ᱠᱟᱞᱮᱭᱟᱱ ᱦᱟᱲᱟᱢ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱠᱟᱞᱮᱭᱟᱱ ᱜᱩᱨᱩ ᱫᱚᱭ ᱛᱟᱸᱦᱮ ᱠᱟᱱᱟ ᱥᱟᱱᱛᱟᱲᱤ ᱦᱩᱞ ᱨᱮᱱᱟᱜ ᱱᱟᱜᱟᱢ ᱨᱤᱱ ᱚᱱᱚᱞᱤᱭᱟ. ᱟᱨ ᱠᱷᱮᱨᱣᱟᱞ ᱠᱚ ᱨᱤᱱ ᱜᱩᱨᱩ ᱾ ᱟᱡᱟᱜ ᱚᱱᱚᱞ "ᱦᱚᱲ ᱠᱚᱨᱮᱱ ᱢᱟᱨᱮ ᱦᱟᱯᱲᱟᱢ ᱨᱮᱭᱟᱜ ᱠᱟᱛᱷᱟ" ᱯᱩᱛᱷᱤ ᱨᱮᱫᱚ ᱥᱚᱨᱮᱥ ᱢᱤᱫᱴᱟ.ᱝ ᱚᱱᱚᱞ ᱥᱟᱱᱛᱟᱲᱤ ᱦᱩᱞ ᱨᱮᱱᱟᱜ ᱩᱭᱦᱟ.ᱨᱟᱱ ᱮ ᱫᱚᱦᱥ ᱞᱮᱫᱟ ᱾ ᱱᱚᱣᱟ ᱩᱭᱦᱟᱹᱨᱟᱱᱟᱜ ᱥᱟᱱᱛᱟᱲᱤ ᱦᱩᱞ ᱨᱤᱱ ᱵᱤᱨ ᱵᱟᱱᱴᱟ ᱥᱤᱫᱷᱩ ᱟᱨ ᱠᱟ.ᱱᱦᱩ -ᱟᱲᱟᱝ, ᱡᱟᱸᱦᱟ ᱫᱚ "ᱨᱟᱡᱽ-ᱢᱚᱦᱟᱨᱟᱡᱽ ᱠᱚ ᱡᱚᱢ ᱠᱚᱯᱮ", "ᱫᱤᱠᱩ ᱠᱚᱫᱚ (ᱥᱟᱥᱟᱝ ᱠᱟᱴᱟ) ᱜᱟᱝ ᱱᱟ.ᱭ ᱯᱟᱨᱚᱢ ᱦᱚᱴᱚ ᱠᱟᱠᱚ ᱯᱮ", " ᱟᱞᱮᱭᱟᱜ ᱛᱤᱨᱮ ᱥᱟᱥᱚᱱ ᱡᱟ.ᱨᱤ ᱞᱮ ᱦᱟᱛᱟᱣ-ᱟ" ᱟᱢᱫᱟ ᱜᱮ ᱚᱞᱵᱮᱞ ᱠᱟᱛᱮ ᱢᱮᱱᱟᱜᱼᱟ।

ᱵᱟ.ᱲᱛᱤ ᱡᱚᱲᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱨᱮ ᱟᱵᱚ ᱟ.ᱫᱤᱢ ᱢᱟᱱᱣᱟ ᱟ.ᱰᱤ ᱨᱮᱸᱜᱮᱡ ᱱᱟᱪᱟᱨ ᱛᱟᱸᱦᱮ ᱠᱟᱛᱮ ᱦᱚᱸ ᱟ.ᱰᱤ ᱱᱤᱨᱟ.ᱲ ᱥᱚᱛ, ᱫᱤᱞ ᱫᱟᱲᱮ ᱢᱚᱱᱮᱭᱟᱱ ᱦᱚᱲ ᱵᱚᱱ ᱛᱟᱸᱦᱮ ᱠᱟᱱᱟ ᱾ ᱡᱟᱸᱦᱟ ᱫᱚ ᱟᱵᱚ ᱦᱟᱯᱲᱟᱢ ᱵᱤᱫᱟ.ᱞ ᱦᱟᱯᱲᱟᱢ ᱠᱷᱚᱱ ᱱᱤᱛ ᱦᱟ.ᱵᱤᱡ ᱧᱮᱞᱚᱜ ᱠᱟᱱᱟ ᱾ ᱟᱵᱚ ᱫᱚ ᱠᱷᱟᱭ ᱢᱩᱠᱷᱟ.ᱭ ᱛᱮᱫᱚ ᱡᱟᱸᱦᱟᱭ ᱢᱟᱱ ᱛᱟᱸᱦᱟᱭ ᱥᱟᱶ ᱵᱟᱵᱚᱱ ᱠᱟ.ᱭᱡᱟ. ᱠᱷᱟ.ᱯᱟ.ᱨᱤᱜ-ᱟ ᱾ ᱟ.ᱰᱤ ᱛᱮᱫ ᱴᱮᱠᱟᱣ ᱥᱟᱦᱟᱣ ᱫᱟᱲᱮ ᱢᱮᱱᱟᱜ ᱛᱟᱵᱚᱱᱟ ᱾ ᱚᱱᱟᱛᱮ ᱮᱴᱟᱜ ᱫᱷᱚᱨᱚᱢ ᱦᱚᱲ ᱠᱷᱚᱱ ᱫᱚ ᱟ.ᱰᱤ ᱛᱮᱫ ᱜᱮᱵᱚ ᱵᱷᱮᱜᱟᱨᱟ ᱾ ᱟᱵᱚᱱᱟᱜ ᱚᱱᱟ ᱫᱚᱥᱟ ᱠᱷᱟ.ᱛᱤᱨ ᱵᱟᱵᱟ ᱛᱤᱞᱠᱟ. ᱢᱟ.ᱡᱷᱤ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱱᱤᱛ ᱦᱚᱸ ᱟᱵᱚ ᱱᱟᱜ ᱦᱚᱠ ᱟ.ᱭᱫᱟ.ᱨ ᱠᱷᱟᱱ.ᱛᱤᱨ ᱞᱟ.ᱲᱦᱟ.ᱭ ᱟᱠᱟ ᱢᱮᱱᱟᱜ ᱵᱚᱱᱟ ᱾ ᱢᱤᱫ ᱚᱠᱛᱚ ᱱᱚᱝᱠᱟᱱ ᱫᱚᱥᱟ ᱟᱵᱚ ᱪᱮᱛᱟᱱ ᱧᱩᱨ ᱞᱮᱱᱟ ᱡᱟᱸᱦᱟ ᱫᱚ ᱞᱟ.ᱲᱦᱟ.ᱭ ᱵᱮᱜᱚᱨ ᱡᱟᱸᱦᱟᱱ ᱰᱟᱦᱟᱨ ᱜᱮ ᱵᱟᱝ ᱛᱟᱸᱦᱮ ᱠᱟᱱᱟ ᱾ ᱡᱟᱸᱦᱟ ᱫᱚ ᱱᱤᱛ ᱟᱵᱚ ᱥᱟᱱᱛᱟᱲ ᱦᱩᱞ ᱢᱮᱱᱛᱮ ᱵᱚᱱ ᱪᱷᱟ.ᱴᱭᱟ.ᱨ ᱮᱫᱟ ᱾ ᱱᱚᱣᱟ ᱦᱩᱞ ᱨᱮ ᱜᱩᱨᱩ ᱠᱟᱞᱮᱭᱟᱱ ᱦᱟᱲᱟᱢ ᱟᱜ ᱮᱱᱮᱢ ᱫᱚ ᱟ.ᱰᱤ ᱜᱟᱱ ᱜᱮ ᱾ ᱡᱟᱸᱦᱟ ᱠᱷᱟ.ᱛᱤᱨ ᱟᱵᱚ ᱱᱤᱛ ᱦᱟ.