ᱠᱚᱢᱯᱩᱴᱚᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱚᱢᱯᱩᱴᱚᱨ ᱥᱟᱢᱟᱜᱤᱨᱤ ᱠᱚ



ᱠᱚᱢᱯᱩᱴᱚᱨ ᱫᱚ ᱢᱤᱫ ᱵᱤᱡᱽᱞᱤ ᱛᱮ ᱪᱚᱞᱚᱛᱟᱱ ᱢᱤᱫ ᱵᱟᱱᱰᱷᱮᱡ (Device) ᱠᱟᱱᱟ, ᱡᱟᱦᱟᱸ ᱫᱚ ᱢᱟᱹᱱᱢᱤ ᱠᱷᱚᱱ ᱰᱮᱴᱟ (Data) ᱤᱫᱤ ᱠᱟᱛᱮ ᱚᱱᱟ ᱠᱚᱭ ᱡᱚᱛᱚᱱ ᱫᱚᱦᱚᱭᱟ ᱟᱨ ᱢᱟᱹᱱᱢᱤᱭᱟᱜ ᱞᱟᱹᱠᱛᱤᱭᱟᱱ ᱟᱫᱮᱥ ᱡᱟᱹᱱᱤ ᱥᱟᱱᱟᱢ ᱥᱟᱹᱠᱷᱭᱟᱹᱛ ᱠᱚᱭ ᱚᱰᱚᱠᱟ ᱾ ᱠᱚᱢᱯᱩᱴᱚᱨ ᱫᱚ ᱢᱤᱫ ᱫᱷᱟᱣ ᱛᱮ ᱮᱞᱠᱷᱤᱭᱟᱹ ᱟᱨ ᱞᱚᱡᱤᱠᱤᱭᱟᱹ ᱠᱟᱹᱢᱤᱭ ᱛᱚᱨᱟᱣ ᱫᱟᱲᱮᱭᱟᱜᱼᱟ ᱾ ᱠᱚᱢᱯᱩᱴᱚᱨ ᱫᱚ ᱢᱤᱫ ᱥᱟᱶ ᱛᱮ ᱟᱭᱢᱟ ᱠᱟᱹᱢᱤᱭ ᱛᱚᱨᱟᱣ ᱫᱟᱲᱮᱭᱟᱜ ᱠᱟᱱ ᱠᱷᱟᱹᱛᱤᱨ ᱨᱟᱹᱥᱤᱭᱟᱹ ᱠᱟᱹᱢᱤᱭᱟᱹ ᱵᱟᱱᱰᱷᱮᱡ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱛᱤᱢᱤᱱ ᱜᱟᱱ ᱢᱩᱬ ᱦᱟᱹᱴᱤᱧ ᱠᱚ ᱢᱮᱥᱟ ᱠᱟᱛᱮ ᱠᱚᱢᱯᱩᱴᱚᱨ ᱫᱚ ᱛᱮᱭᱟᱨᱟᱠᱟᱱᱟ ᱾ ᱚᱱᱟ ᱠᱚ ᱢᱩᱸᱫᱽ ᱨᱮ CPU (Central Processing Unit), ALU (Arithmetic and Logic Unit), CU (control unit) ᱮᱢᱟᱱ ᱠᱚ ᱢᱮᱱᱟᱜᱼᱟ ᱾ CPU ᱱᱚᱶᱟ ᱫᱚ ᱠᱚᱢᱯᱩᱴᱚᱨ ᱨᱮᱱᱟᱜ ᱦᱟᱛᱟᱝ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱦᱟᱹᱴᱤᱧ ᱨᱮ ᱫᱚ ᱵᱮᱵᱷᱟᱨᱤᱭᱟᱹ ᱦᱟᱜ ᱵᱤᱪᱟᱹᱨ ᱱᱮᱦᱚᱸᱨ ᱵᱟᱰᱟᱭ ᱠᱟᱛᱮ ᱥᱟᱹᱠᱷᱭᱟᱹᱛ ᱠᱚᱭ ᱵᱟᱦᱟᱞᱟ ᱾ ALU ᱫᱚ ᱥᱟᱹᱠᱷᱭᱟᱹᱛ ᱵᱟᱺᱫᱤ ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱠᱚᱢᱯᱩᱴᱚᱨ ᱫᱚ ᱯᱩᱭᱞᱩ ᱤᱱᱯᱩᱴ ᱦᱟᱛᱟᱣ ᱠᱟᱛᱟᱣ ᱠᱟᱛᱮ ᱱᱚᱶᱟ ᱨᱮᱱᱟᱜ ᱞᱟᱹᱱᱟᱹᱭ ᱟᱣᱩᱴᱯᱩᱴ ᱞᱮᱠᱟᱛᱮᱭ ᱥᱚᱫᱚᱨᱟ ᱾ ᱟᱹᱰᱤ ᱥᱮᱫᱟᱭ ᱠᱷᱚᱱ ᱜᱮ ᱠᱚᱢᱯᱩᱴᱚᱨ ᱫᱚ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱩᱱ ᱡᱚᱠᱷᱟᱜᱟᱜ ᱠᱚᱢᱯᱩᱴᱚᱨ ᱟᱨ ᱱᱮᱛᱟᱨᱟᱜ ᱢᱩᱸᱫᱽ ᱨᱮ ᱚᱛ ᱥᱮᱨᱢᱟ ᱯᱷᱟᱨᱟᱠ ᱢᱮᱱᱟᱜᱼᱟ ᱾ ᱩᱱ ᱡᱚᱠᱷᱟᱜ ᱫᱚ ᱥᱩᱢᱩᱝ ᱞᱮᱠᱷᱟ ᱵᱟᱲᱟᱭ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱱᱮᱛᱟᱨ ᱟᱭᱢᱟ ᱞᱮᱠᱟᱱ ᱴᱷᱟᱶ ᱨᱮ ᱟᱭᱢᱟ ᱞᱮᱠᱟᱱ ᱠᱟᱹᱢᱤ ᱨᱮ ᱞᱟᱜᱟᱣᱜ ᱠᱟᱱᱟ ᱾ ᱱᱮᱛᱟᱨᱟᱜ ᱠᱚᱢᱯᱩᱴᱚᱨ ᱫᱚ ᱟᱹᱰᱤ ᱠᱚᱢ ᱡᱟᱜᱟᱭ ᱦᱟᱛᱟᱣᱟ ᱟᱨ ᱠᱚᱢ ᱚᱠᱛᱚ ᱨᱮ ᱟᱭᱢᱟ ᱥᱟᱹᱠᱷᱭᱟᱹᱛ ᱮ ᱯᱟᱱᱛᱮ ᱧᱟᱢ ᱫᱟᱲᱮᱭᱟᱜᱼᱟ ᱥᱟᱶᱛᱮ ᱮᱞᱠᱷᱤᱭᱟᱹ ᱟᱱᱟᱴ ᱠᱚ ᱞᱟᱜᱮᱭ ᱥᱚᱞᱦᱮ ᱫᱟᱲᱮᱭᱟᱜᱼᱟ ᱾ ᱱᱮᱛᱟᱨ ᱫᱚ ᱢᱚᱵᱟᱭᱤᱞ ᱠᱷᱚᱱ ᱮᱦᱚᱵ ᱠᱟᱛᱮ ᱢᱟᱨᱟᱝ ᱢᱟᱨᱟᱝ ᱠᱚᱢᱯᱩᱴᱚᱨ ᱧᱮᱞᱚᱜ ᱠᱟᱱᱟ ᱾ ᱡᱟᱦᱟᱸ ᱞᱮᱠᱟ ᱢᱮᱱᱚᱜᱼᱟ, ᱢᱟᱹᱱᱢᱤ ᱫᱚ ᱫᱷᱟᱹᱨᱛᱤ ᱨᱤᱱ ᱥᱚᱨᱮᱥ ᱥᱤᱨᱤᱡᱽ, ᱚᱱᱠᱟ ᱜᱮ ᱠᱚᱢᱯᱩᱴᱚᱨ ᱫᱚ ᱢᱟᱹᱱᱢᱤᱭᱟᱜ ᱥᱚᱨᱮᱥ ᱥᱤᱨᱤᱡᱽ ᱾

ᱜᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱢᱯᱩᱴᱚᱨ ᱫᱚ ᱟᱭᱢᱟ ᱜᱚᱴᱟᱝ ᱥᱟᱢᱟᱱ ᱢᱮᱥᱟ ᱠᱟᱛᱮ ᱜᱚᱲᱦᱚᱱ ᱟᱠᱟᱜ ᱟᱠᱚ ᱾ ᱱᱚᱶᱟ ᱠᱚ ᱦᱟᱹᱴᱤᱧ ᱞᱮᱠᱷᱟᱱ ᱯᱮ ᱞᱮᱠᱟᱱ ᱥᱟᱢᱟᱜᱤᱨᱤ ᱨᱮ ᱦᱟᱹᱴᱤᱧᱚᱜ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ :- ᱦᱟᱰᱣᱮᱨ, ᱥᱚᱯᱴᱣᱮᱨ ᱟᱨ ᱵᱮᱵᱷᱟᱨᱤᱡ ᱾ ᱦᱟᱰᱣᱮᱨ ᱫᱚ ᱠᱚᱢᱯᱩᱴᱚᱨ ᱨᱮᱱᱟᱜ ᱥᱟᱢᱟᱜᱤᱨᱤ ᱠᱚ ᱠᱟᱱᱟ, ᱡᱟᱦᱟᱸ ᱠᱚᱫᱚ ᱥᱟᱵ ᱛᱮ ᱧᱟᱢᱚᱜᱼᱟ ᱾ ᱥᱚᱯᱴᱣᱮᱨ ᱫᱚ ᱚᱱᱠᱟ ᱜᱮ ᱵᱟᱝ ᱥᱟᱵ ᱧᱟᱢᱚᱜᱟᱜ ᱥᱟᱢᱟᱜᱤᱨᱤ ᱠᱟᱱᱟ ᱾ ᱠᱚᱢᱯᱩᱴᱚᱨᱟᱜ ᱫᱚ ᱜᱮᱭᱟᱱ ᱵᱟᱹᱪᱩᱜ ᱟᱱᱟᱝ ᱚᱱᱟ ᱫᱚ ᱢᱟᱹᱱᱢᱤᱭᱟᱜ ᱵᱩᱫᱷᱤ ᱫᱤᱥᱟᱹ ᱛᱮ ᱜᱮ ᱠᱟᱹᱢᱤᱭᱟ ᱾

ᱧᱩᱢ ᱨᱮᱱᱟᱜ ᱡᱚᱛᱷᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱢᱯᱩᱴᱚᱨ ᱧᱩᱛᱩᱢ ᱫᱚ "ᱠᱚᱢᱯᱩᱴ" ᱟᱹᱲᱟᱹ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱞᱮᱠᱷᱟ ᱥᱮ ᱦᱤᱥᱟᱹᱵᱽ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱠᱷᱟᱴᱚ ᱢᱟᱪᱷᱟ ᱛᱮ ᱢᱮᱱ ᱜᱟᱱᱚᱜᱼᱟ "ᱞᱮᱠᱷᱟ ᱵᱟᱱᱰᱷᱮᱡ" ᱾ ᱠᱚᱢᱯᱩᱴᱚᱨ ᱟᱹᱲᱟᱹ ᱫᱚ ᱮᱛᱚᱦᱚᱵ ᱠᱟᱛᱮ ᱑᱖᱑᱓ ᱥᱟᱞᱮ ᱨᱮ Richard Brathwait ᱫᱟᱨᱟᱭ ᱛᱮ ᱚᱞ ᱞᱮᱱ ᱢᱤᱫ ᱯᱩᱛᱷᱤ The Yong Mans Gleanings ᱨᱮ ᱩᱪᱷᱟᱹᱱ ᱞᱮᱱᱟ ᱾ ᱱᱚᱶᱟ ᱨᱮ ᱠᱚᱢᱯᱩᱴᱚᱨ ᱫᱚ ᱞᱮᱠᱷᱟᱭᱤᱡ ᱠᱚ ᱢᱮᱛᱟᱭ ᱠᱟᱱᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]