ᱠᱨᱩᱥᱱᱟ ᱜᱟᱰᱟ
ᱠᱨᱩᱥᱱᱟ ᱜᱟᱰᱟ ᱫᱚ ᱥᱤᱧᱚᱛ ᱨᱮᱱᱟᱜ ᱢᱤᱫ ᱜᱟᱰᱟ ᱠᱟᱱᱟ ᱾ ᱱᱚᱶᱟ ᱫᱚ ᱣᱮᱥᱴᱚᱨᱱ ᱜᱷᱟᱴ (Western Ghat) ᱵᱩᱨᱩ ᱨᱮᱱᱟᱜ ᱢᱟᱦᱟᱵᱟᱞᱮᱥᱚᱨ ᱯᱚᱨᱵᱚᱛ ᱠᱷᱚᱱᱟᱜ ᱞᱤᱸᱡᱤ ᱚᱰᱚᱠᱚᱜ ᱠᱟᱱᱟ᱾ ᱱᱚᱶᱟ ᱨᱮᱱᱟᱜ ᱡᱤᱞᱤᱧ ᱑᱔᱐᱐ ᱠᱤᱞᱚᱢᱤᱴᱚᱨ ᱜᱟᱱ ᱢᱮᱱᱟᱜᱼᱟ᱾ ᱱᱚᱶᱟ ᱫᱚ ᱥᱟᱣᱛᱷ-ᱤᱥᱴ ᱯᱚᱱᱚᱛ ᱢᱚᱦᱟᱨᱟᱥᱴᱨᱚ, ᱠᱚᱨᱱᱟᱴᱚᱠ, ᱛᱮᱞᱮᱝᱜᱟᱱᱟ, ᱟᱱᱫᱷᱨᱚ ᱯᱨᱚᱫᱮᱥ ᱥᱮᱫ ᱛᱮ ᱵᱮᱻ ᱚᱯᱷ ᱵᱮᱸᱜᱚᱞ (ᱵᱮᱸᱜᱚᱞ ᱢᱟᱦᱟᱫᱚᱨᱭᱟ) ᱨᱮ ᱧᱩᱨᱩᱜ ᱠᱟᱱᱟ ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱫᱩᱞ ᱢᱤᱫ ᱜᱟᱰᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ : ᱜᱷᱟᱴᱯᱨᱚᱵᱷᱟ ᱜᱟᱰᱟ, ᱢᱟᱞᱟᱯᱨᱚᱵᱷᱟ ᱜᱟᱰᱟ, ᱵᱷᱤᱢᱟ ᱜᱟᱰᱟ, ᱛᱩᱝᱜᱚᱵᱷᱚᱫᱽᱨᱟ ᱜᱟᱰᱟ ᱟᱨ ᱢᱩᱥᱤ ᱜᱟᱰᱟ ᱾ ᱠᱨᱩᱥᱱᱟ ᱜᱟᱰᱟ ᱵᱷᱤᱲᱟᱹᱣ ᱨᱮ ᱵᱤᱡᱚᱭᱣᱟᱰᱟ ᱟᱨ ᱢᱩᱥᱤ ᱜᱟᱰᱟ ᱟᱲᱮ ᱨᱮ ᱦᱟᱭᱫᱽᱨᱟᱵᱟᱫᱽ ᱢᱮᱱᱟᱜᱼᱟ ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱢᱚᱪᱟ (mouth) ᱨᱮ ᱟᱹᱰᱤ ᱢᱟᱨᱟᱝ ᱰᱮᱞᱴᱟ (Delta) ᱢᱮᱱᱟᱜᱼᱟ ᱾