ᱵᱤᱡ ᱱᱟᱥᱮ ᱨᱮᱦᱚᱸ ᱫᱤᱠᱩ ᱥᱮ ᱤᱝᱨᱮᱡᱽ ᱫᱚᱠᱚ ᱵᱚᱛᱚᱨᱟᱵᱚᱱ ᱜᱮᱭᱟ ᱾ ᱱᱚᱝᱠᱟᱱ ᱟᱭᱢᱟ ᱧᱩᱛᱩᱢᱟᱱ ᱫᱤᱞᱜᱟ.ᱨᱤᱭᱟ. , ᱦᱩᱞᱜᱟ.ᱨᱤᱭᱟ. , ᱠᱚᱣᱟᱜ ᱧᱩᱛᱩᱢ ᱦᱚᱭᱛᱚ ᱵᱟᱵᱚᱱ ᱛᱮᱣᱟᱜ ᱡᱚᱝ ᱠᱟᱱᱟ ᱾ ᱟᱵᱚ ᱨᱤᱱ ᱚᱱᱚᱞᱤᱭᱟ. ᱠᱚᱦᱚᱸ ᱱᱚᱝᱠᱟᱱ ᱢᱟᱱᱣᱟ ᱟᱜ ᱡᱤᱭᱚᱱ ᱠᱟ.ᱦᱱᱤ ᱠᱚᱦᱚᱸ ᱵᱟᱝ ᱵᱚᱱ ᱜᱟᱞᱟᱝ ᱨᱟᱠᱟᱵ ᱮᱫᱟ ᱡᱟᱸᱦᱟ ᱠᱷᱟ.ᱛᱤᱨ ᱱᱮᱛᱟᱨ ᱢᱟ.ᱱᱢᱤ ᱴᱷᱮᱱ ᱫᱚ ᱱᱩᱠᱩ ᱧᱩᱛᱩᱢᱟᱱ ᱜᱩᱨᱩᱠᱚᱣᱟᱜ ᱧᱩᱛᱩᱢ ᱫᱚ ᱫᱟᱱᱟᱝ ᱨᱮᱜᱮ ᱛᱟᱸᱦᱮᱱ ᱠᱟᱱᱟ ᱾ ᱵᱟᱝ ᱵᱚᱱ ᱵᱟᱰᱟᱭ ᱡᱚᱝ ᱠᱟᱱᱟ ᱟᱵᱚ ᱠᱷᱟ.ᱛᱤᱨ ᱡᱟᱸᱦᱟᱭ ᱠᱚ ᱡᱤᱣᱤ ᱟᱞᱟᱭ ᱠᱟᱛᱮ ᱟᱵᱚ ᱟᱜ ᱡᱟ.ᱛ ᱫᱷᱚᱨᱚᱢ ᱱᱤᱛ ᱦᱟ.ᱵᱤᱡ ᱡᱤᱭᱟ.ᱲ ᱠᱚ ᱫᱚᱦᱚ ᱟᱠᱟᱫᱟ ᱾

ᱠᱟ.ᱦᱱᱤ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱷᱟ.ᱨᱛᱤ ᱥᱤᱨᱡᱚᱱ ᱟᱨ ᱢᱟ.ᱱᱢᱤ ᱥᱤᱨᱡᱚᱱ ᱛᱟᱭᱚᱢ ᱜᱮ ᱠᱷᱮᱨᱣᱟᱞ ᱦᱚᱯᱚᱱ ᱠᱚᱫᱚ ᱢᱤᱫ ᱵᱚᱸᱜᱟ ᱵᱩᱨᱩ ᱞᱮᱠᱟᱱ ᱢᱟ.ᱱᱢᱤ ᱠᱚ ᱜᱩᱱᱳ ᱢᱟᱱᱟᱜ ᱛᱟᱸᱦᱮᱫ ᱾ ᱩᱱ ᱚᱠᱛᱚ ᱨᱤᱱ ᱢᱟᱱᱣᱟ ᱠᱚᱣᱟᱜ ᱮᱱᱮᱢ ᱫᱚ ᱥᱟ.ᱨᱤᱜᱮ ᱟ.