ᱠᱩᱥᱩᱢᱠᱩᱢᱟᱨᱤ ᱫᱟᱥ
| ᱠᱩᱥᱩᱢᱠᱩᱢᱟᱨᱤ ᱫᱟᱥ | |
|---|---|
.jpg) | |
| ᱢᱩᱬ ᱧᱩᱛᱩᱢ | কুসুমকুমারী দাশ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱘᱗᱕ ᱵᱚᱨᱤᱥᱟᱞ, ᱵᱮᱝᱜᱚᱞ ᱯᱨᱮᱥᱤᱫᱮᱱᱥᱤ, ᱵᱨᱤᱴᱤᱥ ᱵᱷᱟᱨᱚᱛ |
| ᱜᱩᱨ | ᱑᱙᱔᱘ ᱠᱚᱞᱠᱟᱛᱟ, ᱥᱤᱧᱚᱛ |
| ᱡᱤᱭᱚᱱ ᱥᱚᱦᱮᱫ | ᱥᱚᱛᱛᱚᱱᱚᱱᱫᱚ ᱫᱟᱥ |
| ᱦᱚᱯᱚᱱ | ᱡᱤᱵᱚᱱᱟᱱᱫᱚ ᱫᱟᱥ (᱑᱘᱙᱙-᱑᱙᱕᱔) ᱚᱥᱚᱠᱟᱱᱚᱱᱫᱚ ᱫᱟᱥ ᱥᱩᱪᱳᱨᱤᱛᱟ ᱫᱟᱥ(᱑᱙᱑᱕-᱑᱙᱘᱐) |
| ᱟᱯᱟᱛ ᱮᱸᱜᱟᱛ |
|
ᱠᱩᱥᱩᱢᱠᱩᱢᱟᱨᱤ ᱫᱟᱥ (᱑᱘᱗᱕-᱑᱙᱔᱘) ᱫᱚ ᱢᱤᱫ ᱵᱟᱝᱜᱟᱞᱤ ᱛᱤᱨᱞᱟᱹ ᱚᱱᱚᱲᱦᱤᱭᱟᱹ ᱠᱟᱱᱟᱭ᱾ ᱩᱱᱤᱭᱟᱜ ᱚᱞ ᱟᱠᱟᱱ ᱚᱱᱲᱦᱮᱸ 'ᱟᱫᱚᱨᱥᱚ ᱪᱷᱮᱞᱮ' ᱫᱚ ᱚᱞᱚᱜ ᱯᱟᱲᱦᱟᱣ ᱯᱚᱛᱚᱵᱽ ᱠᱚᱨᱮ ᱠᱚ ᱥᱮᱞᱮᱫᱽ ᱟᱠᱟᱫᱟ ᱡᱟᱸᱦᱟᱸ ᱛᱮᱜᱮ ᱩᱱᱤ ᱫᱚ ᱡᱟᱹᱥᱛᱤ ᱠᱚ ᱪᱤᱱᱦᱟᱹᱣᱮᱭᱟ᱾ ᱟᱹᱰᱤ ᱧᱩᱛᱩᱢᱟᱱ ᱚᱱᱚᱲᱦᱤᱭᱟᱹ ᱡᱤᱵᱚᱱᱟᱱᱫᱚ ᱫᱟᱥ ᱫᱚ ᱠᱩᱥᱩᱢᱠᱩᱢᱟᱨᱤ ᱨᱮᱱ ᱢᱟᱨᱟᱝ ᱩᱛᱟᱹᱨᱤᱡ ᱠᱚᱲᱟ ᱠᱟᱱᱟᱭ᱾
ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱩᱥᱩᱢᱠᱩᱢᱟᱨᱤ ᱫᱟᱥ ᱫᱚ ᱵᱟᱠᱷᱚᱨᱜᱚᱸᱡᱽ ᱦᱚᱱᱚᱛ ᱨᱮᱱᱟᱜ ᱵᱚᱨᱤᱥᱟᱞ ᱱᱚᱜᱚᱨ ᱨᱮ ᱵᱟᱝᱞᱟ ᱒᱑ ᱥᱮ ᱯᱳᱥ ᱑᱒᱒᱘ ᱥᱮᱨᱢᱟ ᱨᱮ ᱢᱤᱥᱴᱮᱱ ᱚᱞᱚᱜ ᱯᱟᱲᱦᱟᱣ ᱜᱷᱟᱸᱨᱚᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱟᱡ ᱵᱟᱵᱟ ᱫᱚ ᱪᱚᱵᱫᱨᱚᱱᱟᱛᱷ ᱫᱟᱥ ᱟᱨ ᱟᱡ ᱜᱚᱜᱚ ᱫᱚ ᱫᱷᱚᱱᱢᱟᱱᱤ᱾ ᱪᱚᱱᱫᱨᱚᱱᱟᱛᱷ ᱵᱨᱟᱢᱢᱚ ᱫᱷᱚᱨᱚᱢᱮ ᱟᱯᱱᱟᱨ ᱞᱮᱛᱨᱮ ᱚᱛᱚ ᱦᱚᱲᱟᱜ ᱵᱤᱨᱩᱫᱷ ᱠᱷᱟᱹᱛᱤᱨ ᱟᱹᱠᱩᱣᱟᱜ ᱟᱛᱩ ᱫᱤᱥᱟᱹᱢ ᱜᱳᱭᱞᱟ ᱠᱷᱚᱱ ᱵᱚᱨᱤᱥᱟᱞ ᱠᱩ ᱪᱟᱞᱟᱣ ᱞᱮᱱᱟ᱾
ᱚᱞᱚᱜ ᱯᱟᱲᱦᱟᱣ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱩᱥᱩᱢᱠᱩᱢᱟᱨᱤ ᱫᱚ ᱢᱤᱫᱴᱮᱱ ᱢᱚᱡᱽ ᱜᱷᱟᱨᱚᱸᱡᱽ ᱨᱮᱭᱟᱜ ᱢᱟᱨᱥᱟᱞ ᱛᱮᱭ ᱦᱟᱨᱟᱣ ᱟᱠᱟᱱᱟ᱾ ᱵᱚᱨᱤᱥᱟᱞ ᱨᱮᱱ ᱵᱨᱟᱢᱢᱚ ᱥᱚᱢᱟᱡᱽ ᱟᱜ ᱵᱮᱱᱟᱣ ᱞᱮᱱ ᱠᱩᱲᱤ ᱜᱤᱫᱽᱨᱟᱹ ᱠᱳᱣᱟᱜ ᱦᱟᱭ ᱤᱥᱠᱩᱞ ᱨᱮ ᱯᱩᱱ ᱟᱜ ᱠᱞᱟᱥ ᱫᱷᱟᱹᱵᱤᱡᱽ ᱮ ᱯᱟᱲᱦᱟᱣ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱠᱩᱲᱤ ᱜᱤᱫᱽᱨᱟᱹ ᱠᱳᱣᱟᱜ ᱚᱵᱷᱟᱵᱽ ᱠᱟᱨᱚᱱ ᱛᱮ ᱚᱱᱟ ᱤᱥᱠᱩᱞ ᱵᱚᱱᱫᱷ ᱞᱮᱱ ᱠᱷᱟᱱ ᱟᱡ ᱵᱟᱵᱟ ᱩᱱᱤ ᱠᱳᱞᱠᱟᱛᱟᱨᱮ ᱨᱟᱢᱟᱱᱚᱱᱫᱚ ᱪᱚᱴᱴᱚᱯᱟᱫᱫᱷᱟᱭᱟᱜ ᱚᱲᱟᱜ ᱨᱮ ᱫᱚᱦᱚ ᱠᱟᱛᱮ ᱵᱮᱛᱷᱩᱱ ᱤᱥᱠᱩᱞ ᱨᱮᱭ ᱵᱷᱳᱨᱛ ᱞᱤᱫᱤᱭᱟ᱾ ᱯᱨᱚᱵᱮᱥᱤᱠᱟ ᱯᱟᱲᱦᱟᱣ ᱚᱠᱛᱚᱨᱮ ᱑᱘᱙᱔ ᱥᱮᱨᱢᱟ ᱨᱮ ᱵᱚᱨᱤᱥᱟᱞ ᱵᱨᱚᱡᱚᱢᱚᱦᱳᱱ ᱤᱱᱥᱴᱤᱴᱤᱩᱥᱚᱱ ᱨᱮᱱ ᱢᱩᱬᱩᱛ ᱢᱟᱪᱮᱫᱽ ᱥᱚᱛᱛᱟᱱᱚᱱᱫᱚ ᱫᱟᱥ ᱥᱟᱶ ᱠᱩᱥᱩᱢᱠᱩᱢᱟᱨᱤ ᱟᱜ ᱵᱟᱯᱞᱟ ᱦᱩᱭᱮᱱᱛᱟᱭᱟ᱾ ᱩᱱᱤᱭᱟᱜ ᱩᱫᱽᱜᱟᱣ ᱛᱮ ᱠᱩᱥᱩᱢᱠᱩᱢᱟᱨᱤ ᱥᱟᱶᱦᱮᱫᱽ ᱪᱟᱨᱪᱟᱭ ᱫᱷᱩᱨᱟᱣᱮᱱᱟ᱾ ᱵᱚᱨᱤᱥᱟᱞ ᱨᱮᱱᱟᱜ ᱵᱨᱟᱢᱢᱚ ᱥᱚᱢᱟᱡᱽ ᱨᱮᱭᱟᱜ ᱱᱟᱱᱟ ᱦᱩᱱᱟᱹᱨ ᱥᱚᱵᱷᱟ ᱠᱚᱨᱮ ᱠᱩᱥᱩᱢᱠᱩᱢᱟᱨᱤᱭ ᱥᱮᱞᱮᱫᱚᱜ ᱠᱟᱱ ᱛᱟᱸᱦᱮᱸᱱᱟ᱾ ᱵᱟᱝᱞᱟ ᱥᱮᱨᱢᱟ ᱑᱓᱑᱙ ᱠᱷᱚᱱ ᱑᱓᱓᱘ ᱫᱷᱟᱹᱵᱤᱡ ᱩᱱᱤ ᱫᱚ ᱵᱚᱨᱤᱥᱟᱞ ᱪᱷᱟᱛᱨᱚ ᱥᱚᱝᱥᱚᱫᱽ ᱨᱮᱱᱟᱜ ᱢᱟᱜᱷᱳᱛᱥᱚᱵᱽ ᱨᱮᱱᱟᱜ ᱛᱤᱨᱞᱟᱹ ᱯᱚᱨᱚᱵᱽ ᱨᱮ ᱢᱩᱬᱩᱛ ᱨᱮᱱᱟᱜ ᱮ ᱠᱟᱹᱢᱤ ᱟᱠᱟᱫᱟ᱾ ᱵᱚᱭᱚᱥ ᱰᱷᱤᱨ ᱥᱟᱶᱛᱮ ᱩᱱᱤ ᱫᱚ ᱠᱷᱟᱹᱞᱤ ᱛᱤᱨᱞᱟᱹ ᱦᱚᱲ ᱫᱚ ᱵᱟᱝ ᱵᱨᱟᱢᱢᱚ ᱥᱚᱢᱟᱡᱽ ᱨᱮᱭᱟᱜ ᱥᱚᱵᱷᱟ ᱨᱮ ᱦᱚᱸ ᱢᱩᱬᱩᱛ ᱨᱮᱱᱟᱜ ᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱵᱚᱨᱤᱥᱟᱞ ᱛᱤᱨᱞᱟᱹ ᱥᱚᱵᱷᱚ ᱨᱮᱱ ᱯᱟᱨᱥᱮᱛ ᱮ ᱛᱟᱸᱦᱮᱸ ᱠᱟᱱᱟ᱾[᱑]
ᱥᱟᱶᱦᱮᱫᱽ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱩᱰᱤᱧ ᱠᱷᱚᱱ ᱜᱮ ᱠᱩᱥᱩᱢᱠᱩᱢᱟᱨᱤ ᱫᱚ ᱚᱱᱚᱲᱦᱮ ᱟᱨ ᱜᱚᱞᱯᱚᱭ ᱚᱞᱮᱛ ᱠᱟᱱ ᱛᱟᱸᱦᱮᱸᱱᱟ᱾ ᱨᱟᱢᱟᱱᱚᱱᱫᱚ ᱪᱚᱴᱴᱚᱯᱟᱫᱫᱷᱟᱭ ᱠᱟᱹᱴᱤᱡ ᱜᱤᱫᱽᱨᱟᱹ ᱠᱩ ᱞᱟᱹᱜᱤᱛ ᱪᱤᱛᱟᱹᱨ ᱥᱟᱶ ᱡᱟᱸᱦᱟᱸ ᱪᱤᱠᱤ ᱪᱮᱫᱚᱜ ᱯᱚᱛᱚᱵᱮ ᱚᱞ ᱞᱮᱫᱟ ᱚᱱᱟᱨᱮ ᱠᱩᱥᱩᱢᱠᱩᱢᱟᱨᱤ ᱡᱩᱠᱛᱚ ᱪᱤᱠᱤ ᱵᱟᱫᱽ ᱠᱟᱛᱮ ᱦᱩᱰᱤᱧ ᱦᱩᱰᱤᱧ ᱚᱱᱚᱲᱦᱮᱸᱭ ᱚᱞ ᱞᱮᱫᱟ᱾ ᱵᱨᱟᱢᱢᱚᱵᱟᱫᱤ ᱠᱟᱜᱚᱡᱽ ᱨᱮᱱ ᱥᱚᱢᱯᱟᱫᱚᱠ ᱟᱜ ᱚᱱᱩᱨᱳᱫᱷ ᱛᱮ ᱩᱱᱤ ᱚᱸᱰᱮ ᱦᱚᱸᱭ ᱚᱞ ᱞᱮᱫᱟ᱾ ᱩᱱᱤᱭᱟᱜ ᱠᱤᱪᱷᱩᱜᱟᱱ ᱚᱱᱚᱲᱦᱮᱸ 'ᱯᱨᱚᱵᱟᱥᱤ' ᱟᱨ 'ᱢᱩᱠᱩᱞ' ᱠᱟᱜᱚᱡᱽ ᱨᱮᱦᱚᱸ ᱯᱟᱨᱥᱟᱞ ᱨᱮᱱᱟ᱾[᱒] ᱩᱱᱤᱭᱟᱜ ᱚᱱᱚᱲᱦᱮᱸ ᱨᱮ ᱫᱷᱚᱨᱚᱢ, ᱱᱤᱛᱤᱵᱳᱫᱷ ᱟᱨ ᱫᱮᱥᱟᱛᱛᱚᱵᱳᱫᱷ ᱨᱮᱱᱟᱜ ᱠᱟᱛᱷᱟ ᱠᱚᱜᱮ ᱨᱟᱠᱟᱵ ᱦᱮᱡ ᱟᱠᱟᱱᱟ᱾ ᱚᱱᱚᱦᱮᱸ ᱢᱩᱠᱩᱞ (᱑᱘᱙᱖) ᱫᱚ ᱩᱱᱤᱭᱟᱜ ᱠᱟᱵᱵᱚᱜᱨᱚᱱᱛᱷᱚ ᱠᱟᱱᱟ᱾ ᱯᱳᱣᱨᱟᱱᱤᱠ ᱟᱠᱠᱷᱟᱭᱤᱠᱟ ᱧᱩᱛᱩᱢ ᱛᱮ ᱩᱱᱤᱭᱟᱜ ᱢᱤᱫᱴᱮᱱ ᱜᱚᱞᱯᱚᱜᱨᱚᱱᱛᱷᱚ ᱦᱚᱸ ᱢᱮᱱᱟᱜ ᱛᱟᱭᱟ᱾
ᱥᱤᱨᱯᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱤᱨᱞᱟᱹ ᱟᱫᱚᱨᱥᱚ ᱧᱩᱛᱩᱢᱟᱱ ᱢᱤᱫ ᱯᱨᱚᱵᱚᱱᱫᱷᱚ ᱦᱮᱯᱨᱟᱣ ᱨᱮ ᱠᱩᱥᱩᱢᱠᱩᱢᱟᱨᱤ ᱥᱳᱱᱟ ᱨᱮᱱᱟᱜ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ᱾
ᱵᱚᱸᱜᱟᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱝᱞᱟ ᱑᱓᱕᱕ ᱥᱮᱨᱢᱟ ᱨᱮ ᱠᱳᱞᱠᱟᱛᱟ ᱨᱮᱱᱟᱜ ᱨᱟᱥᱵᱤᱦᱟᱨᱤ ᱮᱵᱷᱤᱱᱤᱣ ᱨᱮᱭᱟᱜ ᱚᱲᱟᱜ ᱨᱮ ᱠᱩᱥᱩᱢᱠᱩᱢᱟᱨᱤ ᱫᱟᱥᱮ ᱵᱚᱸᱜᱟᱛᱟᱞᱟ ᱞᱮᱱᱟ᱾
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Guha, Vumendra (2012). Kusumkumari Daser Dainandin Lipi (Daily Entries: The Diary) (1st ed.). Dhaka: Abasar. p. 11. ISBN 978-984-8793-98-5.
- ↑ Syed, Abdul M. (1998). Jibanananda Dases Prakashita-Oprakashita KabitaSamagra (A collection of Complete poems: Published and Unpublished by Jibanananda Das). Dhaka: Abasar. p. 606.