ᱠᱨᱤᱥᱫᱟᱭᱟᱱᱛᱤ

ᱠᱨᱤᱥᱫᱟᱭᱟᱱᱛᱤ (Krisdayanti)
ᱠᱨᱤᱥᱫᱟᱭᱟᱱᱛᱤ (Krisdayanti)
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱒᱔ ᱢᱟᱨᱪ ᱑᱙᱗᱕ (᱔᱙ ᱥᱮᱨᱢᱟ); ᱵᱟᱛᱩ, ᱥᱟᱢᱟᱝ ᱡᱟᱣᱟ, ᱤᱱᱫᱳᱱᱮᱥᱤᱭᱟ
ᱚᱲᱟᱜ	ᱡᱟᱠᱟᱨᱛᱟ, ᱤᱱᱫᱳᱱᱮᱥᱤᱭᱟ
ᱫᱤᱥᱚᱢᱤᱭᱟᱹ	Indonesian
ᱠᱟᱹᱢᱤ	Singer; songwriter; record producer; actress; model;
ᱠᱟᱹᱢᱤ ᱚᱠᱛᱚ	1980–present
ᱡᱤᱭᱚᱱ ᱥᱚᱦᱮᱫ	Anang Hermansyah (m. 1996⁠–⁠2009); Raul Lemos (m. 2011)
ᱟᱯᱟᱛ ᱮᱸᱜᱟᱛ	Trenggono; Rachma Widadiningsih
ᱯᱮᱲᱟ ᱥᱟᱹᱜᱟᱹᱭᱟᱱᱠᱚ	Yuni Shara (Sister); Kartika Sari (sister);
	Musical career
ᱡᱮᱱᱨᱮᱥ	Pop; R&B;
ᱵᱟᱡᱽᱱᱟ	Vocals
ᱞᱮᱵᱮᱞ	Pony Canyon; Warner; Le-Moesiek Revole;
ᱡᱩᱲᱟᱹᱣ ᱠᱟᱱ ᱠᱟᱹᱢᱤᱦᱚᱨᱟᱠᱚ	Anang Hermansyah; 3 Diva; Shakira; Siti Nurhaliza;

