ᱠᱩᱨᱵᱟᱱᱤ
ᱠᱩᱨᱵᱟᱱᱤ (ᱟᱨᱵᱤᱺ قربانى) ᱵᱟᱝᱛᱮ ᱟᱡᱟᱦᱟ أضحية ᱫᱚ ᱤᱥᱞᱟᱢᱤ ᱟᱭᱤᱱ ᱦᱤᱥᱟᱹᱵᱽᱠᱚ ᱩᱞᱞᱮᱠ ᱟᱠᱟᱫᱤᱭᱟ᱾ ᱡᱟᱦᱟᱸ ᱫᱚ ᱤᱫᱽ ᱩᱞ ᱟᱡᱽᱦᱟ ᱚᱠᱛᱨᱮ ᱡᱤᱵᱽ-ᱡᱤᱣᱤᱞᱤᱠᱚ ᱩᱛᱥᱚᱨᱜᱚ ᱯᱟᱨᱵᱚᱱ᱾ ᱠᱩᱨᱵᱟᱱᱤ ᱠᱟᱛᱷᱟ ᱫᱚ (קרבן) ᱦᱤᱵᱨᱩ ᱠᱳᱨᱵᱟᱱ ᱟᱨ ᱥᱤᱨᱤᱭᱟᱠ ᱯᱟᱹᱨᱥᱤ ᱥᱟᱶ ᱢᱮᱥᱟᱶ ᱠᱟᱛᱮᱜ ᱟᱨᱵᱤ ᱜᱟᱵᱟᱱ ᱫᱚ ᱡᱟᱦᱟᱸᱭᱟᱜ ᱧᱩᱛᱩᱢ ᱨᱮ ᱫᱟᱱ᱾ ᱠᱩᱨᱵᱟᱱᱤ ᱫᱚ ᱤᱥᱞᱟᱢ ᱞᱮᱠᱟᱛᱮ ᱥᱟᱹᱜᱩᱱ ᱚᱠᱛᱚᱨᱮ ᱟᱞᱞᱟᱣᱟᱜ ᱧᱩᱛᱩᱢ ᱛᱮ ᱡᱤᱵᱽ-ᱡᱤᱣᱤᱞᱤ ᱡᱟᱵᱮᱠᱚ᱾ ᱤᱥᱞᱟᱢ ᱫᱷᱚᱨᱚᱢ ᱨᱮᱱᱟᱜ ᱟᱞ-ᱠᱳᱨᱟᱱ ᱨᱮ ᱯᱮ ᱴᱷᱮᱱ ᱠᱩᱨᱵᱟᱱᱤ ᱮᱢ ᱨᱮᱱᱟᱜ ᱠᱟᱛᱷᱟ ᱢᱮᱱ ᱢᱮᱱᱟᱜ-ᱟ᱾ ᱟᱨ ᱱᱤᱭᱟᱹ ᱠᱩᱨᱵᱟᱱᱤ ᱮᱢ ᱫᱚ ᱡᱟᱵᱮ ᱠᱚ ᱢᱮᱣᱟᱜ-ᱟ᱾
ᱥᱤᱨᱡᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱤᱥᱞᱟᱢᱨᱮ ᱠᱩᱨᱵᱟᱱᱤ ᱮᱢ ᱫᱚ ᱟᱹᱰᱤ ᱥᱮᱫᱟᱭ ᱨᱮᱱᱟᱜ ᱥᱚᱸᱥᱠᱟᱨ ᱠᱟᱱᱟ᱾ ᱟᱞᱼᱠᱳᱨᱟᱱ ᱨᱮᱱᱟᱜ ᱦᱟᱵᱤᱞ ᱟᱨ ᱠᱟᱵᱤᱞ ᱨᱮ ᱩᱞᱞᱮᱠ ᱧᱟᱢ ᱟᱠᱟᱱᱟ᱾ ᱦᱟᱵᱤᱞ ᱯᱩᱭᱞᱩ ᱢᱟᱸᱱᱢᱤ ᱡᱟᱦᱟᱸ ᱫᱟ ᱯᱩᱭᱞᱩ ᱟᱞᱞᱟᱦᱚ ᱧᱩᱛᱩᱢ ᱛᱮ ᱡᱤᱵᱽ-ᱮ ᱠᱩᱨᱵᱟᱱᱤᱣᱟᱠᱟᱫᱟ᱾ ᱤᱵᱚᱱᱚ ᱠᱟᱥᱤ ᱭᱟᱜ ᱞᱮᱹᱭ ᱥᱮᱬᱟᱨᱮ ᱢᱮᱱᱟᱜᱼᱟ᱾ ᱦᱟᱵᱤᱞ ᱫᱚ ᱢᱤᱫ ᱵᱷᱤᱰᱤᱭ ᱠᱩᱨᱵᱟᱱᱤᱭ ᱟᱠᱟᱫᱤᱭᱟ, ᱟᱨ ᱠᱟᱵᱤᱞ ᱫᱚ ᱟᱭᱟᱜ ᱡᱚᱢᱤ ᱨᱮᱱᱟᱜ ᱱᱟᱥᱮ ᱡᱚ ᱫᱚᱨᱤᱵᱽ ᱮ ᱠᱩᱵᱟᱱᱤᱭᱟᱠᱟᱫᱟ᱾ ᱟᱞᱞᱟᱦᱚᱣᱟᱜ ᱥᱟᱵᱟᱫᱽ ᱛᱟᱦᱮᱸ ᱠᱟᱱᱟ ᱡᱮ ᱠᱩᱨᱵᱟᱱᱤ ᱮᱢᱟᱠᱟᱫ ᱦᱟᱛᱟᱣᱟ ᱞᱟᱹᱜᱤᱛ-ᱛᱮ ᱥᱮᱨᱢᱟ ᱠᱷᱚᱱ ᱥᱮᱝᱜᱽᱮᱞ ᱡᱟᱹᱬᱤᱜ-ᱟ᱾ ᱟᱨ ᱦᱟᱵᱤᱞᱟᱜ ᱡᱤᱵᱽ ᱠᱩᱨᱵᱟᱱᱤ ᱚᱠᱛᱨᱮ ᱥᱟᱝᱜᱮᱞ ᱡᱟᱹᱬᱤ ᱞᱮᱱᱟ ᱟᱨ ᱠᱟᱵᱤᱞᱟᱜ ᱠᱩᱵᱟᱱᱤ ᱨᱮᱫᱚ ᱶᱟᱝ᱾ ᱚᱱᱟ ᱨᱟᱝᱜᱟᱣ ᱛᱮ ᱠᱟᱵᱤᱞ ᱫᱚ ᱟᱡᱽ ᱵᱚᱭᱦᱟ ᱦᱟᱵᱤᱞᱮ ᱜᱚᱡᱽ ᱞᱮᱫᱤᱭᱟ᱾ ᱡᱟᱦᱟᱸ ᱫᱚ ᱢᱟᱸᱱᱢᱤ ᱜᱚᱡᱽ ᱨᱮᱱᱟᱜ ᱯᱩᱭᱞᱩ ᱪᱤᱱᱦᱟᱹ ᱠᱟᱱᱟ᱾ ᱟᱨ ᱦᱟᱵᱤᱞ ᱫᱚ ᱟᱭᱟᱜ ᱜᱟᱹᱞᱛᱤ ᱨᱮᱱᱟᱜ ᱤᱠᱟᱹ ᱵᱟᱝ ᱠᱚᱭ ᱠᱷᱟᱹᱛᱤᱨ ᱟᱞᱞᱟᱦᱚ ᱠᱟᱵᱤᱞ ᱫᱚ ᱵᱟᱝ-ᱮ ᱤᱠᱟᱹ ᱞᱮᱫᱤᱭᱟ᱾
ᱤᱵᱨᱟᱦᱤᱢᱟᱜ ᱵᱟᱹᱜᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱤᱥᱞᱟᱢ ᱨᱮᱱᱟᱜ ᱟᱨᱦᱚᱸ ᱠᱟᱛᱷᱟ ᱛᱟᱞᱟᱛᱮ ᱢᱮᱱᱟᱜ-ᱟ, ᱢᱚᱦᱟᱱ ᱟᱞᱞᱟᱦᱚ ᱤᱵᱨᱟᱦᱤᱢ ᱠᱩᱠᱢᱩ ᱨᱮᱭ ᱧᱮᱞ ᱚᱪᱩ ᱠᱮᱫᱤᱭᱟ ᱟᱢᱨᱮᱱ ᱡᱚᱛᱚ ᱠᱷᱚᱱ ᱫᱩᱞᱟᱹᱲ ᱡᱟᱦᱟᱱᱟᱜ ᱠᱩᱨᱵᱟᱱᱤ ᱮᱢᱚᱜ ᱦᱩᱭᱩᱜ ᱛᱟᱢᱟ᱾ ᱤᱵᱨᱟᱦᱤᱢ ᱚᱱᱟ ᱱᱤᱨᱫᱮᱥ ᱧᱟᱢ ᱠᱟᱛᱮᱜ ᱑᱐ ᱜᱚᱴᱟᱝ ᱩᱴᱮ ᱠᱩᱨᱵᱟᱱᱤ ᱞᱮᱫ ᱠᱟᱣᱟ᱾ ᱚᱱᱟ ᱛᱟᱭᱚᱢ ᱧᱤᱫᱟᱹ ᱟᱨᱦᱚᱸ ᱚᱱᱟ ᱠᱩᱠᱢᱩ ᱜᱮᱭ ᱧᱮᱞ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱑᱐᱐ ᱜᱚᱴᱟᱝ ᱩᱴᱮ ᱠᱩᱨᱵᱟᱱᱤ ᱠᱮᱫ ᱠᱚᱣᱟ᱾ ᱮᱱᱨᱮᱦᱚᱸ ᱫᱚᱲᱦᱟ ᱛᱮ ᱚᱱᱟ ᱠᱩᱠᱢᱩ ᱜᱮᱭ ᱧᱮᱞ ᱠᱟᱫᱟ᱾ ᱚᱱᱟ ᱨᱚᱭᱚᱢᱮ ᱢᱮᱱᱫᱟ ᱱᱤᱛᱚᱜ ᱤᱧ ᱨᱮᱱ ᱟᱹᱰᱤ ᱫᱩᱞᱟᱹᱲ ᱢᱟ ᱤᱧᱨᱮᱱ ᱜᱤᱫᱨᱟᱹ ᱤᱥᱴᱟᱭᱤᱞ ᱵᱮᱜᱚᱨ ᱵᱟᱹᱱᱩᱜᱠᱚ᱾ ᱚᱱᱟ ᱵᱷᱟᱹᱵᱤᱛ ᱠᱟᱛᱮᱜ ᱟᱡᱽ ᱨᱮᱱ ᱜᱤᱫᱨᱟᱹ ᱠᱩᱨᱵᱟᱱᱤ ᱞᱟᱹᱜᱤᱫᱛᱮ ᱟᱨᱯᱷᱟᱛ ᱢᱚᱭᱫᱟᱱ ᱛᱮᱭ ᱢᱚᱱᱦᱟ ᱠᱮᱫᱤᱭᱟ᱾ ᱡᱮ-ᱚᱠᱨᱮ ᱟᱡᱽ ᱨᱮᱱ ᱜᱤᱫᱨᱟᱹ ᱠᱩᱨᱵᱟᱱᱤ ᱞᱟᱹᱜᱤᱫᱛᱮ ᱪᱷᱩᱨᱤ ᱪᱚᱴᱛᱮᱭ ᱛᱩᱞᱠᱮᱫᱟ ᱦᱚᱫᱚ ᱚᱠᱛᱚᱨᱮ ᱧᱮᱞ ᱠᱮᱫᱟ ᱟᱡᱽ ᱨᱮᱱ ᱜᱤᱫᱨᱟᱹ ᱵᱟᱝ ᱠᱟᱛᱮᱜ ᱢᱤᱫ ᱡᱤᱵᱽ-ᱮ ᱠᱩᱨᱵᱟᱱᱤᱭᱟᱠᱟᱱᱟ᱾ ᱟᱨ ᱱᱤᱭᱟᱹ ᱫᱩᱞᱟᱹᱲ ᱦᱟᱢᱮᱴ ᱞᱟᱹᱜᱤᱛᱮ ᱜᱚᱴᱟ ᱵᱤᱥᱥᱚᱨᱮᱱ ᱢᱩᱥᱞᱟᱹ ᱤᱫᱽ ᱩᱞ ᱟᱡᱽᱦᱟ ᱞᱮᱠᱟᱛᱮ ᱢᱤᱫ ᱚᱠᱛᱚᱨᱮ ᱡᱤᱵᱽ-ᱠᱚ ᱠᱩᱨᱵᱟᱱᱤ ᱠᱚᱣᱟ᱾
ᱫᱷᱚᱨᱚᱢ ᱨᱮᱱᱟᱜ ᱠᱩᱨᱵᱟᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱤᱥᱞᱟᱢᱤ ᱦᱤᱡᱚᱨᱤ ᱠᱮᱞᱮᱱᱰᱟᱨ ᱞᱮᱠᱟᱛᱮ ᱑᱒ ᱪᱚᱱᱫᱨᱚ ᱢᱟᱦᱟ ᱨᱮᱱᱟᱜ ᱡᱤᱞᱦᱚᱡᱡᱚ ᱪᱟᱸᱫᱚ ᱑᱐ ᱠᱷᱚᱱ ᱑᱓ ᱛᱟᱨᱤᱠ ᱫᱷᱟᱹᱵᱤᱡᱽ ᱠᱩᱨᱵᱟᱱᱤ ᱮᱢ ᱠᱟᱛᱷᱟ ᱢᱮᱱᱟᱜ-ᱟ᱾