ᱠᱟᱹᱬᱫᱤ ᱟᱲᱟᱜ

ᱠᱷᱚᱲᱚᱝ ᱟᱲᱟᱜ

ᱠᱷᱚᱲᱚᱝ ᱟᱨᱵᱟᱝ ᱠᱷᱚᱲᱚᱝ ᱟᱲᱟᱜ (ᱟᱫᱚᱢ ᱴᱚᱴᱷᱟ ᱨᱮᱫᱚ ᱠᱟᱹᱬᱫᱤ ᱟᱲᱟᱜ ᱦᱚᱸᱠᱚ ᱢᱮᱛᱟᱜᱼᱟ) ᱫᱚ ᱢᱤᱫ ᱱᱟᱹᱬᱤᱭᱟᱱ ᱟᱲᱟᱜ ᱠᱟᱱᱟ ᱾ ᱱᱚᱣᱟ ᱫᱚ ᱫᱟᱜ ᱨᱮ ᱟᱨᱵᱟᱝ ᱡᱩᱵᱷᱤ ᱫᱷᱟᱨᱟ ᱡᱟᱜᱟ ᱨᱮ ᱱᱟᱹᱬᱤᱜᱼᱟ ᱾ ᱥᱟᱠᱟᱢ ᱫᱚ ᱦᱩᱰᱩᱧ ᱦᱩᱰᱤᱧ ᱜᱮᱭᱟ ᱧᱮᱞᱡᱚᱝ ᱫᱚ ᱥᱟᱹᱭᱠᱟᱹᱛ ᱚᱢᱚᱨᱤ ᱥᱟᱠᱟᱢ ᱞᱮᱠᱟ ᱚᱱᱟᱛᱮ ᱱᱚᱣᱟ ᱫᱚ ᱢᱤᱢᱤᱫ ᱫᱷᱟᱣ ᱚᱢᱚᱨᱤ ᱟᱲᱟᱜ ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱟᱨ ᱜᱩᱱ ᱦᱚᱸ ᱚᱢᱚᱨᱤ ᱞᱮᱠᱟ ᱜᱮᱭᱟ ᱾ ᱢᱤᱫ ᱫᱷᱟᱣ ᱯᱟᱨᱪᱟᱣ ᱞᱮᱱᱠᱷᱟᱱ ᱟᱫᱷᱚ ᱵᱟᱭ ᱜᱩᱡᱩᱜᱼᱟ ᱾ ᱱᱟᱹᱬᱤ ᱫᱚ ᱟᱹᱰᱤ ᱨᱟᱣᱟᱞ ᱜᱮᱭᱟ ᱚᱱᱟᱛᱮ ᱫᱟᱜ ᱨᱮ ᱪᱟᱯᱮ ᱠᱚᱜᱼᱟ ᱾ ᱤᱸᱞᱤᱥ ᱛᱮ ᱫᱚ ᱱᱚᱣᱟ ᱫᱚ water spinach ᱢᱳᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱟᱨ river spinach ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱵᱟᱝᱞᱟᱫᱮᱥ ᱨᱮ ᱱᱚᱣᱟ ᱫᱚ ᱠᱚᱞᱢᱤ ᱥᱟᱠᱚ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱣᱟ ᱫᱚ Chinese spinach ᱟᱨᱵᱟᱝ ᱠᱟᱝᱠᱚᱝ ᱦᱚ ᱠᱚ ᱢᱮᱛᱟᱜ ᱜᱮᱭᱟ ᱾ ᱱᱚᱣᱟ ᱟᱲᱟᱜ ᱫᱚ ᱟᱡ ᱟᱡ ᱛᱮᱜᱮ ᱯᱟᱨᱪᱟᱣᱜᱼᱟ ᱾ ᱱᱚᱣᱟ ᱟᱲᱟᱜ ᱠᱷᱚᱱ ᱵᱟᱦᱟᱜᱼᱟ ᱟᱨ ᱡᱟᱝ ᱦᱚᱸ ᱦᱣᱭᱩᱜᱼᱟ, ᱡᱟᱦᱟᱸ ᱫᱚ ᱵᱩᱥ ᱵᱟᱰᱷᱟᱣ ᱞᱟᱹᱜᱤᱫ-ᱮ ᱜᱚᱲᱚ ᱭᱟ ᱾

ᱵᱮᱵᱷᱟᱨ

ᱡᱚᱢ

ᱱᱚᱣᱟ ᱟᱲᱟᱜ ᱫᱚ ᱫᱟᱠᱟ ᱥᱟᱞᱟᱜ ᱠᱚ ᱡᱚᱢᱟ ᱾ ᱥᱟᱱᱛᱟᱲ ᱦᱚᱲ ᱠᱚ ᱫᱚ ᱫᱟᱜ ᱢᱟᱺᱰᱤ ᱫᱟᱠᱟ ᱥᱟᱶ ᱟᱹᱰᱤ ᱡᱩᱨ ᱠᱚ ᱡᱚᱢᱟ ᱾ ᱵᱟᱥᱮ ᱡᱚᱡᱚ ᱫᱷᱟᱨᱟ ᱫᱟᱠᱟ ᱥᱟᱶ ᱫᱚ ᱟᱹᱰᱤ ᱯᱚᱴᱟᱣᱜᱼᱟ, ᱡᱚᱢ ᱵᱷᱟᱜᱟᱣᱜ ᱜᱮ ᱵᱟᱭ ᱥᱟᱱᱟᱢᱟ ᱾