ᱠᱨᱤᱥᱫᱟᱭᱟᱱᱛᱤ (ᱡᱟᱱᱟᱢ: ᱒᱔ ᱢᱟᱨᱪ ᱑᱙᱗᱕) ᱫᱚ, ᱢᱳᱱᱤᱠᱟᱨ ᱠᱮᱰᱤ ᱦᱤᱥᱟᱹᱵ ᱛᱮ ᱡᱟᱹᱥᱛᱤ ᱠᱳ ᱧᱮᱞ ᱴᱷᱤᱠ ᱟᱠᱟᱫᱤᱭᱟ, ᱤᱱᱫᱳᱱᱮᱥᱤᱭᱟ ᱨᱮᱱ ᱢᱤᱫᱴᱮᱱ ᱜᱩᱱ ᱢᱟᱱ ᱥᱤᱨᱤᱧ ᱜᱟᱭᱱᱟᱦᱟ ᱟᱨ ᱚᱵᱷᱤᱱᱚᱭ ᱥᱤᱞᱯᱤ ᱠᱟᱱᱟᱭ᱾ ᱤᱱᱤ ᱥᱟᱨᱟ ᱧᱩᱛᱩᱢᱟᱱ ᱢᱤᱥᱴᱮᱱ ᱜᱟᱭᱱᱟᱦᱟ ᱨᱮᱱ ᱵᱚᱭᱦᱟ ᱠᱟᱱᱟᱭ ᱠᱨᱤᱥᱫᱟᱭᱟᱱᱛᱤ᱾ ᱟᱡ ᱵᱟᱵᱟ ᱫᱚ ᱴᱨᱮᱱᱜᱳᱱᱳᱨ ᱟᱨ ᱟᱡ ᱜᱚᱜᱚᱣᱟᱜ ᱧᱩᱛᱩᱢ ᱫᱚ ᱨᱟᱥᱢᱟ ᱩᱭᱫᱟᱫᱤᱱᱤᱝ ᱥᱤᱦ᱾ ᱙ ᱥᱮᱨᱢᱟ ᱨᱮ ᱩᱱᱤ ᱢᱮᱜᱟᱞᱳᱢᱮᱱ ᱥᱤᱱᱮᱢᱟ ᱞᱟᱹᱜᱤᱛ ᱯᱩᱭᱞᱩ ᱥᱤᱨᱤᱧᱮ ᱥᱤᱨᱤᱧ ᱞᱮᱫᱟ᱾ ᱚᱱᱚ ᱯᱮ ᱥᱮᱨᱢᱟ ᱛᱟᱭᱚᱢ ᱩᱱᱤ ᱟᱭᱟᱜ ᱯᱩᱭᱞᱩ ᱥᱤᱨᱤᱧ ᱮᱞᱵᱟᱢ 'ᱵᱩᱨᱩᱝ ᱵᱩᱨᱩᱝ ᱢᱟᱞᱟᱢ' ᱮ ᱩᱰᱩᱜ ᱠᱮᱫᱟ᱾ ᱤᱱᱟᱹ ᱛᱟᱭᱚᱢ ᱠᱟᱛᱟᱞᱟᱱ ᱥᱤ ᱮᱢᱚᱱ ᱧᱩᱛᱩᱢ ᱛᱮ ᱮᱞᱵᱟᱢᱮ ᱩᱰᱩᱜ ᱠᱮᱫᱟ᱾ ᱤᱥᱠᱩᱞ ᱨᱮ ᱯᱟᱲᱦᱟᱣ ᱡᱚᱠᱷᱚᱡ ᱠᱨᱤᱥᱫᱟᱭᱟᱱᱛᱤ ᱟᱭᱢᱟ ᱥᱤᱨᱤᱧ ᱟᱨ ᱚᱵᱷᱤᱱᱚᱭ ᱦᱮᱯᱨᱟᱣ ᱨᱮᱭ ᱥᱮᱞᱮᱫᱽ ᱞᱮᱱᱟ᱾ ᱑᱙᱙᱑ ᱥᱮᱨᱢᱟ ᱨᱮ ᱩᱱᱤ ᱜᱟᱫᱤᱥ ᱥᱮᱢᱯᱩᱞ ᱦᱮᱯᱨᱟᱣ ᱨᱮᱱᱟᱜ ᱢᱩᱪᱟᱹᱫ ᱨᱮᱭ ᱥᱮᱴᱮᱨ ᱞᱮᱱᱟ᱾^[᱑]

᱑᱙᱙᱒ ᱥᱮᱨᱢᱟ ᱨᱮ ᱮᱥᱤᱭᱟ ᱵᱟᱜᱩᱥ ᱥᱤᱱᱮᱢᱟ ᱯᱚᱨᱚᱵᱽ ᱨᱮ ᱥᱮᱞᱮᱫᱽ ᱠᱟᱛᱮ ᱡᱚᱛᱚᱠᱷᱚᱡ ᱞᱟᱹᱴᱩ ᱥᱤᱨᱯᱟᱭ ᱡᱤᱛᱟᱹᱣ ᱞᱮᱱᱟ᱾^[᱒] ᱱᱚᱣᱟ ᱦᱮᱯᱨᱟᱣ ᱨᱮ ᱡᱤᱛᱟᱹᱣ ᱛᱟᱭᱚᱢ ᱠᱨᱤᱥᱫᱟᱭᱟᱱᱛᱤ ᱵᱮᱥ ᱧᱩᱛᱩᱢᱮ ᱧᱟᱢ ᱠᱮᱫᱟ᱾ ᱑᱙᱙᱗ ᱥᱮᱨᱢᱟ ᱨᱮ ᱠᱨᱤᱥᱫᱟᱭᱟᱱᱛᱤ 'ᱵᱮᱥᱴ ᱚᱵ ᱮᱥᱤᱭᱟ ᱵᱟᱜᱩᱥ' ᱥᱤᱨᱯᱟᱭ ᱧᱟᱢ ᱠᱮᱫᱟ᱾ ᱑᱙᱙᱙ ᱥᱮᱨᱢᱟ ᱨᱮ ᱟᱭᱟᱜ ᱮᱞᱵᱟᱢ 'ᱢᱮᱱᱜᱷᱤᱴᱩᱝ ᱦᱳᱨᱤ' ᱞᱟᱹᱜᱤᱛ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱥᱮᱨᱟ ᱮᱞᱵᱟᱢ ᱥᱤᱨᱯᱟ, ᱯᱚᱯ ᱥᱮᱨᱟ ᱥᱤᱨᱯᱟ ᱥᱚᱦᱚ ᱟᱨᱦᱚᱸ ᱮᱢᱟᱱᱛᱮᱛ ᱥᱤᱨᱯᱟᱭ ᱧᱟᱢ ᱠᱮᱫᱟ᱾ ᱑᱙᱙᱗ ᱥᱮᱨᱢᱟ ᱨᱮ ᱟᱭᱟᱜ ᱮᱞᱵᱟᱢ ᱟᱱᱩᱜᱮᱨᱟᱦ ᱢᱩᱥᱤᱠ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱥᱮᱨᱟ ᱯᱚᱯ ᱮᱞᱵᱟᱢ ᱨᱮᱱᱟᱜ ᱥᱤᱨᱯᱟᱭ ᱧᱟᱢ ᱠᱮᱫᱟ᱾ ᱒᱐᱐᱒ ᱥᱮᱨᱢᱟ ᱨᱮ ᱡᱚᱝᱜᱟᱱ ᱯᱮᱨᱜᱤ ᱤᱭᱟᱝ ᱠᱟᱢᱟᱣ ᱞᱟᱹᱜᱤᱛ ᱮᱢ ᱴᱤᱵᱷᱤ ᱥᱤᱨᱯᱟᱭ ᱧᱟᱢ ᱞᱮᱫᱟ᱾ ᱒᱐᱐᱔ ᱥᱮᱨᱢᱟ ᱥᱮᱡ ᱠᱨᱤᱥᱫᱟᱭᱟᱱᱛᱤ ᱤᱱᱫᱳᱱᱮᱥᱤᱭᱟ ᱵᱟᱨᱦᱮ ᱦᱚᱸ ᱟᱭᱢᱟ ᱠᱚᱱᱥᱟᱨᱴᱮ ᱦᱩᱭ ᱚᱪᱚ ᱟᱠᱟᱫᱟ᱾

ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱥᱳᱭᱟ ᱢᱮᱜᱟᱡᱤᱱ ᱨᱮ ᱥᱚᱢᱵᱟᱫᱽ ᱩᱰᱩᱝ ᱞᱮᱱᱟ ᱡᱮ ᱚᱱᱟ ᱫᱤᱥᱟᱹᱢ ᱨᱮᱱ ᱯᱨᱚᱫᱷᱟᱱᱢᱳᱱᱛᱨᱤ ᱠᱷᱚᱡ ᱦᱚᱸ ᱡᱟᱹᱥᱛᱤ ᱠᱟᱹᱣᱰᱤᱭ ᱠᱟᱹᱢᱟᱹᱭᱟ ᱠᱨᱤᱥᱫᱟᱭᱟᱱᱛᱤ᱾ ᱤᱱᱫᱳᱱᱮᱥᱤᱭᱟ ᱨᱮᱱ ᱡᱚᱛᱚᱠᱷᱚᱡ ᱫᱟᱹᱢᱤ ᱥᱤᱨᱤᱧ ᱥᱤᱞᱯᱤ ᱦᱤᱥᱟᱹᱵᱛᱮ ᱩᱱᱤ ᱫᱚ ᱠᱩ ᱪᱤᱱᱦᱟᱹᱣᱭᱮᱭᱟ᱾ ᱑᱙᱙᱖ ᱥᱮᱨᱢᱟ ᱨᱮ ᱴᱮᱵᱞᱚᱭᱮᱰ ᱵᱤᱱᱴᱟᱝ ᱨᱮ ᱩᱰᱩᱝ ᱟᱠᱟᱱ ᱤᱱᱫᱳᱱᱮᱥᱤᱭᱟ ᱨᱮᱱ ᱖ ᱡᱚᱱᱟ ᱱᱟᱹᱢᱤ ᱫᱟᱹᱢᱤ ᱥᱤᱞᱯᱤ ᱵᱷᱤᱛᱨᱤᱨᱮ ᱠᱨᱤᱥᱫᱟᱭᱟᱱᱛᱤ ᱦᱚᱸᱭ ᱛᱟᱸᱦᱮᱸᱠᱟᱱᱟ᱾ ᱒᱐᱐᱗ ᱥᱮᱨᱢᱟ ᱨᱮ ᱤᱱᱫᱳᱱᱮᱥᱤᱭᱟ ᱨᱮᱱ ᱙᱙ ᱯᱨᱚᱵᱷᱟᱵᱽᱥᱟᱞᱤ ᱜᱚᱜᱚ ᱦᱟᱲᱟᱜ ᱛᱟᱹᱞᱠᱟᱹ ᱨᱮ ᱠᱨᱤᱥᱫᱟᱭᱟᱱᱛᱤ ᱓᱑ ᱱᱚᱢᱵᱚᱨ ᱨᱮᱭ ᱛᱟᱸᱦᱮᱸᱠᱟᱱᱟ᱾^[᱓]

