ᱠᱤᱪᱚᱠᱮᱥᱣᱚᱨᱤ ᱢᱩᱸᱫᱨᱤ
| Kishakeshwari Temple | |
|---|---|
 | |
| Religion | |
| Affiliation | Hinduism |
| District | Mayurbhanj |
| Deity | Maa Kichakeshwari Debi |
| Location | |
| Location | Khiching |
| State | Odisha |
| Country |  ᱥᱤᱧᱚᱛ |
| Architecture | |
| Type | Temple built from Black Stone Kalinga Architecture |
| Creator | Bhanja rulers |
| Completed | 920-926 A.D. |
| Temple(s) | 2 |
ᱠᱤᱪᱚᱠᱮᱥᱣᱚᱨᱤ ᱢᱩᱸᱫᱨᱤ (Odia: କୀଚକେଶ୍ଵରୀ ମନ୍ଦିର) ᱫᱚ ᱥᱮᱫᱟᱣ ᱵᱷᱚᱱᱡᱽ ᱨᱟᱡᱽᱼᱟ ᱥᱮᱫᱟᱭ ᱨᱟᱡᱽᱜᱟᱲ ᱠᱷᱤᱪᱤᱝ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱢᱩᱸᱫᱨᱤ ᱨᱮ ᱠᱟᱹᱽᱤ ᱵᱚᱸᱜᱟ ᱟᱨ ᱵᱟᱝ ᱪᱟᱢᱩᱱᱰᱟ ᱵᱚᱸᱜᱟ ᱠᱚ ᱵᱚᱸᱜᱟ ᱦᱟᱭᱟ ᱾ ᱱᱚᱣᱟ ᱢᱩᱱᱫᱨᱤ ᱵᱟᱞᱮᱥᱣᱚᱨ ᱠᱷᱚᱱ 205 ᱠᱤᱞᱚᱢᱤᱴᱚᱨ ᱟᱨ ᱵᱟᱹᱨᱤᱯᱚᱫᱟ ᱠᱷᱚᱱ 150 ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ᱾[᱑][᱒]
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱢᱩᱸᱫᱨᱤ ᱫᱚ ᱱᱚᱣᱟ ᱱᱟᱜᱟᱨ ᱨᱮᱱᱟᱜ ᱡᱷᱚᱛᱚ ᱠᱷᱚᱱ ᱥᱮᱬᱟ ᱢᱩᱸᱫᱨᱤ ᱠᱟᱱᱟ, ᱵᱷᱚᱸᱡᱽ ᱨᱟᱡᱟᱭᱤᱡ ᱜᱷᱟᱨᱚᱸᱡᱽ ᱵᱚᱸᱜᱟ ᱠᱟᱱᱟᱭ ᱾ᱦᱤᱱᱫᱩ ᱰᱷᱚᱨᱚᱢ ᱨᱮ ᱚᱲᱟᱜ ᱨᱤᱱ ᱢᱩᱲᱩᱛ ᱵᱚᱸᱜᱟ ᱠᱚᱫᱚ ᱤᱥᱴᱚ ᱫᱮᱵᱚᱛᱟ ᱟᱨ ᱵᱟᱝ ᱤᱥᱴᱚ ᱫᱮᱵᱤ ᱠᱚ ᱢᱮᱛᱟᱠᱚᱣᱟ ᱾ ᱠᱤᱪᱚᱠᱮᱥᱣᱚᱨᱤ ᱵᱷᱚᱸᱡᱽ ᱵᱚᱸᱥᱚ ᱨᱤᱱᱤᱡ ᱤᱥᱴᱚ ᱫᱮᱵᱤ ᱥᱟᱶ ᱯᱚᱱᱚᱛ ᱵᱚᱸᱜᱟ ᱠᱟᱱᱟᱭ [᱓] ᱗ᱥᱟᱭᱟᱝ ᱟᱨ ᱘ᱥᱟᱭᱟᱝ ᱞᱟᱦᱟ ᱨᱮ ᱢᱩᱲᱩᱛ ᱢᱩᱸᱫᱨᱤ ᱵᱮᱨᱮᱫ ᱞᱮᱱ ᱛᱟᱦᱮᱸᱫ ᱟᱨ ᱟᱹᱨᱩ ᱯᱷᱮᱨᱟ ᱥᱟᱶ ᱡᱩᱛᱨᱟᱹᱣ ᱠᱚ ᱢᱤᱫ ᱥᱟᱭᱟᱝ ᱥᱮᱨᱢᱟ ᱠᱷᱚᱱ ᱪᱟᱹᱞᱩ ᱟᱠᱟᱱᱟ ᱾
ᱢᱩᱲ ᱢᱩᱸᱫᱨᱤ ᱥᱮᱛᱟᱜ ᱕ᱹ᱐᱐ ᱴᱟᱬᱟᱝ ᱨᱮ ᱵᱮᱨᱮᱫ ᱠᱟᱛᱮᱫ ᱧᱤᱫᱟᱹᱜ ᱑᱐ᱹ᱐᱐ ᱠᱷᱩᱞᱟᱹ ᱛᱟᱦᱮᱸ ᱠᱟᱱᱟ, ᱤᱠᱷᱟᱹᱱ ᱛᱤᱠᱤᱱ ᱑᱒ᱹ᱐᱐ ᱴᱟᱬᱟᱝ ᱠᱷᱚᱱ ᱛᱟᱨᱟᱥᱤᱝ ᱓ᱹ᱐᱐ ᱴᱟᱬᱟᱝ ᱠᱷᱚᱱ ᱥᱤᱧ ᱜᱮ ᱛᱟᱦᱮᱱᱼᱟ ᱿
ᱜᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱢᱩᱸᱫᱨᱤ ᱠᱞᱳᱨᱟᱭᱤᱴ ᱛᱮ ᱵᱮᱱᱟᱣ ᱟᱠᱟᱱᱟ, ᱠᱞᱤᱸᱜᱚ ᱚᱠᱛᱚᱨᱤᱱ ᱵᱟᱰᱚᱦᱤ ᱠᱚᱣᱟᱜ ᱠᱟᱹᱨᱤᱜᱚᱨ ᱠᱟᱹᱢᱤ ᱵᱷᱤᱛᱨᱤ ᱨᱮ ᱱᱚᱣᱟ ᱢᱤᱫᱴᱟᱝ ᱟᱹᱰᱤ ᱥᱚᱨᱮᱥ ᱟᱨ ᱪᱚᱨᱚᱠ ᱜᱮᱭᱟ ᱿ ᱱᱚᱣᱟ ᱢᱩᱸᱫᱨᱤ ᱵᱟᱦᱨᱮ ᱠᱟᱸᱛᱷ ᱠᱷᱚᱱ ᱠᱷᱩᱫᱟᱹᱭ ᱠᱟᱛᱮᱫ ᱢᱩᱸᱫᱨᱤ ᱨᱮᱱᱟᱜ ᱦᱚᱲᱢᱚ ᱨᱮ ᱟᱹᱰᱤ ᱱᱟᱯᱟᱭ ᱠᱚ ᱜᱚᱲᱦᱚᱱ ᱟᱠᱟᱫᱼᱟ ᱾ ᱡᱟᱦᱟᱸ ᱰᱷᱟᱸᱪᱟ ᱛᱮ ᱱᱚᱣᱟ ᱵᱮᱱᱟᱣ ᱟᱠᱟᱱᱟ ᱵᱟᱰᱟᱭᱚᱜᱼᱟ ᱱᱚᱣᱟ ᱫᱚ ᱵᱷᱩᱵᱚᱱᱮᱥᱣᱚᱨ ᱨᱮ ᱢᱮᱱᱟᱜ ᱞᱤᱸᱜᱚᱨᱟᱡᱽ ᱢᱩᱸᱫᱨᱤ ᱟᱨ ᱵᱨᱚᱦᱢᱮᱥᱣᱚᱨᱚ ᱢᱩᱸᱫᱨᱤ ᱵᱮᱱᱟᱣ ᱟᱠᱟᱱ ᱚᱠᱛᱚ ᱨᱮᱱᱟᱜ ᱢᱩᱸᱫᱨᱤ ᱠᱟᱱᱟ ᱾ᱱᱚᱣᱟ ᱢᱩᱸᱫᱨᱤ ᱨᱮᱱᱟᱜ ᱩᱥᱩᱞ100 feet (30 m) ᱟᱨ ᱟᱭᱛᱟᱱ ᱫᱚ 1,764 square feet (163.9 m2).