ᱨᱟᱱ=

• ᱱᱚᱣᱟ ᱟᱲᱟᱜ ᱫᱚ ᱨᱟᱱ ᱞᱮᱠᱟᱛᱮ ᱦᱚᱸ ᱠᱚ ᱵᱮᱵᱷᱟᱨᱟ ᱾ ᱥᱟᱸᱨᱜᱟ ᱠᱚ ᱪᱮᱛᱟᱱ ᱵᱤᱱᱤᱰ ᱠᱟᱛᱮ ᱠᱚ ᱵᱟᱰᱟᱭ ᱟᱠᱟᱫᱟ ᱪᱤ ᱯᱮᱨᱮᱡ ᱦᱚᱲᱢᱚ ᱮᱨᱟ ᱟᱨ ᱥᱩᱜᱟᱨ ᱵᱮᱢᱟᱨ ᱦᱚᱲ ᱠᱚ ᱴᱷᱮᱱ ᱢᱟᱭᱟᱢ ᱤᱛᱤᱞ ᱠᱚᱢ ᱚᱪᱚᱭᱟᱭ ᱾

• ᱚᱯᱷᱤᱢ ᱟᱨ ᱥᱚᱸᱠᱷᱩᱣᱟ ᱵᱤᱥ ᱟᱬᱜᱚ ᱞᱟᱹᱜᱤᱫ ᱱᱚᱣᱟ ᱫᱚ ᱵᱮᱥ ᱠᱟᱹᱢᱤᱭᱟᱭ ᱾
• ᱥᱟᱫᱷᱟᱨᱚᱱ ᱫᱩᱨᱵᱩᱲ ᱟᱨ ᱥᱤᱨ ᱠᱚᱨᱮᱱᱟᱜ ᱫᱯᱨᱵᱩᱲ ᱠᱚᱭ ᱪᱟᱵᱟᱭᱟ ᱾
• ᱴᱟᱹᱰᱤ ᱛᱮᱫ ᱠᱚ ᱱᱟᱯᱟᱭ ᱛᱮ ᱦᱩᱭᱩᱜ ᱞᱟᱹᱜᱤᱫ ᱱᱚᱣᱟ ᱨᱮᱱᱟᱜ ᱨᱟᱥᱟ ᱠᱚ ᱧᱩᱭᱟ ᱾

ᱵᱟᱹᱲᱤᱡᱜᱩᱱ

ᱱᱚᱣᱟ ᱟᱲᱟᱜ ᱨᱮᱱᱟᱜ ᱱᱟᱯᱟᱭ ᱜᱩᱱ ᱡᱟᱦᱟᱸ ᱞᱮᱠᱟ ᱢᱮᱱᱟᱜᱼᱟ, ᱚᱱᱠᱟ ᱜᱮ ᱵᱟᱹᱲᱤᱡ ᱜᱩᱱ ᱦᱚᱸ ᱢᱮᱱᱟᱜᱼᱟ ᱢᱮᱱᱛᱮ ᱠᱚ ᱞᱟᱹᱭ ᱟᱠᱟᱫᱼᱟ ᱾ ᱱᱚᱣᱟ ᱫᱟᱨᱮ ᱨᱮᱱᱟᱜ ᱜᱚᱲᱚ ᱛᱮ ᱢᱤᱫ ᱞᱮᱠᱟᱱ ᱟᱥᱨᱟ ᱡᱤᱣᱤᱱ (parasite) ᱠᱚ ᱯᱟᱨᱪᱟᱣᱜᱼᱟ ᱾ ᱡᱟᱦᱟᱸ ᱫᱚ ᱢᱟᱹᱱᱢᱤ ᱟᱨ ᱥᱩᱠᱨᱤ ᱦᱚᱲᱢᱚ ᱨᱮ ᱵᱚᱞᱚ ᱠᱟᱛᱮ ᱯᱷᱞᱟᱥᱠᱤᱭᱚᱞᱚᱯᱟᱥᱤᱭᱟᱥᱤᱥ ᱧᱩᱛᱩᱢᱟᱱᱟᱜ ᱟᱡᱟᱨ ᱮ ᱵᱮᱱᱟᱣᱟ ᱾

ᱵᱤᱫᱮᱥ ᱨᱮ ᱡᱚᱢ

• 

  ᱢᱟᱞᱮᱥᱤᱭᱟ ᱨᱮᱱᱟᱜ ᱯᱮᱱᱟᱝ ᱯᱚᱱᱚᱛ ᱨᱮᱱᱟᱜ ᱠᱟᱝᱠᱩᱝᱵᱞᱟᱪᱚᱱ (kangkung blachan)

• 

  ᱛᱷᱟᱭᱞᱟᱸᱰ ᱨᱮᱱᱟᱫ ᱯᱟᱠᱚᱵᱩᱝ ᱯᱷᱟᱭᱰᱮᱝ(pak boong fai daeng)

• 

  ᱵᱷᱩᱭᱮᱛᱱᱟᱢ ᱨᱮᱱᱟᱜ ᱪᱟᱸᱜ ᱪᱩᱣᱟ (canh chua)

ᱵᱟᱨᱦᱮ ᱡᱚᱱᱚᱲ

• Germplasm Resources Information Network: Ipomoea aquatica

• Water spinach nutritional information from Kasetsart University
• Aquatic, Wetland and Invasive Plant Particulars and Photographs
• USDA Noxious Weed Regulations (Possession in USA requires permit)
• Species Profile- Water Spinach (Ipomoea aquatica), National Invasive Species Information Center, United States National Agricultural Library. Lists general information and resources for Water Spinach.
• Helminths and Helminthiosis of Pigs in the Mekong Delta Vietnam with Special Reference to Ascariosis and Fasciolopsis buski Infection