ᱰᱤ ᱦᱟᱦᱟᱲᱟ ᱟᱱᱟ ᱾ ᱥᱮᱫᱟᱭ ᱵᱤᱫᱟ.ᱞ ᱨᱤᱱ ᱟ.ᱠᱤᱞᱟᱱ,ᱵᱩᱫᱷᱤ ᱫᱤᱥᱟ. ᱟᱱ , ᱧᱩᱛᱩᱢᱟᱱ ᱢᱟᱱᱣᱟ ᱠᱚᱫᱚ ᱜᱩᱨᱩ ᱢᱮᱱᱛᱮ ᱜᱮᱠᱚ ᱢᱟᱱᱟᱣ ᱜᱩᱱᱟ‌ᱣ ᱠᱚ ᱛᱟᱸᱦᱮᱫ ᱾ ᱚᱱᱠᱟᱜᱮ ᱤᱝᱨᱮᱡ ᱟᱢᱚᱞ ᱨᱮᱱ ᱢᱤᱫ ᱧᱩᱛᱩᱢᱟᱱ ᱦᱩᱞᱜᱟ.ᱨᱤᱭᱟ‌. ᱟᱨ ᱵᱩᱫᱷᱤ ᱫᱤᱥᱟ.ᱛᱮ ᱥᱚᱨᱮᱥᱟᱱ , ᱠᱷᱮᱨᱣᱟᱞ ᱥᱟᱶᱛᱟ ᱫᱩᱜ ᱫᱚᱦᱚ ᱨᱤᱱ ᱵᱤᱨ ᱵᱟᱱᱴᱟ,ᱜᱩᱨᱩ ᱞᱮᱠᱟᱱ ᱢᱤᱫ ᱧᱩᱛᱩᱢᱟᱱ ᱦᱚᱲ ᱠᱟᱞᱮᱭᱟᱱ ᱾ ᱩᱱᱤ ᱫᱚ ᱟᱵᱚ ᱠᱷᱮᱨᱣᱟᱞ ᱥᱟᱶᱛᱟ ᱨᱮ ᱠᱟᱞᱮᱭᱟᱱ ᱜᱩᱨᱩ, ᱦᱟᱲᱟᱢ ᱢᱮᱱᱛᱮ ᱠᱚ ᱩᱛᱩ ᱢᱮ ᱠᱟᱱᱟ ᱾ ᱱᱩᱭ ᱴᱷᱮᱱ ᱠᱷᱚᱱ ᱤᱝᱨᱮᱡᱽ ᱠᱚᱫᱚ ᱟᱵᱳᱣᱟᱜ ᱠᱟᱛᱷᱟ ᱛᱩᱢᱟ.ᱞ ᱠᱟᱛᱮ ᱟᱢᱫᱟ ᱯᱚᱛᱚᱵ ᱠᱚ ᱪᱷᱟᱯᱟ ᱥᱚᱫᱚᱨ ᱟᱠᱟᱫᱟ ᱾ ᱟᱨ ᱟᱠᱳᱣᱟᱜ ᱧᱩᱛᱩᱢ ᱠᱚ ᱠᱟᱢᱟᱣ ᱟᱠᱟᱫᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

[᱑]

  1. ᱥᱩᱵᱳᱫᱷ ᱥᱮᱱᱜᱩᱯᱛᱚ ᱟᱨ ᱚᱸᱧᱡᱚᱞᱤ ᱵᱚᱥᱩ ᱥᱟᱯᱲᱟᱣᱭᱤᱡ, ᱥᱟᱝᱥᱚᱫᱽ ᱵᱟᱝᱟᱞᱤ ᱪᱚᱨᱤᱛᱟᱵᱷᱤᱫᱷᱟᱱ, ᱯᱩᱭᱞᱩ ᱦᱟ.ᱴᱤᱧ, ᱥᱟᱶᱦᱮᱫ ᱥᱟᱝᱥᱚᱫᱽ, ᱠᱚᱞᱠᱟᱛᱟ, ᱱᱚᱵᱷᱮᱢᱵᱚᱨ ᱒᱐᱑᱓, ᱥᱟᱦᱴᱟ ᱑᱑᱔,