ᱠᱩᱨᱱᱩᱞ ᱦᱚᱱᱚᱛ
ᱠᱩᱨᱱᱩᱞ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱟᱱᱫᱷᱨᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ, ᱡᱟᱦᱟᱸ ᱫᱚ ᱨᱚᱭᱟᱞᱥᱤᱢᱟᱹ ᱮᱞᱟᱠᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱦᱮᱫ ᱨᱮ ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱢᱮᱦᱵᱩᱵᱽᱱᱟᱜᱟᱨ ᱦᱚᱱᱚᱛ ᱢᱮᱱᱟᱜᱼᱟ, ᱮᱛᱚᱢ-ᱥᱟᱢᱟᱝ ᱨᱮ ᱠᱚᱨᱱᱟᱴᱚᱠ ᱨᱮᱱᱟᱜ ᱨᱟᱭᱪᱩᱨ ᱦᱚᱱᱚᱛ, ᱯᱟᱪᱮ ᱥᱮᱦᱮᱫ ᱨᱮ ᱠᱚᱨᱱᱟᱴᱚᱠ ᱨᱮᱱᱟᱜ ᱵᱮᱞᱟᱨᱤ ᱦᱚᱱᱚᱛ, ᱠᱚᱧᱮ-ᱥᱟᱢᱟᱝ ᱨᱮ ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱚᱱᱚᱱᱛᱚᱯᱩᱨ ᱦᱚᱱᱚᱛ ᱟᱨ ᱠᱟᱰᱟᱯᱟ ᱦᱚᱱᱚᱛ ᱢᱮᱱᱟᱜᱼᱟ ᱟᱨ ᱥᱟᱢᱟᱝ ᱥᱮᱦᱮᱫ ᱨᱮ ᱯᱨᱚᱠᱟᱥᱚᱢ ᱦᱚᱱᱚᱛ ᱢᱮᱱᱟᱜᱼᱟ ᱾
ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱠᱩᱨᱱᱩᱞ ᱱᱟᱜᱟᱨ ᱨᱮ ᱢᱮᱱᱟᱜᱼᱟ ᱾ ᱛᱮᱞᱩᱜᱩ ᱯᱟᱹᱨᱥᱤ ᱫᱚ ᱱᱚᱶᱟ ᱦᱚᱱᱚᱛ ᱨᱮ ᱵᱟᱹᱲᱛᱤ ᱠᱚ ᱨᱚᱲ ᱠᱟᱱ ᱯᱟᱹᱨᱥᱤ ᱠᱟᱱᱟ ᱟᱨ ᱚᱱᱟ ᱥᱟᱶᱛᱮ ᱠᱚᱱᱱᱚᱰᱚ ᱟᱨ ᱩᱨᱫᱩ ᱦᱚᱸ ᱢᱤᱢᱤᱫ ᱴᱷᱟᱶ ᱨᱮ ᱠᱚ ᱨᱚᱲ ᱠᱟᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱜᱟᱢ ᱮ ᱞᱟᱹᱭ ᱮᱫᱟ ᱵᱟᱝᱢᱟ ᱵᱟᱰᱟᱢᱤ ᱪᱟᱞᱩᱠᱭᱚ, ᱛᱮᱞᱩᱜᱩ ᱪᱚᱞᱚ ᱟᱨ ᱠᱟᱠᱚᱛᱤᱭᱚ ᱦᱚᱲ ᱱᱚᱶᱟ ᱮᱞᱟᱠᱟ ᱫᱚ ᱠᱚ ᱥᱟᱥᱚᱱ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱵᱤᱡᱚᱭᱱᱟᱜᱟᱨ ᱨᱟᱡᱟ ᱱᱚᱣᱟᱸᱭ ᱜᱚᱵᱚᱞ ᱞᱮᱫ ᱛᱟᱦᱮᱸᱫ ᱾ ᱥᱨᱤ ᱠᱨᱩᱥᱱᱚ ᱫᱮᱵᱽᱨᱟᱡᱽ ᱟᱜ ᱥᱟᱥᱚ ᱚᱠᱛᱚ ᱨᱮ, ᱩᱱᱤ ᱫᱚ ᱯᱩᱨᱹᱟ ᱦᱚᱱᱚᱛ ᱮ ᱥᱟᱥᱚᱱ ᱞᱮᱫ ᱛᱟᱦᱮᱸᱫ ᱾ ᱠᱩᱨᱱᱩᱞ ᱟᱨ ᱚᱪᱭᱩᱛᱫᱮᱵᱽᱨᱚᱭ ᱧᱩᱛᱩᱢᱟᱱ ᱠᱚᱸᱰᱨᱟ ᱨᱮᱰᱤ ᱜᱟᱲ ᱥᱩᱢᱩᱝ ᱯᱷᱚᱨᱴ ᱨᱮᱱᱟᱜ ᱦᱟᱹᱴᱤᱧ ᱜᱮ ᱛᱟᱦᱮᱸ ᱠᱟᱱᱟ , ᱡᱟᱦᱟᱸ ᱫᱚ ᱵᱤᱡᱚᱭᱱᱟᱜᱟᱨ ᱨᱟᱡᱟ ᱧᱩᱛᱩᱢ ᱛᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾
ᱠᱟᱹᱣᱰᱤᱭᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱱᱫᱷᱨᱚ ᱯᱨᱚᱫᱮᱥ ᱨᱮᱱᱟᱜ ᱮᱴᱟᱜ ᱦᱚᱱᱚᱛ ᱠᱚ ᱞᱮᱠᱟ ᱜᱮ ᱱᱚᱶᱟ ᱦᱚᱱᱚᱛ ᱨᱮᱦᱚᱸ ᱪᱟᱥᱵᱟᱥ ᱜᱮ ᱢᱩᱬ ᱵᱮᱵᱥᱟ ᱠᱟᱱᱟ ᱾ ᱵᱟᱹᱲᱛᱤ ᱠᱟᱛᱮ ᱱᱚᱦᱚᱨ ᱟᱨ ᱛᱮᱞᱩᱜᱩ ᱜᱟᱰᱟ ᱨᱮᱱᱟᱜ ᱫᱟᱜ ᱛᱮ ᱪᱟᱥ ᱵᱟᱥ ᱫᱚ ᱦᱩᱭᱩᱜ ᱠᱟᱱᱟ ᱾
ᱡᱤᱭᱟᱹᱞᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱟᱛᱷᱤ ᱵᱤᱨᱟᱥᱣᱟᱢᱤᱭᱟ, ᱡᱟᱦᱟᱸᱭ ᱫᱚ ᱢᱤᱫ ᱡᱟᱹᱛᱨᱤ ᱛᱟᱦᱮᱸ ᱠᱟᱱᱟ, ᱑᱘᱓᱐ ᱥᱟᱞᱮ ᱨᱮ ᱱᱚᱶᱟ ᱴᱷᱟᱶ ᱛᱮ ᱦᱮᱡ ᱞᱮᱱ ᱛᱟᱦᱮᱸᱫ ᱾ ᱟᱡᱟᱜ ᱠᱟᱥᱤ ᱦᱤᱨᱤ ᱠᱟᱛᱷᱟ ᱨᱮ ᱠᱩᱨᱱᱩᱞ ᱦᱚᱱᱚᱛ ᱠᱟᱛᱷᱟᱭ ᱥᱟᱞᱟᱜ ᱞᱮᱫ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱜᱟᱹᱭ ᱛᱳᱣᱟ ᱫᱚ ᱵᱟᱭ ᱧᱮᱞᱚᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱚᱞ ᱞᱮᱫ ᱛᱟᱦᱮᱸᱫ ᱵᱟᱝ ᱢᱟ ᱩᱱ ᱚᱠᱛᱚ ᱱᱚᱸᱰᱮ ᱜᱟᱹᱭ ᱫᱚ ᱵᱟᱠᱚ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱮᱴᱟᱜ ᱡᱤᱭᱟᱹᱞᱤ ᱠᱚ ᱫᱚ ᱛᱟᱦᱮᱸ ᱠᱟᱱᱟ ᱜᱮᱭᱟ ᱾