ᱠᱩᱢᱠᱩᱢ ᱢᱚᱦᱟᱱᱛᱤ
ᱠᱩᱢᱠᱩᱢ ᱢᱚᱦᱟᱱᱛᱤ ( ᱡᱟᱱᱟᱢ ᱢᱟᱦᱟᱹ ᱑᱐ ᱥᱮᱯᱴᱮᱢᱵᱚᱨ ᱑᱙᱔᱖ ) ᱫᱚ ᱢᱤᱫ ᱳᱰᱤᱥᱤ ᱮᱱᱮᱡ ᱟᱱᱤᱡ ᱮ ᱛᱟᱦᱮᱸᱜ ᱠᱟᱱᱟᱭ |
ᱢᱚᱦᱟᱱᱛᱤ ᱭᱟᱜ ᱡᱟᱱᱟᱢ ᱫᱚ ᱠᱚᱴᱚᱠ ᱨᱮ ᱦᱩᱭ ᱞᱮᱱ ᱛᱟᱭᱟ ᱾ ᱩᱱᱤ ᱫᱚ ᱦᱩᱱᱟᱹᱨ ᱵᱤᱠᱟᱥ ᱴᱷᱟᱶ ᱨᱮ ᱜᱩᱨᱩ ᱠᱮᱞᱩᱪᱚᱨᱚᱬ ᱢᱚᱦᱟᱯᱟᱛᱨᱚ ᱴᱷᱮᱱ ᱠᱷᱚᱱ ᱯᱨᱚᱥᱤᱠᱷᱚᱱ ᱧᱟᱢ ᱞᱮᱫ ᱟᱭ ᱾ ᱩᱱᱤ ᱫᱚ ᱯᱟᱴ ᱞᱟᱹᱜᱤᱫ ᱛᱮ ᱵᱷᱤᱱᱱᱟᱱᱤ ᱦᱩᱭ ᱟᱠᱟᱱᱟᱭ ᱾ ᱩᱱᱤ ᱫᱚ ᱳᱰᱤᱥᱟ ᱥᱚᱨᱠᱟᱨ ᱥᱮᱫ ᱠᱷᱚᱱ ᱵᱤᱥᱮᱥ ᱥᱚᱪᱤᱵᱷ (ᱟᱹᱨᱤᱪᱟᱹᱞᱤ) ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾ ᱒᱐᱐᱔ ᱨᱮ ᱟᱡᱟᱜ ᱥᱮᱵᱟ ᱱᱤᱵᱽᱨᱤᱛ ᱛᱟᱭᱚᱢ, ᱩᱱᱤ ᱫᱚ ᱒᱐᱐᱖ ᱨᱮ ᱵᱷᱩᱵᱟᱱᱮᱥᱣᱟᱨ ᱨᱮ ᱟᱡᱟᱜ ᱠᱚᱢᱯᱭᱤᱴᱟᱨ ᱟᱥᱲᱟ ᱜᱤᱛᱟ ᱜᱚᱵᱤᱱᱫᱟ ᱮᱦᱚᱵ ᱠᱮᱫ ᱟᱭ ᱾ ᱱᱤᱛᱟᱝ ᱨᱮ ᱩᱱᱤ ᱫᱚ IIT ᱵᱷᱩᱵᱟᱱᱮᱥᱣᱟᱨ ᱨᱮᱱᱟᱜ ᱟᱥᱲᱟ ᱚᱯᱷ ᱦᱭᱩᱢᱮᱭᱱᱤᱴᱤᱡᱽ, ᱥᱚᱥᱟᱞ ᱥᱟᱭᱱᱥᱮᱡᱽ ᱮᱱᱰ ᱢᱮᱭᱱᱮᱡᱽᱢᱮᱱᱴ ᱨᱮ ᱢᱤᱫ ᱜᱚᱲᱚ ᱯᱨᱚᱯᱷᱮᱥᱚᱨ ᱞᱮᱠᱟᱛᱮ ᱦᱮᱡ ᱦᱩᱭ ᱮᱱ ᱛᱟᱭᱟ ᱾
ᱡᱤᱣᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱚᱰᱤᱥᱤ ᱮᱱᱮᱡ ᱨᱮᱱᱟᱜ ᱵᱤᱠᱟᱥ ᱟᱨ ᱠᱮᱞᱩᱪᱚᱨᱚᱢ ᱢᱚᱦᱟᱯᱟᱛᱨᱚ ᱨᱤᱱᱤᱡ ᱢᱤᱫ ᱵᱤᱥᱮᱥ ᱪᱮᱞᱟ ᱠᱟᱱᱟᱭ, ᱚᱵᱷᱤᱱ ᱰᱟᱱᱥᱮ ᱯᱚᱫᱚᱢ ᱥᱨᱤ ᱠᱩᱢᱠᱩᱢ ᱢᱚᱦᱟᱱᱛᱤ ᱳᱰᱤᱥᱤ ᱮᱱᱮᱡ ᱟᱱᱤᱡ ᱯᱮᱭᱱᱦᱤᱭᱚᱛ ᱨᱮ ᱢᱤᱫ ᱢᱟᱨᱟᱝ ᱜᱮ ᱵᱤᱥᱮᱥ ᱴᱷᱟᱶ ᱧᱟᱢ ᱠᱮᱫ ᱟᱭ |
᱑᱐ ᱥᱮᱯᱴᱮᱢᱵᱚᱨ, ᱑᱙᱔᱖ ᱦᱤᱞᱚᱜ ᱠᱚᱴᱚᱠ ᱨᱤᱱᱤᱡ ᱢᱤᱫ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱟᱠᱟᱱᱟᱭ ᱚᱱᱰᱮ ᱥᱮᱪᱮᱫ ᱟᱨ ᱟᱹᱨᱤᱪᱟᱹᱞᱤ ᱫᱚ ᱟᱭᱢᱟ ᱢᱟᱱᱚᱛ ᱮᱢ ᱦᱩᱭ ᱟᱠᱟᱱ ᱛᱟᱭᱟ, ᱩᱱᱤ ᱫᱚ ᱥᱮᱪᱮᱫ ᱵᱷᱤᱫ ᱟᱨ ᱮᱱᱮᱡ ᱨᱮ ᱟᱹᱰᱤ ᱜᱮᱭ ᱥᱚᱫᱚᱨ ᱢᱮᱱᱟᱜ ᱛᱟᱭᱟ | ᱡᱟᱦᱟᱸ ᱫᱚ ᱩᱱᱤ ᱨᱮᱱ ᱟᱡ ᱵᱟᱵᱟ ᱫᱚ ᱩᱱᱤ ᱯᱟᱲᱦᱟᱣ ᱨᱮ ᱟᱹᱰᱤ ᱢᱟᱨᱟᱝ ᱫᱟᱣ ᱮᱢ ᱞᱟᱹᱜᱤᱫ ᱧᱟᱢ ᱞᱟᱹᱜᱤᱫ ᱛᱮ ᱱᱤᱨᱫᱮᱥ ᱮᱢ ᱦᱩᱭ ᱞᱮᱱ ᱛᱟᱭᱟ, ᱩᱱᱤ ᱟᱡ ᱟᱭᱳ ᱫᱚ ᱱᱚᱶᱟ ᱢᱚᱱᱮ ᱩᱛᱟᱹᱨ ᱠᱮᱫ ᱟᱭ | ᱡᱮ ᱩᱱᱤ ᱫᱚ ᱢᱤᱫ ᱮᱱᱮᱡ ᱞᱮᱠᱟᱛᱮ ᱦᱚᱸ ᱪᱟᱢᱠᱟᱜ ᱠᱟᱱᱮ; ᱚᱱᱠᱟ ᱜᱮ ᱩᱱᱤ ᱦᱩᱰᱤᱝ ᱨᱮ ᱜᱮ ᱚᱰᱤᱥᱤ ᱨᱮ ᱵᱟᱰᱟᱭ ᱱᱟᱝ ᱵᱤᱠᱟᱥ ᱴᱷᱟᱶ ᱠᱚᱴᱚᱠ ᱨᱮ ᱜᱩᱨᱩ ᱠᱮᱞᱩᱪᱚᱨᱚᱬ ᱢᱚᱦᱟᱯᱟᱛᱨᱚ ᱨᱤᱱᱤᱡ ᱥᱚᱝᱨᱚᱪᱷᱚᱱ ᱨᱮ ᱮᱦᱚᱵ ᱞᱮᱫ ᱛᱟᱦᱮᱱᱟᱭ | ᱠᱩᱢᱠᱩᱢ ᱢᱚᱦᱟᱱᱛᱤ ᱑᱙᱖᱗ ᱨᱮ ᱨᱟᱡᱽᱱᱤᱛᱤ ᱥᱟᱬᱮᱥ ᱨᱮ ᱩᱛᱠᱚᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱴᱚᱯᱚᱨ ᱢᱮᱱᱛᱮ ᱨᱟᱠᱟᱵ ᱟᱠᱟᱱᱟᱭ ᱟᱨ ᱥᱚᱨᱠᱟᱨ ᱥᱮᱫ ᱠᱷᱚᱱ ᱥᱟᱹᱜᱟᱹᱭ ᱥᱮᱵᱟ ᱞᱟᱹᱜᱤᱫ ᱚᱦᱚᱨᱛᱟ ᱧᱟᱢ ᱠᱮᱫ ᱟᱭ | ᱥᱤᱧᱚᱛ ᱨᱮ ᱑᱙᱗᱐ ᱨᱮ ᱵᱟᱨ ᱥᱮᱨᱢᱟ ᱛᱟᱭᱚᱢ ᱩᱱᱤ ᱫᱚ ᱢᱤᱫ ᱟᱭᱤ ᱮ ᱮᱥ ᱚᱫᱷᱤᱠᱟᱨᱤ ᱥᱟᱶ ᱵᱟᱯᱞᱟ ᱮᱱᱟᱭ | ᱦᱩᱭ ᱫᱟᱲᱮᱭᱟᱜ - ᱟ, ᱢᱤᱫ ᱵᱟᱹᱦᱩ ᱟᱨ ᱵᱟᱨᱭᱟ ᱜᱤᱫᱽᱨᱟᱹ ᱨᱤᱱᱤᱡ ᱟᱭᱳ ᱨᱤᱱᱤᱡ ᱢᱤᱫ ᱯᱨᱚᱥᱟᱥᱚᱠ ᱟᱨ ᱟᱱᱴ ᱱᱚᱠᱨᱤ ᱨᱮ ᱩᱱᱤ ᱫᱚ ᱳᱰᱤᱥᱤ ᱫᱚ ᱢᱤᱫ ᱡᱩᱱᱩᱱ ᱟᱨ ᱡᱤᱭᱚᱱ ᱞᱟᱹᱜᱤᱫ ᱛᱮ ᱢᱤᱫ ᱢᱤᱥᱚᱱ ᱨᱮᱱᱟᱜ ᱞᱟᱦᱟ ᱵᱟᱲᱦᱟᱣ ᱨᱮ ᱵᱟᱝ ᱛᱤᱝᱜᱩ ᱞᱮᱱᱟ | ᱱᱚᱶᱟ ᱫᱷᱮᱭᱟᱱ ᱫᱚᱦᱚᱭ ᱞᱟᱹᱜᱤᱫ ᱟᱹᱰᱤ ᱞᱟᱹᱠᱛᱤ ᱢᱮᱱᱟᱜ - ᱟ ᱡᱮ ᱩᱱᱤ ᱫᱚ ᱩᱱ ᱚᱠᱛᱮ ᱮᱱᱮᱡ ᱞᱮᱱᱟᱭ ᱡᱚᱠᱷᱚᱱ ᱮᱱᱮᱡ ᱥᱚᱵᱷᱭᱚ ᱜᱷᱟᱨᱸᱡᱽ ᱨᱮᱱ ᱠᱩᱲᱤ ᱞᱟᱹᱜᱤᱫ ᱫᱚ ᱢᱟᱱᱟ ᱜᱮ ᱛᱟᱦᱮᱸᱜ ᱠᱟᱱᱟ |