ᱠᱚᱢᱯᱩᱴᱚᱨ ᱢᱮᱢᱚᱨᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱠᱚᱢᱯᱩᱴᱚᱨ ᱢᱮᱢᱚᱨᱤ ᱫᱚ ᱢᱤᱫ ᱞᱮᱠᱟᱱ ᱵᱟᱱᱰᱷᱮᱡ (device) ᱵᱟᱝᱢᱟ ᱡᱤᱱᱤᱥ ᱠᱟᱱᱟ, ᱡᱟᱦᱟᱸ ᱨᱮ ᱯᱨᱚᱜᱽᱨᱟᱢ, ᱤᱱᱥᱴᱨᱚᱠᱥᱚᱱ ᱟᱨ ᱰᱮᱴᱟ ᱮᱢᱟᱱ ᱠᱚ ᱵᱟᱹᱫᱤ ᱫᱚᱦᱚᱭᱟ ᱾[᱑] ᱱᱚᱶᱟ ᱫᱚ ᱢᱤᱫ ᱞᱮᱠᱟᱱ ᱥᱮᱢᱤ-ᱠᱚᱱᱰᱚᱠᱴᱚᱨ ᱢᱮᱢᱚᱨᱭ (semiconductor memory), ᱟᱥᱚᱠᱟᱭ ᱛᱮ ᱢᱮᱴᱟᱞ-ᱚᱠᱥᱟᱭᱤᱰ-ᱥᱮᱢᱤᱠᱚᱱᱰᱚᱠᱴᱚᱨ (MOS) ᱢᱮᱢᱚᱨᱤ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾[᱒][᱓] ᱚᱱᱟ ᱢᱮᱢᱚᱨᱤ ᱨᱮᱱᱟᱜ ᱥᱮᱞ (memory cells) ᱨᱮ ᱰᱮᱴᱟ ᱠᱚ ᱫᱚ ᱵᱟᱺᱫᱤ ᱠᱟᱛᱮ ᱛᱟᱦᱮᱸᱱᱟ ᱾

ᱟᱥᱚᱠᱟᱭᱛᱮ ᱠᱚᱢᱯᱩᱴᱚᱨ ᱢᱮᱢᱚᱨᱤ ᱢᱮᱱ ᱞᱮᱠᱷᱟᱱ ᱫᱚ ᱯᱩᱭᱞᱩ ᱵᱟᱺᱫᱤ (primary storage) ᱢᱮᱱᱛᱮ ᱦᱚᱸ ᱵᱩᱡᱷᱟᱹᱣ ᱟ ᱾ ᱠᱚᱢᱯᱩᱴᱚᱨ ᱢᱮᱢᱚᱨᱤ ᱫᱚ ᱟᱹᱰᱤ ᱫᱚᱲ (high speed) ᱛᱮ ᱠᱟᱹᱢᱤ ᱠᱟᱹᱢᱤ ᱫᱟᱲᱮᱭᱟᱜᱼᱟ, ᱡᱮᱢᱚᱱ ᱨᱟᱱᱰᱚᱢ-ᱟᱠᱥᱮᱥ-ᱢᱮᱢᱚᱨᱤ (random access memory -RAM) ᱾ ᱞᱟᱹᱠᱛᱤ ᱯᱟᱲᱟᱣ ᱞᱮᱱᱠᱷᱟᱱ ᱱᱚᱶᱟ ᱠᱚ ᱡᱤᱱᱤᱥ ᱫᱚᱥᱟᱨ ᱵᱟᱺᱫᱤ (secondary storage) ᱨᱮᱦᱚᱸ ᱠᱚ ᱫᱚᱦᱚᱭ ᱜᱮᱭᱟ, ᱡᱟᱦᱟᱸ ᱫᱚ ᱵᱷᱚᱨᱪᱩᱣᱟᱞ ᱢᱮᱢᱚᱨᱤ (virtual memory) ᱴᱮᱠᱱᱤᱠ ᱠᱚ ᱢᱮᱛᱟᱜ ᱠᱟᱱᱟ ᱾ ᱢᱮᱢᱚᱨᱤ ᱨᱮᱱᱟᱜ ᱥᱟᱹᱭᱠᱟᱹᱛ ᱢᱮᱱᱮᱛ ᱫᱚ "ᱵᱟᱺᱫᱤ" ᱵᱟᱝᱢᱟ "ᱥᱴᱚᱨ" ᱢᱮᱱᱛᱮ ᱾[᱔]


ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ENIAC ᱨᱮᱱᱟᱜ ᱯᱟᱹᱪᱷᱞᱟᱹ ᱯᱟᱦᱴᱟ ᱨᱮ ᱵᱷᱮᱠᱩᱢ ᱯᱟᱹᱭᱤᱯ (vacuum tubes) ᱧᱮᱞᱚᱜ ᱠᱟᱱᱟ
8 GB microSDHC card on top of 8 bytes of magnetic-core memory (1 core is 1  bit).

᱑᱕᱗᱐ ᱥᱟᱹᱦᱤᱛ ᱚᱠᱛᱚ ᱨᱮ ᱢᱮᱢᱚᱨᱤ ᱴᱮᱠᱱᱚᱞᱚᱡᱤ ᱫᱚ ᱟᱹᱰᱤ ᱠᱚᱢ ᱵᱟᱭᱤᱴ (byte) ᱟᱱᱟᱜ ᱛᱟᱦᱮᱸ ᱠᱟᱱᱟ ᱾ ᱯᱩᱭᱞᱩ ᱯᱨᱚᱜᱽᱨᱟᱢ ᱜᱟᱱᱚᱜ ᱰᱤᱡᱤᱴᱟ ᱠᱚᱢᱯᱩᱴᱚᱨ ᱮᱱᱤᱟᱠ (ENIAC) ᱨᱮ ᱥᱟᱭ ᱥᱟᱭ ᱨᱮᱰᱤᱭᱚ ᱵᱷᱮᱠᱩᱢ ᱴᱤᱭᱩᱵᱽ (radio vacuum tube) ᱢᱮᱢᱚᱨᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱟᱨ ᱱᱚᱶᱟ ᱛᱮ ᱒᱐ ᱜᱚᱴᱟᱝ ᱟᱱᱟᱜ ᱞᱮᱠᱷᱟ ᱦᱤᱥᱟᱹᱵᱽ ᱮ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱟᱨ ᱤᱱᱟᱹᱜ ᱜᱮ ᱚᱸᱰᱮ ᱫᱚ ᱥᱟᱦᱚᱵ ᱠᱟᱱ ᱛᱟᱦᱮᱸᱫ ᱾

ᱚᱱᱟ ᱛᱟᱭᱚᱢ ᱑᱙᱔᱐ ᱥᱟᱹᱦᱤᱛ ᱥᱮᱫ ᱨᱮ ᱮᱠᱚᱣᱥᱴᱤᱠ ᱰᱤᱞᱮ ᱞᱟᱭᱤᱱ ᱢᱮᱢᱚᱨᱤ (acoustic delay line memory), ᱡᱟᱦᱟᱸ ᱫᱚ ᱡᱮᱹ ᱯᱨᱮᱥᱯᱟᱨ ᱮᱠᱨᱮᱴ (J. Presper Eckert) ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱫᱚ ᱜᱤᱞᱟᱹᱥ ᱯᱟᱹᱭᱤᱯ (glass tube) ᱨᱮ ᱢᱚᱨᱠᱤᱭᱩᱨᱤ (mercury) ᱯᱮᱨᱮᱡ ᱠᱟᱛᱮ ᱟᱨ ᱡᱚᱛᱚ ᱯᱟᱹᱭᱤᱯ ᱢᱩᱪᱟᱹᱫ ᱨᱮ ᱠᱚᱣᱟᱨᱡᱽ ᱠᱨᱤᱥᱴᱟᱞ (quartz crystal) ᱨᱮ ᱦᱚᱴᱚᱨ ᱠᱚᱜ ᱛᱟᱦᱮᱸᱫ ᱾ ᱱᱚᱶᱟ ᱰᱤᱞᱮ ᱞᱟᱭᱤᱱ ᱫᱚ ᱤᱱᱯᱷᱚᱨᱢᱮᱥᱚᱱ ᱠᱚ ᱥᱟᱰᱮ ᱰᱷᱮᱣ (sound waves) ᱞᱮᱠᱟᱛᱮ ᱵᱟᱺᱫᱤ ᱠᱚᱜᱼᱟ, ᱡᱟᱦᱟᱸ ᱫᱚ ᱢᱚᱨᱠᱭᱩᱨᱤ ᱛᱮ ᱯᱟᱥᱱᱟᱣᱼᱟ ᱟᱨ ᱠᱩᱣᱟᱨᱡᱽ ᱠᱨᱤᱥᱛᱟᱞ ᱫᱚ ᱴᱨᱟᱱᱥᱰᱭᱩᱥᱚᱨ (transducer) ᱞᱮᱠᱟᱛᱮ ᱠᱟᱹᱢᱤᱭᱟᱭ ᱟᱨ ᱚᱱᱟ ᱤᱱᱯᱷᱚᱨᱢᱮᱥᱚᱱ ᱠᱚᱭ ᱚᱞᱟ ᱟᱨ ᱯᱟᱲᱦᱟᱣᱟ ᱾ ᱢᱮᱱᱠᱷᱟᱱ ᱱᱚᱶᱟ ᱫᱚ ᱥᱟᱭ ᱦᱟᱡᱟᱨ ᱵᱤᱴ ᱦᱟᱹᱵᱤᱡ ᱜᱮᱭ ᱫᱚᱦᱚ ᱫᱟᱲᱮᱭᱟᱜᱼᱟ ᱾

ᱰᱤᱞᱮ ᱞᱟᱭᱤᱱ ᱵᱚᱫᱚᱞ ᱛᱮ ᱣᱤᱞᱤᱭᱚᱢ ᱴᱤᱭᱩᱵᱽ (en:Williams tube) ᱟᱨ ᱥᱤᱞᱮᱠᱴᱨᱚᱱ ᱴᱤᱭᱩᱵᱽ (en:Selectron tube) ᱦᱮᱡ ᱮᱱᱟ ᱑᱙᱔᱖ ᱥᱟᱹᱦᱤᱛ ᱨᱮ, ᱱᱩᱠᱤᱱ ᱫᱚ ᱵᱟᱺᱫᱤ ᱞᱮᱠᱟᱛᱮ ᱤᱞᱮᱠᱴᱨᱚᱱ ᱵᱤᱢ (electron beams) ᱠᱤᱱ ᱵᱮᱵᱷᱟᱨᱟ ᱜᱤᱞᱟᱹᱥ ᱯᱟᱹᱤᱯ ᱵᱷᱤᱛᱤᱨ ᱨᱮ ᱾ ᱠᱮᱛHᱚᱰ ᱨᱮᱭ ᱴᱤᱭᱩᱵᱽ (en:cathode ray tube) ᱛᱮ ᱯᱷᱨᱮᱰ ᱣᱤᱞᱤᱭᱚᱢ ᱫᱚ ᱣᱤᱞᱤᱭᱚᱢ ᱴᱤᱭᱩᱵᱽ ᱮ ᱵᱮᱱᱟᱣ ᱞᱮᱫᱼᱟ, ᱡᱟᱦᱟᱸ ᱫᱚ ᱯᱩᱭᱞᱩ ᱨᱟᱱᱰᱚᱢ-ᱟᱠᱥᱮᱥ-ᱢᱮᱢᱚᱨᱤ (ᱨᱟᱢ) ᱛᱟᱦᱮᱸ ᱠᱟᱱᱟ ᱾ ᱥᱮᱞᱮᱠᱴᱨᱚᱱ ᱴᱤᱭᱩᱵᱽ ᱠᱷᱚᱱ ᱣᱤᱞᱤᱭᱚᱢ ᱴᱤᱭᱩᱵᱽ ᱨᱮᱜᱮ ᱵᱟᱹᱲᱛᱤ ᱰᱮᱴᱟ ᱵᱟᱺᱫᱤ ᱨᱮᱱᱟᱜ ᱫᱟᱲᱮ ᱫᱚ ᱛᱟᱦᱮᱸ ᱠᱟᱱᱟ ᱟᱨ ᱜᱚᱱᱚᱜ ᱦᱚᱸ ᱠᱚᱢ ᱜᱮ ᱛᱟᱦᱮᱸ ᱠᱟᱱᱟ ᱾ ᱑᱙᱔᱐ ᱥᱟᱹᱦᱤᱛ ᱨᱮᱱᱟᱜ ᱢᱩᱪᱟᱹᱫ ᱥᱮᱫ ᱨᱮ ᱱᱚᱱ-ᱵᱷᱚᱞᱟᱴᱟᱭᱤᱞ ᱢᱮᱢᱚᱨᱤ (en:non-volatile memory) ᱧᱟᱢ ᱨᱮᱱᱟᱜ ᱠᱩᱨᱩᱢᱩᱴᱩ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱢᱟᱜᱽᱱᱮᱴᱤᱠ-ᱠᱚᱨ ᱢᱮᱢᱚᱨᱤ (en:Magnetic-core memory) ᱫᱚ ᱯᱟᱣᱟᱨ ᱚᱯᱷ ᱮᱱ ᱛᱟᱭᱚᱢ ᱦᱚᱸ ᱫᱚᱦᱚ ᱞᱮᱫ ᱰᱮᱴᱟ ᱠᱚ ᱨᱩᱠᱷᱤᱭᱟᱹ ᱛᱟᱦᱮᱸ ᱜᱮᱭᱟ ᱾ ᱡᱟᱦᱟᱸ ᱰᱳ ᱯᱷᱨᱮᱰᱨᱤᱠ ᱣᱹ ᱵᱷᱤᱭᱮ (Frederick W. Viehe) ᱟᱨ ᱟᱱ ᱣᱟᱝ (en:An Wang) ᱛᱤᱠᱤᱱ ᱠᱤᱱ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱑᱙᱔᱐ ᱥᱟᱹᱦᱤᱛ ᱨᱮ ᱟᱨ ᱑᱙᱕᱐ ᱥᱮᱫ ᱨᱮ ᱡᱟᱭ ᱯᱷᱟᱨᱮᱥᱴᱟᱨ (en:Jay Forrester) ᱟᱨ ᱡᱟᱱ ᱮᱹ ᱨᱟᱡᱽᱪᱟᱢᱟᱱ (en:Jan A. Rajchman) ᱛᱤᱠᱤᱱ ᱠᱤᱱ ᱩᱛᱱᱟᱹᱣ ᱟᱹᱨᱩ ᱞᱮᱫ ᱛᱟᱦᱮᱸᱫ ᱾ ᱚᱱᱟᱜᱮ ᱟᱫᱚ ᱑᱙᱕᱓ ᱥᱟᱹᱦᱤᱛ ᱨᱮ ᱦᱩᱣᱤᱨᱞᱣᱤᱱᱰ (Whirlwind) ᱠᱚᱢᱯᱩᱴᱚᱨ ᱥᱟᱶᱛᱮ ᱠᱚᱢᱚᱨᱥᱤᱭᱟᱞᱟᱭᱤᱡᱽ (commercialised) ᱞᱮᱱ ᱛᱟᱦᱮᱸᱫ ᱾[᱕] ᱢᱚᱥ ᱥᱮᱢᱤ-ᱠᱚᱱᱰᱚᱠᱴᱚᱨ ᱢᱮᱢᱚᱨᱤ ᱛᱮᱭᱟᱨᱮᱱ ᱞᱟᱦᱟᱨᱮ ᱱᱚᱶᱟ ᱢᱟᱜᱽᱱᱮᱴᱤᱠ ᱠᱚᱨ ᱢᱮᱢᱚᱨᱤ ᱜᱮ ᱢᱮᱢᱚᱨᱤ ᱴᱷᱟᱶ ᱮ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾[᱖].



ᱥᱟᱹᱠᱷᱭᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Hemmendinger, David (ᱯᱷᱮᱵᱽᱨᱩᱣᱟᱨᱤ 15, 2016). "Computer memory". Encyclopedia Britannica. Retrieved 16 ᱚᱠᱴᱚᱵᱚᱨ 2019. 
  2. "The MOS Memory Market" (PDF). Integrated Circuit Engineering Corporation. Smithsonian Institution. 1997. Retrieved 16 ᱚᱠᱴᱚᱵᱚᱨ 2019. 
  3. "MOS Memory Market Trends" (PDF). Integrated Circuit Engineering Corporation. Smithsonian Institution. 1998. Retrieved 16 ᱚᱠᱴᱚᱵᱚᱨ 2019. 
  4. A.M. Turing and R.A. Brooker (1952). Programmer's Handbook for Manchester Electronic Computer Mark II Archived ᱒᱐᱑᱔-᱐᱑-᱐᱒ at the Wayback Machine.. University of Manchester.
  5. "1953: Whirlwind computer debuts core memory". Computer History Museum. Retrieved 2 ᱚᱜᱚᱥᱴ 2019. 
  6. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named computerhistory1966