ᱠᱟᱱᱟᱢ

ᱵᱟᱱᱟᱢ ᱫᱚ ᱢᱤᱫ ᱨᱩ ᱚᱨᱚᱝ ᱥᱟᱯᱟᱵ ᱠᱟᱱᱟ ᱾

ᱚᱱᱟ ᱫᱚ ᱠᱟᱴ, ᱫᱮᱨᱮᱧ, ᱢᱟᱫ ᱟᱨ ᱠᱩᱴᱤ ᱦᱚᱨᱚ ᱨᱮᱱᱟᱜ ᱠᱚ ᱵᱮᱱᱟᱶᱟ ᱾ ᱠᱟᱴ ᱵᱟᱝ ᱠᱷᱟᱱ ᱛᱚᱨᱦᱚᱫ ᱦᱟᱨᱛᱟ ᱢᱮᱨᱚᱢ ᱦᱟᱨᱛᱟ ᱛᱮ ᱠᱚ ᱫᱟᱞᱚᱵᱟ ᱾ ᱥᱟᱫᱚᱢ ᱪᱟᱶᱟᱨ ᱵᱟᱝᱠᱷᱟᱱ ᱠᱚᱸᱜᱟᱫ ᱥᱤᱨ ᱠᱚ ᱞᱟᱜᱟᱣᱟ ᱵᱟᱱᱟᱢ ᱨᱮ ᱾ ᱢᱤᱫ ᱟᱜ ᱞᱮᱠᱟᱱᱟᱜ ᱨᱮᱦᱚᱸ ᱚᱱᱠᱟᱱ ᱪᱟᱶᱟᱨ ᱵᱟᱝ ᱠᱚᱸᱜᱟᱫ ᱥᱤᱨ ᱠᱚ ᱞᱟᱜᱟᱣᱟ ᱯᱟᱹᱬᱪᱷᱟ ᱞᱮᱠᱟ ᱾ ᱟᱫᱚ ᱚᱱᱟ ᱠᱚ ᱜᱮᱫ ᱞᱮᱠᱷᱟᱱ ᱥᱟᱰᱮ ᱚᱰᱚᱠᱚᱜ ᱼᱟ ᱾ ᱚᱱᱟ ᱥᱟᱰᱮ ᱜᱮ ᱜᱮᱫ ᱞᱮᱠᱷᱟᱱ ᱥᱟᱰᱮᱭᱟ ᱚᱱᱟ ᱜᱮ ᱠᱟᱹᱴᱩᱵ ᱛᱮ ᱠᱚᱴᱟᱵᱟ ᱠᱟᱛᱮ ᱨᱟᱦᱟ ᱠᱚ ᱚᱰᱚᱠᱟ ᱟᱹᱰᱤ ᱪᱚᱨᱚᱠ ᱾ ᱵᱟᱱᱟᱢ ᱫᱚ ᱦᱮᱨᱢᱮᱫ ᱠᱟᱛᱮ ᱠᱚ ᱨᱩ~ᱭᱟ᱾ᱞᱮᱸᱜᱟ ᱛᱤ ᱨᱮᱱᱟᱜ ᱠᱟᱹᱴᱩᱵ ᱛᱮ ᱠᱚ ᱠᱚᱴᱟᱵᱟ ᱾ ᱪᱟᱶᱟᱨ ᱜᱟᱥᱟᱣ ᱨᱟᱸᱡᱟᱣ ᱛᱮ ᱪᱤᱠᱟᱹᱬ ᱞᱮᱱᱠᱷᱟᱱ ᱵᱟᱱᱟᱢ ᱵᱟᱝ ᱥᱟᱰᱮᱭᱟ ᱾ ᱩᱱ ᱡᱚᱠᱷᱟᱜ ᱨᱚᱸᱡᱚᱱ ᱠᱚ ᱜᱟᱥᱟᱣᱟᱜᱼᱟ ᱾ ᱚᱱᱟ ᱨᱚᱸᱡᱚᱱ ᱫᱚ ᱵᱷᱩᱨᱲᱩ ᱡᱮᱨ ᱠᱷᱚᱱᱟᱜ ᱠᱚ ᱛᱩᱢᱟᱹᱞ ᱠᱟᱜᱼᱟ ᱾ᱵᱟᱱᱟᱢ ᱨᱟᱦᱟ ᱨᱮᱫᱚ ᱵᱚᱝᱜᱟ ᱠᱚᱦᱚᱸ ᱠᱚ ᱵᱟᱹᱭ ᱜᱚᱫᱚᱜ ᱜᱮᱭᱟ ᱾