᱑᱙᱙᱖ ᱥᱮᱨᱢᱟ ᱨᱮ ᱥᱟᱢᱟᱝ ᱡᱟᱵᱷᱟ ᱨᱮᱱ ᱥᱤᱨᱤᱧ ᱥᱤᱞᱯᱤ ᱦᱟᱨᱢᱟᱱᱥᱟᱦᱟᱭ ᱵᱟᱯᱞᱟ ᱞᱤᱫᱤᱭᱟ᱾ ᱩᱝᱠᱤᱱᱨᱮᱱ ᱢᱤᱫ ᱠᱚᱲᱟ ᱟᱡᱽᱨᱤᱭᱮᱞ ᱟᱨ ᱢᱤᱫ ᱠᱩᱲᱤ ᱚᱨᱚᱞ ᱢᱮᱱᱟᱜᱠᱤᱱ ᱛᱟᱹᱠᱤᱱᱟ᱾ ᱩᱱᱠᱤᱱᱟᱜ ᱵᱟᱯᱞᱟ ᱚᱠᱛᱚ ᱨᱮ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱴᱮᱵᱞᱚᱭᱮᱰ ᱠᱚᱨᱮ ᱩᱱᱤ ᱥᱟᱶᱛᱮ ᱰᱤᱠᱤ ᱚᱣᱟᱦᱤᱫᱤ, ᱮᱨᱤ ᱥᱤᱡᱤᱴ ᱟᱨᱦᱚᱸ ᱮᱴᱟᱜ ᱠᱤᱪᱷᱩ ᱦᱚᱲ ᱥᱟᱶᱛᱮ ᱜᱟᱛᱮ ᱥᱟᱹᱜᱟᱹᱭ ᱛᱟᱸᱦᱮᱸ ᱞᱮᱱᱟ ᱢᱮᱱᱛᱮ ᱠᱷᱚᱵᱚᱨ ᱠᱚ ᱪᱷᱟᱯᱟ ᱞᱮᱫᱟ᱾^[᱔] ᱚᱱᱚᱠᱩ ᱡᱚᱛᱚ ᱠᱷᱚᱵᱚᱨ ᱜᱮ ᱵᱟᱝ ᱴᱷᱤᱠᱟ ᱢᱮᱱᱛᱮ ᱠᱨᱤᱥᱫᱟᱭᱟᱱᱛᱤᱭ ᱢᱮᱱᱞᱮᱫᱟ᱾ ᱒᱐᱐᱙ ᱥᱮᱨᱢᱟ ᱨᱮ ᱩᱱᱠᱤᱱ ᱟᱹᱠᱤᱱᱟᱜ ᱵᱟᱯᱞᱟ ᱥᱟᱹᱜᱟᱹᱭᱠᱤᱱ ᱛᱚᱯᱟᱜ ᱠᱮᱫᱟ᱾^[᱕]

ᱵᱟᱨᱦᱮ ᱡᱚᱱᱚᱲ

ᱠᱨᱤᱥᱫᱟᱭᱟᱱᱛᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
Rujakmanis.com: Krisdayanti Archived ᱒᱐᱑᱒-᱐᱕-᱑᱑ at the Wayback Machine.

ᱥᱟ.ᱠᱷᱭᱟ.ᱛ

[1] KapanLagi.com, Krisdayanti।

[2] Disc Tarra, Artist info᱾

[3] KapanLagi.com, Krisdayanti Bintang᱾

[4] Yusman et al., Ini Peringatan᱾

[5] Jakarta Globe 2009-09-03, Anang confirms᱾

[᱑]

[᱒]

[᱓]

[᱔]

[᱕]