ᱦᱟᱥᱚᱞ ᱞᱮᱜ-ᱟᱭ ᱾

ᱥᱮᱨᱮᱧ ᱪᱷᱟᱰᱟ ᱠᱟᱛᱮ ᱡᱤᱵᱽ ᱥᱟᱬᱮᱥ (Zoology) ᱨᱮᱦᱚᱸ ᱥᱚᱱᱮᱨ ᱰᱤᱜᱽᱨᱤ ᱠᱚᱨᱟᱣ ᱟᱠᱟᱫ-ᱟᱭ ᱾ ᱟ.ᱠᱤᱞᱢᱟᱱ ᱨᱮᱦᱚᱸᱭ ᱵᱷᱩᱨᱛᱤ ᱞᱮᱱᱟ ᱟᱨ ᱰᱟᱴᱟ ᱥᱟᱬᱮᱥ ᱯᱚᱲᱦᱚᱱ ᱞᱟ.ᱜᱤᱱ ᱵᱟᱪᱷᱚᱱ ᱞᱮᱱᱟᱭ ᱤᱠᱷᱟ.ᱱ ᱥᱮᱨᱮᱧ ᱪᱮᱛᱟᱱ ᱨᱮ ᱵᱟ.ᱲᱛᱤ ᱡᱷᱩᱸᱠ ᱠᱷᱟ.ᱛᱤᱨ ᱚᱱᱟ ᱫᱚ ᱵᱟᱜᱤᱭᱟᱜ-ᱟᱭ ᱾

ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱢᱚᱞᱟ ᱫᱚ ᱟᱭᱢᱟ ᱢᱟ.ᱱᱟᱱ ᱥᱴᱮᱡᱽ ᱨᱮ ᱩᱫᱩᱜ-ᱥᱚᱫᱚᱨ ᱨᱮᱭᱟᱜ ᱛᱟᱠ ᱧᱟᱢ ᱟᱠᱟᱜ-ᱟᱭ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱛᱟᱱᱥᱮᱱ ᱥᱚᱢᱚᱨᱳᱦ (Tansen Samaroh), ᱥᱟᱣᱟᱭ ᱜᱚᱱᱫᱷᱚᱨᱵᱚ ᱥᱚᱢᱚᱨᱳᱦ ᱯᱩᱱᱮ (Sawai Gandharva samaroh Pune), ᱛᱟᱡᱽ ᱢᱚᱦᱳᱛᱥᱚᱵᱽ (Taj Mahotsav), ᱢᱤᱸᱣᱡᱤᱠ ᱮᱠᱟᱰᱮᱱᱤ ᱪᱮᱱᱱᱟᱭ (Music Academy chennai), ᱵᱤᱦᱟᱨ ᱢᱚᱦᱳᱛᱥᱚᱵᱽ ᱯᱟᱴᱱᱟ (Bihar Mahotsav Patna),ᱜᱚᱝᱜᱟ ᱢᱚᱦᱳᱛᱥᱚᱵᱽ (Ganga Mahotsav), ᱥᱩᱨᱭᱟ ᱯᱷᱮᱥᱴᱤᱵᱷᱟᱞ ᱠᱮᱨᱚᱲ (Soorya Festival Keral),ᱦᱚᱨᱵᱚᱞᱞᱚᱵᱷ ᱥᱚᱝᱜᱤᱛ ᱥᱚᱢᱚᱨᱳᱦ ᱡᱚᱞᱚᱱᱫᱷᱚᱨ (Harvallabh Sangeet Samaroh Jalandhar), ᱥᱚᱝᱠᱚᱴ ᱢᱳᱪᱚᱱ ᱥᱚᱢᱚᱨᱳᱦ ᱵᱟᱨᱟᱬᱟᱥᱤ (Sankat Mochan Samaroh Varanasi), ᱟᱭᱤ.ᱥᱤ.ᱥᱤ.ᱟᱨ (ICCR), ᱥᱤᱢᱞᱟ ᱢᱚᱦᱳᱛᱥᱚᱵᱷ (Shimla Mahotsav), ᱥᱤᱢᱦᱟᱥᱛ ᱠᱩᱢᱵᱷ ᱩᱡᱽᱡᱮᱱ (Simhasth Kumbh Ujjain),ᱦᱚᱨᱱᱵᱤᱞᱞ ᱯᱷᱮᱥᱴᱤᱵᱷᱟᱞ ᱠᱳᱦᱤᱢᱟ ᱱᱟᱜᱟᱞᱟᱸᱰ (Hornbill Festival Kohima Nagaland) ᱱᱚᱝᱠᱟ ᱜᱮ ᱮᱢᱟᱱ ᱴᱷᱟᱶ ᱠᱚᱨᱮ ᱩᱫᱩᱜ-ᱥᱚᱫᱚᱨ ᱟᱠᱟᱫ-ᱟᱭ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/Kamala_Shankar