ᱢᱩᱲ ᱢᱩᱸᱫᱨᱤ ᱗ᱟᱱᱟᱝ ᱟᱨ ᱘ᱟᱱᱟᱝ ᱥᱟᱭᱟᱝ ᱛᱟᱞᱟᱨᱮ ᱵᱮᱨᱮᱫ ᱞᱮᱱ ᱛᱟᱦᱮᱸᱫ , ᱛᱤᱱᱟᱹᱜ ᱜᱟᱱ ᱵᱟᱹᱲᱤᱡ ᱦᱚᱲ ᱱᱚᱣᱟ ᱢᱩᱸᱫᱨᱤ ᱠᱚ ᱨᱟᱹᱯᱩᱫ ᱞᱮᱫᱼᱟ ᱾ ᱤᱠᱷᱟᱹᱱ ᱵᱷᱚᱸᱡᱽ ᱨᱤᱱᱤᱡ ᱢᱩᱪᱟᱹᱫ ᱨᱟᱡᱟ ᱯᱨᱚᱛᱟᱯ ᱪᱚᱸᱫᱝᱨᱚ ᱵᱷᱚᱸᱡᱽ ᱫᱮᱣᱳ ᱱᱚᱣᱟᱭ ᱟᱨᱩ ᱨᱩᱣᱟᱹᱲ ᱠᱮᱫᱼᱟ ᱾ᱱᱚᱣᱟ ᱞᱟᱹᱜᱤᱫ ᱚᱱᱟ ᱚᱠᱛᱚᱨᱮ ᱟᱡ Rs. ᱘᱕,000,ᱴᱟᱠᱟᱭ ᱠᱷᱚᱨᱚᱪ ᱞᱮᱫᱼᱟ ᱾ ᱟᱹᱨᱩ ᱡᱚᱠᱷᱟᱫ ᱱᱚᱣᱟ ᱩᱭᱦᱟᱹᱨᱮ ᱛᱟᱦᱮᱸ ᱞᱮᱱᱟ ᱡᱮᱢᱚᱱ ᱯᱟᱨᱥᱣᱚ ᱫᱮᱵᱚᱛᱟ ᱠᱚ ᱵᱟᱠ ᱦᱟᱱᱛᱮ ᱱᱷᱟᱛᱮᱜᱼᱟ ᱟᱨ ᱢᱩᱲ ᱢᱩᱸᱫᱨᱤ ᱞᱮᱠᱟ ᱜᱮ ᱵᱩᱡᱷᱟᱹᱣᱼᱟ᱾
ᱥᱟᱢᱟᱝ ᱥᱮᱫ ᱫᱩᱣᱟᱹᱨ ᱟᱛᱮᱫ ᱑ᱹ᱒᱐ ᱢᱤᱴᱚᱨ ᱩᱥᱩᱞ ᱯᱤᱱᱰᱟᱹ ᱪᱮᱛᱟᱱ ᱨᱮ ᱨᱮᱠᱷᱟ ᱵᱤᱢᱟᱱᱚ ᱥᱟᱶ ᱦᱮᱸᱫᱮ ᱠᱞᱳᱨᱟᱭᱤᱴ ᱛᱮ ᱱᱚᱣᱟ ᱢᱩᱸᱫᱨᱤ ᱵᱮᱱᱟᱣ ᱟᱠᱟᱱᱟ ᱾ ᱢᱩᱸᱫᱨᱤ ᱵᱷᱤᱛᱨᱤ ᱨᱮ ᱢᱤᱫᱴᱟᱝ ᱜᱮ ᱢᱮᱞᱟ ᱢᱮᱱᱟᱜᱼᱟ ᱡᱟᱦᱟᱱᱨᱮ ᱵᱚᱸᱜᱟ ᱦᱩᱭᱩᱜ ᱠᱟᱱᱟ ᱾ ᱵᱟᱦᱨᱮ ᱛᱮᱫ ᱫᱚ ᱱᱟᱜ ᱱᱟᱹᱜᱤᱱ, ᱜᱚᱬᱮᱥ, ᱠᱤᱨᱛᱤᱢᱩᱠᱷᱚ,ᱠᱷᱚᱠᱷᱟᱨᱚ ᱢᱩᱱᱰᱤ ᱟᱨ ᱟᱹᱰᱤᱜᱟᱱ ᱵᱚᱸᱜᱟ ᱠᱚᱲᱟ ᱠᱩᱲᱤ ᱠᱚᱣᱟᱜ ᱢᱩᱴᱷᱟᱹᱱ ᱢᱮᱱᱟᱜᱼᱟ ᱾ ᱱᱟᱹᱜᱤᱱ ᱨᱮᱱᱟᱜ ᱢᱩᱴᱷᱟᱹᱱ ᱱᱚᱣᱟ ᱢᱩᱸᱫᱨᱤ ᱨᱮᱱᱟᱜ ᱟᱥᱚᱠᱟᱭ ᱩᱱᱩᱨᱩᱢ ᱠᱟᱱᱟ ᱾[᱒]
ᱢᱩᱸᱫᱨᱤ ᱨᱮᱱᱟᱜ ᱪᱷᱟᱴᱠᱟ ᱨᱮ ᱢᱤᱫ ᱠᱩᱸᱭ ᱢᱮᱱᱟᱜᱼᱟ ᱡᱟᱦᱟᱸᱨᱮ ᱤᱴᱟᱢᱩᱸᱰᱷᱤ ᱧᱩᱛᱩᱢ ᱨᱮᱱᱟᱜ ᱤᱴᱟᱹᱟ ᱨᱟᱠᱷᱟ ᱫᱚᱦᱚ ᱟᱠᱟᱱᱟ
ᱢᱭᱩᱡᱤᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱷᱤᱪᱤᱝ ᱢᱭᱩᱡᱤᱭᱚᱢ ᱫᱚ ᱳᱫᱤᱥᱟ ᱯᱚᱱᱚᱛ ᱨᱮᱱᱟᱜ ᱫᱚᱥᱟᱨ ᱢᱟᱨᱮ ᱢᱭᱩᱡᱤᱭᱚᱢ ᱠᱟᱱᱟ ᱾[᱔] ᱑᱙᱐᱘ ᱥᱟᱞ ᱨᱮ ᱡᱚᱜᱷᱳᱱ ᱟᱨᱪᱮᱭᱞᱳᱜᱤᱠᱟᱞ ᱥᱚᱨᱵᱷᱮ ᱚᱯᱷ ᱤᱱᱰᱤᱭᱟ ᱚᱱᱰᱮ ᱞᱟ ᱞᱮᱫᱼᱟᱭ , ᱚᱱᱰᱮ ᱟᱹᱰᱤᱜᱟᱱ ᱵᱩᱫᱫᱷᱚ ᱢᱩᱴᱷᱟᱹᱱ ᱠᱚ ᱧᱟᱢ ᱞᱮᱱᱟ ᱾ ᱢᱩᱸᱫᱨᱤ ᱜᱷᱮᱨᱚ ᱵᱷᱤᱛᱨᱤ ᱨᱮ ᱑᱙᱒᱒ ᱥᱟᱞ ᱨᱮ ᱢᱚᱦᱟᱨᱟᱡᱟ ᱯᱩᱨᱱᱚ ᱪᱚᱸᱫᱨᱚ ᱵᱷᱚᱸᱡᱽ ᱫᱮᱣᱳ ᱱᱚᱣᱟ ᱢᱭᱩᱡᱤᱭᱚᱢ ᱮ ᱵᱮᱨᱮᱫ ᱚᱪᱚ ᱞᱮᱫᱼᱟ ᱾
ᱱᱚᱣᱟ ᱢᱭᱩᱡᱤᱭᱚᱢ ᱨᱮ ᱫᱩᱨᱜᱟ, ᱜᱚᱬᱮᱥ, ᱯᱟᱨᱥᱣᱚᱱᱟᱛᱷᱚ, ᱛᱟᱨᱟ, ᱯᱟᱨᱵᱚᱛᱤ, ᱚᱨᱫᱷᱚᱸᱜᱮᱥᱣᱚᱨ,ᱵᱷᱚᱥᱱᱚᱵᱤ, ᱚᱵᱷᱚᱞᱳᱠᱤᱛᱮᱥᱣᱚᱨ, ᱱᱚᱸᱫᱤ,ᱠᱟᱨᱛᱤᱠᱮᱭᱚ, ᱫᱷᱮᱭᱟᱱ ᱵᱩᱫᱷᱚ, ᱢᱚᱦᱤᱥᱟᱥᱩᱨᱚᱢᱚᱨᱫᱤᱱᱤ,ᱩᱢᱟ, ᱢᱚᱦᱮᱥᱣᱚᱨᱚ ᱟᱨ ᱮᱢᱟᱱ ᱵᱚᱸᱜᱟ ᱠᱩᱲᱤ ᱠᱚᱠᱚ ᱥᱚᱫᱚᱨ ᱟᱠᱟᱫ ᱠᱚᱣᱟ ᱾ ᱢᱭᱩᱡᱤᱭᱚᱢ ᱨᱮ ᱢᱮᱬᱦᱮᱫ, ᱛᱟᱢᱵᱟ, ᱦᱚᱨᱚᱜ ᱥᱟᱯᱟᱵ, ᱠᱟᱹᱣᱰᱤ, ᱫᱷᱤᱨᱤ ᱦᱟᱹᱛᱤᱭᱟᱹᱨ, ᱴᱮᱨᱟᱠᱳᱴᱟ ᱟᱨ ᱮᱢᱟᱱ ᱛᱮᱢᱟᱱ ᱠᱚᱦᱚᱸ ᱥᱚᱫᱚᱨ ᱟᱠᱟᱱᱟ᱾ ᱵᱩᱫᱷᱚ ᱟᱨ ᱟᱵᱷᱟᱞᱳᱠᱤᱛᱮᱥᱣᱚᱨᱚ ᱢᱩᱴᱷᱟᱹᱱ ᱢᱤᱫ ᱴᱷᱮᱱ ᱛᱟᱦᱮᱸᱱ ᱵᱟᱨᱭᱟ ᱫᱷᱚᱨᱚᱢ ᱟᱨ ᱥᱚᱥᱱᱚᱜ ᱨᱮᱱᱟᱜ ᱟᱰᱹᱤ ᱜᱩᱱ ᱟᱱ ᱱᱟᱜᱟᱢ ᱮ ᱥᱚᱫᱚᱨ ᱮᱫᱼᱟ ᱾ ᱑᱐ ᱥᱟᱭᱟᱝ ᱞᱟᱦᱟᱨᱮ ᱨᱮᱱᱟᱜ ᱥᱟᱥᱚᱱ ᱨᱮ ᱪᱮᱫ ᱞᱮᱠᱟ ᱫᱷᱚᱨᱚᱢ ᱫᱷᱚᱨᱚᱢ ᱛᱟᱞᱟᱨᱮ ᱨᱮ ᱢᱟᱱ ᱟᱨ ᱥᱟᱨᱦᱟᱣ ᱛᱟᱦᱮᱸ ᱠᱟᱱᱟ ᱚᱱᱟ ᱯᱷᱚᱴᱮᱞᱚᱜ ᱠᱟᱱᱟ ᱾
ᱥᱟᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "KHICHING - KICHAKESWARI SHRINE". Archived from the original on 2012-03-20. Retrieved 2019-08-11.
- ↑ ᱒.᱐ ᱒.᱑ Indira Gandhi National Center for Arts - Khiching - Kichakesvari Temple.
- ↑ Tribal polities and state systems in pre-colonial eastern and north eastern India by Surjit Sinha. Published for Centre for Studies in Social Sciences, Calcutta, by K.P. Bagchi & Co., 1987. 1987. p. 41. ISBN 9788170740148.
- ↑ "History meets nature at Khiching". The Telegraph. Retrieved 27 December 2015.
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
Media related to ᱠᱤᱪᱚᱠᱮᱥᱣᱚᱨᱤ ᱢᱩᱸᱫᱨᱤ at Wikimedia Commons
Coordinates: 21°33′11″N 85°29′42″E / 21.553°N 85.495°E